ئەڤرۆ نیوز:
شوان زراری ئەندامێ پەرلەمانێ کوردستانێ ل پەیجێ خوە یێ تایبەت ل تۆرا جڤاکی یا فێسبووکێ بەلاڤە کریە، کو پارتی تەحەدایێ دکەت، هەروەسا فراکسیۆنا پارتی ل پەرلەمانێ کوردستانێ پێشنیار کریە، کو روونشتنا پەرلەمانی ل سەر پرۆژە قانوونا چاكسازیێ هەموو ب شێوێ راستەوخۆ ل كەنالێن راگەهاندنێ بهێتە ڤەگۆهاستن، بۆ هندێ داکو دیار بیت، كی ل گەل چاكسازیێ یە و كی هەڤدژە ل گەل.
ئەڤرۆ نیوز:
وەسا بریارە سوبەهی عادل عەبدولمەهدی، سەرۆک وەزیرێ کاربرێکەرێ عیراقێ سەرەدانا هەولێرێ بکەت و دێ ل گەل بەرپرسێن بلند یێن هەرێما کوردستانێ کۆم بیت.
دڤێ سەرەدانێ دا عادل عەبدولمەهدی دێ پەیوەندیێن دناڤبەرا هەرێما کوردستانێ و عێراقێ و دیتنا رێیە چارەکێ بۆ قەیرانێن عێراقێ گوتۆبێژ کەت.
سەرەدانا عەبدولمەهدی بۆ هەولێرێ ئێکەم سەرەدانا فەرمیە بۆ هەولێری پشتی دەست ب کاربوونا وی.
ئەڤرۆ نیوز، زنار تۆڤی:
ئەڤرۆ ئەینیێ 2020/1/10 د پەیوەندیەکا تەلەفۆنیدا، مەسرور بارزانی سەرۆکی حوکمەتا هەرێما کوردستانێ و دان برولێی وەزیرێ وزا ئەمریکا گوتۆبێژ دەربارەی پەرەپێدانا پەیوەندیێن ئابووری دناڤبەرا هەرێما کوردستانێ و ئەمریکا کر، ب تایبەتی د وارێ وزێ دا.
وەزیرێ وزا ئەمریکا ، ئامادەیا وەلاتێ خوە دەربری بۆ وەبەرهینانا زێدەتر ل هەرێما کوردستانێ، کو کۆمپانیێن وزا ئەمریکا رۆلەکێ کاراتر بگێڕن د گەشەپێدانا پەیوەندیێن ئابووری دناڤبەرا هەردو ئالیان دا ، بۆ ڤێ مەبەستێ دێ د پەیوەندیێن بەردەوام دا بن.
ئەڤرۆ نیوز ، زنار تۆڤی:
سكرتێرێ گشتی یێ ناتۆ دوپات دکر، شه‌رێ تیرۆرێ و داعشێ ل عیراق ب دوماهی نەهاتیە و ل سەر داخوازا حوکمەتا عیراق، دێ بەردەوام بین ل سەر هاریکاریکرنا سۆپایێ عیراقێ.
ینس ستۆلتنبێرگ، سكرتێرێ گشتی یێ ناتۆ د كۆنفراسەکێ رۆژنامه‌ڤانیدا راگەهاند، ل سه‌ر داخوازا حوکمه‌تا عیراقێ دێ مه‌شق و راهێنانێ ب هێزێن نافخۆیی یێن عیراقێ كه‌ین.
گوتیە ژی: نوکە هێرش و تیرۆر هه‌ر ل عیراقێ ماینه، لەوما ڤێ چەندێ پێدڤی ب هه‌ماهه‌نگیا نێڤده‌وله‌تی هه‌یه.
ئەڤرۆ نیوز:
نێچیرڤان بارزانى سەرۆکێ هەێما کوردستانێ جەخت ل دانبەخۆداگرتن و چرکرنا بزاڤان بۆ جێگیرکرنا ئارامى و سەقامگیریێ ل عیراق و ڤێ دەڤەرێ و نەبوونا عیراقێ ب گۆڕەپانا ئێکلاکرنا کێشە و ململانا هێزێن هەرێمى و نێڤدەولەتی کر.
ئێڤاریا ئەڤرۆ پێنجشەمبی 9/1/2020 ل هەولێرێ، نێچیرڤان بارزانى، سەرۆکێ هەرێما کوردستانێ پێشوازى ل دەیڤید شینكەر هاریکارێ وەزیرێ دەرڤە یێ ئەمریكا بۆ كاروبارێن ڕۆژهەلاتا ناڤین و شاندەکێ ل گەل دا کر.
