ئەڤرۆ نیوز:
سەرۆکێ هەرێما کوردستانێ نێچیرڤان بارزانی راگەهاندنەک بەلاڤکریە و تێدا ئاماژە ب هندێ هاتیە کرن کو سەرۆکێ هەرێما کوردستانێ پرۆژێ چاکسازیێ کو ژ ئالیێ ئەنجوومەنێ وەزیران یێ هەرێما کوردستانێ هاتبوو ئامادەکرن و ل پەرلەمانێ کوردستانێ ژی هاتبوو پەسەند کرن، سەرۆکێ هەرێما کوردستانێ ژی ئەو یاسایە کو بۆ هەموو خەلکێ کوردستانێ گرنگ بوویە، پەسەند کریە.
سەرۆکێ هەرێما کوردستانێ داخواز ژ حوکمەتێ ژی کریە کو پرۆژەکێ ئێکگرتی بۆ خانەنشینان ل هەرێما کورستانێ ژی ئامادە بکەت.
ئەڤرۆ نیوز ، زنار تۆڤی:
ل سپێدەهیا ئەڤرۆ سێشەمبی 4.2.2020 پێلەکا دیتر یا بەفرێ ناحیا کانی ماسێ یا سەر ب قەزا ئامێدیێ ڤەگرتیە و د ئەنجامدا هەتا نوکە رێژەکا بەفرێ ل سەنتەرێ ناحیا کانی ماسێ و گوندێن دەوروبەر باریە و نوکە ژی ب رەنگەکێ بەردەوام بەفر یا دباریت.
کامیران محەمەد رێڤەبەرێ شارەوانیا کانی ماسێ، تایبەت بۆ ئەڤرۆ نیوز دیار کر: ئەڤرۆ پێلەکا دیتر یا بەفرێ ل سنورێ ناحیا کانی ماسێ باریە و د ئەنجامدا هەتا نوکە رێژەکا بەفرێ ل سەنتەرێ ناحیا کانی ماسێ باریە و نوکە ژی بەفر بارین یا بەردەوامە، لێ هێشتا رێکێن هاتنوچوونێ نەهاتینە گرتن، هەروەسا نوکە ل هندەک گوندێن ڤێ دەڤەرێ نێزیکی میترەک و نیڤێن بەفرێ لێ هەنە.
ئهڤرۆ نیوز، عهلی حاجی :
سهنتهرێ زاخۆ بۆ ڤهكولینێن كوردی رێ و رهسمێن ئیمزاكرنێ ل سهر 20 پهرتوكان ل زانكۆیا زاخۆساز كر كو ئهو پهرتوك نڤێسهرێن پارێزگهها دهۆكێ ل دور مێژوویا زمانی و ئهدهبیات و جوگرافیا كوردی ئامادهكربوون .
د.عهبدولسهلام نهجمهددین سهروكێ سهنتهرێ زاخۆ بۆ ڤهكولینێن كوردێ بۆ ئهڤرۆ نیوز گۆت: بۆ ڤێ قوناغێ سهنتهرێ مه 20 پهرتوك كو ڤهكولینێن زانستی نههاتینهچاپ كرن و ئهڤ پهرتوكه ژلایێ نڤێسهرێن پارێزگهها دهۆكێ ب دو زمانان هاتینه بهرههڤ كرن و ئهڤ پهرتوكه ل وهلاتێ توركیا ب شێوهیهكێ باش هاتینه دروست كرن و پهرتوكێن ل ڤێ گهرێ ب دور زمان و ئهدهبیات و مێژوو و جوگرافیا كوردی هاتینه نڤێسین و ماوهیێ ههشت ههیڤان بوو ئهم مژوولی ڤه پرۆژهیی بووین و د پرۆژهیێ مهدا ژمارهیهكا كێمتر یا پهرتوكاندا هێنه چاپ كرن بهلێ مهدیت پهرتوكێن باش گههشتینه دهستێ مه لهورا مه ههژمارا وان پهرتوكان گههانه 20 پهرتوكێن چاپ كری .
