ئه‌ڤرۆ نیوز:
هێزێن سوریا دیموكرات شكه‌ستن ب چه‌كدارێن سه‌ر ب توركیا ڤه ئینان راگه‌هاند د ده‌مێ هێرشێن وان دا مانوره‌كا سه‌ربازی یا هیزێن روسیا ب ئارمانج كر بوو.
ناڤه‌ندا راگه‌هاندنا هێزێن دیموكرات هه‌سه‌ده راگه‌هاند سوپایێ توركیا و چه‌كدارێن نێزیك ل توركیا هێرشێن خۆ دژوار كرینه بۆ سه‌ر ده‌ڤه‌رێن باكور و رۆژهه‌لاتێ فوراتێ و شه‌رڤان ژی لگۆری شیانان به‌رسڤا ئه‌وان هێرشان دده‌ن.
لگۆری ئه‌وێ راگه‌هاندنا هاتیه به‌لاڤكرن، هێرشێن بۆ سه‌ر ده‌ڤه‌رێن سه‌رێ كانیێ و گرێ سپێێ هاتینه ئه‌نجامدان ب رێكا بكار ئینانا چه‌كێ گران و مووشه‌كان بو ل ده‌مه‌كی دا 15 ئه‌ڤێ هه‌یڤێ هێرشه‌ك كرنه سه‌ر باژێرێ ته‌ل ته‌مر لێ شه‌رڤانان به‌رسڤا وان دا و چار میلیشیا و چه‌كدارێن ئوپوزسیونێ كۆشتن.
هه‌ر لگۆری راگه‌هاندنێ، چه‌كدارێن سوریا سه‌ر ب توركیا 16 ئه‌ڤێ هه‌یڤێ ب شیوه‌یه‌كێ دژوار گۆندێن سه‌ر ب عه‌ین عیسا بوردومانكرن و ل وی جهێ بوردومانكرنێ مانوره‌كا سه‌ربازی یا روسیا هه‌بوو ل نێزیك گۆندێ كۆبرلیك ب وێ چه‌ندێ و ب نه‌چاری مانورا سه‌ربازی ئه‌وێ دڤه‌رێ بجهێلان.
ئه‌ڤرۆ نیوز:
جێگرێ سه‌رۆكێ به‌رێ یێ په‌رله‌مانێ كوردستانێ د بیته سه‌رۆكێ بوردا راوێژكاری ل سه‌رۆكاتیا هه‌رێما كوردستانێ د وی چارچوڤه‌ی دا داخازا كارێ هه‌ڤپشك ژ سه‌رۆكا په‌رله‌مانێ كوردستانێ دكه‌ت.
لگۆری راگه‌هاندنه‌كا په‌رله‌مانێ كوردستانێ، ئه‌ڤرۆ د.رێواس فایه‌ق سه‌رۆكا په‌رله‌مانێ كوردستانێ پێشوازی ل د.جه‌عفه‌ر ئێمینكی سه‌رۆكێ بوردا راوێژكاری ل سه‌رۆكاتیا هه‌رێمێ و جێگرێ سه‌رۆكێ په‌رله‌مانی ل خۆلا چارێ بوویه كر، ب مه‌به‌ستا هه‌ماهه‌نگی و كارێ هه‌ڤپشك دناڤبه‌را هه‌ردو سه‌رۆكاتیێن په‌رله‌مانی و سه‌رۆكاتیا هه‌رێمێ سه‌ره‌دانا په‌رله‌مانێ كوردستانێ كربوو.
هه‌ر ل گۆری ئه‌وێ راگه‌هاندنێ یا ژلایێ په‌رله‌مانێ كوردستانێ ده‌ركه‌تی، كۆ دوێ دیدارا جه‌عفه‌ر ئێمینكی سه‌رۆكێ بوردا راوێژكاری ل سه‌رۆكاتیا هه‌رێمێ و رێواس فایه‌ق سه‌رۆكا په‌رله‌مانێ كوردستانێ به‌حسا هه‌لومه‌رجێن نها یێن عیراقێ و كوردستانێ و دوماهی پێشهاتێن سیاسی و دروستبوونا كابینه‌یا نوو یا حكومه‌تا عیراقێ كرن و هه‌ردو ئالیان ته‌ئكید ل سه‌ر كارێ هه‌ڤپشك و خۆ سازدان بۆ هه‌ر پێشهاته‌كا سیاسی ل عیراقێ و ده‌ڤه‌رێ روو دده‌ن كر .
ئه‌ڤرۆ نیوز:
محه‌مه‌د توفیق عه‌لاوی سه‌رۆك وه‌زیرێ راسپاردی یێ عیراقێ ناراسته‌خو گه‌ف ل لایه‌نێن سیاسی یێن ده‌سه‌لاتدارێن وه‌لاتی كر، كۆ هه‌كه حكومه‌تا وی شكه‌ستنێ بینیت دێ سیسته‌مێ سیاسی یێ عیراقێ ژناڤ چیت.
