ئەڤرۆ نیوز:
جڤاتا وەزیران ژ بۆ رێگریکرن ژ بەلاڤبوونا ڤایرۆسێ کۆرۆنا بریار دا کو ژ رۆژا ١١/٣/٢٠٢٠ هەتا ٢٦/٣/٢٠٢٠ ل هەموو دەم و دەزگەهێن حوکمەتێ ببیتە بێهنڤەدانا فەرمی.
حوکمەتا هەرێمێ رۆژێن بێهنڤەدانێ دیار کرن
نووترين نووچه
- ئەمریکا داخوازەکێ ژ هەر دو هێزێن کوردی دکەت
- وەزارەتا دارایی بەرسڤا سەردابرنێن پەرلەمانتارەكێ ئێكەتیێ ل دۆر لیستا مووچەی ددەت
- رێباز حەملان: مە پەیاما سەرۆكێ حوكمەتا هەرێمێ ل دۆر مووچەیێ فەرمانبەرێن هەرێمێ گەهاندە سۆدانی
- پێشبینییا چەندین سیناریۆیان ل رۆژهەلاتا ناڤین دهێتە كرن كو ئیراقێ ژی دێ ڤەگرن
- نێچیرڤان بارزانی خواستا هەرێما كوردستانێ بۆ پێشڤەبرنا پەیوەندیان ل گەل هندستانێ دوپاتكر
- ل ئەینییا بهێت شاندێ هەڤپشكێ وەزارەتا داراییا ئیراقێ و هەرێمێ دێ كۆمبن
- ل ئیراقێ فیدرالی نەهاتییە بجهئینان
- فەوزی هەریری: تێكگەهشتنەكا باش بۆ پێكئینانا كابینەیا دەهێ هەیە
- ئەڤرۆ شاندێ تەكنیكیێ پارتی و ئێكەتی ل دۆر پێكئینانا كابینەیا نوو یا حوكمەتێ دێ كۆمبن
- دێ ل گەل ئەنەکەسێ دەست ب دانوستاندنان کەین
سهرهكى نوچێن گرنگ
ئەنەکەسە بەرسڤا بەشار ئەسەدی ددەت
ئەڤرۆ نیوز:
پشتی کو سەرۆکێ رژێما سووریێ راگەهاند کو کورد ل سووریێ مێهڤانن و چو پرسا کوردی ل سووریێ نینە، ئەنجوومەنێ نشتیمانی یێ کوردی ل سووریێ ب توندی بەرسڤا بەشاری دا و راگەهاند کو بەری دەولەتا سووریێ بهێتە ئاڤا کرن کورد ل سووریێ و رۆژئاڤایێ کوردستانێ هەبوون و ل سەر ئاخا خوە دژیان و نها ژی کورد ل سەر ئاخا خوە دژین.
ئەنجوومەنێ نشتیمانی یێ کوردی ل سووریێ دیار ژی دکەت کو پرسا کوردی ل سووریێ پرسەکا نەتەویە و هەتا پرسا کوردی نەهێتە چارەسەرکرن قەیرانا ل سووریێ ژی دێ یا بەردەوام بیت.
ئاسایشی ده‌ست به‌سه‌ر ده‌رمان و ئاژه‌ڵی قاچاخ ده‌گیرێت له ئێرانه‌وه هاورده‌كراوه
ئه‌ڤرۆ نیۆز، عه‌زیز هه‌ورامی:
حكوومه‌تی هه‌رێمی كوردستان ڕێوشێنه‌كانی ڕێگاقاچاخچییه‌كانی توندكردووه بۆ ئه‌وه‌ی هیچ كاڵایه‌كی قاچاخ نه‌هێندرێته هه‌رێمی كوردستان له ڕوی ئێرانه‌وه،ئاسایشی شاره‌زوور له پارێزگای هه‌ڵه‌بجه له ڕونكردنه‌وه‌یه‌كدا ده‌ست به‌سه‌رداگرتنی ئاژه‌ڵ و ده‌رمانی زه‌راعی قاچاخ ڕاگه‌یاند.
له ڕونكردنه‌وه‌یكدا ئاسایشی شاره‌زوور بڵاوی كردووه‌ته‌وه كۆپێكی بۆ ئه‌ڤرۆ نیۆز نێردراوه تێداهاتووه، بۆ پاراستنی سنوره‌كان و ڕوبه‌ڕوبونه‌وه‌ی هه‌ر ئه‌گه‌رێك كه مه‌ترسی بڵاو بونه‌وه‌ی په‌تایی كۆرۆنایی لێبكه‌وێته‌وه یان دزه كردنی هه‌ر هاوڵاتیه‌ك كه بیه‌وێت به‌قاچاخ یان كه‌ل و په‌لی قاچاخ به‌ده‌ر له ڕینمایه ته‌ندروستیه‌كان بهێنێته ناو هه‌رێمی كوردستان، بۆ ئه‌و مه‌به‌سته له چه‌ند هه‌ڵمه‌تێكی چڕدا هێزه‌كانی ئاسایش، ده‌ست به‌سه‌ر ده‌رمانی زه‌راعی و ته‌ندروستی و ئاژه‌ڵ كه‌ویستراوه به قاچاخ بهێندرێنه ناوخاكی كوردستان له دیوی ئێرانه‌وه.
