ئه‌ڤرۆ نیوز:
سه‌رۆكێ هه‌رێما كوردستانێ سه‌ره‌دانا به‌غدا دكه‌ت و ل گه‌ل سه‌رۆكێ فه‌رنسا كۆم دبیت.
ئه‌ڤرۆ 2/9/2020 ئیمانوێل ماكرۆن سه‌رۆكێ فه‌ره‌نسا ب سه‌ره‌دانه‌كا فه‌رمی سه‌ره‌دانا به‌غدا دكه‌ت.
بریاره ئه‌ڤرۆ نێچیرڤان بارزانی سه‌رۆكێ هه‌رێما كوردستانی ب سه‌رۆكاتیا شانده‌كێ هه‌رێما كوردستانێ سه‌ره‌دانا به‌غدا بكه‌ت.
ئیمانوێل كارۆن رۆژه‌كێ به‌ری سه‌ره‌دانا خو بۆ به‌غدا ل به‌یرۆتێ راگه‌هاند ب هه‌ما هه‌نگی ل گه‌ل نه‌ته‌وه‌یێن ئێكگرتی ده‌ست پێشخه‌ریه‌كێ بۆ سه‌روه‌ریا عیراقێ دێ راگه‌هینین.
د ئه‌ڤێ سه‌ره‌دانا سه‌رۆكێ فه‌ره‌نسا بۆ به‌غدا دێ ل گه‌ل سه‌رۆكێ هه‌رێما كوردستانێ ژی كۆم بیت.
ئەڤرۆ نیوز:
دەمێ چەند رۆژانە دەست ب قێركرنا قاتێ سیێ یێ قێری یێ رێیا ستراتیژی یا رووڤیا بۆ گۆپال هاتیە كرن و بڕیارە ل نێزیك كار ب دووماهی بهێت.
پرۆژێ رێیا جوتسایدكرنا رێیا رووڤیا بۆ گۆپال ب رێیەكا ستراتیژی یا د ناڤبەرا دهۆك بۆ هەولێر دهێتە دانان ل 25/9/2018 بەری بنیاتی بۆ هاتبوو دانان كو 22 كم رێیێ بوون ل گەل 16 كم رێیا شوونگر و ل دووماهیا سالا 2019 ب قێركرنا دو قاتێن قێری ل هەمبەر شوفێران هاتبوو ڤەكرن.
ئەندازیار ئاراس جەمال سەرپەرشتیارێ رێیا رووڤیا بۆ گۆپال ژ كۆمپانیا كاڤین گرۆپ بۆ ئەڤرۆ نیوز دیار كر” ئەڤە چەند رۆژە وان دەست ب قێركرنا قاتێ سیێ و دووماهیێ یێ رێیا رووڤیا بۆ گۆپال كریە و بڕیارە د ماوێ دو هەیڤان دا ب ئێكجاری كارێ قێركرنا قاتێ سیێ ب دووماهی بهێت و كەمپا خوە یا كاركرنێ ژ رووڤیا ڤەكێشین، ژ بەر كو ب ئێكجاری دێ كار ب دووماهی هێت.
ئەندازیار ئاراس جەمال گۆت” 85 هزار تەنێن قێرێ دێ ل قاتێ سیێ هێنە بكارئینان، مە پێنج هزار تەنەك یێن ل قاتێ سیێ بكارئیناین و كار یێ بەردەوامە و بڕیارە بەری 1/11/2020 ب تەمامی كار ب دووماهی بهێت.
ئەندازیار ئاراس هەروەسا بۆ ئەڤرۆ دیار كر كو وان باشترین جورێ قێرێ بۆ قاتێ سیێ یێ ڤێ رێیێ بكارئینایە كو ژ ئالیێ وەزارەتا باژێرڤانیێ و ئاڤەدانكرنێ ڤە یێ پەسەندە، جورەكێ قێری یە دبێژنێ پولیمەر كو بەرگریا گەرمێ و سەرمایێ دكەت.
ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ ئامارا ٢٤ دەمژمێرێن بۆری راگەهاند کو تێدا دیار دبیت د ماوەیێ ٢٤ دەمژمێرێن بۆری دا ٥٩٥ کەسێن دی تووشی ڤایرۆسێ کۆرۆنایێ بووینە و هەروەسا ٢٤ تووشبوو ژی مرینە.
ل گۆر ئامارا وەزارەتا ساخلەمیێ ل هەموو هەرێما کوردستانێ ٤٧١ کەس ژی ب تەمامی باش بووینە.
ل دهۆکێ ژی ٢٣١ کەسێن دی تووشی ڤایرۆسێ کۆرۆنایێ بووینە و ٥ تووشبوو ژی مرینە، هەروەسا ل دهۆکێ ١٠٩ تووشبوو ژی ب تەمامی باش بووینە.
