سویسرا، ئازاد گولەی:
ل ماوێ بوری بابەتێ کرینا ترومبێلا ستێرا پرتوگالی و یانا یوڤانتوس یا ئیتالی کرستیانو رونالدوی ئەوا ب کوژمێ ١١ ملیۆن دولاران کری بوویە جھێ گرنگیا راگەھاندنا جیھانێ، لەورا پەیامنێرێ ئەڤرۆ نیوز ل وی جھێ ترومبێلا رونالدوی لێ ئامادەبوو بۆ حەژێکەرێن یاریا تەپا پێ و ڤی یاریزانی ئەڤ وێنەیە ب چافکێ کامیرا ئەڤرۆ نیوز ببینن.
ئەڤرۆ نیوز:
ب هه‌لكه‌فتا هاتنا مه‌ها ره‌مه‌زانا پیروز ئه‌ڤرو ئێڤارى 4-5-2019 پ چاڤدێریا فه‌رهاد ئه‌مین ئه‌تروشى پارێزگه‌رێ دهوكێ وب ئاماده‌بونا رێڤه‌به‌رێ ئه‌قافا دهوكێ وچه‌ند رێڤه‌به‌رێن فه‌رمانگه‌هێن میرى وهاولاتیێن تاخێ ره‌زا مزگه‌فتا شه‌هیدان هاته ڤه‌كرن.
پشتى رێ ورسمێن ڤه‌كرنێ پارێزگه‌رێ دهوكێ ویێن دگه‌لدا گه‌ریانه‌ك لناڤ ئاڤاهى كرن وژنێزیك سه‌حكرنه شێوازێ جوان یێ مزگه‌فت ل سه‌ر هاتیه ئاڤاكرن.
بڤێ هه‌لكه‌فتێ پارێزگه‌رێ دهوكێ دپه‌یڤه‌كێدا بو كه‌نالێن را گه‌هاندنێ ئاخفت وپیروزباهى ل خه‌لكێ باژێرێ دهوكێ كر كو مزگه‌فته‌كا رێك وپێك هاتیه ئاڤاكرن وده‌ست خوشى ل گروپێ یوبى هولدینگ ولیگه‌سى ب تایبه‌وتى به‌رێز خه‌لیل وبرایێن وى كر وخواست ئه‌ڤ مزگه‌فته ببیته جهێ خێر وخوشیێ وببیته سه‌نته‌ره‌ك بو ئاڤاكرنا وه‌لاتى وهیڤى خاست كو ئه‌ڤ مزگه‌فته ببیته جهێ به‌لافكرنا په‌یاما ئاشتى وبرایه‌تى وپێكڤه‌ژیانێ وخواست كو ئه‌وقافا دهوكێ وئێكه‌تیا زانایان وئه‌و كه‌سێن قه‌ستا مزگه‌فتێ دكه‌ن ڤێ جهێ ئاینى یێ شارستانى ب پارێزن ژهه‌موو رویه‌كیڤه.
هه‌ژى گوتنێ یه مزگه‌فت ل سه‌ر روبه‌رێ 2500م دوجار هاتیه ئاڤاكرن و39قوبه ل سه‌ر ئاڤاهى هه‌نه دگه‌ل دوومنارا وپێنچ هول تێدا هه‌نه چار بو نڤێژا ودوو ژى بو به‌هیا وچل كامیرێن چاڤدێریێ لێ هه‌نه و(3000) كه‌س دشێن نڤێژا لێ بكه‌ن مزگه‌فت ژلایێ گروپێ یوبى هولدینگ و لیگه‌سى هاتیه ئاڤاكرن.
ئەڤرۆ نیوز:
لەتیف شێخ عومەر پەیڤدارێ ئێکەتیێ راگەهاند کو سپێدی شاندەکێ پارتی ب سەرۆکاتیا نێچیرڤان بارزانی دێ سەرەدانا سلێمانی کەن و رێککەفتنا دووماهیێ یا سەبارەت ب کابینا نوو یا حوکمەتێ دێ هێتە ئیمزاکرن و گۆت: (ئەڤ رێککەفتنە تایبەتە ل دۆر کابینا نوو یا حوکمەتێ و دێ سپێدێ ب فەرمی د ناڤبەرا پارتی و ئێکەتیێ دا هێتە ئیمزاکرن).
بەری نها ژی مستەفا چاڤرەش ئەندامێ سەرکردایەتیا ئێکەتیێ دیار کربوو کو دێ رۆژا ئێکشەمبیێ ٢٠١٩/٥/٥ شاندەکێ پارتی بۆ مەبەستا ئیمزاکرنا رێککەفتنا کابینا نوو یا حوکمەتێ سەرەدانا سلێمانیێ کەت.