هه‌روه‌ها به‌ڕێوه‌به‌رایه‌تی گشتی ئاسایشی شاره‌زوور، له ڕونكردنه‌وه‌كه‌یداهاتوه، چوار بار ده‌رمانی ته‌ندروستی كه پێك هاتوون له نۆ جۆر كه هه‌ر جۆره‌ی به‌بڕی جیاوازه، چل و دوو كارتۆن ده‌رمانی زراعی جۆراو جۆر،ده مه‌زاخه‌ی ڕشتنی ده‌رمان ، په‌ننجاو یه‌ك سه‌ر ئاژه‌ڵ له جۆری مه‌ڕ و بزن، ناردنی نزیكه‌ی 140 هاوڵاتی بۆ كه‌ره‌نتینه‌كان كه به ڕێگه‌ی قاچاخ هاتونه‌ته‌وه هه‌رێمی كوردستان.
ئاماژه‌ش به‌وه‌دراوه، به‌فه‌رمانی به‌ریز دادوه‌ری لێكۆڵینه‌وه‌ی ئاسایشی شاره‌زوور دۆسییه‌ی لێكۆلینه‌وه كراوه‌ته‌وه و هێزه‌كانمان به‌رده‌وامن له لێكۆڵینه‌وه.
رێڤەبرنا مامەلەیان ل دادگەهێ هاتنە راگرتن
ئەڤرۆ نیوز، زنار زوبێر:
جڤاتا دادوەری ل هەرێما کورستانێ بریار دا هەموو جورێن مامەلەیان ل دادگەهێن هەرێمێ بهێنە راگرتن هەتا ۱/٤/۲۰۲۰ پشتی بەلاڤ بوونا ڤایروسێ کورنایێ .
ئەڤ بریارا هژمارە ۱۳ ئەوا رۆژا ٨ ئادارێ ژلایێ بەنگین قاسم سەروکێ جڤاتا دادوەری ڤە هاتیە ئیمزاکرن و تێدا ئاماژە دایە راگرتنا سەرجەم مامەلێن هاولاتیان ل دادگەهێ تنێ دێ سکالا هێنە برێڤەبرن دیسان ئەو مامەلەیێن گرێدای بەرزەبوونێ ژی (مفقودات) داخواز ژ دادگەها ڤەکولینێ کریە رابگرن هەتا ۱ هەیڤا بهێت داکو قەرەبالغیا لسەر دادگەهێ کێم بیت و خوە پاراستن ژ ڤایروسێ کورونا.
ئەڤرۆ دادگەھا فیدڕال دێ پرسا ئەنجوومەنێن پارێزگەھان ئێکلاکەت
ئەڤرۆ نیۆز، قائید میرۆ:
پشتی کو پەرلەمانێ عێراقێ بڕیارا ھەلوەشاندنا ئەنجوومەنێن پارێزگەھان دەرکری بڕیارە ئەڤرۆ دادگەھا بلندا فیدڕالی بڕیارا دوماھیێ لدۆر ئەنجوومەنێن پارێزگەھێن عێراقێ بدەت.
خالیدە خەلیل، پەرلەمانتارا فڕاکسیۆنا پارتی لپەرلەمانێ عێراقێ بۆ ئەڤرۆ نیۆز دیارکر ” راستە بەری نوکە پەرلەمانێ عێراقێ بڕیاردایە کارێن ئەنجوومەنێن پارێزگەھان بھێنە راگرتن ل عێراقێ، بەلێ نوکە ئەو پرس ل دادگەھا فیدڕالە و بڕیارە ئەڤرۆ دادگەھا بلندا فیدڕالی ئێکلا بکەت و دێ بڕیارا خوە بدەت.
پەرلەمانتارا کورد گۆتژی” گورەی مادێ ٩٤ یێ دستوورێ عێراقێ ھەر بڕیارەکا ژلایێ دادگەھا فیدڕال بھێتە دەرکرن دێ ھێتە بجە ئینان، واتە ئەگەر بھێت و دادگەھا فیدڕال بڕیارێ بدەت ئەنجوومەنێن پارێزگەھان بمینن دێ بەردەوامبن لسەر ئەرکێ خوە ل عێراقێ.
