ئەڤرۆ نیوز:
وەزارەتا ساخلەمیا هەرێمێ تۆمار كرنا سێ حالەتێن نوو یێن تۆشبوونێ ب ڤایرۆسێ كۆرۆنا یێ ل هەولێرێ راگەهاندن.
وەزارەتا ساخلەمیا هەرێما کوردستانی دراگەهاندنەكێ دا دیار كر، ئەڤرۆ سپێدێ سێ حالەتێن نوو یێن تۆشبوون ب كۆرۆنا ل هەولێرێ هاتینە دەست نیشانكرن، كو ئێك ژوان ژنەكا 32 سالیە و هەردو یێن دیتر ژی زەلامن و ژیێ وان 32 و 35 سالن، و هەرسێ تۆشبوویی ژی كەسوكارێن وی وەلاتی نە ئەوێ دوهی چارشەمبی ل هەولێرێ هاتیە دیار كرن.
ئه‌ڤرۆ نیوز:
ئه‌ڤرۆ 30 توشبوویێن نوو ب ڤایرۆسێ كورونایێ ل عیراقی هاتنه توماركرن و دو ژ توشبوویێن ڤایرۆسی كورونایێ مرینه.
وه‌زاره‌تا ساخله‌مێ و ژینگه‌ها عیراقێ راگه‌هاند: ئه‌ڤرۆ دو توشبوویێن ب ڤایرۆسێ كورونایێ مرینه و هه‌ر ئێك ژ وان ل باژێرێ بابل و كه‌ركوكێ بوون.
وه‌زاره‌تا ساخله‌میێ ئه‌و چه‌نده ژی دیاركر شه‌ش ژ توشبوویێن نوو ل ده‌ڤه‌را ره‌سافه‌یا به‌غدا بوو، سێ یێن دی ژی ل باژێر نوژداری یێ به‌غدا بوون سێ كه‌سێن دی ژی هه‌ر ئێك ل باژێرێ به‌سره و كه‌ركوكێ و دیوانیی بوون، چارێن دی ل باژێرێ كه‌ربه‌لا و چار ژی ل نه‌جه‌ف و ئێك ل هه‌ولێری و دو ژی ل موسه‌نایێ توشبوون، شه‌ش توشبووێن نوو ل سلێمانێ هاتینه توماركرن.
جهێ گۆتنێ یه هه‌ر ئه‌ڤرۆ 14 كه‌س ئه‌وێ توشبوویێن ڤایرۆسێ كورونایێ ب بوون ل عیراقێ ساخ بووینه.
ئەڤرۆ نیوز:
وه‌زیرێ ساخلەمیا هەرێمێ راگه‌هاند، هژمارا تووشبوویێن ده‌ربه‌ندیخان به‌راورد ب دەڤەرێن دیتر زێدەتره.
ئەڤرۆ چارشەمبی ل سه‌ر راسپاردەیا مەسرور بارزانی سەرۆکێ حوکمەتا هەرێما کوردستانێ بۆ گرنگیدان و دووڤچوونا رێکاران، د. سامان بەرزنجی وەزیرێ ساخلەمیێ، گەهشتە قەزا دەربەندیخان و ل گەل بەرپرسێن وێ قەزایێ كۆمبوو.
د. سامان بەرزنجی راگه‌هاند: ئەم د قۆناغا چاره‌سه‌ریێ و كۆنترۆلكرنێ داینە بۆ هندێ داکو ئەڤ ڤایرۆسه ژ ده‌ست ده‌رنه‌چیت و بەربەلاڤ نه‌بیت و دخوازین وەلاتی پابه‌ندی رێكاران بن و نه‌هێنه ژ ده‌رڤه.
ئەڤرۆ نیوز:
وەزارەتا ناڤخوە یا هەرێما کوردستانی راگەهاند، ئەو هێزێن نوکە د ئەرکی دا، هەتا ب فەرمی ژ ئالیێ وەزارەتێ ڤە نەهێنە ئاگەهدارکرن دێ د ئەرکێ خوە دا مینن و ناهێنە ئالوگور کرن.