ئەڤرۆ نیوز:
وەزیرێ دەرڤە یێ روسیا راگەهاند کو پێدڤیە ئەمریکا و ئیران پێکڤە دەست ب دانوستاندنان بکەن و ئاریشێن د ناڤبەرا خوە دا چارەسەر بکەن، ژ بەر هندێ ژی روسیا بەرهەڤە هاریکاریا هەر دو ئالیان بکەت دا زەمینە بۆ دانوستاندنان یا گونجای بیت.
سیرگێی لاڤرۆڤ ئەو یەک ژی دیار کر کو روسیا بەرهەڤە وەکو ناڤبژیڤان بۆ چارەسەرکرنا ئاریشێن د ناڤبەرا ئیرانێ و ئەمریکا دا یا پێدڤی بکەت.
ئەڤرۆ نیوز، عەلی حاجی :
د كونگرەیەكێ روژنامەڤانی دا وەزیرا كار و كاروبارێن كومەلایەتی یا حكومەتا هەرێما كوردستانێ دیار كر مەرەم ژ سەرەدانا وێ بۆ پارێزگەها دهوكێ ئەو بوو ژ نێزیك ڤە چاڤ خشاندنەكێ د لیستا زان كەسان دا بكەت یێ كو د دەمەكێ نێزیك دا هاریكاریێن ماددی ژ حكومەتێ وەربگریت .
زێدەتر كوێستان محەمەد گۆت: (سەرەدانا وێ بۆ پارێزگەها دهوكێ دەستپێكێ بۆ باژێرێ زاخۆ كو چەند خولەك هات بوونە ڤەكرن و هەر دیسان نە ژ نێزیك ڤە ژی سەحكرە هولان ژبەر كو د دەمەكێ نێزیك دا رێكخراوەكا ئەمریكی دێ چەند خولەكێن فیركرنێ یێ جودا ل كوردستانێ ڤەكەت و هەر دیسان مە سەرەدانا رێڤەبەریا چاڤدێری و گەشەپێدانا جڤاكی ل زاخۆ كر دا كو ژ نێزیك ڤە ئاگەهدار بین ل سەر وێ لیستا هاتیە تومار كرن بۆ وان خێزانێن كێم دەرامەت ژبۆ وەرگرتنا 100 هزار دیناران بۆ هەر خێزانەكێ ژلایێ حكومەتا هەرێما كوردستانێ ڤە كو ئەوا بریارە د دەمەكێ نێزیك دا ئەو هاریكاری ل سەرانسەری كوردستانێ بهێنە بەلاڤ كرن كو خوەش بەختانە پارێزگەها دهوكێ ئێكەم پارێزگەهە لیستا ناڤان ب دوماهی ئینایی كو ل سەرانسەری كوردستانێ دێ 140 خێزان سودمەند بن ژ وی هاریكاریێ) .
ناڤهاتیێ گۆت ژی: ب دیتنا من ل 15/9/2020 دێ دەست ب بەلاڤ كرنا وی كوژمێ پارەیی كەین، هەر دیسان دێ كار بۆ دانانا پلانەكێ كەین پشتی دو هەیڤێن دیتر دێ پشكەكا ئازوقەیی ب سەر خێزانێن كێم دەرامەت دا هێتە بەلاڤ كرن ب رەنگەكێ بۆ هەر خێزانەكا كێم دەرامەت دێ 50 كێلویێن برنجی و 7 لترێن زەیتێ بیت كو 321 هزار خێزان دێ سود مەند بن و هەر دیسان مە سەرەدانا باژێرێ دهوكێ ژی كر ل دور وێ یەكێ كو ئەو خولێن هاتینە ڤەكرن چەند شیاینە ببیتە جهێ مفایی و د ئایندەیی دا چو خول بهێنە ڤە كرن .
ئەو یەک ژی دیار کر دگەل وەزارەتا پلاندانێ مە سیستەمێ چاڤدێریا خێزانێ ب هاریكاریا چەند رێكخراوەكێن جیهانی ب دوماهی ئینایە و رەوانەی ئەنجومەنێ وەزیران هاتیە كرن و هیڤیدارین د دەمەكێ نێزیك دا ئاورەك ل وی سیستەمی بهێتە كرن دا كو ئەم بشێن لیستەكا پاكژ و دویر ژ هەر تشتەكێ دروست بكەین دا كو هەر هاریكاریەكا هەبیت بگەهیتە دەستێ وان خێزانێن كێم دەرامەت و ب هەڤكاری دگەل وەزارەتا نافخۆ دێ پلانەك هێتە دانان بۆ دەستەبەركرنا مافێن زێدەترێ كرێكارێن نافخو و دێ رێكخستنەك ژی بۆ كرێكارێن بیانی هێتە كرن.
ئەڤرۆ نیوز:
وەزارەتا ساخلەمیێ یا هەرێما کوردستانێ ئامارا ٢٤ دەمژمێرێن بۆری یا کۆرۆنایێ راگەهاند کو دیار دبیت د ماوەیێ ٢٤ دەمژمێرێن بۆری ٥٩١ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و هەروەسا ٢٥ تووشبوو ژی مرینە.
