ئه‌ڤرۆ نیوز، بارزان مزووری:
به‌رپرسێ لقا 14 یا پارتی دیموكراتی كوردستان ل مووسل دیار كر پارێزگارێ نوو بزاڤێن باش كرینه بۆ پارێزگه‌ها مووسل بۆ دروستكرنا پرۆژێن خزمه‌تگوزاری د هه‌موو بواران دا.
عه‌لی خه‌لیل به‌رپرسێ لقا 14 یا پارتی دیموكراتی كوردستان ل مووسل بۆ ئه‌ڤرۆ نیوز گۆت: (ره‌وشا مووسل دێ به‌ره‌ڤ باشتر چیت ئه‌گه‌ر رێگری بهێته كرن ژ وان چه‌كدارێن جودا جودا یێن نه فه‌رمی بۆ ناڤ سه‌نته‌رێ باژێرێ مووسل هەکە باژێرێ مووسل راده‌ستێ پولیسان بهێته كرن و ده‌وروبه‌ر ژی راده‌ستێ له‌شكه‌رێ عێراقێ ب هه‌ماهه‌نگی دگه‌ل پێشمه‌رگه‌ی بهێته كرن دێ رەوش باشتر لێ هێت).
ناڤهاتی خویاكر پارێزگارێ نوو “نه‌جم جبوری” بزاڤێن باش كرینه بۆ دوباره ئاڤه‌دانكرنا مووسل بۆ دوباره نووژه‌نكرنا قوتابخانا و بنگه‌هێن ساخله‌می و رێگاو بانا دا تایبه‌ت دبوارێ دوباره دروستكرنا پرێن ناڤ سه‌نته‌رێ مووسل ئێك ژ وان پرۆژان ژی ب هاریكاریا پارێزگه‌هێ نوو یێ مووسل رێكا سه‌ره‌كی مووسل بۆ دهوك قاته‌كێ نوو یێ قێری ل سه‌ر وێ رێكێ هاته كرن).
ناڤهاتی زێده‌تر گوت: گه‌له‌ك قوتابخانێن مووسل و ده‌شتا مووسل بابه‌تێ زمانێ كوردی دهێته خواندن گه‌له‌ك قوتابخانا ژی خواندنا زمانی عه‌ره‌بی یا هه‌ی سه‌ر ب ئیدارا هه‌رێمێ ڤه.
به‌رپرسێ لقا 14 یا پارتی دیموكراتی كوردستان ل مووسل ل دور وه‌رگرتنا پوستێن پارتی ل مووسل ژی دیار کر ژبه‌ر ئالوگوركرنا پارێزگه‌هێ نوو یێ مووسل وه‌رگرتنا پشكا پارتی یا پوستێن ئیداری ل مووسل گیرو بوویه به‌لێ هنده‌ك پوست وه‌رگرتینه گه‌له‌ك ژ وان ژی ماینه به‌لێ مه بزاڤ كرینه كو به‌هرا خوە ب دروستی ل ڤان نێزیكان هه‌موویا وه‌رگرین.
نيشاندان
