ئەڤرۆ نیوز، نەوزاد هلۆری:
ئەڤرۆ جڤاتا پارێزگەها دهۆکێ ل دۆر بهایێ ئه‌ریزان پشتی کو ژلایێ كۆمپانیەكا راسپاردی هاتیە دیارکرن، ب بەرهەڤبوونا نوونەرێ کومپانیێ و دادنوس و داواکارێ گشتی ئەنجام دا، ل دووماهیا كۆمبونێ سەرۆکێ جڤاتێ دیارکر کو ئەو وەکو جڤاتا پارێزگەها دهۆکێ ل گەل وێ چه‌ندێ نینن کو بهایێئه‌ریزان بهێتە گرانکرن ژبەرکو دێ بارگرانیێ ل سەر وەلاتیان درۆست کەت.
ئه‌ڤرۆ نيوز: ره‌وان نهێلى:
پرۆژێ دروستكرنا جوتسايدكرنا رێيا رووڤيا بۆ چه‌مه‌ى كو رێيه‌كا ستراتيژى يا د ناڤبه‌را پارێزگه‌ها دهۆك و هه‌ولێرێ دا دايه، ژ ئاليێ كۆمپانيا كاڤين گرۆپ ڤه دهێته بجهئينان و نوكه ب رێژا 56% ب دووماهى هاتيه و ل نێزيك دێ 5 كم رێيێ هێنه ڤه‌كرن كو هاتيه قێركرن.
b
پرۆژێ رێیا جوتسایدكرنا رووڤیا بۆ چه‌مه‌ی كو 22 كم رێكێ نه، ل دووڤ گوتنا ئه‌ندازیار كامیران عه‌بدولا رێڤه‌به‌رێ پرۆژێ جوتسایدێ روڤيا بۆ چه‌مه‌ى، نوكه ب رێژا 56% ب دووماهی هاتینه و 30% رێ هاتيه قێركرن و ل دوماهيا ئه‌ڤ ساله دێ پرۆژه ب دووماهى هێت ل سه‌ر دو قاتێن قێرى و قاتێ سيێ دێ بۆ سالا بهێت بيت.
پرۆژێ رێیا جوتسایدكرنا رێیا رووڤیا بۆ چه‌مه‌ی كو ب گوپال به‌رنیاسه، ل 25/9/2018 ب به‌رهه‌ڤبوونا نێچیرڤان بارزانی سه‌رۆكێ حوكمه‌تا هه‌رێما كوردستانێ به‌رێ بنیاتی بۆ هاتیه دانان كو 22 كم رێكێ نه و ژ ئالیێ كومپانیا كاڤین كرۆپ ڤه دهێته جێبه‌جێكرن كو ژ 7 ئوڤه‌رپاسان پێكدهێت و هه‌ردو پارێزگه‌هێن هه‌ولێر و دهۆك پێكڤه گرێدده‌ت.
دانا عه‌بدولكه‌ریم وەزیرێ ئاڤەدانکرن و ئاکنجیبوونێ یێ حکوومەتا هەرێما کوردستانێ ئه‌ڤرۆ سه‌ره‌دانا پرۆژێ دروستكرنا جوتسايدكرنا رێيا رووڤيا بۆ چه‌مه‌ى دا و ل نێزيك ئاگه‌هدارى قوناغێن بجهئينانا وێ بوو.
ئەڤرۆ نیوز، نەوزاد ھلۆری:
ژ ئەگەرێ نەمانا ئوکسجینێ دناڤ ئاڤێ دا، ھژمارەکا زۆرا ماسیان دناڤ پروژەکێ خودانکرنا وان ل گوندێ چەمترێ ل سنورێ ناحیا مانگێشک یا سەر ب پارێزگەھا دھۆک مرن، خودانێ پروژەی ددەت دیارکرن ئەگەر حوکمەتێ کارەبا نیشتمانی بو وان دابینکربایە ماسیێن وان نەدمرن.
ھێرش تەھا، خودانێ پرۆژەی بو ئەڤرۆ نیوز گۆت: (ژ ئەگەرێ نەبوونا کارەبا نیشتمانی، کارەب ل سەر پرۆژەی نەما و بڤێ یەکێ ژی ئوکسجین دناڤ ئاڤێ دا نەما و بویە ئەگەرا مرنا ماسیان).
