ئه‌ڤرۆ نيوز، نيوار محه‌مه‌د سه‌ليم:
نێچيرڤان بارزانى سه‌رۆكێ هه‌رێما كوردستانێ گه‌هشته به‌غدا و بڕياره ل گه‌ل هه‌ر ئێك ژ سه‌رۆك كۆمار، سه‌رۆك وه‌زيران و سه‌رۆكێ جڤاتا نوونه‌رێن عيراقێ كۆم ببيت.
نێچيرڤان بارزانى گه‌هشته به‌غدا
نووترين نووچه
- د بەرهەڤ نینین دەست ژ مافێن خوە یێن دەستووری بەردەین
- د. ڤیان سەبری: ئەڤرۆ جڤاتا نوونەران ل دۆر هێرشێن درۆنی ل سەر هەرێما كوردستانێ دێ كۆمبیت
- جەبار یاوەر: دیاربوو درۆن ل كیش دەڤەرێ د هاتنە ئاراستەكرن
- بالیۆزێ توركیا سوپاسییا بزاڤێن سەرۆك بارزانی بۆ سەرئێحستنا پرۆسەیا ئاشتیێ كر
- نێچیرڤان بارزانی هەڤخەمییا خوە بۆ مالباتێن روودانا كۆت دیار دكەت
- مەسرور بارزانی: گەلەك خەمباربووم ب كارەساتا ئاگربەربوونا باژێرێ كۆت
- چاڤەڕێنە حوكمەتا فیدرال مووچە و شایستەیێن دارایی یێن هەرێما كوردستانێ بهنێریت
- مەسرور بارزانی و بالیۆزێ توركیا پێشڤەبرنا هەڤبەندییان گەنگەشەكر
- مەسرور بارزانی: پێدڤییە ب زووترین دەم بەغدا مووچەی بهنێریت
- فراكسیۆنا پارتی داخوازا كۆمبوونەكا ب لەز یا جڤاتا نوونەران ل دۆر هێرشێن درۆنی ل سەر كوردستانێ كر
سه‌ره‌كى نوچێن گرنگ
په‌رله‌مان ئه‌ڤرۆ دێ خواندنا ئێكێ بۆ پێشنيازا دامه‌زراندنا فه‌رمانبه‌رێن گرێبه‌ست كه‌ت
ئه‌ڤرۆ نيوز:
بڕياره ئه‌ڤرۆ په‌رله‌مانێ كوردستانێ روونشتنه‌كا خوه يا ئاسايى ئه‌نجام بده‌ت و خواندنا ئێكێ بۆ چار پێشنيازان بكه‌ت و ژ وان ژى ئێك دێ ل دۆر دامه‌زراندنا فه‌رمانبه‌رێن گرێبه‌ست بيت.
سه‌رۆكێ لژنا قانوونی ل په‌رله‌مانێ كوردستانێ بۆ ئه‌ڤرۆ نیوز دیار كر كو په‌رله‌مانێ كوردستانێ دێ ل رۆژا چارشه‌مبی 13/11/2019 خواندنا ئێكێ بۆ چار پێشنیار و بڕیارێن قانوونی كه‌ت.
بژار كۆچه‌ر، سه‌رۆكێ لژنا قانوونی ل په‌رله‌مانێ كوردستانێ دیار كر كو نێزیكی 29 هزار و 886 فه‌رمانبه‌رێن گرێبه‌ست ل هه‌رێما كوردستانێ هه‌نه و ل رۆژا چارشه‌مبی په‌رله‌مانێ كوردستانێ دێ خواندنا ئێكێ بۆ چار پێشنیار و بڕیارێن قانوونی كه‌ت و گۆت: “ئێك ژ وان پێشنیاران دامه‌زراندنا فه‌رمانبه‌رێن گرێبه‌سته ل هه‌رێما كوردستانێ”.