عه‌لاوی ل ده‌مێ دانوستاندنێ ل گه‌ل لایه‌نێن شیعه‌یێن ده‌سه‌لاتدارێن عیراقێ، هوشداری پێداینه ژ وێ چه‌ندێ هه‌كه حكومه‌تا وی شكه‌ستنێ بینیت ئه‌ڤه دێ سیسته‌مێ سیاسی یێ پشتی 2003 یێ عیراقێ هاتیه دامه‌زراندن، ب ته‌ڤایی دێ ژناڤچیت و ده‌ستێوه‌ردانێن وه‌لاتێن ده‌رڤه ل كارۆبارێن ناڤخویا عیراقێ زێده‌تر لێ هێت.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ل گەل کاردینال پیترۆ پارۆلین سەرۆک وەزیرێن ڤاتیکان کۆمبوو.
د کۆمبوونێ دا سەرۆکێ حوکمەتا هەرێما کوردستانێ بەحسێ رەوشا سیاسی ل عیراقێ و هەرێما کوردستانێ کر، ب تایبەتی ژی بەحسێ پێکڤەژیانا هەموو ئایین و نەتەوێن جودا ل هەرێما کوردستانێ کر و راگەهاند هەرێما کوردستانێ دڤێت پەیوەندیێن خوە ل گەل ڤاتیکانێ بهێزتر بکەت.
سەرۆک وەزیرێن ڤاتیکان ژی رۆلێ هەرێما کوردستانێ د شەرێ ل دژی تیرۆرێ دا بلند نرخاند و دیار کر ڤاتیکان دڤێت پەیوەندیێن خوە ل گەل هەرێما کوردستانێ بهێزتر بکەت.
ئەڤرۆ نیوز:
سەرۆک مەسعود بارزانی پێشوازی ل جێمز جێفری نوونەرێ تایبەت یێ ئەمریکا بۆ کاروبارێن سووریێ کر و د روونشتنەکێ دا سەرۆک بارزانی راگەهاند کو نابیت ب چو رەنگەکێ زۆرداری ل سووریێ ل کوردان بهێتە کرن و دڤێت مافێن کوردان بهێتە پاراستن.
سەرۆک بارزانی ئەو یەک ژی دیار کر کو نابیت ئەمریکا و وەلاتێن رۆژئاڤا رێ بدەن کو دیموگرافیا رۆژئاڤایێ کوردستانێ بهێتە گوهۆرین، چونکو ئەو یەک دێ کارتێکرنەکا خراب ل کوردان کەت و دێ بیتە ئەگەرێ هندێ کو قەیرانا سووریێ ژی بەردەوام بیت.
ئەڤرۆ نیۆز، قائید میرۆ:
پارێزگارێ بەرێ یێ کەرکووکێ ئاشکراکر، ھەتا دستورێ عێراقێ نەھێتە بجهـ ئینان رەوشا کەرکووکێ تەناھیێ بخۆڤە نابینیت و دبێژیت، کار بۆ ئەنجامدانا ھەلبژارتنێن بەروەخت دھێتەکرن.
عەبدولڕەحمان مستەفا، پارێزگارێ بەرێ یێ کەرکووکێ بۆ ئەڤرۆ نیۆز دیارکر، ئاسایی کرنا رەوشا کەرکووکێ گرێدایی بجهـ ئینانا مادێ ١٤٠ یێ دستورێ عێراقێ ڤه‌یە، ھەردەم دستور بھێتە بجهـ ئینان دێ ئاریشەیا کەرکووکێ و ھەموو دەڤەرێن دیژی بھێنە چارەسەرکرن، چونکی مادێ ١٤٠ نەخشە بۆ ئێکلاکرنا چارەنڤیسێ دەڤەرێن ناکۆکی لسەر داناینە، ھەتا دستوور نەھێتە بجە ئینان ب چو شێوەیەکی رەوشا کەرکووکێ تەناھیێ بخۆڤە نابینیت.
عەبدولڕەحمان مستەفا ئاماژەکر” رەوشا نوکەیا عێراقێ کاریگەری لسەر ھەموو دەڤەرێن دی پەیداکریە و عێراق یا بەرەف ھەلبژارتنێن بەروەخت دچیت، نوکە کار بۆ ئەنجامدانا ھەلبژارتنان دھێتەکرن ھەتا دوماھی بڤێ رەوشا ئالۆز بھێت، ئەڤە داخوازا خەلکێ عێراقێ یەژی ھەلبژارتن بھێنە ئەنجامدان.
ئه‌ڤرۆ نیوز:
نوونه‌ری حكومه‌تا هه‌رێما كوردستانێ ل به‌غدا دیاركر وه‌زیرێ دارایی یێ عیراقێ هنارتنا موچه‌یێ هه‌رێما كوردستانێ ئیمزاكریه دێ ره‌وانه كه‌ت.
