ئەڤرۆ نیوز:
لەیلا زانا ئەنداما بەرێ یا پەرلەمانێ تورکیا و سیاسەتمەدارا ناڤدارا باکورێ کوردستانێ د پەیامەکێ دا راگەهاند کو ئەو باوەر دکەت بەرێز مەسرور بارزانی سەرۆکێ حوکمەتا هەرێما کوردستانێ دێ شێت هەموو ئاریشێن هەی چارە بکەت و د کارێ خوە دا سەرکەفتی بیت.
لەیلا زانا هەروەسا دیار دکەت کو ئەو باوەر دکەت مەسرور بارزانی دێ شێت هەموو دەستکەفتیێن گەلێ کوردستانێ ب باشترین شێوە بپارێزیت.
ئەڤرۆ نیوز، نیوار محەمەد سەلیم:
بڕياره رۆژا چارشه‌مبى جڤاتا پارێزگه‌ها دهۆكێ كۆمبوونا خوه يا ئاسايى ئه‌نجام بده‌ت و تێدا هه‌ر ئێك ژ رێڤه‌به‌را فه‌رمانگه‌ها دادنڤيسيێ، نيدار محه‌مه‌د موفتى و نوونه‌رێ كۆمپانيا “INFO RR LTD” يا په‌يوه‌نديدار هاتينه داخوازكرن.
ب گۆره‌ى نڤيساره‌كێ كو جڤاتا پارێزگه‌ها دهۆكێ به‌لاڤكريه ئاشكه‌را كريه كو ژبۆ به‌رژه‌وه‌نديا گشتى و ل گۆر بڕگا (1) ماددێ (28) ژ په‌يره‌وێ ناڤخۆ يێ جڤاتا پارێزگه‌ها دهۆكێ و پشتى بڕيارا ئه‌لكترۆنيكرنا فه‌رمانگه‌هێن دادنڤيسيێ بوويه جهێ نه‌رازيبوونێ ل ده‌ف وه‌لاتيێن پارێزگه‌هێ جڤاتا پارێزگه‌هێ دێ كۆمبوونا خوه يا ئاسايى يا ژماره 99 ل رۆژا چارشه‌مبى ل هۆلا جڤاتێ گێريت.
هه‌ر د وێ نڤيسارێ دا ئاماژه ب وێ چه‌ندێ ژى كريه كو ئه‌ڤ كۆمبوونه دێ يا تايبه‌ت بيت ب بابه‌تێ “سيسته‌مێ ئه‌لكترۆنيكرنا فه‌رماهه‌نگێن دادنڤيسێ” ل پارێزگه‌ها دهۆكێ ب ئاماده‌بوونا لايه‌نێن په‌يوه‌نديدار كو هه‌ر ئێك ژ رێڤه‌به‌را فه‌رمانگه‌ها دادنڤيسيێ، نيدار محه‌مه‌د موفتى و نوونه‌رێ كۆمپانيا “INFO RR LTD” يا په‌يوه‌نديدار.
ئەڤرۆ نیۆز، ئەمیر ئەترووشی:
باژێرڤانیا شێلادزێ ھەوەک بۆ دەستەسەرکرنا وان دەواران دەستپێکریە ئەوێن ب سەر شێلادزێ دا گرتی و 70 دەوار دەستەسەرکرن.
سەربەست حسێن، سەرۆکێ باژێرڤانیا شێلادزێ بۆ ئەڤرۆ نیۆز دیار کر، ئەڤە ماوێ چەند رۆژانە ھژمارەکا زۆر یا دەواران کەفتینە دناڤا باژێرکێ شێلادزێ دا و بوویە ئەگەر دیمەنەکێ نە شارستانی دایە دەڤەرێ و دلگرانی ل دەڤ وەلاتیان ژی پەیداکریە، لەوما د ڤان دوو رۆژان دا وان ھەوەکا بەرفرەھـ دەستپێکریە بۆ دەستەسەرکرنا وان دەواران و ھەتا نوکە نێزیکی 70 دەواران دەستەسەرکرینە.
ناڤبری زێدەتر دبێژیت: ئەم نیازین ڤان دەواران بکەینە د ترێلەکێ دا و ببەینە جھەکێ دوور ژ باژێری بدانین، بۆ ھندێ جارەکا دی نە ڤەگەرنە دەڤەرا مە.
ئه‌ڤرۆ نیوز:
رۆژنامه‌كا بریتانى به‌لاڤكر، ئیسرائیلێ شه‌ره‌كێ نهێنى ل عیراقێ یێ ده‌ستپێكرى.
رۆژناما (تایمز) یا بریتانى د راپۆرته‌كێ دا به‌لاڤكر” به‌رپرسێن ئه‌مریكى ئاشكراكریه كو ئیسرائیلێ كۆگه‌هێن چه‌ك وته‌قه‌مه‌نیا حه‌شدا شه‌عبى ل عیراقێ كریه ئارمانج كو ئه‌ڤه ره‌وشا ئاسایشا عیراقێ دێ تێكده‌ت”.
