كۆمبوونا هه‌ڤپشكا هه‌سێ سه‌رۆكاتيا ده‌ستپێكر

17/12/2019 12:41

ئه‌ڤرۆ نيوز، نيوار محه‌مه‌د سه‌ليم:

كۆمبوونا هه‌رسێ سه‌رۆكاتيێن هه‌رێما كوردستانێ ده‌رباره‌يى پرۆژێ قانوونا چاكسازيێ ل دۆر دروستكرنا هه‌ڤده‌نگيێ ل سه‌ر پرۆژه‌يى ده‌ستپێكر.

دوهى رۆژا دوشه‌مبى 16ى كانوونا ئێكێ 2019 په‌رله‌مانێ كوردستانێ پێنگاڤا ئێكێ يا رێكارێن قانوونى بۆ په‌سه‌ندكرنا پرۆژێ چاكسازيێ ب دووماهى هات و پرۆژه‌ ب ده‌نگێن 85 په‌رله‌مانتاران سيفه‌تێ ب له‌ز پێ هاته‌ دان، سه‌رۆكا په‌رله‌مانى ئاراسته‌ى شه‌ش لژنێن تايبه‌تمه‌ند كر و دڤێت د حه‌فت رۆژان دا راپۆرتا هه‌ڤپشك ل سه‌ر ئاماده‌ بكه‌ن.

ل دووڤ گۆتنا ئه‌ندامێن لژنا قانوونى، پشتى ئاماده‌كرنا راپۆرتا هه‌ڤپشك، دێ خواندنا دويێ بۆ هێته‌ كرن.

نێچيرڤان بارزانى: ئالايێ كوردستانێ سيمبۆلا به‌رخودان و خه‌بات و تێكوشانێ يه‌

17/12/2019 12:34

ئه‌ڤرۆ نيوز، نيوار محه‌مه‌د سه‌ليم:

سه‌رۆكێ هه‌رێما كوردستانێ ل قوتابخانا دياربه‌كر يا كچان ل هه‌ولێر پشكدارى د رێوره‌سمێن رۆژا ئالايێ كوردستانێ دا كر و راگه‌هاند كو ئه‌ڤ ئالايه‌ سيمبۆلا به‌رخودان و خه‌بات و تێكوشانا ملله‌ته‌كى يه‌ كو ب سالان خه‌بات بۆ ئازادى و سه‌ربه‌خۆيى و وه‌كهه‌ڤيێ كريه‌.

د رۆژا ئالايێ كوردستانێ دا، نێچيرڤان بارزانى، سه‌رۆكێ هه‌رێما كوردستانێ پشكداريا د چالاكيه‌كێ دا ل قوتابخانا دياربه‌كر يا بنه‌ره‌ت ل هه‌ولێر كر و د په‌يڤه‌كێ دا بۆ قوتابيان گۆت: “ئه‌ڤ ئالايه‌ ئه‌مانه‌ته‌كێ پيرۆز ل سه‌ر ملێن هه‌وه‌ كو هوون نفشێ داهاتى يێ ڤى وه‌لاتى نه‌، دڤێت ب خه‌مخورى ڤى ئالايى هه‌لبگرن و ئه‌و په‌ياما كو خوشتڤيێن مه‌ پێشتر خه‌بات و بزاڤ بۆ كرين، هوون بگه‌هيننه‌ وى جهێ ملله‌تێ مه‌ ب ساله‌هان ساله‌ خه‌باتێ بۆ دكه‌ت و قوربانيێ بۆ دده‌ت.

گۆتژى: “دڤێت هوون ل بن ڤى ئالايى ب چه‌كێ خوه‌ فێركرنێ و خواندنێ، ب رژدى و خه‌مخورى به‌ر ب ئاينده‌يى بچن. يێ پشت راستم ژ هه‌وه‌ كو هوون دێ ڤى ئه‌مانه‌تى ب باشى هه‌لگرن و راگرن. پاشان هوون ژى راده‌ستى نه‌ڤيێن ل پشت خوه‌ كه‌ن”.

ب وێنه‌: ساخكرنا رۆژا ئالايى ل ئاماده‌يا دهۆك يا كچان و سه‌لاحه‌دين يا بنه‌ره‌ت

17/12/2019 11:39

780

ئه‌ڤرۆ نيوز، هه‌رهين محه‌مه‌د:

ب هه‌لكه‌فتا بيره‌وه‌ريا ساخكرنا رۆژا ئالايێ كوردستانێ چه‌ندين چالاكى ل چه‌ندين جهێن جودا هاتنه‌ كرن، ل ئاماده‌يا دهۆك يا كچان و قوتابخانا سه‌لاحه‌دين يا بنه‌ره‌ت چالاكى ب ڤى ره‌نگى بوون:

سه‌رۆك بارزانى په‌يامه‌ك به‌لاڤكر

17/12/2019 10:12

ئه‌ڤرۆ نيوز، نيوار محه‌مه‌د سه‌ليم:

سه‌رۆك بارزانى ب هه‌لكه‌فتا رۆژا ئالايێ كوردستانێ په‌يامه‌ك به‌لاڤكر و تێدا سه‌ره‌رايى پيرۆزباهيكرنێ دا زانين كو ئه‌و هێمايێ ئێكگرتن، ئازاديخوازى، قوربانيدان و ئاشتيخوازيا گه‌لێ كوردستانێ يه‌.