زێدەتر گوت: (نێزیکێ 10 ھزار ماسیان مرن، ئەوێن دی ژی توشی نەخوشی و خاڤبونێ بوون، ھندەک ب تنێ ماینە ساخ، مرنا وان ماسیان زیانێن زۆر ب مە گەھاندن، ژبەرڤێ ئەم داخوازا قەرەبوکرنێ ل حوکمەتێ دکەین، دیسان دخوازین کو کارەبا نیشتمانی ژی بۆ مە دابین بکەن، ئەگەر کارەبا نیشتمانی ل سەر پرۆژەی ھەبایە ماسێن مە نەدمرن).
پێشتر ژی چەند جارەکا ل سنوورێ پارێزگەھا دھۆک ماسی توشی ژەھراوی و مرنێ بوینە، ژ وانان پرۆژەکێ دێرەلوکو ئێک ژی ل شێلادزێ.
ئەڤرۆ نیوز، نیوار محەمەد سەلیم:
بڕياره ئه‌ڤرۆ رۆژا چارشه‌مبى جڤاتا پارێزگه‌ها دهۆكێ كۆمبوونا خوه يا ئاسايى ئه‌نجام بده‌ت و تێدا هه‌ر ئێك ژ رێڤه‌به‌را فه‌رمانگه‌ها دادنڤيسيێ، نيدار محه‌مه‌د موفتى و نوونه‌رێ كۆمپانيا “INFO RR LTD” يا په‌يوه‌نديدار هاتينه داخوازكرن.
ب گۆره‌ى نڤيساره‌كێ كو جڤاتا پارێزگه‌ها دهۆكێ به‌لاڤكريه ئاشكه‌را كريه كو ژبۆ به‌رژه‌وه‌نديا گشتى و ل گۆر بڕگا (1) ماددێ (28) ژ په‌يره‌وێ ناڤخۆ يێ جڤاتا پارێزگه‌ها دهۆكێ و پشتى بڕيارا ئه‌لكترۆنيكرنا فه‌رمانگه‌هێن دادنڤيسيێ بوويه جهێ نه‌رازيبوونێ ل ده‌ف وه‌لاتيێن پارێزگه‌هێ جڤاتا پارێزگه‌هێ دێ كۆمبوونا خوه يا ئاسايى يا ژماره 99 ل رۆژا چارشه‌مبى ل هۆلا جڤاتێ گێريت.
هه‌ر د وێ نڤيسارێ دا ئاماژه ب وێ چه‌ندێ ژى كريه كو ئه‌ڤ كۆمبوونه دێ يا تايبه‌ت بيت ب بابه‌تێ “سيسته‌مێ ئه‌لكترۆنيكرنا فه‌رماهه‌نگێن دادنڤيسێ” ل پارێزگه‌ها دهۆكێ ب ئاماده‌بوونا لايه‌نێن په‌يوه‌نديدار كو هه‌ر ئێك ژ رێڤه‌به‌را فه‌رمانگه‌ها دادنڤيسيێ، نيدار محه‌مه‌د موفتى و نوونه‌رێ كۆمپانيا “INFO RR LTD” يا په‌يوه‌نديدار.
ئه‌ڤرۆ نیوز:
وه‌زاره‌تا خواندنا بلند وڤه‌كۆلینێن زانستى ل هه‌رێما كوردستانێ رێزا 12 ئاماده‌یى ئاگه‌هدار دكه‌ت كو ل ده‌ستپێكا هه‌فتیا داهاتى سه‌ره‌دانا قوتابخانێن خوه بكه‌ن.
