ئەڤرۆ نیوز:
عەبدوللا ئەحمەد جێگرێ رێڤەبەرێ گشتی یێ ساخلەمیا سلێمانیێ راگەهاند کو بەری دەمەکێ دو تووشبوویێن دی یێن کۆرۆنایێ ل سلێمانیێ جانێ خوە ژ دەست دان و گۆت: (ب گشتی ئەڤرۆ سپێدێ هەتا نها هەشت تووشبوویێن کۆرۆنایێ ل پارێزگەها سلێمانیێ جانێ خوە ژ دەست داینە).
ناڤهاتی دیار ژی کر کو دڤێت وەلاتی پتر گرنگیێ ب خوە پارێزیێ بدەن، چونکو مخابن نها رەوش ل سلێمانیێ گەلەک مەترسیدارە.
ئهڤرۆ نیوز:
لگۆری نڤیسارا ژماره 9 یا وهزارهتا دارایی كۆ ل 22/6/2020 دهركهڤتی یه و تێدا هاتیه كۆ بهری نوكه ل دهمێ نووكرنا مۆلهتا خودانكرنا كێم ئهندامان، پێدڤی بوو فهرمانبهر راپۆرتا نوژداری بۆ فهرمانگههێ ببهت، بهلێ ئهو مهرجه هاته لادان و فهرمانبهرێن مۆلهتا چاڤدێریا خودانكرنێ ههیه و مۆلهتێن وان تهمام بووینه، ئهڤه مۆلهتێن وان بۆ شهش ههیڤێن دی دهێنه درێژكرن بیێ كۆ راپۆرتێن نوژداری نوو بكهن.
وهزارهتا دارایی و ئابووری یا حكومهتا ههرێما كوردستانێ ئهو چهنده تهئكید كر كۆ داخاز نهكرنا راپۆرتا نوژداری لبهرچاڤگرتنا رێنمایێن خۆپارێزیی ژ كورونایی و كێمكرنا بهر ئیك كهتنێ.
ل سالێن بوری دا وهزارهتا دارایی و ئابووری رێنمایی دهرخست بوون، و مۆلهت دابوو ئهوان فهرمانبهرێن كێم ئهندام ل مال ههین و خو تهرخانكرنینه بۆ چاڤدێریكرنا وان ل گهل وهرگرتنا مۆلهتی موچهیێ تهمام بۆ ئهوان دهاته مهزاختن، بهلێ ئهڤ ساله بتنێ موچه یێ تهمام بو هێته مهزاختن بی دهرماله.
ئهڤرۆ نیوز:
جێگرێ رێڤهبهری گشتی یێ ساخلهمیا سلێمانیێ راگههاند پێنج توشبوویێن دی یێن ڤایرۆسێ كورونایێ گیانێ خوه ژ دهست دان.
ئهڤرۆ 27/6/2020 عهبدولا ئهحمهد جێگرێ رێڤهبهرێ ساخلهمیا سلێمانێ راگههاند ل سلێمانێ پینج توشبوویێن دی ب ڤایرۆسێ كورونایێ گیانێ خوه ژ دهست دان ههموو ژی زهلام بوون.
لگۆری دوماهی ئامارا وهزارهتا ساخهلمیا حكومهتا ههرێما كوردستانێ، تانوكه سێ هزار و 758 كهسان ژ سلیمانێ توشی ڤایرۆسێ كورونایێ بوون، ل گهل ئهڤان پینج كهسان ل سلێمانیی ئهڤه 143 كهسان گیانی خوه ژ دهست دان.
ئهڤرۆ نیوز:
لگۆری دوماهی ئامار، توشبوویێن ڤایرۆسێ كورونایێ ل سهر ئاستێ جیهانێ گههشته 9 ملیۆن و 910 هزار و 135 كهسان.
لگۆری ئهوان ئامارێن هاتینه راگههاندن، هژمارهیا توشبوویێن كورونایێ ل جیهانێ گههشته 9 ملیۆن و 910 هزار و 135 كهسان، ژ ئهڤێ ژمارهیێ ژی چار سهد و 97 هزار و ئێك كهسان گیانێ خوه ژ دهست دایه.
ل سهر ئاستێ وهلاتێن جیهانی، ئهمریكا زۆرترین رێژهیا توشبوویێن ڤایرۆسێ كورونایێ تێدا هاتیه توماركرن، گههشتیه دو ملیۆن و 552 هزار و 956 كهسان ژ ئهڤێ ژمارهیێ ژی سهد و 27 هزار و 640 كهسان گیانێ خوه ژ دهست دایه.
