ئەڤرۆ نیوز:
ئەڤرۆ شاندەکێ بلند یێ وه‌زاره‌تا پێشمه‌رگەی سه‌رەدانا به‌غدا كر و ل گه‌ل شاندێ وه‌زاره‌تا به‌رگریا عێراقێ كۆمبوو، چالاككرنا لژنێن دناڤبەرا هه‌ردولایان هاتنە گوتۆبێژ كرن.
د راگه‌هاندنەکا وەزارەتا پێشمەرگەیێ حکومەتا هەرێما کوردستانێ هاتیه، ئەڤرۆ ٢٤/٢/٢٠٢٠ وەزارەتا پێشمەرگەیێ حکومەتا هەرێمێ ل گەل وەزارەتا بەرگریا عیراقا فیدڕال، گەهشتینە رێککەفتنێ ل سەر کاراکرنا لژنێن هەمیشەیی یێن دناڤبەرا وان و وەزارەتا بەرگریا عێراقێ دا، بریار هاتە دان شایستێن دارایی یێن هێزێن پێشمەرگەی بۆ سالێن ٢٠١٩ و ٢٠٢٠ و سالێن لدووڤدا بهنێریت.
وەزارەتا پێشمەرگەی، بڕیارا وەزارەتا بەرگریا عیراقێ ب پێنگاڤەکا وێرەکانە و دەستپێکەکا باش دناڤبەرا هەردولا ل قەلەم دا، هەروەسا بڕیارا هنارتنا شایستێن دارایی یێن هێزێن پێشمەرگەیێ کوردستانێ ژ ئالیێ عیراقێ ڤە، جهێ پێزانینێن زۆر و پابەندبوونا نیشتیمانیە ب دستۆرێ هەمیشەیی.
هەروەسا وەزارەتا پێشمەرگەی، دێ پێشوازیێ ل هاتنا شاندێ بلند یێ وەزارەتا بەرگریا عیراقێ کەت، کو بریارە ل ڤان نێزیکان سەرەدانا هەولێرێ بکەن.
نيشاندان