ئه‌ڤرۆ نيوز، عەزیز ھەورامی:
ب بڕيارا سه‌رۆك وه‌زيران نێچيرڤان بارزانى سه‌رۆكێ حوكمه‌تا هه‌رێما كوردستانێ 200 مليۆن دۆلار بۆ به‌لێنده‌ر و وه‌به‌رهێنه‌ران مه‌زاختينه و ئاخفتنكه‌رێ ب ناڤێ ئێكه‌تيا به‌لێنده‌رێن كوردستانێ ديار دكه‌ت مه‌زاختنا پاره‌ى بۆ به‌لينده‌ران بوويه ئه‌گه‌رێ دابينكرنا ده‌رفه‌تا كارى و ده‌ستپێكرنا چه‌ندين پرۆژێن گرنگ.
ميران كامل ئاخفتنكه‌رێ ب ناڤێ ئێكه‌تيا به‌لێنده‌رێن كوردستانێ بۆ ئه‌ڤرۆ نيوز گۆت: “پێنگاڤێن حوكمه‌تێ بۆ دانا قه‌رێن به‌لێنده‌ران گه‌له‌ك يا باشه و كارتێكرن يا ل سه‌ر زێده‌كرنا ده‌رفه‌تا كارى و ڤه‌ژاندنا كۆمپانيا هه‌ى كو ژ ئه‌گه‌رێ قه‌يرانێن دارايى ل سالا 2004ێ دانا پاره‌ى ب به‌لێنده‌ران هاتبوو راوه‌ستاندن”.
ميران كامل گۆتژى: “ل سه‌ر ئاستێ كوردستانێ ب دو گه‌ران حوكمه‌تا هه‌رێما كوردستانێ 200 مليۆن دۆلار بۆ به‌لێنده‌ران مه‌زاختينه و ب پێنگاڤه‌كا گرنگ دزانين و ده‌ستخۆشيێ ژى ل سه‌رۆكاتيا جڤاتا وه‌زيران و وه‌زاره‌تا دارايى دكه‌ين و مه داخواز كريه كو مه‌زاختنا پارێ به‌لێنده‌ران يا به‌رده‌وام بيت”.
ناڤبرى ئاماژه ب وێ چه‌ندێ ژى كريه كو كاركرن د پرۆژان دا، 10 هزار ده‌ليڤێن كارى دروست كرينه كو حوكمه‌ت هه‌يڤانه كۆژمه‌كێ پاره‌ى ته‌رخان دكه‌ت بۆ ته‌مامكرنا وان پرۆژێ ژ كاركرنێ هاتينه راگرتن.
ئەڤرۆ نیوز، نەوزاد ھلوری:
دوھی ژ ئەگەرێ بارینا بارانان سەدان ترومبێلێن وەلاتیان دناڤ سەیرانا گۆندێ رەشاڤە ل زیرێن گوھەرزێ ل دێرەلووک ئاسێ ماینە. ب گورەی ئاخفتنێن شوفێر و خەلکێ دەڤەرێ ھەتانوکە ئەو چاڤەرێ دکەن جھێن شولەژێ ھاریکاریا وان بکەن داکو بشێن ترومبێلێن خوە دەربینن، بەلێ ھێشتا کەس د ھەوارێ نەچویە، تنێ زاروک و ژن و دانعەمر دناڤ ھەریێ رزگارکرینە و نوکە ژلایێ کەسوکارێن وان دھێت ڤەحەوندن.
ئه‌ڤرۆ نيوز:
شانده‌كێ پارتى ديموكراتى كوردستان ب سه‌رۆكاتيا نێچيرڤان بارزانى، دێ سه‌ره‌دانا سلێمانيێ كه‌ت و ل گه‌ل هه‌ر ئێك ژ بزاڤا گۆڕان و ئێكه‌تيێ كۆم بيت بۆ ئيمزاكرنا رێكه‌فتنا دووماهيێ ل گه‌ل وان هه‌ردو حزبان.
ب گۆره‌ى پێزانينێن ئه‌ڤرۆ نيوز بڕياره سوبه‌هى رۆژا ئێكشه‌مبى 5ى گۆلانا 2019ێ شانده‌كێ پارتى ديموكراتى كوردستان ب سه‌رۆكاتيا نێچيرڤان بارزانى جێگرێ سه‌رۆكێ پارتى ديموكراتى كوردستان سه‌ره‌دانا مه‌كته‌با سياسى يا ئێكه‌تى نشتيمانى كوردستان و بزاڤا گۆڕان بكه‌ت و دووماهى رێكه‌فتنا ناڤبه‌را خوه ل گه‌ل ئێكه‌تيێ و گۆڕان ئيمزا بكه‌ن.