خالیدە خەلیل ئاماژەکر” بدیتنامە ھەبوونا ئەنجوومەنێن پارێزگەھان پێدڤینە بۆ عێراقێ بتایبەتی بۆ ھندەک پارێزگەھێن وەکی نەینەوا، چونکە ھاریکاربووینە بۆ رێڤەبرنا کارێن حوکمەتێ.
وه‌زاره‌تا كاره‌بێ دێ به‌رێ بنیاتی بۆ دو پرۆژان دانیت
ئه‌ڤرۆ نیوز:
وه‌زاره‌تا كاره‌با حكومه‌تا هه‌رێما كوردستانێ د راگه‌هاندنه‌كێ دا كۆ ئاماژه ب وێ چه‌ندێ هاتیه‌كرن ل بن چاڤدێریا سه‌رۆكێ حكومه‌تا هه‌ریما كوردستانێ به‌رێ بنیاتی بۆ دو پرۆژه‌یێن به‌رهه‌مئینان و ڤه‌گۆهاستنا كاره‌بێ هێنه‌دانان.
ئه‌ڤرۆ وه‌زاره‌تا كاره‌بێ د راگه‌هاندنه‌كێ دا د په‌یجێ فه‌رمیێ خۆدا ل تورا جڤاكی فیسبوكی به‌لاڤكریه، رۆژا سێ شه‌مبێ ل بن چاڤدێریا مه‌سرور بارزانی سه‌رۆكێ حكومه‌تا هه‌رێما كوردستانێ به‌رێ بنیاتی بۆ دو پرۆژه‌یێن بیاڤێ به‌رهه‌مئینان و ڤه‌گۆهاستنا كاره‌بی دا هێنه‌دانان، ده‌ستپێكێ، ئیسگه‌هێ 132 كه‌یڤی یێ سوران ل سه‌ر ریكا سوران ره‌واندز یێ دوێ به‌رێ بنیاتی بۆ پرۆژه‌یێ هێلا 132 كه‌یڤی و گوهورینا تێلێن ناڤبه‌را شه‌قلاوا و سوران و به‌رفه‌رهكرنا ئیسگه‌هێ سوران ب بهایێ شه‌ش ملیۆن و 700 هه‌زار و 50 دۆلاران هێته بجهكرن.
هه‌ر د رۆژا سێ شه‌مبی دا به‌ری بنیاتی بۆ پرۆژه‌یێ وه‌به‌رهێنانێ بۆ به‌رهه‌مئینانا 100 مێگاواتین كاره‌بێ ژ ئاڤێ(HIDRO +) ب شیوه‌یێ وه‌به‌رهێنان ژلایێ هه‌ردو كۆمپانیین ئاریان ئینده‌ستریت – ئوسترالی و strog oil ب بهایێ 250ه ملیۆن دۆلاران هێته بجهكرن.
وه‌زاره‌تا ناڤخۆیا هه‌رێمێ هاتنوچونا ئاواران راوه‌ستاند
ئه‌ڤرۆ نیوز:
وه‌زاره‌تا ناڤخویا حكومه‌تا هه‌رێما كوردستانێ د نفیساره‌كێ دا كۆ ئاراسته‌ی پارێزگه‌هان و ئیداره‌یا گه‌رمیان و راپه‌رین كریه كو داخازا كارێن پێدڤی بهێنه ئه‌نجام دان ژبوی راوه‌ستاندنا هاتنو چونا ئاواره و په‌نابه‌رێن ل هه‌رێما كوردستانێ بۆ ده‌رڤه‌ی هه‌رێمێ ڤه‌گه‌ریانا وان.
دنفیسارا وه‌زاره‌تا نافخویا حكومه‌تا هه‌رێما كوردستانێ كۆ ب ژماره 35 یا 8/3/2020 ده‌ركه‌تیه و تێدا هاتیه كاری پێدڤی بهێته ئه‌نجامدان ژبوی راوه‌ستاندنا هاتنوچونا ئاواره و په‌نابه‌رێن ده‌رڤه و ناڤخویا كه‌مپان بۆ ده‌رڤه‌ی توخیبێ هه‌رێما كوردستانێ و هاتنا وان بۆ هه‌رێمێ بجهكرنا ته‌ڤایا رێكارین خۆ پاراستنێ ل سه‌ر وان كه‌سان.
لگۆری نفیسارێ مه‌به‌ست ژ بریارێ خۆپارێزی ژ به‌لاڤبوونا ڤایرۆسێ كورونایێ و پشتگیریكرن دپێخه‌مه‌تا پاراستن و سلامه‌تی و ساخله‌میا ئاواره و په‌نابه‌رانه و وه‌لاتێن هه‌رێما كوردستانێ یه.
