جڤاتا پارێزگه‌ها نه‌ينه‌وا: د خوازين ته‌رمێ كچێن سه‌ربڕى بۆ كه‌سوكارێن وان بهێنه‌ ره‌وانه‌كرن

27/02/2019 12:37

279

ئەڤرۆ نیوز، لەزگین جوقی:

سەرۆکێ جڤاتا پارێزگەھا نه‌ينه‌وا دیارکر کو سەربرینا ھندەک ژن و کچێن ئێزدی ل وەلاتی سوریا ل دەڤەرا باغوز تاوانەکا دی یا مەزنا تیرۆرستێن داعشێ يه‌ بەرامبەر ئێزدیان ئەنجامداین.

سەیدۆ چەتۆ، سەرۆکێ جڤاتا پارێزگەھا نه‌ينه‌وا د راگەھاندنەکێ دا دیارکر کو پێدڤیە لایەنیێن پەێوەندار ھەموو پێکڤە کار بکەن بۆ ئێنانا تەرمێ وان کچ و ژنێن سەرێ وان ھاتیە برین و تەرم بۆ کەس و کارێن وان بھێنە ڤەگوھاستن ژ لایێ تیرۆرستێن داعش ڤە ل وەلاتی سوریا دەڤەرا باغوز و ڤەکۆلینەکا مەزن دڤێ تاوانێ دا بھێتە ئەنجامدان و ئەو دەستێن ڤەشارتی یێن د پشت ڤێ تاوانێ دا ھەموو بھێنە ئاشکراکرن و سزادان رێکخراوا تیرۆرستێن داعش ل باغوز تاوانەکا دێ ئەنجام دایە ب تایبەتی ژی دژی ئێزدیان و سەرێ کچ و ژنان بریە پێدڤیە ھەموو لایەنیێن جیھانێ ل سەر ڤی تاوانا مەزن بھێنە دەنگ.

ناڤھاتی ئەو ژی ئاشکەرا کر کو ب توندین شیوە ڤی تاوانا مەزن یا تیرۆرستێن داعش ل باغوز شەرمەزار دکەین دڤێ تاوانێ دا 50 ژن و کچێن ئێزدی ھاتینە سەرژیکرن.

د ئەڤ سالە دا دو شاندێن نوشدارێن ئەمریکی دێ ھێنە دھۆکێ

27/02/2019 12:05

138

ئه‌ڤرۆ نيوز، له‌زگين جۆقى:

د.نزار عسمەت، رێڤەبەرێ گشتیێ ساخلەمیا پارێزگەھا دھۆکێ دیارکر کو ئەو شیان رێککەفتنەکێ ل گەل رێکخراوا Med Global یا ئەمریکی ئیمزابکەن.

رێڤەبەرێ گشتیێ ساخلەمیا پارێزگەھا دھۆکێ دیاکروان دێ پلانەک ل گەل رێکخراوا ناڤبری ھەبیت د وارێ پێشڤەبرنا کەرتێ ساخلەمیێ ل پارێزگەھا دھۆکێ و گۆت: ئارمانج ژ رێککەفتنێ ئەوە ئەم بشێین مفای ژ شیانێن نوشدار و کارمەندێن ژ دەرڤە ببینین کو بھێنە پارێزگەھا دھۆکێ و نوشدار و کارمەندێن مە مەشق بدەن ل دور نووترین داھێنانێن زانستی د وارێ ساخلەمیێ دا، ژپێخەمەت گەھاندنا وان بو نەخوشان دناڤ دەزگەھێن ساخلەمیێ دا.

د. تەیسیر کەریم، نوونەرێ رێکخراواMed Global یا ئەمریکی دیارکرئەڤ رێککەڤتنە دێ بۆ دەمێ سالەکێ یا بەردەوام بیت و خواست زێدەتر بھێتە درێژکرن و بشێن خزمەتا خەلکێ دھۆک و ئاوارە وپەنابەران بکەن و گۆت: ل مەھا نیسانی شاندەکێ نوشدارێن ئەمریکی ژی دی قەستا دەڤەرێ کەن زێدەباری خزمەتێن ساخلەمیێ دێ دەست ب خۆلین مەشق وراھێنانا ستافێ ساخلەمیێ کەن ب تایبەتی بۆ نوشدار و پەستار و و ھەموو کارمەندێن ساخلەمیێ داکو بشێن خزمەتێن ژدەرڤە دھێنە پێشکیشکرن بگەھیننە کوردستانێ ب تایبەتی ژی ساخلەمیا پارێزگەھا دھۆکێ مە لبەرە پاشەرژۆی تیمەکێ نوشدارین ئەمریکێ یێن ھەرە پێشکەڤتیی بینە کوردستانێ داکو بشیوەیەکێ باشتر زانستی نوو یێ نوشداری بگەھیتە ھەرێما کوردستانێ و پتر مفا ژی بھێتە وەرگرتن بۆ وەلاتیان. دبوارێ پێشکێشکرنا خزمەتێن دەستپێکێ یێن ساخلەمیێ ل کەمپێن ئاواران ل سنۆری پارێزگەھا دھۆکێ ل بنگەھێن ساخلەمیێ یێن پارێزگەھا دھۆکێ.