ڤایرۆسێ كورونایێ نهخوشیهكا كوژهكه ل ههیڤا 12 یا سالابوری ل باژیرێ ئوهان یی چینێ سهرهلدا و زیدهتری 210 وهلاتان بهلاڤ بوویه.
ئهڤرۆ نیوز:
لگۆری میدیایێن عیراقێ، مستهفا كازمی سهرۆك وهزیرێ عیراقێ ژمارهیهكا بهرپرسێن بلند ژ سهر كاری دوور خستن و كهسێن دی ل شوونا وان دانان.
دیارترین ئهو كهسێن ژ پوستا وی هاتینه دور خستن، فالح فهیاز كۆ ل پوستێ راوێژكاریا ئاسایشا نیشتمانی بوو ل شوونا وی خالد عوبهید دانا، وهزیرێ بهرێ یێ بهرهڤانیا عیراقێ بوو.
لگۆری ئهوان گوهورینان، ژبلی راوێژكارێ ئاسایشا نیشتمانی، ههر ئێك ژ رێڤهبهرێ دهستهیا خانهنشینێ و سهرۆكێ دیوانا وهقفا شیعی و رێڤهبهرێ راگههاندن و پهیوهندیكرنێ، و رێڤهبهرێ دهسهلاتا فرۆكهڤانیا مهدهنیا و رێڤهبهرێ بهنكا رهشید هاتنه گوهارتن.
ئەڤرۆ نیوز:
وەزارەتا ساخلەمیا هەرێما کوردستانێ ئاماری 24 دەمژمێڕێن بوری یێن تایبەت ب ڤایرۆسێ کۆرۆنایێ بەلاڤکرن و راگەیاند: 311 کەسێن دی تووشی ڤایرۆسێ کۆرۆنایێ بوون و 13 تووشیبوویان ژی گیانێ خوە ژ دەستداینە.
هەروەسا گۆتیە: ١٦٧٩ پشکنینێن نوو هاتینە کرن، ژ وان ژی (٧١١ ل هەولێرێ)، (٣٦٢ ل سلێمانیێ)، (٤٠١ ل دهۆكێ)، (١٤٥ ل گەرمیان)، (٦٠ ل ئیدارا راپەرین) و ٣١١ تووشبووی نوو یێن کۆرۆنایێ هاتینە تۆمار کرن، ژ وان ژی (٥٠ ل هەولێرێ)، (١٩٨ ل سلێمانیێ، ١٠ ل راپەڕین، ٤٧ ل گەرمیان) و (٦ ل پارێزگەها دهۆكێ).
ئەو ژی گۆتیە: ٥٧ کەس ل هەرێمێ باشبووینە، ژ وان ژی (٤٥ ل هەولێرێ)، (٩ ل راپەڕین، ٢ ل گەرمیان)
(١ ل هەلەبجە)، دیسان ١٣ کەسان ژی گیانێ خوە ژ دەستدایە، ژ وان ژی (١ ل هەولێرێ) و (١٢ ل سلێمانیێ).
ئەڤرۆ نیوز، زنار تۆڤی:
ئەڤە دەمێ چەندین رۆژانە هێرشێن سۆپایێ تورکیا بۆ دەڤەرێن سنۆری یێن هەرێما کوردستانێ د بەردەوامن، ناحیا کانی ماسێ ژی، ئێکە ژ دەڤەرێن سنۆری ل گەل وەلاتێ تورکیا و رۆژانە ژ ئالیێ فرۆکە و تۆپخانێن سۆپایێ تورکیا، ب بەهانەیا هەبوونا گەریلایێن پەکەکێ دهێتە بوردۆمان کرن.
ل شەڤا بوری تۆپخانا سۆپایێ تورکی سێ گولە تۆپ ل گوندێ بێدۆهێ یێ سەر ب ناحیا کانی ماسێ ڤە داینە، دیسان ژ ئەنجامێ بۆمبە بارانکرنا سۆپایێ تورکی ئاگر بەربوویه دارستانێ ل گوندێ تروانش، ل بنارا چیایێ مەتینا ل ناحیا کانی ماسێ، نوکە ژی ئاگر پێڤەیە و بیاڤەکێ بەرفرهـ یێ دارستانێ هاتیە سوتن.