ده‌قێ په‌ياما سه‌رۆك بارزانى ب هه‌لكه‌فتا رۆژا ئالايێ كوردستانێ:

ب ناڤێ خودێ مه‌زن و دلۆڤان

ب هه‌لكه‌فتا رۆژا ئالايێ كوردستانێ گه‌رمترين پيرۆزباهيێن خوه‌ ئاراسته‌يى خێزانێن شه‌هيدان و پێشمه‌رگێن قاره‌مان و هه‌موو وه‌لاتيێن خوه‌شتڤى دكه‌م. ئالايێ كوردستانێ هێمايێ ئێكگرتن، ئازاديخوازى، قوربانيدان و ئاشتيخوازيا گه‌لێ كوردستانێ يه‌.

د ڤێ رۆژا پيرۆز دا ته‌كستێ ل سه‌ر په‌ياما ئاشتى و پێكڤه‌ژيانا گه‌لێ كوردستانێ دكه‌ين و هزاران سلاڤان بۆ گيانێ پاكێ وان شه‌هيدان دهنێرين كو دپێناڤى ئالايێ پيرۆزێ كوردستانێ دا گيانێ خوه‌ به‌خت كرى.

بژی كورد بژی كوردستان.

مسعود بارزانی
17ـی 12ـی 2019

هه‌رسێ سه‌رۆكايه‌تيێن هه‌رێمێ ئه‌ڤرۆ ل دۆر چاكسازيێ دێ كۆمبن

17/12/2019 09:48

ئه‌ڤرۆ نيوز:

برياره‌ ئه‌ڤرۆ رۆژا سێشه‌مبى 17ى كانوونا ئێكێ 2019، هه‌رسێ سه‌رۆكايه‌تيێن هه‌رێما كوردستانێ ل دۆر پرۆژێ قانوونا چاكسازيێ كۆمببن و دانوستاندنێ ل سه‌ر بكه‌ن.

شوان زرار، ئه‌ندامێ په‌رله‌مانێ كوردستانێ دياركر “كۆمبوونا سه‌رۆكايه‌تيا هه‌رێمێ و په‌رله‌مانى و جڤاتا وه‌زيران بۆ دروستكرنا ته‌ڤده‌نگيێ يه‌ ل سه‌ر په‌سه‌ندكرنا پرۆژێ قانوونا چاكسازيێ ل هه‌رێما كوردستانێ، بۆ وێ چه‌ندێ د شيان دا بيت ب زووترين ده‌م ل په‌رله‌مانى ده‌نگ ل سه‌ر بهێته‌ دان و سه‌رۆكێ هه‌رێمێ ژى ئيمزا بكه‌ت و پاشى بچيته‌ د وارێ بجهئينانێ دا.

ل رۆژا وى .. ئالايێ كوردستانێ ل بروكسل دێ هێته‌ بلندكرن

16/12/2019 23:24

ئه‌ڤرۆ نيوز:

سوباهى سێشه‌مبى 17/12/2019 د رێوره‌سمه‌كى دا ل برۆكسل پايته‌ختێ به‌لجيكا، دێ ئالايێ كوردستانێ ژلايێ نوونه‌رايه‌تيا حوكمه‌تا هه‌رێما كوردستانێ ل ئێكه‌تيا ئورۆپى هێته‌ بلندكرن.

نوونه‌رايه‌تيا حوكمه‌تا هه‌رێمێ ل ئێكه‌تيا ئورۆپا د به‌ياننامه‌كێ دا ئاماژه‌ كر كو كوردستانيێن به‌لجيكا ئاگه‌هدار دكه‌ن كو ب هه‌لكه‌فتا رۆژا ئالايێ كوردستانێ، سوباهى ل ده‌مژمێر 2 پشتى نيڤرۆ، ل باره‌گايێ نوونه‌رايه‌تيێ ل برۆكسل د رێوره‌سمه‌كى دا دێ ئالايێ كوردستانێ هێته‌ بلندكرن.