ئەڤرۆ چارشەمبی 25.3.2020 د نڤیسارەکێ دا، کو ئیمزایا رێبەر ئەحمەد وەزیرێ ناڤخوە یێ هەرێمێ ل سەرە، تێدا هاتیە،کو ئەو هێزێن نوکە د ئەرکی دا ل گەل ئەوێن د بێنڤەدانێ ناهێنە گوهارتن، کو پێک دهێن ژ هێزێن ئاسایشا ناڤخوە، بەرەڤانی و هەوەرهاتنێ، زێرەڤانی، ئاسایش، پێشمەرگێن یەکێن ۷۰ و ٨۰ دێ د ئەرکێ خوە دا مینن، هەتا ب فەرمی ژ ئالیێ وەزارەتا ناڤخوە دهێنە ئاگەهدارکرن.
هەروەسا گۆتیە، پشتی ژ ڤێ رەوشێ دەرباز دبین، وی دەمێ ئەو د ئەرکی دا ماین، دی بۆ وان ب مولەت هێتە قەرەبووکرن.
ئەڤرۆ نیوز:
بەرپرسێ لقێ ئێک یێ پارتی ل دهۆکێ دیار دکەت کو ئەو وەکو لقێ ئێک ب هەموو شیانێن خوە دێ هاریکاریا هەوا بەرهنگاربوونا ڤایرۆسێ کۆرۆنا کەن و ئەڤە ژی دەقێ پەیامێ یە.
خەلکێ دھوکا خوشتڤی و خوەڕاگر
نوژدار و پەرستیار و کارمەندێن ساخلەمی ئەفسەر و پۆلیس و دەزگەھێن ئەولەهی یێن حکومەتا ھەرێما کوردستانێ یێن قەهرەمان سوپاس ژبو ماندیبوونا وە یا ب شەڤ و ڕۆژ بو پاراستنا عەزیزێن ڤی وەلاتی دڤی بارودوخێ نھا ئەم تێدا دەربازدبین ئەم زور ب دقەت دیڤچوونا رەوشا دەڤەرێ دکەین و من دڤێت ڤان خالا بێخمە بەرچاڤێن وەیێن ھێژا
١- کاودانەك ب زەحمەتە بەلێ کاودانێن زور بزەحمەتر هەوە دەربازکرینە.
ڤایروسا کورونا دوژمنهک ترسناکە بەلێ دۆژمنێن ترسناکتر هەوە شکاندینە ئەگەر هەوە ب ئیڕادەیەکا بهێز پێگیری ب ڕێنمایێن تەندروستی یێن حکومەتا ھەرێما کوردستانێ کرن ب ئێکجاری دێ مەترسیا وێ ژناڤ بەین.
٢- کەسێن نەپێگیر و ئەوێن دبنه مەترسی لسەر تەندروستیا مللەتێ مه دڤێن روی بروی عەدالەتێ و دادگەهێ ببن و بگەهنه سزاێن خوە
٣- ئەم وەکو لقا ئێك ب ھەمی کادر و رێکخستی و ب ھەمی ئاڤاھی و ئیمکانیاتێن خوڤە د خزمەتا پرۆسا بەرهنگاربوونا ڤایروسا کورونا داینە و دئاماده باشی داینه بۆ هەر حالەتەکێ پێویست
٤- هاولاتێن خوشتڤی بهێنفرەهی و هاریکاریا هەوه دگەل رێکارێن حکومەتێ هەروەسا ب هشیاری سەرەدەریکرن و گوهنەدانا هەوه بو گوت گوتکان ژ پێوستێن ڤێ قوناغێ نه.
خودایێ مەزن کوردستانێ وکوردستانیان و هەمی گەلێن جیهانێ بپارێزیت.
سه ربه ست تروانشی
ئەندامێ ئەنجوومەنێ سەرکردایەتیا پارتی و بەرپرسێ لقا ئیک
ئەڤرۆ نیۆز، قائید میرۆ:
سەرەڕای نەبوونا دەواما فەرمی فەرمانبەرێن وەزارەتا کارەبێ بەردەوامن لسەر ئەرکێن خوە و پەیڤدارێ وەزارەتا کارەبێ ژی ئاشکراکر، ھەموو جھێن تایبەت ب بەرھنگاربوونا کۆرۆنایێ ٢٤ دەمژمێران کارەب ھەیە.
ئومێد ئەحمەد، پەیڤدارێ وەزارەتا کارەبێ بۆ ئەڤرۆ نیۆز دیارکر” ددەمێ نوکە دا رەوشا کارەبێ باشترە ل ھەیڤێن بۆری و فەرمانبەر و ئەندازیارێن کارەبێ ل سەنگەرێ پێشیێ نە بۆ دەوامکرنێ و بەردەوامن لسەر ئەرکێن خوە ھەتا د ئەڤێ رەوشێ دا کارەبا بسەر وەلاتیان بھێتە بەلافکرن.