و گۆت ژی: ههكه داهاتهكێ پێدڤی ل بهردهستێ مه ههبیت 10 پهرتوكێن وهرگێرانێ ل بهردهستن بۆ چاپكرنێ كوتایبهتن ب زمان و مێژوویێ و ژ زمانێ ئینگلیزی رووسی هاتینه وهرگێران و ههردیسان بهرههمهكی چدیتر كو ژ دهنگێ مهلا خهلیل مشهختی نێزیكی ههشت دهمژمێرایه كو د قوناغا پاقژكرنێ دایه و د بهرنامهیێ مهدایه بهلاڤ بكهین و ههردیسان پتری 20 دهست نڤسكا كهڤتینه بهردهستێ مه كو مهولودنامهنه و ههمی هاتینه راستڤه كرن و پشتی بهلاڤ كرنا وێ دێ كاریگهریا خوه ل سهرئهدهبیاتا كوردی یا ههڤ چهرخ كهت .
ئهڤرۆ نیوز:
پهیڤدارێ حوكمهتا عیراقێ راگههاند: تاكو محهمهد توفیق عهلاوی وهك سهرۆك وهزیر ل جڤاتا نوونهران باوهریێ وهر دگریت عادل عهبدل مههدی دێ ل سهرۆكاتیا حوكمهتی دا بهردهوام بیت.
سهعد حهدیسی پهیڤدارێ حوكمهتا عیراقێ راگههاند: حوكمهتا نوكه ب سهرۆكاتیا عادل عهبدل مههدی بۆ برێڤهبرنا كارۆباران دێ بهردهوام بیت تا ئهوی دهمی جڤاتا نوونهرێن عیراقێ باوهریێ ددهنه محهمهد توفیق عهلاوی.
پهیڤدارێ حوكمهتا عیراقی ئهو چهنده ژی دیاركر دهسهلاتێن حوكمهتا نوكه ههمی دێ هێنه رادهستكرن بۆ حوكمهتا نوو پشتی باوهریێ ژ جڤاتا نوونهران وهرد گریت.
ئێكێ ههیڤا دو د.بهرههم ئهحمهد سالح سهرۆك كۆماری عیراقێ محهمهد توفیق ب مهبهستا پێك ئینانا حوكمهتا نوو یا عیراقێ راسپادر، كۆ ژلایێ پشكهكا زۆرا شیعهیان ڤه پشتهڤانی لێ دهێتهكرن.
سهعد حهدیسی پهیڤدارێ حوكمهتا عیراقێ ئاماژه ب وێ چهندێ ژی دا كۆ دهست ژ كارڤهكێشانا عادل عهبدلمههدی ل دهستپیكا ههیڤا یازده یا سالا بوری و حوكمهتا عیراقێ ب شێوهیهكی كاربرێكهر بهردهوامیێ ددهته كارین خۆ، دهسهلاتێن گرێبهست و رێكهفتنێن دهرهكی و ناڤخوی و هنارتنا پرۆژهیێن یاسایی ژێ هاتینه وهرگرتن.
ئهڤرۆ نیوز:
ب ئهگهرێ بهردهوام بوونا حوكمهتێ ل راوهستاندنا قله بلندكرنێ یا فهرمانبهران، ژمارهیهكا پهرلهمانتاران یاداشتهك بۆ پله بلندكرنا فهرمانبهران ئاراستهی سهرۆكاتیا پهرلهمانێ كوردستانێ كر.
دوێ یاداشتنامهیێ دا 36 پهرلهمانتاران ل سهر ئیمزاكریه،ئهو چهنده ئێخسته ری كو ل سالا 2016 وهره ب ئهگهرێ قهیرانا دارایی بلندكرنا فهرمانبهران هاتیه راوهستاندن، لێ نوكه بارودوخێ دارایی یێ ههرێمێ باش بوویه داخازێ دكهین كۆ ئهو ماف بۆ فهرمان بهران بهێته زڤراندن.