بنیامێن ناتانیاهۆ، سه‌رۆك وه‌زیرێن ئیسرائیلێ راگه‌هاندبوو كو وه‌لاتێ وى ل پشت وان هێرشێن دژى حه‌شد شه‌عبى بوو ل عیراقێ.
ئه‌ڤرۆ نیوز:
فه‌رمانگه‌ها په‌یوه‌ندیێن ده‌رڤه ل هه‌رێما كوردستانێ د رۆهنكرنه‌كێ دا ره‌تكر رێككه‌فتنه‌ك د ناڤبه‌را وێ و وه‌زاره‌تا ده‌رڤه یا حوكمه‌تا فیدرالى یا عیراقى هاتبیته ئیمزاكرن.
فه‌رمانگه‌ها په‌یوه‌ندیێن ده‌رڤه د رۆهنكرنه‌كێ دا به‌لاڤكر” د هنده‌ك ده‌زگه‌هێن راگه‌هاندنێ دا هاتیه به‌لاڤكرن كو رێككه‌فتنه‌ك د ناڤبه‌را فه‌رمانگه‌ها په‌یوه‌ندیێن ده‌رڤه ل حوكمه‌تا هه‌رێمێ و وه‌زاره‌تا ده‌رڤه ل حوكمه‌تا فیدرالى یا عیراقى هاتیه به‌لاڤكرن، ئه‌م ل فه‌رمانگه‌ها په‌یوه‌ندیێن ده‌رڤه رادگه‌هینین كو چو رێككه‌فتنه‌ك ل گه‌ل وه‌زاره‌تا ده‌رڤه یا عیراقا فیدرال نه‌هاتیه كرن، به‌لكو تنێ په‌یوه‌ندیه‌كا ته‌له‌فۆنى یا ئاسایى د ناڤبه‌را وه‌زیرێ ده‌رڤه یێ عیراقا فیدرال وبه‌رپرسێ فه‌رمانگه‌ها په‌یوه‌ندیێن ده‌رڤه ل حوكمه‌تا هه‌رێمێ بوو كو د وێ په‌یوه‌ندیێ دا ب هه‌لكه‌فتا ده‌ستبكاربوونا وى، وه‌زیرێ ده‌رڤه‌یێ عیراقا فیدرال پیرۆزباهى ل سه‌فین دزه‌یى كریه”.
دیاركر ژى” ژبه‌ر سروشتێ كار وئه‌ركێن مه، ب شێوه‌كێ به‌رده‌وام ل گه‌ل وه‌زاره‌تا ده‌رڤه یا عیراقا فیدرال د هه‌ماهه‌نگیێ داینه و په‌یوه‌ندیێن مه د ئاسایى نه”.
ئه‌ڤرۆ نیوز:
وه‌زاره‌تا ئه‌وقاف وكاروبارێن ئایینى ل هه‌رێما كوردستانێ سنووره‌كى بۆ ده‌نگێ بلندگۆیێن مزگه‌فتان د دانیت، وه‌لاتیان ژى ئاگه‌هدار دكه‌ت هه‌ر مزگه‌فته‌كا بلندگۆیێ وێ ببیته ئه‌گه‌رێ بێزاركرنێ، ئاگه‌هداریا وه‌زاره‌تێ بكه‌ن.
نه‌به‌ز ئیسماعیل، په‌یڤدارێ وه‌زاره‌تا ئه‌وقاف وكاروبارێن ئایینى ل هه‌رێما كوردستانێ ل دۆر دیاركرنا ئاستێ ده‌نگێ بلندگۆیێ مزگه‌فتان راگه‌هاند” ئاستێ ده‌نگێ بلندگۆیێ مزگه‌فت وجهێن ئایینى ب سیسته‌م هاتیه رێكخستن ودیاركرن وهه‌موو مزگه‌فت یێن هاتینه ئاگه‌هداركرن كو پێدڤیه د پێگیر بن ونابیت ببنه ئه‌گه‌رێ بێزاركرنا وه‌لاتیان وده‌نگێ بلندگۆیان ژ وى ئاستى هاتیه دیاركرن یێ بلندتر بیت”.
گۆت ژى” هه‌ر وه‌لاتیه‌كێ، بلندبوونا ده‌نگێ بلندگۆیا مزگه‌فتان وى بێزار بكه‌ت، دشێت مه ئاگه‌هدار بكه‌ت بۆ وێ چه‌ندێ پێرابوونێن پێدڤی وه‌ربگرین”.
ئەڤرۆ نیوز، نەوزاد هلۆری:
رێکخراوا 88 یا ناساندنا تاوانێن ئەنفالان ب هەڤکاری ل گەل رێڤەبەریا کاروبارێن شەهید و ئەنفالکریان ل پارێزگه‌ها دهۆکێ، رابوو ب ساخکرنا 31 سالیا ئەنفالکرنا بەهدینان ل پارکا نەورۆز ل سەنتەرێ باژێرێ دهۆکێ ب چەند چالاکیان.