دنفیسارێ دا ئاماژه ب وێ چه‌ندێ هاتیه دان كۆ ئه‌ڤ فه‌رمانه بهێته بجهكرن و هه‌تا كۆ ب شیوه‌یه‌كێ فه‌رمی هه‌وه ئاگه‌هدار دكه‌ین.
سێ حاله‌تێن دیتر یێن كۆرۆنا ل هه‌رێما كوردستانێ هاتنە تۆمار كرن
ئەڤرۆ نیوز:
وه‌زاره‌تا ساخلەمیا هه‌رێما كوردستانێ به‌یاننامه‌کا دیتر دەر‌باره‌ی ڤایرۆسێ كۆرۆنا بەلاڤ كریه و هەبوونا سێ حاله‌تێن دیتر ل هه‌رێما كوردستانێ راگه‌هاند.
ئه‌ڤ شەڤە 8 ئادارا 2020، وه‌زاره‌تا ساخلەمیا حوکمه‌تا هه‌رێما كوردستانێ راگه‌هاند، هژمارا وان وەلاتیێن ل 31 جهێن جۆدا نوکە ل گە‌ره‌نتیێ نە هزار و 128 وەلاتینە و هزار و 790 وەلاتی ده‌رچووینە.
گۆتیه ژی د دەمێ 24 دەمژمێرێن بوری دا پشكنین بۆ 56 گومانلێكریان هاتیە كرن ل هه‌ولێرێ، 37 گومانلێكری ل سلێمانیێ 18 و ل دهۆكێ ژی ئێك، دناڤا وان دا سێ كه‌س ئه‌نجامیێ پشكنینا وان پۆزه‌تیڤ بوویه و هه‌ڵگرێ ڤایرۆسیێ كۆرۆنا یێ نە، ئێک ژ وان ژنەکە د ژیێ 52 سالیێ دایه و دوهی ژ ئیرانێ هاتیه و ئاکنجیا هه‌ولێرێ یه و خوشکا تووشبوویێ دوهی یە، و دوو تووشبوویێن دیتر زەلامن و ئێک به‌ركه‌فتیێ وی مه‌لای بوویە یێ كو گیانێ خوە ژ ده‌ست دای.
ساخلەمیا سلێمانیێ چاکبوونا کەسەکێ ژ توشبوویێن کۆرۆنا یێ راگەهاند
ئەڤرۆ نیوز:
رێڤەبەرێ ساخلەمیا سلێمانیێ راگەهاند، کەسەک ژ توشبوویێن کۆرۆنایێ ل سلێمانیێ چێبوویە و د دەمێ چەند دەمژمێر یان رۆژێن داهاتی دا دێ نەخۆشخانێ بجهـ هێلیت.
سەباح هەورامی رێڤەبەرێ ساخلەمیا سلێمانیێ، د پرێس کۆنفرانسەکێ دا دیار کر، ئێک ژ توشبوویان ل نەخۆشخانێ چێبوویە و پشکنینا دویێ بۆ هاتیە ئەنجامدان کو نێگەتیڤ دەرچوویە، د چەند دەمژمێر یان ڕۆژێن داهاتی دا دێ ژ ناخۆشخانێ دەرکەڤیت و چیتە مالا خوە.
وەزیرێ ناڤخوە یێ هەرێمێ: سوبەهی دێ بریارێ دەربارەی بهێنڤەدانا دەواما فەرمانبەران دەین
ئەڤرۆ نیوز:
وەزیرێ ناڤخوە یێ حوکمەتا هەرێما کوردستانێ راگەهاند، سوبەهی دوشەمبیێ دێ دەربارەی بهێنڤەدانا دەواما فەرمانبەران بڕیارێ دەین.
رێبەر ئەحمەد، وەزیرێ ناڤخوە یێ هەرێما کوردستانێ د کۆنفرانسەکێ رۆژنامەڤانی دا راگەهاند، بەردەوامن ل سەر گرتنەبەرا رێکارێن رێگرتنێ ژ بەلاڤبوونا کۆرۆنا یێ، سوبەهی ژی دێ لژنا روو ب رووبوونا کۆرۆنا یێ کۆمبیت و دێ دەربارەی بهێنڤەدان یان کێمکرنا دەمژمێرێن دەوامێ بڕیارێ دەن.
دەربارەی وان وەلاتیێن ب رێکێن قەچاغ ژ ئیرانێ هاتین، ناڤهاتی راگەهاند، هژمارەکا زێدە یا وان ب رێیا باژێرێن ناڤەراست و ژێریا عیراقێ هاتینە هەرێمێ، بەشەکێ دی ژی خوە رادەستکرینە و هندەک ژی ژ ئالیێ هێزێن ئێمناهیێ و تیمێن ساخلەمیێ ڤە هاتینە دیتن و هاتینە کەرەنتیکرن.
نيشاندان
WP Facebook Auto Publish Powered By : XYZScripts.com