ئهوان پهرلهمانتاران داخاز ژ سهرۆكاتیا پهرلهمانێ كوردستانێ كریه كۆ نفیسارهكێ ئاراستهی سهرۆكاتیا جڤاتا وهزیران بكهت بۆ دهستپێكرنا پله بلندكرنا فهرمنبهر و مووچهخوران.
ئهڤرۆ نیوز:
مهرحهعهكێ شیعهیێن عیراقێ بهرههڤیا خۆ بۆ ژناڤبرنا ئالوزیان راگههاند.
قاسم تائی ئێكه ژ مهرجهعێن شیعهیێن عیراقێ د بهیاننامهیهكێ دا راگههاند: پێدڤیه ههموو لایهن ب ژیری سهرهدهریێ ل گهل رهوشا نوكهیا عیراقی بكهن، بكارئینانا هێزێ و توندوتیژیێ دێ جڤاكێ عیراقی كهته دو بهره و دژایهتیا ئیك كهن.
قاسم تائی بهرههڤیا خو ژی بۆ ناڤبژیڤانیێ دناڤبهرا لایهنان نیشاندا، بۆ ئهوێ چهندێ ئهو فتنهیه بهێته ژناڤبرن، و داخاز ژ ههموسیاسهتمهدار و زانا و مهرجهعێن شیعی و شێێن عهشیرهتان كر ب ژیری سهرهدهریێ ل گهل كاودانێن عیراقێ بكهن.
ههولێر، قائید میرۆ
پڕۆژه قانوونا بودجا گشتی یا عێراقێ دناڤبهرا حوكمهت و پهرلهمانێ عێراقێ ههلاویستی مایه و شارهزا ژی ئاماژه ب ڤێ چهندێ دكهن، ههتا چارهنڤیسێ حوكمهتا عێراقێ نههێته ئێكلاكرن دێ بودجه ژی وهك خوه ب ههلاویستی مینیت، وهزیرێ بهرێ یێ داد ژی تهكهست كر، حوكمهتا نوكه یا عێراقێ چو دهستههلاتێن قانوونی نهماینه بۆ هنارتنا پڕۆژه قانوونا بودجهی.
شێروان حهیدهری، وهزیرێ بهرێ یێ داد ل حوكمهتا ههرێما كوردستانێ دیار كر “ل گۆرهی قانوونێ ههر دهمێ پڕۆژه قانوونا بودجهی نههێته پهسهندكردن، ئێك ل سهر دوازدهیا بودجهی دهێته مهزاختن، واته ئهڤساله 2020ێ هێشتا پڕۆژه قانوونا بودجێ گشتیێ عێراقێ نههاتیه پهسهندكرن و ب تنێ بودجێ سالا بۆری یێ پهسهندكریه ل گۆرهی قانوونێ ههیڤا ئێك یا سالا بۆری چهند بودجه هاتیه مهزاختن ههیڤا ئێك یا ئهڤ ساله ژی دێ هند بودجه هێته مهزاختن، ههتا وی دهمێ بودجه ل عێراقێ دهێته مهزاختن، سهرۆك وهزیرێن نوكه یێ عێراقێ دهستههلاتێن هنارتنا پڕۆژه قانوونا بودجهی نینه بۆ پهرلهمانی، چونكه عادل عهبدولمههدی سهرۆك وهزیرێ كار فڕێكهره و بهری نوكه دهست ل كارێ خوه ڤهكێشایه.