ئه‌ڤرۆ نيوز:
ئه‌ڤرۆ جاره‌كا دى جڤاتا نوونه‌ران دێ كۆم بيت و ئێك ژ ته‌وه‌رێن سه‌ره‌كى يێن كۆمبوونێ ژى ژكارخستنا جڤاتا پارێزگه‌ها نه‌ينه‌وايه.
بڕياره ده‌مژمێر 13:00 ئه‌ڤرۆ جاره‌كا دى جڤاتا نوونه‌رێن عيراقێ كۆم ببيت و گرنگترين برگا كۆمبوونێ ژى دانوستاندنه ده‌رباره‌ى ژكارخستنا جڤاتێن پارێزگه‌هان ب تايبه‌ت جڤاتا پارێزگه‌ها نه‌ينه‌وا.
هه‌ڤده‌م پشكه‌ك ژ شيعان دڤێت برگه‌كێ ده‌رباره‌ى ده‌ستێوه‌ردان و بن پێكرنێن ئه‌مريكا ل عيراقێ بێخنه به‌رنامێ كارێ كۆمبوونێ.
پرسا ژكارخستنا جڤاتا پارێزگه‌ها نه‌ينه‌وا ل جاددا وێ پارێزگه‌هێ بوويه بابه‌تێ رۆژێ و لايه‌ن ب سه‌ر دولايان دا پارڤه‌كرينه.
فراكسيۆنا پارتى ديموكراتى كوردستان ل جڤاتا نوونه‌ران ل گه‌ل دو فراكسيۆنێن دى يێن ناڤا جڤاتێ ڤێ پرسێ ره‌ت دكه‌ن و ب بزاڤه‌ك ل دژى ده‌سته‌لاتا شه‌رعى ل نه‌ينه‌وا ل قه‌له‌م دده‌ن.
ئه‌ڤرۆ نیوز:
لژنا بلند یا دیتنا هه‌یڤێ ل وه‌زاره‌تا ئه‌وقافێ وكاروبارێن ئاینى ب مه‌ره‌ما دیاركرنا رۆژا ئێكێ ژ هه‌یڤا ره‌مه‌زانێ، ئه‌ڤرۆ ئه‌ینیێ 3/5/2019 به‌لاڤكر كو ئه‌و ل گه‌ل لژنێن پارێزگه‌هێن هه‌رێما كوردستانێ ودیوانا وه‌قفا سونى دێ ل ئێڤاریا سوبه‌هى شه‌مبیێ 4/5/2019 چاڤدێریا دیتنا هه‌یڤێ كه‌ن.
لژنا ناڤبرى داخواز ژ وه‌لاتیێن هه‌رێما كوردستانێ كر كو هه‌ر كه‌سه‌ك ب به‌لگه ل ئێڤاریا شه‌مبیێ هه‌یڤێ ببینیت، ب زووترین ده‌م یه‌كه‌یا ئیدارى ل سنوورێ خوه ئاگه‌هدار بكه‌ت.
ئه‌ڤرۆ نیوز:
ئه‌ندامێ جڤاتا پارێزگه‌ها نه‌ینه‌وا، عه‌بدولره‌حمان وه‌گاع ئه‌ڤرۆ پێنجشه‌مبى 2/5/2019 راگه‌هاند، چه‌كدارێن داعشێ یێن زڤرین بۆ سنوورێ پارێزگه‌ها نه‌ینه‌وا وچه‌ند گوند ل ناحیا شۆره ل باشوورێ باژێرێ مووسل یێن كونترۆل كرین.
ناڤبرى داخۆیانیه‌كا رۆژنامه‌ڤانى دا، گۆت ژى” خه‌لكێ وان ده‌ڤه‌ران چو رێیه‌كا دى ل به‌رده‌م نینه ویێن دبن ده‌ستێ داعشێ دا، پشتى كو حوكمه‌تێ پاراستنا وان پشتى گوه هاڤێتى وفه‌رماندێن ته‌ناهیێ ل پارێزگه‌هێ ب شانا هاوار هاتنێ ڤه د مژوولن وئه‌ركێن خوه یێن ب جههێلاین”.
دوهى چارشه‌مبى 1/5/2019، شێخ موزاحم ئه‌لحوێت په‌یڤدارێ ب ناڤێ عه‌شیره‌تێن عه‌ره‌بی ل ده‌ڤه‌رێن كێشه‌دار راگه‌هاندبوو” داعش مژوولى كۆمكرنا ئه‌ندامێن خوه‌یه ل ده‌ڤه‌را جه‌زیرى ل سنوورێ پارێزگه‌ها نه‌ینه‌وا ورۆژانه ئاهێن خوارنێ وسوته‌مه‌نى وپێدڤیێن دى ب رێیا قاچاخچیان دگه‌هیتێ” .
نيشاندان