ئەڤرۆ نیوز:
عەبدوللا ئەحمەد جێگرێ رێڤەبەرێ گشتی یێ ساخلەمیا سلێمانیێ راگەهاند کو ئەڤرۆ شەش تووشبوویێن دی یێن کۆرۆنایێ ل سلێمانیێ جانێ خوە ژ دەست داینە.
ناڤهاتی راگەهاند کو شەش تووشبوویێن کو جانێ خوە ژ دەست داینە چەند رۆژ بوون رەوشا وان یا ساخلەمیێ گەلەک خراب بوو و گۆت: (ژ وان شەش کەسێن کو جانێ خوە ژ دەست داینە چار زەلامن و دو ژی ئافرەتن).
ئهڤرۆ نیوز:
بریكارێ وهزارهتا ساخلهمیا عیراقێ راگههاند پهیوهندی هاتیهكرن ب كۆمپانیا ئهسترازێنیكا ب مهبهستا ئینانا ژمارهیهكا ڤاكسینێ كورونایێ بریاره ل ئهڤان نێزیكان بكهڤته بهردهست.
حازم ئهلجومهیلی بریكارێ وهزارهتا ساخلهمیا عیراقێ راگههاند: گهلهك ژ وهلاتێن جیهانێ د بزاڤا بدهستڤهئینانا ڤاكسینێ دژی كورونایێ نه كۆ پشكهكا ژ وان ل قوناغا دوماهیێ دانه و ههكه سهركهڤت ب زووترین دهم دێ كهفته بازاری، عیراقێ ژی بۆ بدهستڤهئینانا ژمارهیهكا ڤاكسینی سهركهفتی پهیوهندی ب كۆمپانیا ئهسترازێنیكا ڤه كریه.
ناڤبری ئهو چهنده ژی راگههاند ب ئهگهرێ پیدڤیهكا زۆر كۆمپانیان دهست ب بهرههمئینانا ڤاكسینێ دژی كورونایێ كریه و ل قوناغا دوماهیێ یا تاقیكرنێ دایه، ههكه سهركهفتی بوون دهملدهست ل ههموو جیهانێ بهلاڤ دبیت.
حازم ئهلجومهیلی بریكارێ وهزارهتا ساخلهمیا عیراقێ ئهو چهنده ژی دازانین عیراقێ ب رێكا نوونهرێن خو پهیوهندی ب كۆمپانیا ئهسترازێنیكا كریه تا كو ههر وهك وهلاتێن دی ژمارهیهكا ڤاكسینی دهست بكهڤیت.
كۆمپانیا ئهسترازێنیكا كۆمپانیهكا ئینگلیزی و سوێدی و فره رهگهزه، كو تایبهته ب بهرههم ئینانا دهرمان و چارهسهریێن ساخلهمیێ دایه.
ئهڤرۆ ینوز:
ئهمریكا سزایێن نوو ب سهر ئیرانێ دا سهپاندن و ئهو سزایین نوو ژی 8 كۆمپانی و ناڤهندێن ئیرانێ بخوڤه دگرن.
وهزارهتا دهرڤهیا ئهمریكا راگههاند سهپاندنا سزایێن نوو ب سهر ئیرانێ كۆ ئهو داهاتێ ژهناردهكرنا ئاسنی بدهست دكهڤیت بكار دئینیت بۆ پشتهڤانیكرنا سوپایێ پاسداران، كۆ وهك گرۆپهكێ تیرۆریستی هاتیه ناساندن، ب وی داهاتی چالاكیین تێكدهرانه ل رۆژههلاتا ناڤین و جهێن دی ل جیهانێ بكار دئینیت، لهورا وهك پشكهك ژ كهمپینا فشارێ، ئهمریكا سزا ب سهر ههشت كۆمپانی و ناڤهندێن دی یین ئیرانێ سهپاند كۆ پهیوهندی ب كهرتێ پیشهسازیێ و كانزایێن ئیرانێ ڤه ههیه.
وهزارهتا دهرڤهیا ئهمریكا دێ بهردهوام بیت ل سهر كهمپینا فشارێن خوه بۆ سهر ئیرانێ ههتا ئهوی دهمی بریارا گوهورینا رهفتارێن خو وهك وهلاتهكێ ئاسایی بدهت.
نيشاندان