عه‌باس ئه‌كره‌م، په‌یڤدارێ وه‌زاره‌تا خواندنا بلند وڤه‌كۆلینێن زانستى د راگه‌هاندنه‌كێ دا دیاركر” پشتى بزاڤێن رێڤه‌به‌ریا گشتی یا خواندن وپلاندانان ودووڤچوونێ ل وه‌زاره‌تێ وناڤه‌ندا وه‌رگرتنا قوتابین، په‌یڤێن تێپه‌ر ونهێنى (پاسوورد ویوزه‌ر نه‌یم) بۆ هه‌موو ده‌رچویان هاتنه به‌هه‌ڤكرن وئه‌ڤرۆ ژى په‌یڤێن تێپه‌ر ونهێنى (پاسوورد ویوزه‌ر نه‌یم) هاتنه هنارتن بۆ وه‌زاره‌تا په‌روه‌ردێ”.
ناڤبرى داخواز ژ ده‌رچوویێن ریزا 12 ئاماده‌یى ب هه‌ردو خۆلێن ئێكێ و دویێ كو ل ده‌ستپێكا هه‌فتیا داهاتى سه‌ره‌دانا قوتابخانێن خوه بكه‌ن بۆ وه‌رگرتنا په‌یڤێن تێپه‌ر و نهێنى (پاسوورد و یوزور نه‌یم) بۆ وێ چه‌ندێ پاشى ب رێیا وان ( پاسوورد و یوزور نه‌یم) زانكۆلاینێ پر بكه‌ن.
ئه‌ڤرۆ نیوز:
وه‌زیرێ ناڤخوه ل هه‌رێما كوردستانێ، رێبه‌ر ئه‌حمه‌د راگه‌هاند، سوباهى شانده‌كێ وه‌زاره‌تا ناڤخوه یا عیراقێ دێ سه‌ره‌دانا هه‌ولێرێ كه‌ت وهه‌ردو وه‌زاره‌ت دێ دانوستاندنێ ل دۆر كێشێن د ناڤبه‌را هه‌ولێرێ و به‌غدا كه‌ن.
رێبه‌ر ئه‌حمه‌د گۆت ژى” هه‌ر ده‌مه‌كێ برایێن وه‌زاره‌تا ناڤخوه یا عیراقێ به‌رهه‌ڤبن، شانده‌كێ وه‌زاره‌تا وان بۆ چاره‌سه‌ركرنا كێشان دێ سه‌ره‌دانا به‌غدا كه‌ت”.
ئه‌ڤرۆ نيوز:
ل ده‌ستپێكا هه‌يڤا داهاتى گوهۆرينێن حكومى دپلێن بريكارێن وزيران ورێڤه‌به‌رێن گشتى وپارێزگار قايمقم ورێڤه‌به‌رێن ناحيان ل دووڤ ميكانيزمه‌كا قانوونى وكارگێرى يا گونجاو دێ ده‌ستپێكه‌ن.
ژێده‌ره‌كێ به‌رپرس وئاگه‌هدار ل حوكمه‌تا هه‌رێما كوردستانێ دياركر” ل 1/9/2019 حوكمه‌تا هه‌رێما كوردستانێ ل سه‌ر بنه‌مايێ رێككه‌فتنێن سياسى د ناڤبه‌را لايه‌نان بۆ پێكئينانا حوكمه‌تێ ومافێ هه‌لبژارتنان ل دووڤ وان كورسيێن لايه‌نێن پشكدار د هه‌لبژارتنێن بۆرى يێن په‌رله‌مانێ كوردستانێ ب ده‌ستڤه‌ئيناين كو پارتى ديموكراتى كوردستان ب 45 كورسيان سه‌ركه‌فتيێ ئێكێ بوو وئێكه‌تى نيشتمانى كوردستان 18 كورسى وبزاڤا گۆران 12 كورسى، ب گۆره‌ى ميكانيمه‌كێ قانوونى وكارگێرى يێ گونجاو، گوهۆرينان دێ د پۆستێن حوكمه‌تێ دا ل خوار وه‌زيران دا ئه‌نجام ده‌ت.
وى ژێده‌رێ به‌رپرس ل حوكمه‌تا هه‌رێما كوردستانێ زێده‌تر بۆ باس گۆت” گوهۆرين دێ بريكارێن وه‌زيران و رێڤه‌به‌رێن گشتى وپارێزگار وقايمقام ورێڤه‌به‌رێن ناحيان، هه‌روه‌سا ئه‌و پۆستێن ب وه‌كاله‌ت دهێنه ب رێڤه‌برن ڤه‌گريت كو ئه‌وێن ژيێ خانه‌نشينيان وان هاتى، دێ هێنه خانه‌نشينكرن وئه‌وێن چار سال زێده‌تر د وى پۆستى دا دێ هێنه گوهۆرين”.