شێروان حهیدهری ئاماژه كره وێ چهندێ “پڕۆژه قانوونا بودجهی بۆ ئهڤ ساله دهێته دانان، كیش سهرۆك وهزیر ل سهر دهستههلاتێ یه و ئهو دشێت بودجهی بدهته پهرلهمانی و پشتی پهسهندكرنێ ژی بجه بینیت، بودجهیێ ئهڤ ساله بۆ ئهڤ سالهیه و عادل عهبدولمههدی وهك وهزیر نامینیت ههتا پڕۆژه قانوونا بودجێ عێراقێ بجه بینیت، ئهو سهرۆك وهزیرێن دبیته سهرۆكێ حۆكمهتێ ڤی سهرۆك وهزیری دهستههلات ههنه بودجهی بدهته پهرلهمانی و پشتی پهسهندكرنێ ژی كار ب بودجهی بكهت، بهلێ نوكه كهسێ دهستههلات نینه بۆ هنارتنا پڕۆژه قانوونا بودجهی، چو رێكێن دی یێن قانوونی ژی نینه و تنێ چارهسهر ئهڤه ههیڤ بۆ ههیڤێ ئێك ل سهر دوازده بهێته مهزاختن.
جهمال كۆچهر، ئهندامێ لیژنا دارایی و ئابووری ل پهرلهمانێ عێراقێ دیار كر “ئهو پشكا بودجهی یا بۆ بهلاڤكرنا مۆچێ فهرمانبهران دهێته مهزاختن دێ ئهڤ ساله ژی وهك ههیڤا ئێك یا سالا بۆری هێته بجه ئینان، چونكو هێشتا پڕۆژه قانوونا بودجا عێراقێ نههاتیه پهسهندكرن، ژلایێ پهرلهمانێ عێراقێ ڤه، لهوڕا ژی دێ ل دهستپێكێ ب تنێ مووچه و مهزاختیێن رۆژانه پاره هێته بهلافكرن و بودجێ پڕۆژهیان و وهبهرهێنانێ دێ مینیت ههتا پشتی پهسهندكرنا پڕۆژه قانوونا بودجهی، دهربارهی مووچێ فهرمانبهرێن ههرێما كوردستانێ ژی ل گۆرهی قانوونێ چاوا سالا بۆری مۆچه هاتیه مهزاختن دێ ئهڤ ساله ژی ههروهسا هێت و ههیڤانه دێ 454 ملیار دینار بهغدا رادهستی حۆكمهتا ههرێما كوردستانێ بكهت.
ل دۆر ئێكلاكرنا پڕۆژه قانوونا بودجێ گشتیێ عێراقێ جهمال كۆچهر گۆت “پڕۆژه قانوونا بودجهی چهند شێوهیهك ههنه بۆ ئێكلاكرنێ، ئهگهر سهرۆك وهزیرێن كار فڕێكهرێ عێراقێ ل سهر پۆستێ خوه یێ بهردهوامبیت پڕۆژه قانوونا بودجهی ناهێته پهرلهمانی ههتا وی دهمێ ههلبژارتن دهێنه ئهنجامدان، ئهگهر سهرۆك وهزیرهكێ دی پۆستێ سهرۆك وهزیران بشێوهیهكێ كار فڕێكهر بیت شیانێت هنارتنا پڕۆژه قانوونا بودجهی نابن، لهوڕا دێ ههر ئێك ل سهر دوازدێ هێته مهزاختن، ههتا وی دهمێ حوكمهتهكا نوو ل عێراقێ دهێته پێك ئینان و ڤێجا وی دهمی یان دێ ئهف پڕۆژه قانوونا بودجهی هێته پهرلهمانی یا حوكمهتا نوكه بهرههڤكری یان ژی پڕۆژهیهكێ دی بهێته بهرههڤكرن، ئهڤا د بهرژهوهندیا كوردان ئهڤه پڕۆژه قانوونا نوكه یا بودجهی بهێته پهرلهمانێ عێراقێ بۆ پهسهندكرنێ، ژ بهر كو رێكهفتن ل سهر هاتیه كرن.