فه‌رمانا ده‌سته‌سه‌ركرنا پارێزگه‌رێ كه‌ركووكێ ودو برایێن وى دهێته ده‌ركرن
ئه‌ڤرۆ نیوز:
لژنا ده‌ستپاكیێ ل پارێزگه‌ها كه‌ركووكێ فه‌رمانا ده‌سته‌سه‌ركرنا راكان جبوورى پارێزگه‌رێ كه‌ركووكێ ب وه‌كاله‌ت و دو برایێن وى و هنده‌ك كورێن وى ده‌ركر.
هندرین له‌زگین، ئه‌ندانێ لژنا ده‌ستپاكیێ ل په‌رله‌مانێ عیراقێ د داخۆیانیه‌كا رۆژنامه‌ڤانى دا گۆت” دادوه‌رێ ده‌سته‌یا ده‌ستپاكیێ ل كه‌ركووكێ فه‌رمانا ده‌سته‌سه‌ركرنا راكان جبوورى و شه‌ش ژ ئه‌ندامێن خێزانا وى ب تۆمه‌تا هه‌ده‌ردانا پارێ گشتى و بكارئینانا پۆستى بۆ بده‌ستڤه‌ئینانا به‌رژه‌وه‌ندیێن كه‌سایه‌تى”.
گۆت ژى” دو برایێن راكان جبوورى و دو كۆرێن وى نوكه د ده‌سته‌سه‌ر كرینه”.
ئاماژه كر” هه‌تا نوكه جبوورى نه‌هاتیه ده‌سته‌سه‌ركرن، به‌لێ پشتى ده‌ركرنا فه‌رمانا ده‌سته‌سه‌ركرنا وى، دبیت د ده‌مه‌كێ نێزیك دا بهێته ده‌سته‌سه‌ركرن ودادگه‌هكرن ل دووڤ مادێ 340 ژ قانوونا سزایێن عیراقى”.
كورسیێن ماسته‌ر و دكتۆرایێ بۆ كه‌سوكارێن شه‌هید و ئه‌نفالكریان دێ هێنه ته‌رخانكرن
ئه‌ڤرۆ نیوز:
جڤاتا وه‌زاره‌تا خواندنا بلند و ڤه‌كۆلینێن زانستى ب سه‌رۆكاتیا ئارام محه‌مه‌د قادر وه‌زیرێ خواندنا بلند ئه‌ڤرۆ سێشه‌مبى 12/11/2019 بریارا ته‌رخانكرنا كورسیێن تایبه‌ت یێن خواندنا بلند (ماسته‌ر و دكتۆرا) بۆ كه‌سوكارێن پله ئێك (هه‌ڤژین، كور و كچ) یێن شه‌هید و ئه‌نفالكریان، ب مه‌رجه‌كى هه‌ر كه‌سێ كو هه‌موو مه‌رجێن پێشكێشكرنێ تێدا بن، د ئه‌زموونا توانا زانستى ده‌ربچیت، ئه‌و بریار دێ ژێ گریت، بێ كو بچیته پێشبه‌ركیا پێشكێشكارێن دى.
مه‌سرور بارزانى: چاره‌سه‌ركرنا پرسا كوردى فاكته‌رێ سه‌ره‌كى یێ ئاشتیێ یه
ئه‌ڤرۆ نیوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ سێشه‌مبى 12/11/2019 پێشوازى ل شانده‌كێ بلند یێ پارتا دۆزا ئازاد یا ناڤدار ب (هوداپار) كر ب سه‌رۆكاتیا ئیسحاق ساغلام، سه‌رۆكێ گشتیێ وێ پارتێ.
د دیداره‌كی دا دووپاتى ل سه‌ر گرنگیا خه‌باتا ئاشتیخوازانه یا گه‌لێ كورد و رێزگرتن ل داخوازیێن وى یێن ره‌وا و چاره‌سه‌ركرنا دادپه‌روه‌رانه‌یا پرسا كوردى هاته كرن، كو فاكته‌رێ سه‌ره‌كى یێ ئاشتى و ئارامیى یه ل ده‌ڤه‌رێ.
هه‌روه‌سا ئاماژه ب گرنگیا پێشڤه‌برنا په‌یوه‌ندیێن دۆستانه یێن گه‌لێ كوردستانێ و گه‌لێن ده‌ڤه‌رێ هاته كرن.
