ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا دوشه‌مبى دهێته‌ پێشبينيكرن ئه‌سمان ئه‌ور بيت و باران بارين ب ره‌نگه‌كێ ڤه‌قه‌تايى بباريت و ب شه‌ڤ رێژا باران بارينێ دێ زێده‌تر بيت. ل ده‌ڤه‌رێن چيايى ژى به‌فر دێ باريت.

پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه‌ راگه‌هاند كو سوبه‌هى رۆژا دوشه‌مبى رێكه‌فتى 9ى كانوونا ئێكێ 2019 دهێته‌ پێشبينيكرن ئه‌سمان ئه‌ور بيت و باران بارين ب ره‌نگه‌كێ ڤه‌قه‌تايى بباريت و ب شه‌ڤ رێژا باران بارينێ دێ زێده‌تر بيت. ل ده‌ڤه‌رێن چيايى ژى به‌فر دێ باريت.

پشكا پێشبينيان ئاشكه‌را ژى كر كو له‌زاتيا بايى دێ ب ره‌نگێ ل سه‌رخوه‌ و ناڤه‌ندى بيت ناڤبه‌را 5 بۆ 15كم بيت و مه‌ودايێ ديتنێ ژى دێ 7 بو 9كم بيت. نزمترين پلا گه‌رماتيێ دێ 8 پله‌ بيت و بلندترين پله‌ ژى دێ 9 بيت.

ئەڤرۆ نیوز، عەلی حاجی :

د داخویانیەکێ دا نوونەرێ قایممقامیا زاخۆ دلژنەیا بلندا دووفچونا دەرمانخانە و بنگەهێن نوشداری بۆ ئەڤرۆ نیوز دیار کر ل روژا پێنچ شەمبیا بوری شیان سێ دەرمانخانەیان دائێخن و دو دەرمانخانەیێن دیتر سزادان بدەن .

زێدەتر خەلات ئوسمان گوت : دائێخستنا وان سێ دەرمانخانەیان بۆ ماوەیێ سێ روژایە و ئەو دەرمانخانە ژبەر وێ چەندێ هاتنە دائێخستن کو پێگیر نەبوینە ب رێنمایێن تایبەتێن ئەنجومەنه وەزیران و هەر دیسان دو دەرمانخانەیێن دیتر ژی هەر ب کوژمێ ٢٠٠ هزار دیناران هاتنە سزادان و هەر دەرمانخانەکا هاتیە دائێخستن و سزادان رێنمایان جێبەجێ نەکەت دێ سزایێن توندتر بەرامبەری وان هێنە وەرگرتن و هەر دیسان بۆ دادگەهێ هێنە رەوانەکرن و وەکو لژنە مە ئەڤ چەندە ژی بۆ وان دیار کری یە .

گوت ژی : ئەو دەرمانخانەیێن مە سەرەدانا وان کری هەمی ئەو بون یێ ماف هەین ل دانێ سپێدێ دەرمانخانەیان ڤەکەن و دێ دووفچونا هەمی کوگەهـ و دەرمانخانە و بنگەهێن تەندروستی کەین داکو ب دروستی هەمی رێنمایێن تایبەتێن ئەنجومەنێ وەزیران جێبەجێ بکەن .

ئەڤرۆ نیوز، عەلی حاجی :

رێڤەبەرێ کەمپا چەمشکو ل زاخۆ د داخویانیەکێ دا بۆ ئەڤرۆ نیوز دیار کر ژبەر هاتنا وەرزێ زڤستانێ دێ هەمی چادرێن دناڤ کەمپێ دا هێنە گهورین و گەرا دووێ یا گازا سپی ل سەر هەمی کەمپان ل زاخۆ هێتە بەلاڤ کرن.

زێدەتر مەئمون یەحیا گوت : نوکە دناڤا کەمپا مە دا نێزیکی سێ هزار چادرێن ئاوارەیان هاتینە گهورین و دو چادرێن دیتر ماینە و نەهاتینە گهورین و ئەم چاڤەرێ هاتنا رێژەیا مایی یا چادراینە و دڤێ حەفتیێ دا ئەو رێژەیا مایی ژی دێ گەهیتە دەستێ مە کو ژ دو هزار چادران پێک دهێت و هەردەما گەهشتنە دەستێ مە دێ ئێکسەر وان چادران ل سەر ئاکنجیێن دناڤ کەمپێ دا بەلاڤ کەین و هەر دیسان نوکە دا گەرا دووێ یا بەلاڤ کرنا گازا سپی ل هەمی کەمپێن باژێرێ زاخۆ دەست پێکری یە و نوکە ل کەمپا بێرسڤێ دەست ب بەلاڤکرنا وێ دهێتە کرن.

گوت ژی : بریارە دڤێ حەفتیێ دا ل کەمپا چەمشکو دەست ب بەلاڤکرنا گازا سپی بهێتە کرن کو پێشتر دگەرا ئێکێ دا هەر ئاوارەیەکێ دناڤ کەمپێ دا ٤٠ لترێن گازا سپی پێ هات بوو دان و دبیت بۆ ڤێ گەرێ ٥٠-٦٠ لترێن دیتر ژی ب وان بهێتە دان ژبەرکو کەمپا چەمشکو مەزنترین کەمپە ل سنورێ پارێزگەهێ دبیت پێدڤی ب ماوەیەکێ زێدەتر بیت هەتا گازا سپی بگەهیتە هەمی ئاوارەیێن دناڤ کەمپێ دا.

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى دهێته‌ پێشبينيكرن ئه‌سمان ئه‌ور بيت و باران ژى ب رێژێن جودا ل جهێن جودا بباريت و ل ده‌ڤه‌رێن چيايى دێ رێژا وێ زێده‌تر بيت. ل ده‌ڤه‌رێن چيايى ژى به‌فر دێ باريت.

پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه‌ راگه‌هاند كو سوبه‌هى رۆژا ئێكشه‌مبى رێكه‌فتى 8ى كانوونا ئێكێ 2019 دهێته‌ پێشبينيكرن ئه‌سمان ئه‌ور بيت و باران ژى ب رێژێن جودا ل جهێن جودا بباريت و ل ده‌ڤه‌رێن چيايى دێ رێژا وێ زێده‌تر بيت. ل ده‌ڤه‌رێن چيايى ژى به‌فر دێ باريت.

پشكا پێشبينيان ئاشكه‌را ژى كر كو له‌زاتيا بايى دێ ب ره‌نگێ ل سه‌رخوه‌ و ناڤه‌ندى بيت ناڤبه‌را 5 بۆ 15كم بيت و مه‌ودايێ ديتنێ ژى دێ 6 بو 8كم بيت. نزمترين پلا گه‌رماتيێ دێ 7 پله‌ بيت و بلندترين پله‌ ژى دێ 13 بيت.