ئهڤرۆ، ئهمیر ئهترووشی
رێڤهبهرێ پهرتۆكخانا گشتی یا ئامێدیێ راگههاند، مه ب نڤیسارهكا فهرمی داخواز ژ بهغدا كریه ههر 400 دهست خهتێن میر و پاشایێن ئامێدیێ ئهوێن ل بهغدا ماین بۆ ئامێدیێ بهێنه ڤهگوهاستن و گۆت: هژمارهكا زۆر یا نڤیسهرێن كورد ژ بۆ مفا وهرگرتنێ و چێكرنا ڤهكۆلین و نامێن ماستهر و دكتورایێ بهردهوام قهستا بهغدا دكهن بۆ دیتنا وان دهستخهتان، بهلێ بهغدا ههتا نها ب چو رهنگان رازی نهبوویه وان دهست خهتان ب ڤهگهرینیته ڤه بۆ پهرتۆكخانا ئامێدیێ.
سهلمان نهێلی، رێڤهبهرێ پهرتۆكخانا گشتی یا ئامێدیێ بۆ ئهڤرۆ نیوز دیار كر، نێزیكی 10 هزار دهست خهتێن میر و زانا و سولتان و پاشایێن ئامێدیێ ههبوون، بهلێ پشتی ل سالا 1919 هندهك ژ پهرتۆكخانێن ئامێدیێ هاتینه سۆتن، پتریا پهرتۆكان هاتنه سۆتن و یێن مایی ژی كو نێزیكی 400 دهست خهتانه، ل وی دهمی عیراقێ دهست ب سهردا گرت و برن ل بهغدا پاراستن و ههتا نوكه نههاتینه ڤهگهراندن.
نهێلی زێدهتر دبێژیت: مه ب رێیا پهرتۆكخانا گشتی یا دهۆكێ و ب نڤیسارهكا فهرمی داخواز ژ بهغدا كریه وان دهست خهتان ب ڤهگهرینیته پهرتۆكخانا ئامێدیێ و وان دهستخهتان ژی ههموو مۆر و ناڤێن میرێن ئامێدیێ ل سهر ههنه، ب تایبهت ژی دهست خهتێن میر سۆلتان حسێنێ كۆرێ حهسهن، پتریا دهست خهتێن وی ماینه ڤه.
ئاماژه ب هندێ ژی دا، هژمارهكا زۆر یا نڤیسهرێن كورد ژ بۆ مفا وهرگرتنێ و چێكرنا ڤهكۆلین و نامێن ماستهر و دكتورایێ بهردهوام قهستا بهغدا دكهن بۆ دیتنا وان دهستخهتان، بهلێ بهغدا ههتا نها ب چو رهنگان رازی نهبوویه وان دهست خهتان ب ڤهگهرینیته ڤه بۆ پهرتۆكخانا ئامێدیێ.
سهرهرای هندێ خواندنگهها قوبههان وهكه خواندنگهههكا دیروكی و شارستانی ل سهرانسهری كوردستانێ دهێته نیاسین و دناڤا وێ خواندنگههێدا ههر ئێك ژ زانستێن (ئایینی و ئهندازیاری و دیروكی و فهلسهفی) دهاتنه خواندن، لێ ب دلگرانی ڤه پشتی خرابكرنا وێ خواندنگههێ د دهمێ خودا، چهندین پهرتوكێن وێ هاتنه سوتن و ژناڤبرن و چهندین دانهیێن دیتر یێن پهرتوكێن وێ بو بهغدا هاتنه رهوانهكرن و ههتا نها نههاتنه ڤهگهراندن بو ئهوێ دهڤهرێ“.
