ئه‌ڤرۆ نیوز:
سوبه‌هى پێنجشه‌مبى 18/4/2019 مووچێ هه‌يڤا كانوونا دويێ 2019 يێ ڤان وه‌زاره‌ت و جهان دێ هێته به‌لاڤكرن:
ئه‌ڤرۆ نیوز:
ئه‌ندامه‌كێ په‌رله‌مانێ عیراقێ ژ فراكسیۆنا پارتى دیموكراتى كوردستان ل دۆر چار مووچێن پێشمه‌رگه‌ى كو ژلایێ به‌غدا رازیبوون ل سه‌ر هاتیه كرن پێزانینێن نوو دان.
ناسر هه‌ركى، ئه‌ندامێ په‌رله‌مانێ عیراقێ ژ فراكسیۆنا پارتى وئه‌ندامێ لژنا ئاسایش وبه‌رگریێ یا په‌رله‌مانى د داخۆیانیه‌كا رۆژنامه‌ڤانى دا گۆت” ب بریارا عادل عه‌بدولمه‌هدى سه‌رۆك وه‌زیرێن عیراقێ ووه‌زیرێ به‌رگریا عیراقێ ب وه‌كاله‌ت بریارا مه‌زاختنا مووچێ پێشمه‌رگه‌ى بۆ هه‌ر چار هه‌یڤێن ( 1 و2 و3 و4) یێن سالا 2019 هاتیه دان كو گۆژمێ پارێ هه‌ر هه‌یڤه‌كێ 68 ملیار دینارن”.
گۆت ژى” پارێ پێشمه‌رگه‌ى كو بۆ مووچێ هه‌ر چار هه‌یڤان هاتیه دابینكرن، دێ ل ده‌مه‌كێ زوو ژلایێ وه‌زاره‌تا دارایى ڤه ده‌ست ب به‌لاڤكرنا وى هێته كرن”.
ئه‌ڤرۆنیۆز:
ئەڤرۆ 17/4/2019 ل میهڤانخانا پارێزگه‌ها دهوكێ (فه‌رهاد ئه‌مین ئه‌تروشى) پێشوازیا شانده‌كێ هه‌رێما (بادم ڤوتنبیرگ) یا ئه‌لمانى ب سه‌روكاتیا به‌رێز (تێرێزا شوپێر) وه‌زیرا ده‌وله‌تێ ل هه‌رێما نافبرى و شانده‌كێ دگه‌لدا كر دهه‌ڤدیتنه‌كێ كو هژماره‌كا رێڤه‌به‌رێن گشتى یێن ده‌زگایێن خزمه‌تگوزارى یێن پارێزگه‌ها دهوكێ و ئه‌ندام په‌رله‌مانێن هه‌رێما نافبرى یا ئه‌لمانیا و كونسلوسا وه‌لاتێ ئه‌لمانیا ل هه‌رێما كوردستانێ به‌رهه‌ڤببون به‌حسێ ره‌وشا پارێزگه‌عها دهوكێ ژ لایێ خزمه‌تگوزارى و كه‌مپێن ئاوارا و پێدڤیێن وان هاته كرن
دیڤدا برتوكولێ هه‌فكارى و لێك تێگه‌هه‌شتنێ دنافبه‌را پارێزگه‌ها دهوكێ و هه‌رێما بادم ڤوتنبێرگ دا هاته ئیمزا كرن بو هه‌فكارى كرنا پارێزگه‌هێ بو دو سالیێن بهێت دبیاڤێ خزمه‌تگوزارى و هاریكاریا ئاوارا دا ,
دپرێس كونفرانسه‌كى دا فه‌رهاد ئه‌مین ئه‌تروشى پارێزگه‌رێ دهوكێ بناڤێ كارگێریا پارێزگوه‌هێ و خه‌لكێ پارێزگه‌هێ بخێرهاتنا شاندێ هه‌رێما باده‌م ڤوتنبێرگ ب سه‌روكاتیا خاتون تێرێزا شوپێر وه‌زیرا ده‌وله‌تێ ل هه‌رێما نافبرى كر و دیار كر كو وان یاداشته‌كا لێك تێگه‌هه‌شتنێ دنافبه‌را كارگێریا پارێزگه‌ها دهوكێ و حكومه‌تا هه‌رێما باده‌م ڤوتنبێرگ دا ئیمزا كر بو هندێ كو پشته‌ڤانیا مه بكه‌ن بتایبه‌تى بو ئه‌و ئاواره و په‌نابه‌رائه‌وێن ل سنورێ پارێزگه‌ها دهوكێ هه‌ین هه‌روه‌سال ل بوارێن جودا جودا وه‌كو په‌روه‌رده و ساخله‌مى و كه‌رتێن بو سالێن بهێت پشته‌ڤانیا مه بكه‌ن ,