هه‌لبژارتنێن جڤاتێن پارێزگه‌هان هاتنه پاشخستن
ئه‌ڤرۆ نیوز:
جڤاتا وه‌زیرێن عیراقێ ئه‌ڤرۆ سێشه‌مبى 12/11/2019 بریارا پاشخستنا هه‌لبژارتنێن جڤاتێن پارێزگه‌هێن عیراقێ په‌سه‌ند كر.
ئه‌ڤ بریارا جڤاتا وه‌زیرێن عیراقێ د ده‌مه‌كى دایه كو ل هه‌یڤا ته‌موزا بۆرى په‌رله‌مانێ عیراقێ بریار ل سه‌ر ئه‌نجامدانا هه‌لبژارتنێن جڤاتێن پاریزگه‌هان ل نیسانا 2020 دابوو
هه‌ر د كۆمبوونێ ئه‌ڤرۆ یا جڤاتا وه‌زیرێن عیراقێ، بریار ل سه‌ر هه‌ردو پرۆژه قانوونێن كۆمسیۆنا بلند یا هه‌لبژارتنان ل عیراقێ و هه‌لبژارتنێن په‌رله‌مانى هاته دان و هاتنه هنارتن بۆ په‌رله‌مانێ عیراقێ.
مەسرور بارزانی: دڤێت جڤاکێ مە ببیتە جڤاکەکێ بەرهەمهێنەر
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ل گەل سەرۆکێن جڤاتێن پارێزگەهێن هەرێما کوردستانێ کۆمبوو و د کۆمبوونێ دا سەرۆکێ حوکمەتێ دیار کر کو دڤێت جڤاتێن پارێزگەهان هاریکاریا پرۆژێ گشتی یێ حوکمەتێ د بیاڤێ چاکسازیێ و خزمەتگوزاریێ دا بکەن.
سەرۆکێ حوکمەتێ ئەو یەک ژی دیار کر کو دڤێت جڤاکێ مە ژ جڤاکەکێ بکارهێنەر ببیتە جڤاکەکێ بەرهەمهێنەر و ژ بۆ هندێ ژی دڤێت جڤاتێن پارێزگەهێن هەرێما کوردستانێ هاریکاریا حوکمەتێ بکەن.
دادگه‌ها فيدرال بڕياره‌ك د به‌رژه‌وه‌ندا كوردان دا ده‌ركر
ئه‌ڤرۆ نيوز، نيوار محه‌مه‌د سه‌ليم:
دادگه‌ها فيدرال يا عيراقێ بڕيار دا چه‌ند بڕگه‌يه‌كێن قانوونا هه‌لبژارتنان د به‌رژه‌وه‌ندا ده‌ڤه‌رێن كوردستانى يێن ده‌رڤه ئيدارا هه‌رێمێ دا بهێنه راستڤه‌كرن.
ژێده‌ره‌كێ ئاگه‌هاندار راگه‌هاند كو ئه‌ڤرۆ دادگه‌ها فيدرال يا عيراقێ ده‌رباره‌ى تانه‌لێدانا لژنا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ ل په‌رله‌مانێ كوردستانێ كۆمبوويه و بڕيار دايه كو دو بڕگه ژ قانوونا هه‌لبژارتنان بهێنه راستڤه‌كرن كو رێگرى دكر ژ ده‌نگدانا ئه‌وا وه‌لاتيێن ل ده‌ڤه‌رێن كوردستانى ئاواره و ل هه‌رێما كوردستانێ دبنه‌جهـ.