ئومێد ئەحمەد گوتژی” ھەموو ئەو نەخۆشخانە و جھێن ھاتینە تایبەتکرن بۆ چارەسەری و بەرھنگاربوونا ڤایرۆسا کۆرۆنا ٢٤ دەمژمێران کارەب ھەیە و دەڤەرێن دھێنە کەرەنتین کرنژی ئەم بەردەوام کارەبێ دەینە وانا ھەتا بشێن وان چواردە رۆژێن کەرنتین بۆ ھاتیە دیارکرن دەرباز بکەن و ئاریشە بۆ پەیدانەبن.
ئەڤرۆ نیوز:
د. عەلی فەرهادی نوشدارێ ئیرانی یێ بسپۆر د بیاڤێن ڤایرۆسێن هەلگر بۆ ئاژانسا رویتەرز یا نووچەیان دیار کر کو ئیران ئامارێن دروست ل دۆر کۆرۆنایێ بەلاڤ ناکەت و ژ بەر هندێ ژی رۆژ ب رۆژێ پتر وەلاتی ژ بەر کۆرۆنایێ جانێ خوە ژ دەست ددەن.
ناڤهاتی دیار کر دەمێ ب سەدان کەس ل قومێ و باژێرێن دی یێن ئیرانێ تووشی ڤایرۆسێ کۆرۆنا ببوون بەرپرسێن ئیرانێ خوە بێدەنگ کربوون و چو پێرابوون ژی نەهاتنە وەرگرتن و ژ بەر هندێ کۆرۆنا بلەز ل ئیرانێ بەلاڤبوو، مخابن نها ژی ئامارێن دروست ناهێنە بەلاڤکرن، چونکو هەکە ل وەلاتەکێ وەکو ئیتالیا رۆژێ پتر ژ ٦٠٠ کەس جانێ خوە ژ دەست بدەن نها ل ئیرانێ رەوش خرابترە لێ بەرپرسێن ئیرانێ ئامارێن دروست بەلاڤ ناکەن.
ئه‌ڤرۆ نیوز:
ئه‌‌نجیلو بوریلی سه‌رۆكێ لژنا به‌رهنگاربوونا ڤايرۆسێ كورونايێ ل ئيتاليا راگه‌هاند: ژماره‌یا حاله‌تێن توشبوون ب ڤایرۆسێ كورونایێ ل وه‌لاتی گه‌هشتیه 54 هزار و 30 كه‌سان، ل گه‌ل ئه‌وێن مرین و ساخ بووین ژماره‌یا وان گه‌هشته 69 هزار و 176 كه‌سان.
سه‌رۆكێ لژنا به‌رهنگاربوونا ڤايرۆسێ كورونايێ ل ئيتاليا ئه‌و چه‌نده ژی راگه‌هاند: به‌ریا نها حه‌فت هزار و 432 كه‌س ساخ بووینه و دهی ژی 894 كه‌سێن دی، ته‌ڤایا هه‌مویان هه‌شت هزار و 326 كه‌س ژ ڤایرۆسی ساخ بووینه.
ناڤبری ئه‌و چه‌نده ژی دازانین ته‌ڤایا ئه‌و كه‌سین مرین ب ئه‌گه‌رێ ڤایرۆسێ كورونایێ گه‌هشتیه شه‌ش هزار و 820 كه‌سان.
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا دو کەسێن دیتر ب ڤایرۆسێ کۆرۆنا یێ ل هەولێرێ راگەهاند، کو هەردو زەلامن و ژیێ وان 35 سالە.
وەزارەتا ساخلەمیا هەرێما کوردستانێ د نووترین راگەهاندن دا، کو ئەڤرۆ چارشەمبێ 25-03-2020 بەلاڤە کریە و گۆتیە، د بەردەوامیا پشکنین و گەریانێ لدووڤ گومانلێکریان، دو تووشبوویێن ڤایرۆسێ کۆرۆنا نوو COVID-19 ل هەولێرێ هاتنە دەستنیشانکرن، هەردو ژی زەلامن و ژیێ وان 35 سالە و خۆجهێن هەولێرێ نە و ب ڤێ چەندێ هژمارا تووشبوویان گەهشتە 99 کەسان ل کوردستانێ.
نيشاندان