هه‌روه‌سا گوت : بو زانین به‌رى نوكه مه بو ماوێ پێتر ژ دوو سالا پشته‌ڤانیا پارێزگه‌ها دهوكێ دكه‌رتێ ساخله‌میێ هه‌وروه‌سا په‌روه‌ردێ و تایبه‌ت ل زانكویا دهوكێ و هنده‌ك بوارێن دیژى پروژێن دى پشته‌ڤانێن مه بوینه ,,دیسان گون من دڤیت ئاماژێ بده‌م بێژم بێى پشته‌ڤانیا رێزدار نێچیرڤان بارزانى سه‌روكێ حكومه‌تا هه‌رێما كوردستانێ ئه‌ف رێككه‌فتنه و ئه‌ف ئیمزایه نه دهاته كرن و پشته‌ڤانیا جه‌نابێ وى گه‌له‌ك بو بومه كو ئه‌ف رێكه‌فتنه بهێته ئیمزا كرن ,, هیڤیدارین ئه‌ف رێككه‌فتنه ببیته رێك خوشكه‌ره‌ك پێتر كارێ هه‌فپشك بهێته كرن دنافبه‌را مه و واندا ,
دیڤدا سه‌روكا شاندێ هه‌رێما باده‌م ڤیتنبێرگ یا ئه‌لمانى بو روژنامه‌ڤانا گوت : به‌رێ هه‌ر تشته‌كێ سوپاسیا پارێزگه‌رێ دهوكێ كر بو ده‌رفه‌تا په‌یدا كرى و هه‌فكاریا هه‌تا نوكه ب سه‌ركه‌فتیانه برێڤه چوى بو دوو سالێن بورى ل دهوكێ مه پروژه یێن بجهئینایین و ئه‌ڤرو دێ ڤێ رێككه‌فتنێ درێژ تر و بهێز تر لێكه‌ین دیسان سوپاسیێن سه‌روك وه‌زیرێ هه‌رێما خو گه‌هاندنه پارێزگه‌رێ دهوكێ بو وێ هه‌فكاریا ل سالێن بورى هاتیه كرن و كار ب سه‌ركه‌فتیانه برێڤه چوى تایبه‌ت وه‌رگرتنا 1100 ژن و زاروكا و ئه‌م شیاین ماله‌كا نوى بو وان ئاڤا بكه‌ین و بو هه‌رێما مه ئه‌ڤه تشته‌ك گه‌له‌ك گرنگ بو و مه دیت ل ڤێرێ كارێن گه‌له‌ك گرنگ هاتنه كرن و ئه‌ف رێژا مه‌زن یا ئاواره و په‌نابه‌ىرێن هاتینه دهوكێ ل چه‌ند سالێن بورى پارێزگه‌ها دهوكێ و حكومه‌تا هه‌رێمێ جهه‌كێ ئێمن بو دابینكر و هه‌تا نوكه وان دپارێزن ,
دیسان گوت : بابه‌ته‌كێ دیێ گه‌له ك گرنگ ئه‌وه یا په‌یمانگه‌ها چاره‌سه‌ركرنا نه‌خوشیێن ده‌رونى مه ئه‌ف په‌یمانگه‌هه چێكرى كاره‌كێ گه‌له‌ك گرنگه بو خه‌لكێ ڤێرێ دا فێر ببنه چاره‌سه‌كرنا ده‌رونى و ل ڤێرێ وى تشتى بخوینن و بشێن هاریكاریا خو بكه‌ن ,
دیسان گوت : به‌رى دوو سالا دگه‌ل پارێزگه‌ها دهوكێ پروژه مه ده‌ست پێكرن و ئه‌م حه‌ز دكه‌ین ئه‌ف پروژه به‌رده‌وام بن بو نمونه مه ل كه‌مپه‌كا ئاوارا وه‌كى كومپانیه‌كا بچیك بو چێكرنا مه‌حفیرا دورست كریه هه‌روه‌سا مه دڤیت كاره‌بێ ژ هێزا روژێ بو كومپێن ئاوارا په‌یدا بكه‌ین و به‌رهه‌م بینین ,,
دیسان دوپاتكر كو ئه‌و دێ به‌رده‌وام هاریكار و پشته‌ڤان بن بو هه‌رێما كوردستانێ و تایبه‌ت پارێزگه‌ها دهوكێ چونكێ هژماره‌كا مه‌زن یا ئاوارا وه‌رگرتیه ,
هه‌روه‌سا گوت : مه رێككه‌فتنه‌ك بو دووسالا هه‌بو ئه‌ڤرو مه ئه‌و رێككه‌فتن درێژ تر و بهێتر لێ كر بو دو سالێن دى
ئەڤرۆ نیوز:
ئەڤرۆ رۆژا چارشەمبی نێچیرڤان بارزانی سەرۆک وەزیرێن ھەرێما کوردستانێ ل ھەولێرێ پێشوازی ل حسێن ئەلفەزالە بەرپرسێ کاروبارێن بالیوزخانا قەتەر ل عیراقێ کر و خواست پەیوەندیێن ھەرێمێ دگەل وەلاتێ قەتەر بەر ب باشتر بچن.