رۆژا ئه‌ينى په‌رله‌مانێ كوردستانێ دێ كۆم بيت

27/02/2019 11:41

160

ئه‌ڤرۆ نيوز، نيوار محه‌مه‌د سه‌ليم:

په‌رله‌مانێ كوردستانێ داخوازنامه‌ك بۆ كۆمبوونا ئێكێ ژ خولا بهارێ يا په‌رله‌مانێ كوردستانێ بۆ په‌رله‌مانتاران ره‌وانه‌ كريه‌ و داخواز ژێ كريه‌ كو ل رۆژا ئه‌ينى ئاماده‌ى روونشتنا په‌رله‌مانێ كوردستانێ بن.

ده‌قێ گازيا سه‌رۆكاتيا په‌رله‌مانێ كوردستانێ بۆ ئه‌ندامێن په‌رله‌مانێ كوردستانێ:

ب گۆره‌ى حوكمێ برگا (سێ) يێ ماددێ (18) ژ په‌يره‌وێ ناڤخۆ يێ په‌رله‌مانێ كوردستانێ – عيراق، مه‌ بڕيار دا گازى هه‌موو ئه‌ندامێن به‌رێزێن په‌رله‌مانى بكه‌ين بۆ روونشتنا ژماره‌ (2) يا ئاسايى، سالا ئێكێ ژ خولا هه‌لبژارتنان يا پێنجێ يا په‌رله‌مانێ كوردستانێ – عيراق ل ده‌مژمێر 10:00ى سپێده‌هيا رۆژا ئه‌ينى رێكه‌فتى 1ى ئادارا 2019ێ، هيڤيه‌ ل ده‌مێ دياركرى ئاماده‌ بن.

ل گه‌ل رێزين مه‌

د. ڤالا فه‌ريد ئيبراهيم

سه‌رۆكا په‌رله‌مانێ كوردستانێ – عيراق

سه‌رۆك بارزانى و كوسره‌ت ره‌سۆل پێكڤه‌ دێ پارێزگارێ كه‌ركووك ده‌ستنيشان كه‌ن

27/02/2019 11:03

252

ئه‌ڤرۆ نيوز:

ئه‌ندامه‌كێ مه‌كته‌با سياسى يا ئێكه‌تى نشتيمانى كوردستان ره‌تكر كو ئه‌وان داخوازا پۆستێ سه‌رۆكێ هه‌رێما كوردستانێ كربيت و ده‌باره‌ى پارێزگارێ كه‌ركووك ژى دا زانين كو سه‌رۆك بارزانى و كوسره‌ت ره‌سۆل دێ پارێزگارێ نوو يێ كه‌ركووك ده‌ستنيشان كه‌ن.

قادر عه‌زيز، ئه‌ندامێ مه‌كته‌با سياسى يا ئێكه‌تى نشتيمانى كوردستان د داخۆيانيه‌كێ دا بۆ راديۆيا ده‌نگێ ئه‌مريكا گۆت: “ئێكه‌تى نشتيمانى كوردستان ب فه‌رمى داخۆازا پۆستێ سه‌رۆكێ هه‌رێمێ نه‌كره‌، هه‌كه‌ ل گه‌ل پارتى پێك نه‌هێن به‌حس ل پۆستا ناكه‌ن و پارڤه‌كرنا وان، هێشتا زوويه‌ به‌حس ل پۆستا و پۆستێ سه‌رۆكێ هه‌رێما كوردستانێ بكه‌ين”.