ئەڤرۆ نیوز ، زنار تۆڤی:
هەڤپه‌یمانیا نێڤده‌ولە‌تی ل دژی داعشێ راگه‌هاند، وان پێدڤی ب روونكرنەکا زێدەتر دەر‌باره‌ی سروشت و ره‌هه‌ندێن قانوونی بۆ بڕیارا په‌رله‌مانێ عیراقێ بۆ ده‌رچوونا هێزێن بیانی ل عیراقێ هەیە.
هەروەسا گوتیە: نوکە ب مه‌به‌ستا چڕكرنا بزاڤێن خوە ژبۆ زێدەتر پارێزگاریكرنێ ژ بنگەهێن خوە یێن سه‌ربازی، مە چالاكیێن خوە یێن سه‌ربازی ل ناڤا ئاخا عیراقێ راوه‌ستاندینه، دیسان ئه‌و چالاكیێن وان راگرتین، مه‌شقا سه‌ربازی ل گه‌ل هەڤبه‌شێن خوە و ئۆپه‌راسیۆنێن سه‌ربازی ل دژی داعشێ ڤەدگریت.
ئەو ژی دیار کریە، مە پێدڤی ب روونكرنا زێدەتره دەر‌باره‌ی سرووشتێ قانوونبوونا بڕیارا پەرلەمانێ عیراقێ بۆ ده‌رچوونا هێزێن بیانی دناڤا ئاخا وی وەلاتی دا هەیە، باوەریا مە وەسایە کو به‌رژه‌وه‌ندیا هەڤبه‌ش یا هه‌موو هەڤبه‌شێن هەڤپه‌یمانان ل عیراقێ د هندێ دایە ، كو د شەرێ دژی داعشێ دا د به‌رده‌وام بین.
ئەڤرۆ نیوز:
ب بۆنه‌یا هاتنا جه‌ژنا قه‌ولتاسێ یا كاكه‌یان، نێچیرڤان بارزانی، سه‌رۆكێ هه‌رێما كوردستانێ په‌یامەکا پیرۆزباهیێ ئاراسته‌ی سه‌رجه‌م كاكه‌یی و یارسانێن هه‌رێما كوردستانێ و عیراقێ و جیهانێ دکەت.
ده‌قێ په‌یاما سەرۆکێ هەرێما کوردستانێ نێچیرڤان بارزانی:
ب بۆنەیا هاتنا جەژنا قەولتاسێ، ب گەرمى پیرۆزباهیێ ل خوشك و برایێن کاکەیى و هەموو یارسانان ل هەرێما کوردستانێ و عیراقێ و جیهانێ دکەم، هیڤیدارم جەژن ل گەل خوە دا سەقامگیریێ و ئاسوودەیێ بینیت و ب بیتە خێر و خۆشی بۆ هەموو لایەكێ.
ژ خودایێ مەزن دخوازم رۆژوو و دوعایێن وە قەبوول بکەت، جەژنا هەوە پیرۆز و هەموو سالەک ب خۆشى.
نێچیرڤان بارزانى
سەرۆکێ هەرێما کوردستانێ
9/1/2020
ئه‌ڤرۆ نیوز:
هیڤیدار ئه‌حمه‌د جێگرێ سه‌رۆكێ لژنا دارایی ل په‌رله‌مانێ كوردستانێ دیاركر هه‌ر دو لژنه‌یێن دارایی و یاسایی ییێن په‌رله‌مانێ كوردستانێ ل سه‌ر پرۆژه‌ێ یاسایا چاكسازیێ كۆمبوون راپۆرتا دوماهیێ یا پرۆژه‌ی دێ ده‌نه سه‌رۆكا په‌رله‌مانێ ژبوی په‌سندكرنێ.
جێگرێ سه‌رۆكێ لژنا دارایی ل په‌رله‌مانێ كوردستانێ دیاركر ژی لگۆری پرۆژه‌یێ یاسایێ كۆ كێمترین مووچه 300 هزار دینارن و هه‌ر فه‌رمانبه‌ره‌كێ 15 سال خزمه‌ت هه‌ی و ته‌مه‌نێ وی بگه‌هته 45 سالیێ دشێت خو خانه‌نشین بكه‌ت و هه‌كه نه دێ ل ته‌مه‌نێ 64 سالیێ دا حوكمه‌ت دێ خانه‌نشین كه‌ت.