ئسرائيلێ زه‌نگا ئاگه‌هداركرنێ لێدا و بارێ نه‌ئاسايى راگه‌هاند
ئه‌ڤرۆ نيوز، نيوار محه‌مه‌د سه‌ليم:
سپێده‌هيا ئه‌ڤرۆ ل ده‌ڤه‌را ريشۆن لتسيۆن ل نێزيك تل ئه‌ڤيڤ ل دووريا 60 كيلۆمه‌تران ژ غه‌ززه، زه‌نگا هايداركرنێ لێدا و پشتى ئاراسته‌كرنا ژماره‌كا مووشه‌كان ل كه‌رتێ غه‌ززه، ده‌نگێ ب ده‌هان ته‌قينێن ب هێز يێن وان دژى مووشه‌كان هاتنه بيستن كو ژ لايێ هێزێن به‌ره‌ڤانيا ئسرائيلێ بۆ روو ب رووبوونا وان مووشه‌كێن ژ غه‌ززه هاتين هاتبوونه هاڤێتن.
ئه‌ڤ چه‌نده پشتى چه‌نده ده‌مژمێره‌كێن كێم هات ژ كوشتنا به‌ها ئه‌بۆعه‌تا، فه‌رماندێ ده‌ڤه‌را باكوورێ كه‌رتێ غه‌ززه يێ سه‌ر ب بالێ له‌شكرى يێ سه‌رايا قودس ژ لايێ ئسرائيل ڤه.
پاشان ئسرائيل ده‌واما فه‌رمى ل هه‌موو قوتابخانه و لڤينێن شه‌مه‌نده‌فران راگرت و هه‌موو ئه‌و رێ ژى گرتن، كو به‌ر ب كه‌رتێ غه‌ززه دچن و سه‌ره‌راى راگه‌هاندنا بارێ نه‌ئاسايى ل وه‌لاتى ژ ئه‌گه‌رێ وێ چه‌ندێ كو دبيت تۆلڤه‌كرنێ ژ لايێ سه‌رايا قودس بۆ كوشتنا فه‌رماندێ وان، ئسرائيلێ جهه‌كێ ڤه‌حه‌واندنێ يێ تايبه‌ت ژى بۆ وان وه‌لاتيان به‌رهه‌ڤ كريه يێ ل نێزيك سنورێ كه‌رتێ غه‌ززه د بنه‌جهـ.
ئه‌كاديميا له‌شكرى يا زاخۆ دێ گه‌را ده‌رچوونێ يا 26ێ ئه‌ڤرۆ گێريت
ئەڤرۆ نیوز،عەلی حاجی:
پشتی دەمەکێ کێم دێ رێ و رەسمێن ئاهەنگا خولا ٢٦ێ یا دەرچوونا قوتابیێن ئەکادیمیا سەربازی یا دووێ ل زاخۆ هێتە گێران.
مقەدەم کوڤان عامر بەرپرسێ راگەهاندنا کولیژا سەبازی دووەم ل زاخۆ بۆ ئەڤرۆ نیوز گوت : ل بن چاڤدێری و ئامادەبونا رێزدار نێچیرڤان بارزانی سەروکێ هەرێما کوردستانێ و دێ ئاهەنگا گەرا ٢٦ێ یا ئەکادیمیا سەربازی دوو ل زاخۆ ب دوماهی هێت کو ئەوا ٢٣٣ هێزێن پێشمەرگەیی دپلەیێن جودا دا ژ دەرچوویێن کولیژێن مەدەنی نە و ئەڤ خولە بۆ ماوەیێ ٩ هەیڤان بەردەوام بوو،دڤێ خولا سەربازی دا وانەیێن تیوری پراکتیکی ب شێوەیەکێ سەردەمیانە هاتنە دان و مەرەم ژڤەکرنا ڤێ خولێ ئەو بویە کو لەشکەرەکێ ئەکادیمی دناڤ هێزێن پێشمەرگەیێ کوردستانێ دا بهێنە دانان.
ناڤهاتی ئەو چەندە ژی گوت : هەر ئەڤرۆ دێ قوتابیێن ئێکەم دڤان رێ و رەسمێن تابەت دا هێنە خەلات کرن و پشتی خول ب دوماهی دهێت دێ جارەکادی دپلەیێن خوەیێن جودا دا دناڤ هێزێن پێشمەرگەیی دا پشکدارێن ڤێ خولێ دەست ب کار بن وەکو لەشکەرەکێ ئەکادیمی.
نيشاندان
WP Facebook Auto Publish Powered By : XYZScripts.com