ئه‌ڤرۆ نیوز:

دونالد تره‌مپ سه‌رۆكێ ئه‌مریكا راگه‌هاند ل ده‌ستپێكا وه‌رگرتنا سه‌رۆكاتیێ ل گه‌ل وه‌لاتیێن ئیرانی بووم و هایداری ئازاێن وانم و دێ د پشته‌ڤانیكرنا خه‌لكێ ئیرانی دا به‌رده‌وام بین و ژ نێزیكڤه‌ چاڤدێریا خونیشاندانێن ئیرانی دكه‌ین و سه‌رسامین ب وێ وێره‌كیا وه‌لاتیێن ئیرانێ هه‌ی.

سه‌رۆكێ ئه‌مریكا ئه‌ڤ گۆتنێن خۆ ب زمانێ ئینگلیزی و فارسی ل سه‌ر هژمارا تویته‌رێ خو به‌لاڤكریه‌.

ترمپ ئه‌و چه‌نده‌ ژی دازانین دڤێت حوكمه‌تا ئیرانێ رێكێ بده‌ته‌ مافێن مرۆڤی و چاڤدێریا خونیشاندانان بكه‌ت و راپۆرتێن خۆ ل سه‌ر خونیشاندانان به‌لاڤ بكه‌ن.

سه‌رۆكێ ئه‌مریكا ئه‌و چه‌نده‌ ژی د تویتا خۆدا دیاركر نابیت كۆمه‌لكۆژی دژی خونیشاندانێن ئاشتیخوازی بهێته‌كرن یان هێلێن ئه‌نته‌رنێتێ بهێنه‌ برین چونكو جیهان دنێرته‌ كردارێن وه‌.

ئه‌ڤرۆ نیوز:

دیوانا سولتانێ وه‌لاتێ عومانێ راگه‌هاند قابوس بن سه‌عید سولتانێ عومان د ژیێ 79 سالیێ دا چوبه‌ردلوڤانیا خودێ و بۆ ماوه‌یێ سێ رۆژ شینیا گشتی ل وی وه‌لاتی هاته‌ راگه‌هاندن.

دیوانا سولتانێ عومانێ ئه‌و چه‌نده‌ ژی دیاركر سولتان قابوس ب رێیا حوكمرانیه‌كا دانای و ژیر شیا خوشگۆزه‌رانیه‌كا باش بۆ ته‌ڤیا عومانیان دابین بكه‌ت و پرانیا وه‌لاتیێن عه‌ره‌بی و ئیسلامی ژی مفا ژ وێ شێوازێ وه‌رگرتیه‌ كۆ سیاسه‌تا هه‌ڤسه‌نگیكرن لهه‌موو جیهانێ ئه‌ڤه‌ ژی جهێ رێزگرتنێ یه‌ بۆ هه‌ر لایه‌كی.

قابوس بن سه‌عید ل 18 تشرینا دووێ سالا 1940ژ دایك بوویه‌ ل هندستانێ خاندنا ئه‌كادیمیا سه‌ربازی ته‌مامكریه‌، سولتان قابوس نێزیكی 50 سالان حوكمران و پاشایێ عومانێ بوو ل سه‌رده‌مێ وی ژبلی پوستێ سه‌رۆك وه‌زیران ل هه‌مان ده‌م وه‌زیرێ به‌ره‌ڤانیی و دارایی و پارێزگارێ به‌نكا ناڤه‌ندا عومانێ بوو.

سولتانێ ناڤبری چ جهگرتی و زارۆك برا نینن، له‌ورا تانوكه‌ روون نینه‌ دێ كی بیته‌ جهگرتیێ وی.

سولتان قابوس ل سالا 1970 ب كۆده‌تایه‌كا سپی ده‌سه‌لات ژ بابێ خۆ وه‌رگرت و ل وی ده‌می عومان وه‌لاته‌كێ وێران و دیر و گوشه‌گیر بو لێ ل سه‌ر ده‌مێ سولتان قابوسی عومان بۆ وه‌لاته‌كێ ده‌وله‌مه‌ند و گه‌شتیاری و مفا ژ كه‌رتێ پترۆلا وه‌لاتێ خۆ وه‌رگرت.

ئه‌ڤرۆ نیز:

حه‌سه‌ن روحانی سه‌رۆك كۆمارێ ئیرانێ د تویته‌كێ دا راگه‌هاند د ڤه‌كۆلینێن هێزێن چه‌كداردا گه‌هشتنه‌ ئه‌وی ئه‌نجامی كۆ جهێ داخێ یه‌ ب خه‌له‌تیڤه‌ ئه‌و فروكه‌یه‌ هاتیه‌ ئارمانجگرتن و بوویه‌ ئه‌گه‌ری مرنا 176 كه‌سان.

حه‌سه‌ن روحانی سه‌رۆك كۆمار ئه‌و چه‌نده‌ ژی دیاركر كۆ ڤه‌كۆلین به‌رده‌وامن بۆ دیاركرن و دادگه‌هیكرنا ئه‌ڤێ تاوانا ب خله‌تیڤه‌ هاتیه‌كرن و لێخوشبوون بۆ نینه‌، ئیران دناخێ خۆدا د هه‌ژیت و په‌شێمانه‌.

محه‌مه‌د جه‌واد زه‌ریف وه‌زیرێ درڤه‌یێ ئیرانێ د تویته‌كێ دا داخازا لێبورینێ ژ خه‌لكێ ئیرانێ كر، ئه‌نجامێ ڤه‌كۆلینێن ده‌ستپێكی یێن هێزێن چه‌ككدار ئه‌وه‌ ئێخستنا فروكه‌یێ ب خه‌له‌تیه‌كا مرۆڤی بوویه‌ په‌شیمانین داخازا لێبورینێ و سه‌رخوشیێ ژ خه‌لك و خێزانێن قوربانیێ روودانێ بووین.

رۆژا چارشه‌مبا بوری باله‌فره‌كا هێلا ئاسمانیا تاران و كیه‌ف شه‌ش خوله‌كا پشتی رابوونێ ژ تارانێ ل نێزیك باژێرێ شه‌هریار ل پارێزگه‌ها تارانێ كه‌ته‌ خوار ته‌ڤایا 176 نه‌فه‌ر هه‌لگرێن وێ گیانێ خو ژ ده‌ست دان.