سهلمان نهێلی، رێڤهبهرێ پهرتۆكخانا گشتی یا ئامێدیێ ئهو یهك ژی دیار كر كو پشتی شهرێ جیهانیێ ئێكێ هژمارهكا زۆر یا پهرتۆكێن میر و پاشایێن ئامێدیێ د ناڤا پهرتۆكخانان دا هاتنه سۆتن و ئهڤه ژی بوو ئهگهر كو رێژهیهكا مهزن یا دیرۆكا ئامێدیێ ژناڤ بچیت و بهێته شێلان و گۆتیشی: پشتی خواندنگهها قوبههان هاتیه سوتن و چهندین پهرتوك هاتینه ژ ناڤبرن، پتر ژ 400 پهرتوكێن خواندنگهها قوبههان بو موزهخانا نیشتمانی ل بهغدا هاتینه رهوانهكرن و دهێنه پاراستن، بهلێ پێدڤیه ئهو پهرتۆكه بۆ ئامێدیێ بهێنه ڤهگهراندن و ل جهێ خوه یێ رهسهن بهێنه دانان.
ئهڤرۆ نيوز:
ژێدهرێن ئهمنی یێن عیراقی ل هێزێن زێرهڤانێن سنووری و شاهد حالێن خهلكێ دهڤهرا قائیم ل پارێزگهها ئهنبار ل رۆژئاڤایێ عیراقێ ل سهر سنوورێ سووریێ، ئاماژێ دكهن كو (كهتیبێن حزبوللا) یێن ب سهر حهشدا شهعبی ڤه كو ئیران پشتهڤانیهكا ب هێز ل وان كهتیبان دكهت، دهست ب پرۆسا ئاڤاكرنا سهربازگهههكێ نوویه ل سهر سنوورێ سووریێ ل شوونا سهربازگههێ بهرێ ئهوێ ژلایێ فرۆكێن ئهمریكی ڤه ل 29 كانینا ئێكێ یا بۆری هاتیه بوردومانكرن و ژناڤبرن كو ب دههان چهكدارێن وێ هاتینه كوشتن و برینداركرن، وهكو بهرسڤهكا هێزێن ئهمریكی ل سهر بوردومانا بنگههێ لهشكری یێ ئهمریكی ل كهركووكێ كو واشنتۆن (كهتیبێن حزبوللا) ب ئهنجامدانا وێ هێرشێ تۆمهتبار كربوو.
ئهڤ چهنده دهێت د دهمهكی دا چالاكیێن ئهسمانی یێن ئهمریكی ل سنوورێ عیراقێ و سووریێ د بهردهوامن، فهرماندهكێ هێزێن زێرهڤانێن سنووری یێن عیراقێ بۆ “(العربی الجدید) راگههاند” كهتیبێن حزبوللا جههكێ نوو ل سهر رێیا عهكاشان قائیم وهكو بارهگایهكێ سهرهكی ل سهر سنوورێ عیراقێ و سووریێ بۆ خوه دیاركریه كو كهتیبێن ناڤبری دبن ناڤێ (لیوا 45) دچارچۆڤێ پهیكهرێ نوو ئهوێ حوكمهتا عیراقێ بكارئینای د قانوونا حهشدا شهعبی دا، ئانكو پشتی حهشدا شهعبی هاتیه هژمارتن پشكهك ژ هێزێن چهكدار یێ فهرمی ل عیراقێ ل دووڤ قانوونهكێ كو ژ لایێ جڤاتا نوونهرێن عیراقێ ڤه هاتیه پهسهندكرن”.
ل دووڤ وی فهرماندێ زێرهڤانێن سنووری یێن عیراقی، ئهو بارهگایێ نوو هاتیه دیاركرن بۆ كهتیبێن حزبوللا، بارهگایهكێ كهڤن یێ لهشكرێ عیراقێ بوو و دهێته بهرههڤكرن وهكو بارهگایێ نوو ل شوونا وی بارهگایێ ژلایێ فرۆكێن ئهمریكی ڤه هاتیه ژناڤبرن، ئاماژه كر ژی كو ئهو بارهگایێ نوو دێ مهزنتر بیت ژ بارهگایێ هاتیه بوردومانكرن و ل ڤان نێزكان چهكدارێن كهتیبێن حزبوللا دێ بۆ وی هێنه ڤهگوهاستن.