د دیدارەکێ دا سەرۆک وەزیرێن ھەرێمێ بەحس ل وان قەیرانێن سەخت یێن سالا بوری کرن و دەربازکرنا وان قەیرانان ب سەرکەفتیانە ، تایبەت پشتی ئاسایبوونا پەیوەندیێن ھەولێرێ دگەل بەغدا.
دیسان تەوەرەکێ دی یێ ڤێ دیدارێ دا بەحس ل رەوشا ھەرێما کوردستانێ ھاتە کرن و ھەولێن پیکئینانا کابینەیا نوو بۆ حوکمەتا ھەرێما کوردستانێ ھاتنە گوتوبێژکرن.
ژلایێ خوە ڤە حسێن ئەلفەزالە سلاڤ و رێزێن سەرکردایەتیا وەلاتێ خوە گەھاندنە نێچیرڤان بارزانی و پیروزباھیا سەرکەفتنا ھەلبژارتنێن ھەرێمێ کر و ھیڤی خواست کابینەیا نوو زووترین دەم بھێتە پێکئینان و ژلایێ خوە ڤە خواست پەیوەندیێن وان دگەل ھەرێمێ باشتر بن و رولێ ھەرێما کوردستانێ د شەرێ دژی تیرورێ دا بباشی بلندکر وه سفكر تایبەت د حەواندنا وێ ھژمارا زورا پەنابەر و ئاوارەیێن قەستا ھە رێمێ کرین.
ئەڤرۆ نیوز:
پارێزگەرێ دھۆکێ د پەیامەکێ دا جه‌ژنا خووشك و برایێن ئێزدی پیرۆز دكه‌ت، ئەڤە دەقێ وێ یە:
ب هه‌لكه‌فتا هاتنا جه‌ژنا چارشه‌مبوویا سۆر یا خووشك و برایێن كوردێن ئێزدی، ب ناڤێ كارگێریا پارێزگه‌ها دهۆكێ گه‌رمترین پیرۆزباهیان ئاراسته‌ی كوردێن ئێزدی و جڤاتا روحانی و ئێزدیێن جیهانێ ب گشتی و یێن پارێزگه‌ها دهۆكێ ب تایبه‌تی دكه‌ین.
هیڤیدارین ئه‌ڤ جه‌ژنه و هه‌موو جه‌ژنێن دی یێن هه‌موو ئول و نه‌ته‌وه‌یان ل پارێزگه‌هێ ب خێر و خوه‌شی و ته‌ڤایی و ب گیانێ لێبورین و پێكڤه‌ژیانێ بهێنه گێران، ئومێده‌وارین خووشك و برایێن ئێزدی یێن بێ سه‌روشوون بهێنه رزگاركرن و ئاواره ڤه‌گه‌ڕنه سه‌ر جهێن باب و كالێن خوه و ژیانه‌كا خوه‌ش و ئارام ده‌ربازكه‌ن …دوباره جه‌ژنا چارشه‌مبوویا سۆر پیرۆزبیت.
فه‌رهاد ئه‌مین ئه‌ترووشی
پارێزگه‌رێ دهۆكێ
16\4\2019
ئەڤرۆ نیوز:
ب هه‌لكه‌فتا روژا ژینگه‌ها كوردستانێ ئەڤرۆ ل فاملى مول ل قه‌زا سێمێلێ ب چاڤدێریا فه‌رهاد ئه‌مین ئه‌تروشى پارێزگه‌رێ دهوكێ وب ئاماده‌بونا چه‌ندبه‌رپرسێن حزبى وئیدارى چالاكیه‌كا تایبه‌ت ب روژا ژینگه‌هێ ژلایێ فه‌رمانگه‌ها ژینگه‌ها دهوكێ ئه‌نجامدان
لبه‌راهیێ به‌رێز محمد تاهر رێڤه‌به‌رێ فه‌رمانگه‌ها ژینگه‌ها دهوكێ په‌یڤه‌ك پێشكێشكر ودیاركر كو ئه‌ڤ ساله حه‌فت روژا چالاكى ب ڤێ هه‌لكه‌فتێ هاتینه ئه‌نجامدان وئه‌ڤرو مه ئه‌ڤ چالاكیه سازكریه بو وێ یه‌كێ هنده‌ك خه‌مخورێن پاراستنا ژینگه‌هێ خه‌لاتكه‌ین هه‌مبه‌ر ئه‌و خزمه‌تا دبوارێ پاراستنا ژینگه‌هێ دا پێشكێشدكه‌ن وسوپاسیا وان هه‌موو لایه‌ن وسازیا وكه‌سان كر كو گرنگیێ دده‌نه پاراستنا ژینگه‌هێ .