فارس عیسا نوونه‌رێ حكومه‌تا هه‌رێما كوردستانێ ل به‌غدا راگه‌هاند: ئه‌ڤا ل راگه‌هاندنان دا دهێته‌گۆتن راست نینه، د.فوئاد حسێن هنارتنا پشكا بودجا هه‌رێمێ ئیمزاكریه و دێ هنێریت، پاشكه‌تنا وێ ب ئه‌گه‌رێ هنده‌ك گوهورینێن ناڤخویی یێن وه‌زاره‌تێ بوویه.
نوونه‌رێ حكومه‌تا هه‌رێما كوردستانێ ل به‌غدا ل سه‌ر په‌یوه‌ندیێن هه‌رێمێ و عیراقی راگه‌هاند: چ ئاریشه د په‌یوه‌ندیان دا نینه، هنده‌ك كه‌سا پێنه‌خوشه ئه‌و په‌یوه‌ندی هه‌بن ل گه‌ل حكومه‌تا عیراقێ ئاریشه‌یێن دارایی بۆ جكومه‌تا هه‌رێما كوردستانێ دروست دكه‌ن.
فارس عیسا نوونه‌رێ حكومه‌تا هه‌رێما كوردستانێ ل به‌غدا دازانین چ مه‌ترسی ل سه‌ر موچه و ئایسته‌یێن دارای یێن خه‌لكێ هه‌رێما كوردستانێ نینه و دڤێ هه‌فتیێ پشكا بودجا هه‌رێمێ هێته ره‌وانه‌كرن.
ئه‌ڤرۆ نیوز:
په‌یڤدارێ پارتی دیموكراتی كوردستان راگه‌هاند: د دانوستاندنان داینه ژبوی چه‌وا سه‌ره‌ده‌ریێ ل گه‌ل ئه‌وێ ره‌وشا نوكه هاتیه پێش و پشكدار بوونا كوردان ل حوكمه‌تا بهێت یا عیراقی ل سه‌ر بنه‌مایی بجهـكرنا دستوری بیت.
مه‌حمود محه‌مه‌د په‌یڤدارێ پارتی دیموكراتی كوردستان راگه‌هاند: پشكداربوونا كوردان ل جكومه‌تا عیراقێ روونه و چه‌وا مافین كوردا پاراستی بن و ئه‌و بابه‌تێن ل دستوری هاتینه جێگیركرن دڤێت ئه‌و بێنه بجهكرن، ئه‌و مافێن بۆ خه‌لكێ عیراقی ژی هه‌ین ژبلی كوردان ئه‌و ژی بهێنه بجهكرن، ئه‌م ل سه‌ر ئه‌ڤی بنه‌مایی د حكومه‌تا بهێت یا عیراقێ پشكدار دبین.
په‌یڤدارێ پارتی دیموكراتی كوردستان ئه‌و چه‌نده ژی راگه‌هاند: هه‌رێما كوردستانێ قه‌واره‌یه‌كا دستوریه ل دستورێ عیراقێ هاتیه جیگیركرن و دڤێت ل سه‌ر ئه‌وی بنه‌مایێ دستوری ژی سه‌ره‌ده‌ری ل گه‌ل هه‌رێما كوردستانێ بهێته‌كرن.
ئه‌ڤرۆ نیوز:
چه‌ند كۆمپانیه‌كان د بیاڤێ ئه‌نته‌رنێتی دا هێلین خۆ خاڤكرینه و ئه‌ڤه ژی بوویه ئه‌گه‌رێ دلته‌نگییێ ژلایێ وه‌لاتیان و بكار ئینه‌رێن ئه‌نته‌رنێتێ.
ئومێد محه‌مه‌د سالح په‌یڤدارێ وه‌زاره‌تا ڤه‌گۆهاستن و گه‌هاندنی یا حوكمه‌تا هه‌رێما كوردستانێ راگه‌هاند: لژنه‌ییێن چاڤدێریكرنا هێلێن ئه‌نته‌رنێتێ ل وه‌زاره‌تێ چاڤدێریا ته‌ماما كۆمپانیان دكه‌ن، ل هه‌ر جهه‌كێ كۆمپانی یێن هێلین ئه‌نته‌رنێتێ خاڤ بكه‌ن دی لگۆری یاسایێ سه‌ره‌ده‌ری ل گه‌ل هێته‌كرن.
په‌یڤدارێ وه‌زاره‌تا ڤه‌گۆهاستن و گه‌هاندنی یا حوكمه‌تا هه‌رێما كوردستانێ ئه‌و چه‌نده‌ی راگه‌هاند هه‌ر وه‌لاتیه‌كێ گازه‌نده و سكالا هه‌بیت ب رێكا هێلێن گه‌رم دشیێن په‌یوه‌ندیێ ب نڤیسینگه‌ها وه‌زیری و وه‌زاره‌تا ڤه‌گۆهاستنێ و ئاگه‌هدار بكه‌ن ژبوی پێداچونێ ل ئه‌وێ ئاریشه‌یا وان بكه‌ت.
نيشاندان