ئه‌ڤرۆ نیوز:
جێگرێ سه‌رۆكێ په‌رله‌مانێ عیراقێ به‌شیر حه‌داد راگه‌هاند، ل ده‌مه‌كێ نێزیك شانده‌كێ حوكمه‌تا هه‌رێما كوردستانێ دێ سه‌ره‌دانا به‌غدا كه‌ت و ل گه‌ل به‌رپرسێن حوكمه‌تا عیراقێ كۆمبیت.
حه‌داد گۆت ژى” ئومید یا هه‌ى د ده‌مێ هه‌یڤه‌كێ هه‌تا دو هه‌یڤان دانوستاندنێن هه‌ولێرێ وبه‌غدا بگه‌هنه ئارمانجه‌كێ، چه‌نكى نوكه ل به‌غدا كار ل سه‌ر بودجا سالا 2020 دهێته كرن وهه‌تا هه‌یڤا 12 دڤێت بودجه بهێته هنارتن بۆ په‌رله‌مانى، له‌وما هه‌كه د ڤى ده‌مى دا هه‌رێما كوردستانێ و به‌غدا نه‌گه‌هنه رێككه‌فتنێ، ده‌ربازكرنا بودجێ ل په‌رله‌مانێ عیراقێ دێ گه‌له‌ك یا ب زه‌حمه‌ت بیت”.
ئه‌ڤرۆ نيوز:
د چارچوڤێ ئه‌نفالا دژى خه‌لكێ سڤيل يێ هه‌رێما كوردستانێ كو سالا 1988 ژ لايێ رژێما به‌عس يا عيراقێ ڤه هاتيه ئه‌نجامدان تێدا 180 هژار كه‌س هاتنه ئه‌نفالكرن و شه‌هيدكرن و بهزاران گوندێن كوردستانێ تێدا هاتنه وێران كرن، و ئه‌ڤرۆ سالروژا ئه‌نفالا بادينانه.
ئه‌نفالا بادينان دووماهيا ئه‌نفالا هه‌رێمێ بوو كو ژ 25 هه‌يڤا ته‌باخێ ده‌سپێكر هه‌تا شه‌شى ئه‌يلولا سالا 1988 به‌رده‌وام بوو كو هه‌موو ده‌ڤه‌رێن بادينان ڤه‌گه‌رتبوو تێدا كێميا باران و گرتن و كوشتن، ڤه‌گوهاستن و وێرانكرنا گوندێن ده‌ڤه‌را بادينان برێيا پێنج فرقێن سه‌ربازى ڤه هاته ئه‌نجامدان و تنێ ئه‌و كه‌س ژ ڤێ هه‌وا ئه‌نفالێ رزگابوون يێن ئاواره‌ى وه‌لاتێن توركيا و ئيرانێ بووين.
ل ڤێ بيره‌وه‌ريێ سه‌رێ رێزێ بۆ هه‌موو شه‌هيد و ئه‌نفالكريێن بادينان د چه‌مينينن و داخوازێ ژ حوكمه‌تا عيراقێ دكه‌ين ل دووڤ بريارا دادگه‌ها بلندنا تاوانێن عيراقێ ڤێ ئه‌نفالێ ب تاوانا دژى مروڤايه‌تى و جيونسايد و جه‌نگ بده‌ته نياسين و ئه‌ركێ ئه‌خلاقى و قانوونى يێن خوه بكاربينت و قوربانيێن ئه‌نفالێ قه‌ره‌بوو بكه‌ت ديسان حوكمه‌تا هه‌رێمێ ژى دێ هێته راسپاردن زێده‌تر خزمه‌تا قوربانيێن ئه‌نفالێ بكه‌ت و دووڤچونا چاره‌نڤيسێ وان بێ سه‌روشينا بكه‌ت.
سه‌رۆكاتيا هه‌رێما كوردستانێ
25/8/1988
ئه‌ڤرۆ نيوز:
پشتى كومپانيا (Infor) ل جهێ كارێ ئه‌رزوحالچيان ده‌ستبكاربووى و بوويه جهێ نه‌رازيبوونا وه‌لاتيان تايبه‌ت برێيا تورێن جڤاكى ره‌خنه ل بهايێ گرانبوونا عه‌ريزه‌يان ژ سێ هزاران بۆ 25 هزار ديناران و زێده‌تر گرتى، سه‌نديكا پارێزه‌رێن كوردستانێ دژى ڤێ بريارێ هاته ده‌نگ و ب فه‌رمى نڤيساره‌ك پێشكێشكى وه‌زيرێ داد كريه.
د ڤێ نيڤسارێ دا هاتيه ئه‌و ل گه‌ل وێ چه‌ندێ نه بوو ئه‌لكرونيكرنا كارێن حوكمه‌تێ لێ نه ل سه‌ر كيستێ خه‌لكێ فه‌ير و كێم ده‌ره‌بات و ئه‌ڤ كاره بيته بارگرانى بۆ خه‌لكێ له‌ورا داخوازێ ژ وه‌زيرێ داد دكه‌ين پێداچونه‌كێ د گرێبه‌ستێ دابكه‌ن بۆ به‌رژه‌وه‌نديا گشتى.
نيشاندان