ههولێر نیوز، قائید میرۆ
چاڤدێرهكێ سیاسی رهتكر بهربژارێ راسپاردی بۆ پۆستێ سهرۆك وهزیرێن عیراقێ بشێت ئاریشان چاره بكهت و دبێژیت، محهمهد تهوفیق عهلاوی نهشێت خوه ل ههمبهر لایهنێن سیاسی بگریت و خوهنیشادهران ژی دیاركرنا وی بۆ پۆستێ سهرۆكێ وهزیران رهتكریه.
د. خهلیل ئیسماعیل زێدهتر گۆت” رهوشا عێراقێ یا گههشتیه قۆناغهكا گهلهك ئالۆز و ب دانانا سهرۆك وهزیرهكێ نوو ناهێته چارهسهركرن، چهندین لایهنێن عیراقی بۆچوونێن جودا ل سهر دانانا سهرۆك وهزیرێن نوو بۆ عیراقێ یێن ههین، چونكه ب دیتنا من ههكه بهێت و ل جڤاتا نوونهران ژی دهنگ پێ بهێتهدان و محهمهد تهوفیق عهلاوی وهك سهرۆكێ وهزیران دهست بكار بیت، نهشێت حوكمهتێ ب رێڤه ببهت و ئاریشێن نوكه ل عیراقێ ههین چارهسهر بكهت، ب تایبهتی دهمهكێ زۆر ب سهر دانانا سهرۆكێ وهزیران ڤه چوویه، ژ لایهكێ دیڤه جهماوهرێ خوهنیشادهرێ عیراقی یێ رازی نینه ب دانانا محهمهد تهوفیق عهلاوی، ئهز یێ گهشبین نینم ب سهرۆك وهزیرێن داهاتیێ عیراقێ و دێ تووشی ئاریشان بیت، ژ بهر كو رهوشا عیراقێ هند یا ئالۆزه كو چارهسهركرنا وێ كارهكێ ب زهحمهته، چو رۆناهی بۆ رهوشا عیراقێ یا دیار نینه كو بهر ب باشتر بچیت.
پرۆفیسۆر خهلیل ئیسماعیل ئاماژهكر”ئاریشا سهرهكی یا عیراقێ د ڤێ چهندێ یه ههموو لایهنێن عیراقی ل سهر ئێك كهس ناگههن رێككهفتنێ، مهرجێ هاتیه دانان بۆ كهسێ دبیته سهرۆك وهزیرێن عیراقێ ژلایێ خوهنیشادهران ڤه مهرجهكێ گرانه، چونكه ل عیراقێ چو كهس نینه سهر ب لایهنێن سیاسی ڤه نهبیت، ههكه بهێت و كهسهكێ بێلایهن ژی بكهنه سهرۆكێ حوكمهتێ بێگومان سهركهفتنێ نائینیت، ژ بهر كو ههكه سهرۆكێ وهزیران چو پشتهڤان نهبن، دێ چاوان شێت كاركهت و ههمبهری ڤان ههموو هێزێن سیاسی خوه راگریت؟. ئالۆزیێن عیراقێ دانانا سهرۆكێ وهزیران نینه، بهلكو ئاریشه گهلهك یا مهزنتره و پێدڤیه ههموو لایهن پێكڤه ل چارهسهریهكا بنهڕهتی بگهڕن، دانانا كهسهكی كارهكێ ب ساناهیه، بهلێ ب رێڤهبرنا عیراقێ كارهكێ ب زهحمهته، ژ بلی ئاریشێن ناڤخوه، پێدڤیه ولاتێن وهكو ئیرانێ و ئهمریكا ژی رازی ببن ل سهر كهسێ دبیته سهرۆكێ وهزیران، ڤێجا ئهو ههموو مهرج و رازیبوونه چو جاران یا سهركهفتی نابیت.
نيشاندان