په‌رله‌مانێ كوردستانێ د نفیساره‌كێ دا راگه‌هاندیه بۆ كۆمبوونا رۆژا شه‌مبیا بهێت بانگهێشتا په‌رله‌مانی دكه‌ت، كو تێدا هاتیه پشت به‌ستن ب حوكمێ برگه‌یا سێ ژ ماده‌یا 18 یا په‌یره‌وێ ناڤخۆ یێ په‌رله‌مانێ كوردستانێ، بریار دایه كۆ بانگهێشتا ته‌ڤایا ئه‌ندامێن په‌رله‌مانی دكه‌ین كۆ بۆ رینشتنا ژماره 13 یا ئاسایی یا سالا ئێكێ ل خۆلا هه‌لبژارتنا پێنجێ یا په‌رله‌مانێ كوردستانێ ل ده‌مژمێر 11:00 رۆژا ئێك شه‌مبی 12/1/2020 هیڤی خازین ل ده‌مێ دیاریكری به‌رهه‌ڤ بن.
ئه‌ڤرۆ نیوز:
وه‌زیرێ وه‌زاره‌تا خاندنا بلند و ڤه‌كۆلینێن زانستی یا حوكمه‌تا هه‌رێما كوردستانی دیاركر رێزبه‌ندیێ پشت به‌ستن ل سه‌ر ڤه‌كۆلینێن زانستی و ستافێ ئه‌كادیمی و په‌یوه‌ندیێن زانكۆیان ل گه‌ل جڤاكێ و چالاكیێن كه‌لتوری و نێڤ ده‌وله‌تی و گه‌هشتن ب ژێده‌رێن زانستی كریه، پشكا زۆر یا خالبه‌ندیێ به‌ر ڤه‌كۆلینێن زانستی كه‌تیه ب تایبه‌ت ئه‌وێن ل گۆڤارێن زانستی دا هاتینه به‌لاڤكرن.
ئارام محه‌مه‌د قادر وه‌زیرێ خاندنا بلند و ڤه‌كۆلینێن زانستی یا حوكمه‌تا هه‌رێما كوردستانێ دیاركر ل پێنج سالێن بوری هاتینه دیاریكرنا رێزبه‌ندیا نیشتمانی یا زانكۆیێن هه‌رێما كوردستانێ وه‌رچه‌رخانه‌ك ل ئاستێ زانكریان هاتیه‌كرن، زانكۆیێن كوردستان ل رێزبه‌ندێن نیڤ ده‌وله‌تی یێن زانكۆیان گوهورین ب سه‌ردا هاتیه و پشكه‌ك ژ زانكۆیێن هه‌رێما كوردستانی رێزبه‌ندا چارهزارێ دا بوون ل ده‌مه‌كی دا به‌ریا نها ل رێزبه‌ندیا شازده هزاری و پازده هزاری دابوون ل سه‌ر ئاستێ جیهانێ.
راگه‌هاندنا رێزبه‌ندیا نیشتمانی یا زانكۆیێن كوردستانێ بۆ سالا چارێ بریڤه دچن.
رێزبه‌ندیا زانكۆیێن حوكمی بڤێ شێوه‌یی:
گرۆپێ بی:
گرۆپێ سی:
گرۆپێ دی:
زانكۆیێن تایبه‌ت:
گرۆپێ بی:
گرۆپێ سی:
گرۆپێ دی:
ئه‌ڤرۆ نیوز:
حوكمه‌تا ئوسترالیا بریار دا دێ به‌ردوام هێزێن وان ل ئه‌ركێن خودا بن ل عیراقێ و وان هیزان ناڤه‌كێشین.
سكوت موریسون سه‌رۆك وه‌زیرێ ئوسترالیا راگه‌هاند: لژنا ئه‌منی یا سه‌ر ب جڤاتا وه‌زیران كۆمبوو و شرۆڤه‌یا ره‌وش و پێشهاتێن رۆژهه‌لاتا ناڤین كر.
سكوت موریسون سه‌رۆك وه‌زیرێ ئوسترالیا راگه‌هاند هێزێن ئوسترالی كۆ ژ 300 راوێژكارێن سه‌ربازی نه پێگیرن ب ئه‌ركێن خۆ د چارچوڤه‌یێ هه‌ڤپه‌یمانیا نیڤ ده‌وله‌تی دژی رێكخراوا تیرۆریستی یا داعشێ هێزین خو ل عیراقێ ناڤه‌كێشیت.
نيشاندان