ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤرۆ رۆژا دوشه‌مبى رێكه‌فتى 25ى چريا دويێ 2019، دووباره شاندێ هه‌رێما كوردستانێ به‌ر ب به‌غدا ب رێ بكه‌ڤيت و ل گه‌ل لژنا دارايى ل جڤاتا وه‌زيرێن عيراقێ ل سه‌ر بوودجێ 2020ێ يێ عيراقێ و پشكا هه‌رێما كوردستانێ كۆم ببن.
سالانه كورد ل سه‌ر وێ چه‌ندێ دانوستاندنێ دكه‌ن كو پشكا هه‌رێما كوردستانێ دڤێت 17%ێ بيت، به‌لێ ژ لايێ عيراقێ ڤه سالانه كێمتر دهێته خه‌ملاندن و پتريا جاران ل ده‌مێ ژێ كوشتنا بوودجا سيادى يا عيراقى به‌هرا 6% بۆ هه‌رێما كوردستانێ دمينيت.
فارس عيسا، سه‌رۆكێ نوونه‌راتيا هه‌رێما كوردستانێ ل به‌غدا كو يێ پشكداره د روونشتنێن شاندێ هه‌رێما كوردستانێ ل گه‌ل لژنا دارايى يا جڤاتا وه‌زيران دا راگه‌هاند كو سالا بۆرى بوودجا هه‌رێما كوردستانێ ب 123 ترليون ديناران هاتبوو خه‌ملاندن، به‌لێ پێشبينى دهێته كرن ئه‌ڤ ساله ببته 150 ترليۆن دينار.
دوهى 24ى چريا دويێ 2019، مه‌سرور بارزانى، سه‌رۆك وه‌زيرێن هه‌رێما كوردستانێ و جێگرێ وى قوباد ته‌له‌بانى ل گه‌ل شاندێ دانوستاندكار يێ هه‌رێما كوردستانێ ل گه‌ل به‌غدا كۆمبوو.
پاشان ژى د كۆنگره‌كێ رۆژنامه‌ڤانى دا، جۆتيار عادل، ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو شاندێ هه‌رێمێ ئه‌و ئاگه‌هداركرينه كو دانوستاندنان قووناغێن باش ده‌رباز كرينه.
نيشاندان