زێده‌تر گۆت: “ئێكه‌تى نشتيمانى كوردستان بۆ پارێزگارێ كه‌ركووك ژى چار به‌ربژار هه‌نه‌ كو هه‌ر ئێك ژ رزگار عه‌لى، رفعه‌ت عه‌بدولا، ئاسۆ مامه‌ند و خالد شوانى نه‌، ئه‌ڤ ناڤه‌ بۆ پارتى هاتينه‌ ره‌وانه‌كرن دا كو رازيبوونێ ل سه‌ر كه‌سه‌كى بكه‌ن بۆ پۆستێ پارێزگارى”.

ئه‌ندامێ مه‌كته‌با سياسى يا ئێكه‌تى نشتيمانى كوردستان گۆتژى: “ب گۆره‌ى گۆتنا برايێ من مه‌سعود بارزانى و وه‌كو پێشنياز كو بۆ ئێكه‌تى نشتيمانى كوردستان ره‌وانه‌ كريه‌ كو پارتى دێ ل سه‌ر ئێك ژ وان چار به‌ربژێران رازى بيت بۆ پارێزگاريا كه‌ركووك. بارزانى دێ ل گه‌ل كوسره‌ت ره‌سۆل ئاخڤيت دا كو ئێك ژ وان چار به‌ربژاران هه‌لبژێريت”.

كارێ ئێكێ يێ په‌رله‌مانێ كوردستانێ دێ راستڤه‌كرنا قانوونا سه‌رۆكاتيا هه‌رێمێ بيت

27/02/2019 10:41

111

ئه‌ڤرۆ نيوز، نيوار محه‌مه‌د سه‌ليم:

پشتى ب ده‌نگێن 76 په‌رله‌مانتاران باوه‌رى ب ئه‌ندامێن لژنا قانوونى يا په‌رله‌مانێ كوردستانێ هاتيه‌ دان، بڕياره‌ وه‌كو كارێ ئێكێ يێ په‌رله‌مانى قانوونا سه‌رۆكاتيا هه‌رێمێ بهێته‌ راستڤه‌كرن دا كو پێكئينانا حوكمه‌تێ ب ساناهيتر بكه‌ڤيت.

بژار كوچه‌ر ئه‌ندامێ لژنا قانوونى ل سه‌ر فراكسيۆنا پارتى ديموكراتى كوردستان بۆ ئه‌ڤرۆ نيوز گۆت: “دا كو بۆشى يا قانوونى دروست نه‌بيت، هه‌روه‌سا دا كو سه‌رۆكاتيا هه‌رێمێ بهێته‌ كارا كرن، په‌رله‌مانێ كوردستانێ وه‌كو كارێ خوه‌ يێ ئێكێ يێ داهاتى دێ قانوونا سه‌رۆكاتيا هه‌رێمێ راستڤه‌كه‌ت”.

لژنا قانوونى يا په‌رله‌مانێ كوردستانێ ب بڕبڕا پشتا په‌رله‌مانى دهێته‌ هژمارتن و چو قانوونه‌ك بێ ره‌زامه‌نديا وان و كارێ وێ لژنێ تێدا ناچيته‌ ناڤا په‌رله‌مانى و خواندن بۆ ناهێته‌ كرن. ئه‌ڤ لژنه‌ ژ 11 ئه‌ندامان پێك دهێت و باوه‌رى ب 9 كه‌سان هاتيه‌ دان و دو په‌رله‌مانتارێن ئێكه‌تيێ يێن ماين و هێشتا ناڤێن وان نه‌هاتينه‌ ئاشكه‌را كرن.

ب گۆره‌ى په‌يره‌وێ ناڤخۆ يێ په‌رله‌مانێ كوردستانێ، دڤێت پشتى ته‌مامبوونا روونشتنا ئێكێ د ماوێ 25 رۆژان دا، هه‌موو لژنێن هه‌رده‌مى يێن په‌رله‌مانى بهێنه‌ پێكئنيان، كو ژ 15 لژنان پێك هاتينه‌.

ڤيديۆ: 24 سال ل سه‌ر كاره‌ساتا 27ى شوباتێ ده‌رباز بوون

27/02/2019 10:28

243

ئه‌ڤرۆ نيوز، عه‌لى حاجى:

د روژەکا وەکی ئەڤرۆ دا ل 27ی شوباتا سالا 1995 و ژ بەریا 24 سالان ل دەمژمێر 9:00ی سپێدێ ل ناڤا ‏بازارێ پارە گھوران ل باژێرێ زاخۆ ترومبێلەکا ب 100 کێلوگرام تى ئێن تى کری ته‌قى و بوو ئەگەرێ شەھیدبوونا 94 وه‌لاتیێن بێ گونەھێن زاخۆ و ھەر دیسان 185 کەس ژی بریندار بوون.

