ئه‌ڤرۆ نيوز:

قووناغا دويێ و دووماهيێ يا سيسته‌مێ بايۆمه‌ترى دێ ده‌ست پێ كه‌ت و پشتى ڤێ قووناغێ هه‌موو مووچه‌خۆر ل هه‌رێما كوردستانێ دێ بنه‌ خودانێن ژمارا ئه‌لكترۆنى يا تايبه‌ت ب خوه‌ ڤه‌، كو د وێ رێ دا، ئاسانكارى دێ بۆ د هه‌موو كاروبارێن دامه‌زراوێن حكومى دا هێنه‌ كرن.

هيوا ئه‌فه‌ندى، سه‌رۆكێ فه‌رمانگه‌ها ته‌كنۆلۆژيا و زانيارى ل حوكمه‌تا هه‌رێما كوردستانێ دبێژيت: “د قووناغا ئێكێ دا، مه‌ره‌ما مه‌ بجهـ هات و د قووناغا دويێ دا هه‌موو پێدڤيێن فه‌رمانبه‌ران ژ راژه‌ و ميلاك و ژمێرياريان دێ كه‌ينه‌ ئه‌لكترۆنى، ل پشتى ڤێ قووناغێ دێ دووماهى ب سيسته‌مێ بايۆمه‌ترى هێت”.

قووناغا ئێكێ يا ڤى پرۆژه‌ى به‌رچاڤ روونيه‌كا باش بۆ حوكمه‌تا هه‌رێما كوردستانێ هه‌بوو كو داتا و پێزانينێن دروست ل سه‌ر فه‌رمانبه‌ران كۆم كرن و كۆژمه‌كێ به‌رچاڤ يێ داهاتى بۆ حوكمه‌تێ ڤه‌گه‌ريا گه‌نجينێن وێ.

قووناغا ئێكێ يا سيسته‌مێ بايۆمه‌ترى ل چريا ئێكێ يا 2016ێ ده‌ست پێ كر و هه‌تا ته‌باخا 2017ێ يا به‌رده‌وام بوو.

ب گۆره‌يى ئامارێ، سيسته‌مێ بايۆمه‌ترى حوكمه‌تا هه‌رێما كوردستانێ مليۆنه‌ك و 249 هزار و 489 فه‌رمانبه‌ر هه‌نه‌ كو نێزيكى 700 هزاران د خانه‌نشينن.

ئەڤرۆ نیوز، عەلی حاجی :‏
مەلا سەعید عەبدولرەحمان، رێڤەبەرێ ئەوقاف و کاروبارێن ئایینی، د داخویانیەکێ دا بۆ ئەڤرۆ نیوز ئاشکەرا کر ژ بەر ‏نەپێگریا گوتاربێژان ب رێنمایێن ئەوقافێ، سێ گوتار بێژ ب ئێکجاری ھاتنە دورخستن. دا زانین ژی کو د نوکە دا ‏پێنچ مزگەفت دھێنە ئاڤا کرن.‏

مەلا سەعید عەبدولرەحمان زێدەتر گوت : ژبەر کو مە ھەژمارەکا رێنمایان ھەنە و ئەو رێنما ژلایێ وەزارەتا ئەوقاف و ‏کاروبارێن ئاینی ھاتینە دەر کرن ، کو ژگرنگترین رێنمایان ژی نابیت گوتاربێژ تەشھیرێ بکەت یان ژی گوتارەکا ‏توند پێشکێش بکەت ، زێدەباری وێ چەندێ ژی نابیت فەتوا ل سەر مینبەرێن مزگەڤتان بھێنە ددان،دئەڤ سالە دا و ‏ھەتا نوکە ، ژبەر نەپێگریا سێ گوتاربێژان ب ڤان رێنمایان و پشتی چەندین ھوشداریان ھاتنە دوور خستن ژ کارێ ‏گوتاربێژیێ ، بەلێ دو ژ وان کەسان نەئیمام بون و نە ب گرێبەست و نە ب دامەزراندن دگەل مە نەبون بتنێ وەکو ‏خوەبەخش بون دگەل مەدا کار دکرن.‏

ناھاتی گوت ژی : ژبەر ھاتنا قەیرانا دارایی حکومەتا ھەرێمێ ھەمی پروژەیێن خوە راوەستاندن بون ، بەلێ نیچزیکی ‏‏36 مزگەڤتان ژلایێ خێرخوازان ڤە ھاتنە ئاڤا کرن ، پشتی وەرگرتنا رەزامەندیێ و دابینکرنا پارچە زەڤیەکێ ژلایێ ‏باژێرڤانیا زاخۆ ڤە، دنوکە دا کار کرن ل سەر پێنچ مزگەڤتان ڤە دھێتە کرن ژلایێ خێرخوازێن دەڤەرا زاخۆڤە ، ئەو ‏پێنچ مزگەڤتە ژی دێ ب شێوەیەکێ مودرن ھێنە ئاڤا کرن .‏

ئه‌ڤرۆ نيوز، نيوار محه‌مه‌د سه‌ليم:

رۆژا 1ى ئيلۆنا 2019ێ خولا دانانا قانوونا يا وه‌رزێ پاييزێ يا سالا ئێكێ يا خولا پێنجێ يا په‌رله‌مانێ كوردستانێ يه‌.

پرۆژێ قانوونا چاكسازيێ د مووچه‌ى، ده‌رماله‌ و خانه‌نشينيێ هيڤيا هه‌موو فراكسيۆنێن په‌رله‌مانى يه‌، ژبلى پرۆژێ قانوونا چاكسازيێ، بڕياره‌ حوكمه‌ت 18 پرۆژێن قانوونێن دى كو د كه‌رتێن جودا دانه‌، بۆ په‌رله‌مانى ب هنێريت كو دبيته‌ كارێ ده‌ستپێكى يێ لايه‌نێن پشكدار د ده‌سته‌لاتێ دا بۆ په‌سه‌ندكرنێ.