ئەڤرۆ نیوز:
هێمن هەورامی جێگرێ سەرۆک پەرلەمانێ کوردستانێ راگەهاند کو وی ب نوونەراتیا سەرۆک مەسعود بارزانی پەیامەکا سەرۆک بارزانی گەهاندیە کونسولێ گشتی یێ کوێتێ ل هەولێرێ.
هێمن هەورامی دیار ژی دکەت کو د پەیاما خوە دا سەرۆک بارزانی داخوازا سلامەتیێ بۆ ئەمیرێ کوێتێ کریە و هێڤی خواستیە کو پەیوەندیێن کوردستانێ و کوێتێ رۆژ ب رۆژێ باشتر ببن.
ئەڤرۆ نیوز،بارزان مزووری:
ئەڤرۆ سپێدێ رێکەفتی ٢٧ى ته‌باخا ٢٠١٩ دکتور “خه‌یری سڤۆ” بەرپرسێ کەرتێ ساخلەمیا شێخان ل نەخوشخانا ئازادی ل پارێزگەھا دھوک وەغەرا دوماھیێ کر.
دکتور خه‌یری ئەڤە ماوێ ٥ ھەیڤە توشی نەخوشیەکا گران بۆ ھات بو رەوانەکرن بۆ نەخوشخانێن دەرڤەی وەلاتی ئەڤە ماوەیەک بۆ ڤەگەریا بۆ کوردستانێ د نەخوشخانا ئازادی پارێزگەھا دھوک لبن چاڤدێریا نوژداران بۆ ئەڤرۆ وەغەرا دوماھیێ کر.
دکتور خه‌یری سڤۆ تایبەتمەندێ پێستی بۆ ئێکەم نوژدار بۆ ل قەزا شێخان بۆ چارەسەریا نەخوشیێن پێستی.
ئه‌ڤرۆ نیوز:
سه‌رۆكێ ره‌وتێ سه‌درى وهه‌ڤپه‌یمانیا سائیرون، موقته‌دا سه‌در داخواز ژ هه‌موو لایه‌نان كر هه‌تا ده‌مێ پشتراستبوونێ ل وێ چه‌ندێ كو ئیسرائیلێ بوردومانا حه‌شدا شه‌عبى یا كرى، تاكلایانه بریارێ نه‌ده‌ن.
سه‌در ل سه‌ر به‌رپه‌رێ خوه ل تۆرا جڤاكى یا تویته‌ر به‌لاڤكر” ئیسرائیل یا دوور نینه ژ تاوانێن تیرۆرستى ل عیراقێ، به‌لێ ئه‌ز یێ د وێ باوه‌ریێ دا ئه‌و چو جاران كاره‌كێ ژ ڤى جۆرى ناكه‌ت، چونكى ئه‌و ب خوه باش ئه‌نجامێن ڤان جۆره پێنگاڤان دزانیت كو چه‌نده، ئیسرائیلى ژى باش دزانن كو دووماهیا وان یا ل عیراقێ، له‌وما خوه نا ئێخنه یاریه‌كا ب ڤى شێوه‌ى كو گه‌له‌ك ژ قه‌بارێ وان مه‌زنتره”.
دیاركر ژى” پێدڤیه ل سه‌ر حوكمه‌تا عیراقێ ب سه‌رپه‌رشتیا جڤاكێ نێڤده‌وله‌تى له‌زێ د ڤه‌كۆلینێ ل دۆر ڤى بابه‌تى بكه‌ن، هه‌كه هاته پشت راستكرن كو ئیسرائیلێ ئه‌و تاوان یا ئه‌نجامداى، پێدڤیه هه‌موو لایه‌ك دان ب خوه دا بگرن و ب تاكلایانه بریارێ نه‌ده‌ن، عیراق ئێدى ته‌حه‌مولا وان كاران ناكه‌ت”.
نيشاندان