ل گورەی زانیاریێن ب دەست ‏ئەڤرۆ نیوز کەڤتین 71 شەھیدێن وێ کارەساتێ ناسناما وان دیار بوویە و 19 شەھید ژی ھەتا نوکە ناسناما وان دیار ‏نەبوویە، دو شەھید ژی بۆ باژێرێ دھۆکێ ھاتنە رەوانە کرن و دو شەھید ژى ژ ئەگەرێ پرت پرت بوونێ، هه‌تا نها لاشێ وان نه‌هاتيه‌ ديتن.

به‌شیر حه‌داد به‌حسێ ژڤانێ هنارتنا بۆدجا كوردستانێ دكه‌ت

26/02/2019 19:53

1014

7b2131ef-40b8-493f-a7ef-579be7b928b8 — به شير حه داد

ئه‌ڤرۆنیوز:
جێگرێ سه‌رۆكێ په‌رله‌مانێ عیراقێ به‌شیر حه‌داد راگه‌هاند، ل ده‌ستپێكا هه‌یڤا ئادارێ ول دووڤ قانوونا بودجه‌ی، دێ حوكمه‌تا به‌غدا بودجا هه‌رێما كوردستانێ هنێریت.
به‌شیر حه‌داد، جێگرێ دویێ یێ سه‌رۆكێ په‌رله‌مانێ عیراقێ، ئه‌ڤرۆ سێشه‌مبی 26/2/2019 دكۆنگره‌كێ رۆژنامه‌ڤانی دا گۆت” ل ده‌ستێكا هه‌یڤا داهاتی، پشكا بودجێ هه‌رێما كوردستانێ ژ بوردجا گشتی یا عیراقێ بۆ سالا 2019 دێ گه‌هیته‌ هه‌رێمێ”.
گۆت ژی” پشتی ب دووماهی ئینانا هه‌موو پێرابوونان بودجه‌ بوویه‌ قانوون وتنێ هنده‌ك هوورده‌كاریێن تایبه‌ت یێن ماین كو گرێدای وه‌زاره‌تا دارایی نه‌ وپشتیب دووماهی هاتنا وان پێرابوونان، قانوونا بودجێ دێ چیته‌ دبوارێ بجهئینانێ دا وبودجا هه‌رێما كوردستانێ دێ هێته‌ هنارتن”.

نێچیرڤان بارزانی و فرانسوا ئۆلاند کومبوون

26/02/2019 17:20

ئەڤرۆ نیوز:

ئەڤرۆ رۆژا سێشەمبی ٢٦-٢-٢٠١٩ سەرۆکێ حوکمەتا ھەرێما کوردستانێ نێچیرڤان بارزانی پێشوازی ل فرانسوا ئۆلاند سەرۆکێ بەرێ یێ فرەنسا کر.

د ڤێ سەرەدانێ دا سەروکێ بەرێ یێ فرەنسا خوشحالیا خوە ب ڤێ سەرەدانێ دەربری و ئەگەرێن سەرەدانا خوە ژی بۆ ھەرێما کوردستانێ دیارکر کو دێ سەرەدانا چەند دەڤەرێن مووسل کەت دیسان پشکداریا وی د رێورەسمێن پێشکێشکرنا خەلاتێ شەھیدا رۆژنامەڤان شیفا گەردی.

فرانسوا ئۆلاند دیسان بەحسا سەرەدانێن خوە یێن بەری نوکە ژی بۆ ھەرێمێ ل دەمێ شەرێ دژی داعش دیسان چوونا وی بۆ سەنگەرێن پێشمەرگەی دگەل سەرۆک مەسعود بارزانی.

ل دووماھیێ سەروکێ بەرێ یێ فرەنسا دەستخوشیا حوکمەتا ھەرێما کوردستانێ بۆ حەواندنا ڤێ رێژا زور یا ئاوارە و پەنابەران کر.

ژلایێ خوە ڤە نێچیرڤان بارزانی سوپاسیا ڤێ سەرەدانا ئۆلاندی و ھاریکاریێن بەردەوام یێن وەلاتێ فرەنسا بۆ ھەرێما کوردستانێ کر تایبەت د دەمێن سەخت دا دیسان رولێ فرەنسا د لادانا دورپێچا سیاسی و دبلوماسی ل سەر ھەرێمێ ب بلند نرخاند.