ل گۆر ئامارا وەزارەتا ساخلەمیێ ل هەرێما کوردستانێ ٣٧٠ تووشبوو ژی ب تەمامی باش بووینە.
ل پارێزگەها دهۆکێ ژی د ماوەیێ ٢٤ دەمژمێرێن بۆری دا ٢٤١ کەسێن دی تووشی ڤایرۆسێ کۆرۆنایێ بووینە و هەروەسا سێ تووشبوو ژی مرینە.
ئەڤرۆ نیوز:
دادگەها رەسافە ل بەغدا فەرمانا دەستەسەرکرنێ بۆ جەمال کەربولی سەرۆکێ پارتا حەل یا عیراقی دەرکر.
دادگەهێ دیار کریە کو کەنالێ دیجلە یا کو سەر ب سەرۆکێ حزبا حەل یا عیراقی یە ل رۆژا عاشورا ستران و بەرنامێ شادی و کەیفخوەشیێ بەلاڤکریە، دادگەهێ دیار کریە کو ئەو یەک بێ رێزیە ب ئایینێ ئیسلامێ و دڤێت جەمال کەربولی بهێتە دەستەسەر کرن.
ئه‌ڤرۆ نیوز:
گه‌شتا ئێكێ یا ئاسمانی یا بازرگانی راسته‌وخو ژ ئیسرائیلێ بۆ ئیماراتێ هاته بجهكرن، شانده‌كێ ئه‌مریكی كۆ زاڤایێ تره‌مپی تێدا بوو ل گه‌ل بازرگانێن ئیسرائیلیان.
ئه‌ڤرۆ دو شه‌مبێ فرۆكه‌یا ئێكێ یا بازرگانیێ ژ ئیسرائیلێ ژ فرۆكخانه‌یا بین گوریه‌ن ته‌لئه‌بیبێ به‌ره‌ڤ فرۆكخانه‌یا ئه‌بو زه‌بی ل ئیماراتێ گه‌شت كر.
لگۆری زانیاریان، فرۆكه ژ جورێ (Flight 971) سه‌ر ب كۆمپانیا هێلا ئاسمانیا (El Al )، شانده‌كێ هه‌ڤبه‌شێ ئیسرائیلی و ئه‌مریكی دناڤا ئه‌وێ فرۆكه‌یێ دا بوون، جێرد كوشنه‌ر زاڤا و راوێژكارێ بلندێ كوچكا سپی سه‌رۆكاتیا ئه‌وی شاندێ هه‌ڤپشك كریه.
ئارمانج ژ ئه‌وێ گه‌شتێ هه‌لگرتنا پێنگاڤا كرداریه بۆ ئاسایكرنا په‌یوه‌ندیێن دناڤبه‌را ئیسرائیلێ و ئیماراتێ كۆ به‌ریا دو هه‌فتیان هاتبوو راگه‌هاندن.
ئه‌ڤرۆ نیوز:
وه‌زیری به‌ره‌ڤانیا فه‌ره‌نسا دیاركر تا ئه‌وی ده‌مێ توركیا ده‌ستا ژ سیاسه‌تا ئالوزكرنا ره‌وشا ده‌ڤه‌رێ به‌رنه‌ده‌‌ت چ ده‌لیڤه‌یێن دانوستاندنێ نابن.
فلورانس بارلی وه‌زیرێ به‌ره‌ڤانیا فه‌ره‌نسا راگه‌هاند توركیا ئه‌گه‌رێ سه‌ره‌كیی ئالوزكرنا ره‌وشا ده‌ریا ناڤه‌راسته و ب ئه‌گه‌رێ بزاڤێن بۆ ریپیڤكرن و لێگه‌ریانێ دووڤ پترۆل و غازا سروشتی ل ده‌ڤه‌رێ.
ناڤبری ئه‌و چه‌نده ژی راگه‌هاند توركیا ب هنارتنا كه‌شتی یێن ریپیڤكرنێ بۆ رۆژهه‌لاتا ده‌ریا ناڤه‌راست سه‌روه‌ریا هه‌ردو وه‌لاتێن یونانێ و قوبرسێ بن پێ كریه، كۆ دو وه‌لاتن ئه‌ندامێن ئێكه‌تیا ئه‌ورۆپانه، به‌لێ دبیت ده‌رئه‌نجامێن ئه‌وان كاران ب دروستكرنا مه‌ترسیێ بۆ سه‌ر توركیا ب دوماهی بێت.
به‌ریا چه‌نده‌كێ ئیمانوێل ماكرون سه‌رۆكێ فه‌ره‌نسا راگه‌هاند هێلێن سور بۆ توركیا دارێشتینه ل رۆژهه‌لاتا ناڤین، به‌زاندنا ئه‌وان هێلێن سور دێ فه‌ره‌نسا هه‌لویسته‌كێ ئیكلایكه‌ر هه‌بیت.
نيشاندان