سوباهى هه‌رسێ سه‌رۆكايه‌تيێن هه‌رێمێ ل دۆر چاكسازيێ دێ كۆمبن

16/12/2019 23:10

ئه‌ڤرۆ نيوز:

برياره‌ سوباهى سێشه‌مبى 17/12/2019 هه‌رسێ سه‌رۆكايه‌تيێن هه‌رێما كوردستانێ ل دۆر پرۆژێ قانوونا چاكسازيێ كۆمببن و گفتوگۆيێ ل سه‌ر بكه‌ن.

شوان زار، ئه‌ندامێ په‌رله‌مانێ كوردستانێ دياركر”كۆمبوونا سه‌رۆكايه‌تيا هه‌رێمێ و په‌رله‌مانى و جڤاتا وه‌زيران بۆ دروستكرنا كۆده‌نگيێ يه‌ ل سه‌ر په‌سه‌ندكرنا پرۆژێ قانوونا چاكسازيێ ل هه‌رێما كوردستانێ، بۆ وێ چه‌ندێ د شياندا بيت ب زووترين ده‌م ل په‌رله‌مانى ده‌نگ ل سه‌ر بهێته‌ دان و سه‌رۆكێ هه‌رێمێ ژى ئيمزا بكه‌ت و پاشى بچيته‌ د وارێ بجهئينانێ دا.

کەنەدا پشتەڤانیا خوە بۆ هەرێما کوردستانێ دوپات دکەت

16/12/2019 16:52

ئەڤرۆ نیوز:

سەرۆکێ حوکمەتا هەرێما کوردستانێ مەسرور بارزانی پێشوازی ل ئۆلریک شانۆن بالیۆزێ نوو یێ کەنەدا ل عیراقێ کر و د روونشتنەکێ دا سەرۆکێ حوکمەتا هەرێما کوردستانێ پیرۆزباهی ل بالیۆزێ نوو یێ کەنەدا کر و هێڤیا سەرکەفتنێ بۆ خواست.

ژ لایێ خوە ڤە بالیۆزێ نوو یێ کەنەدا ژی راگەهاند کو وەلاتێ وی بەردەوام دێ هاریکاریا هەرێما کوردستانێ کەت و هێڤی خواست کو رەوشا عیراقێ ژی ئارام بیت و پەیوەندیێن هەرێمێ و بەغدا ژی باشتر لێ بهێن.

رۆژا ئالایێ‌ كوردستانێ‌ دێ‌ ب چه‌ندین چالاكیان ل هه‌رێمێ‌ هێته‌ ساخكرن

16/12/2019 10:07

134

ئه‌ڤرۆ، رێوار محه‌مه‌د ره‌شید:
به‌رپرسێ‌ گشتیێ‌ ده‌زگه‌هێ‌ پاراستنا ئالایێ‌ كوردستانێ‌ بۆ رۆژناما ئه‌ڤرۆ دیار كر كو رۆژا ئالایێ‌ كوردستانێ‌ سوبه‌هی رۆژا 17/12/2019 دێ‌ ب ئه‌نجامدانا چه‌ندین چالاكیان ژ لایێ‌ 33 نڤیسینگه‌هێن ده‌زگه‌هێ‌ پاراستنا ئالایێ‌ كوردستانێ‌ ڤه‌ ل سه‌رانسه‌ری هه‌رێما كوردستانێ‌ هێته‌ ساخكرن و گۆت: “رێوره‌سمێن ساخكرنا رۆژا ئالایێ‌ كوردستانێ‌ ل پارێزگه‌ها دهۆكێ‌ ژی دێ‌ سوبه‌هی ل ده‌مژێر 10:55 ێ‌ سپێدێ‌ ل پاركا بارزانیێ‌ نه‌مر ل باژێرێ‌ دهۆكێ‌ ده‌ست پێ‌ كه‌ن”.
په‌له‌وان شێخ مه‌می، به‌رپرسێ‌ گشتیێ‌ ده‌زگه‌هێ‌ پاراستنا ئالایێ‌ كوردستانێ‌ دیار كر كو رۆژا ئالایێ‌ كوردستانێ‌ سوبه‌هی دێ‌ ل هه‌می باژێر و باژارۆكێن هه‌رێما كوردستانێ‌ ب ئه‌نجامدانا چه‌ندین چالاكیان هێته‌ ساخكرن و ئالایێ‌ كوردستانێ‌ دێ‌ ل سه‌رانسه‌ری هه‌رێما كوردستانێ‌ هێته‌ بلندكرن و گۆت: “ب ڤێ‌ هه‌لكه‌فتێ‌ دێ‌ ئالایێ‌ كوردستانێ‌ ل سه‌ر وه‌لاتی و قوتابی و شۆفێران هێته‌ به‌لاڤكرن، هه‌روه‌سا دێ‌ ل سه‌ر ده‌رگه‌هێ‌ تۆنێلا قه‌زا زاخۆ ئالایێ‌ كوردستانێ‌ هێته‌ وێنه‌كرن و ڤه‌كرن”.
ناڤهاتی ئاماژه‌ دا وێ‌ چه‌ندێ‌ كو ب هه‌لكه‌فتا رۆژا ئالایێ‌ كوردستانێ‌ پێنج كه‌سێن خزمه‌تا پێشمه‌رگه‌ی و نه‌ته‌وه‌یی و ئاواران ل پارێزگه‌ها دهۆكێ‌ كری ب ناڤێن (د.خه‌نسا عه‌لی میرانی، د.سارا محه‌مه‌د، هه‌یسه‌م عه‌بدی، مه‌تین دۆسكی، شێخ خالد هه‌سنی) دێ‌ ب خه‌لاتێ‌ سالێ‌ ژ لایێ‌ ده‌زگه‌هێ‌ پاراستنا ئالایێ‌ كوردستانێ‌ ڤه‌ هێنه‌ خه‌لاتكرن.