تەوەرەکێ دی یێ ڤێ کومبونێ دا بەحس ل پەیوەندیێن ناڤبەرا ھەولێر و بەغدا ھاتە کرن و پشتەڤانیا ھەرێما کوردستانێ بۆ عادل عەبدولمەھدی پێخەمەت چارەسەرکرنا کێشەیان دیارکر

پەنەلا ئابوری ب پێشنیار ڤە ب دووماھی ھات

26/02/2019 17:00

124

ئەڤرۆ نیوز ، عەلی حاجی :

ب ئامادەبوونا ھژمارەکا بازرگان و وەبەرھێنەرێن کوردستانێ و ماموستایێن زانکویێ پەنەلێ ئابوری ل ژێر دروشمێ جێبەجێکرنا یاسا بودجەیا عێراقا فیدرال و کارتێکرنا وێ ل سەر ل رەوشا ئابوری ل ھەرێما کوردستانێ ، بۆ پەرمانتارێن پەرلەمانێ عێراقێ و کوردستانێ و رێڤەبەریا وەبەرھێنانێ و سەروکێ ژورا بازرگانی ل پارێزگەھا دھوکێ ھاتە ساز کرن.

پ.ە.د. رەنج محەمەد سەروکێ لژنا پەنەلێ بۆ ئەڤرۆ نیوز گوت : د ڤێ پەنەلی دا چەند بابەتێن گرنگ ھاتنە گەنگەشە کرن و چاوانیا مفا وەرگرتن ژ بودجەیا عێراقێ و پشکا ھەرێما کوردستانێ و ھەر دیسان چاوانیا مەزاختنا وێ بودجەیێ د بیاڤێن بازرگانی و وەبەرھێنانێ دا، ژ بەرکو سالێن بوری دا بودجەیەکا باش بۆ کوردستانێ د ھاتە مەزاختن لێ وەکو پێدڤی مفا ژێ نە دھاتە وەرگرتن.

ناڤھاتی زێدەتر دیارکر ھەر ب رێکا ڤێ پەنەلێ چەند پێشنیارەک ژ لایێ بازرگان و وەبەرھێنەرێن ئامادەبوی ڤە بۆ لایەنێن پەیوەندیدار ھاتنە دان پێخەمەت باشترکرنا کەرتێن بازرگانی و وەبەرھێنانێ ، ھەتا رادەیەکێ باش ئەڤ پێنگاڤە دێ بیتە دەست پێکەک ژ روویێ زانستی ڤە مفا ژ پشکا کوردستانێ ژ بودجەیا عێراقێ بھێتە وەرگرتن.

ئه‌ڤرۆ نيوز ناڤێن ئه‌ندامێن لژنا قانوونى به‌لاڤ دكه‌ت

26/02/2019 12:42

549

ئه‌ڤرۆ نيوز:

كۆمبوونا نه‌ئاسايى يا په‌رله‌مانێ كوردستانێ هاته‌ كرن و ب پتريا ده‌نگدان ئه‌ندامێن لژنا قانوونى يا په‌رله‌مانێ كوردستانێ بێى پشكا ئێكه‌تيێ هاتنه‌ هه‌لبژارتن.

ناڤێن ئه‌ندامێن لژنا قانوونى يا په‌رله‌مانێ كوردستانێ ب ڤى ره‌نگى يه‌:

ئه‌رشه‌د حوسێن محه‌مه‌د – فراكسیۆنا پارتی.

بژار خالد – فراكسیۆنا پارتی.

خه‌دیجه‌ عومه‌ر ته‌ها – فراكسیۆنا پارتی.

عه‌بدولسه‌لام عه‌بدولا ره‌سول – فراكسیۆنا پارتی.

جه‌لال محه‌مه‌د حه‌مه‌دئه‌مین – فراكسیۆنا گۆڕان.

رووپاك ئه‌حمه‌د ره‌حمان – فراكسیۆنا كۆمه‌ل.

رۆبینه‌ ئۆیملك عه‌زیز مه‌ملو ك – فراكسیۆنا هاوپەیمانيا ئێكه‌تيا نه‌ته‌وى.

سارا دلشاد ئه‌بوبه‌كر – فراكسیۆنا گه‌شه‌پێدانی توركمان.

كاوه‌ عه‌بدولقادر حه‌سه‌ن – فراكسیۆنا نه‌وه‌ی نوێ.