وه‌زاره‌تا كاره‌بێ‌: هه‌ر پشكداره‌كێ‌ پتر ژ رێژا خوه‌ كاره‌بێ‌ بكاربینیت دێ‌ هێته‌ بڕین

16/12/2019 10:06

645

ئه‌ڤرۆ:
په‌یڤدارێ‌ وه‌زاره‌تا كاره‌بێ‌ یا حوكمه‌تا هه‌رێما كوردستانێ‌ دیار كر كو هه‌تا نوكه‌ نێزیكی 100 هزار پیڤه‌رێن زیره‌ك یێن كاره‌بێ‌ هاتینه‌ گرێدان و دبێژیت: هه‌ر پشكداره‌كێ‌ ژ رێژا خوه‌ یا دیاركری پتر كاره‌بێ‌ بكاربینیت دێ‌ كاره‌با وی هێته‌ بڕین.
ئومێد ئه‌حمه‌د، په‌یڤدارێ‌ وه‌زاره‌تا كاره‌بێ‌ یا حوكمه‌تا هه‌رێما كوردستانێ‌ دوهی 15/12/2019 دیار كر كو تیمێن گرێدانا پیڤه‌رێ‌ زیره‌ك یێ‌ كاره‌بێ‌ ل باژێرێن هه‌رێما كوردستانێ‌ ل سه‌ر گرێدانا وی پیڤه‌ری دبه‌رده‌وامن و گۆت: “هه‌تا نوكه‌ 93 هزار پیڤه‌رێن زیره‌ك یێن كاره‌بێ‌ ل سه‌رانسه‌ری هه‌رێما كوردستانێ‌ بۆ پشكدارێن كاره‌بێ‌ هاتینه‌ گرێدان”.
ئومێدی بۆ باسنیوز گۆت: “پیڤه‌رێن زیره‌ك یێن كاره‌بێ‌ بێ‌ به‌رامبه‌ر بۆ وه‌لاتیان دهێنه‌ گرێدان و بڕیاره‌ د ده‌مێ‌ سال و نیڤان دا ئه‌ڤ پرۆسه‌ بهێته‌ تمامكرن”.
ئومێد ئه‌حمه‌د، په‌یڤدارێ‌ وه‌زاره‌تا كاره‌بێ‌ ئاماژه‌ ب وێ‌ چه‌ندێ‌ ژی كر كو ئێك ژ تایبه‌تمه‌ندیێن پیڤه‌رێ‌ زیره‌ك یێ‌ كاره‌بێ‌ ئه‌وه‌ كو دێ‌ هێته‌ پرۆگرامكرن و رێژه‌كا دیاركری یا كاره‌بێ‌ بۆ پشكدارێن كاره‌بێ‌ دێ‌ دیار كه‌ت كو بكاربینن و گۆت: “هه‌ر ه‌لاتیه‌كێ‌ ژ وێ‌ رێژا دیاركری زێده‌تر بكاربینیت، وی ده‌می دێ‌ كاره‌با وی پشكداری دێ‌ هێته‌ بڕین و پشتی چه‌ند چركه‌كان دێ‌ كاره‌با وی دوباره‌ هێته‌ ڤه‌ بۆ چه‌ند جاره‌كان ئه‌ڤ چه‌نده‌ دێ‌ دوباره‌ بیت، ئه‌ڤ چه‌نده‌ ژی دێ‌ وی پشكداری نه‌چار كه‌ت بكارئینانا كاره‌بێ‌ كێم بكه‌ت، ب ڤێ‌ چه‌ندێ‌ ژی دێ‌ شێین پتر كاره‌با نشتیمانی بده‌ینه‌ وه‌لاتیان”.

نيشاندان 1...1,000 554555556 1,550 2,550...2,819 زێده‌تر

لاپه‌ر 555 ژ 2,819