پاش نوینه‌رێ سه‌روكێ ده‌سته‌یا پاراستنا ژینگه‌هێ په‌یڤه‌ك خاندن ورونكرن دانه سه‌ر كار وچالاكیێن ل ڤان روژێن بورى هاتنیه كرن بو پاراستنا ژینگه‌هێ .
پاش خه‌لات ل سه‌ر(42) كه‌سان وسازیێن په‌یوه‌ندیدار ب پاراستنا ژینگه‌هێ ڤه هاتنه به‌لافكرن.
ل دوماهیێ پێشانگه‌هه‌كا تایبه‌ت ب ژینگه‌هێ وكارێ قوتابیێن سێ قوتابخانێن پارێزگه‌هێ هاتنه نیشا دان وباشترین به‌رهه‌م هاتنه خه‌لاتكرن.
هه‌ژى گوتنێ یه ئه‌و قوتابخانێن هاتینه خه‌لاتكرن ئه‌ڤه‌بوون(هندرین – گولستان – له‌یلان).
ئه‌ڤرۆ نیوز:
ب هه‌لكه‌فتا جه‌ژن سه‌رێ سالا ئێزدى (چارشه‌مبیا سور) سه‌رۆك مه‌سعود بارزانى په‌یامه‌ك به‌لاڤكر.
د په‌یاما سه‌رۆك بارزانى دا هاتیه”ب هه‌لكه‌فتا هاتنا جه‌ژنا سه‌رێ سالا ئایینێ ئێزدى، چارشه‌مبیا سور، گه‌رمترین پیرۆزباهیێن خوه ئاراسته‌ى هه‌موو خوشك وبرایێن ئێزدى ل كوردستانێ وجیهانێ دكه‌م وهیڤیا به‌خته‌وه‌ریێ بۆ دخوازم”.
سه‌رۆك بارزانى گۆت ژى”ل سالێن بۆرى خوشك وبرایێن ئێزدى ژ به‌ر سته‌م وتاوانا تیرۆرستان ونه‌حه‌زان ئێش وئازارێن زۆر دیتینه كو د دیرۆكێ دا وێنه نه‌بوو، ل ڤێرێ دووپات دكه‌م كو ب هه‌موو شیانان پشته‌ڤانیا داخوازیێن خوشك وبرایێن ئێزدى دكه‌م وپێدڤیه ژى هه‌موو لایه‌ك هاریكار بیت بۆ وێ چه‌ندێ بشێن ب خوه بریارێ ل چاره‌نڤیس وپاشه‌رۆژا خوه بده‌ن وبرینێن خوه سارێژ بكه‌ن ودووماهی ب ئاواره‌یێ ونه‌هامه‌تیان وان بهێت”.
دیاركر”ب ڤێ هه‌لكه‌فتێ خوشك وبرایێن ئێزدى وهه‌موو پێكهاتێن دى ل وێ چه‌ندێ دلنیا دكه‌م كو كوردستان وه‌لاتێ پێكڤه‌ژیانێ یه ودڤێت ئه‌و فه‌رهه‌نگا ده‌وله‌مه‌ند وبرایه‌تى وته‌بایى به‌رفره‌هتر لێ بهێت”.
ئەڤرۆ نیوز ، زنار تۆڤی:
بەری نوكە بریار هاتبوو دان كو سوبەهی سێشەمبی دێ روونشتنا پەرلەمانێ كوردستانێ دەست پێ كەت، لێ سوبەهی ئەو روونشتنە ناهێتە ئەنجامدان.
موحسن دۆسكی، ئەندامێ پەرلەمانێ كوردستانێ ل سەر فراكسیۆنا پارتی دیموكراتی كوردستان بۆ ئەڤرۆ نیوز دیار كر: كو سوبەهی سێشەمبی 16/4/2019 چو روونشتن ل پەرلەمانێ كوردستانێ ناهێنە ئەنجامدان، لێ هندەك ئەگەر هەبوون كو سوبەهی پەرلەمان كۆم ببیت، كو ئەو ژی هەكە پارتی و ئێكەتی و گۆران بگەهنە رێككەفتنێ ل سەر دانانا جێگرێ سەرۆكێ هەرێما كوردستانێ بۆ ئێكەتیێ، دا پەرلەمان روونشتنا خوە دەست پێ كەت، لەوما ل ڤان رۆژان دێ هندەك كومبوون هێنە ئەنجامدان، لێ سوبەهی سێشەمبی دێ هێتە ئێكلایی كرن، كانێ دێ ل ڤێ حەفتیێ كومبوونا پەرلەمانێ كوردستانێ هێتە ئەنجامدان یان ژی ناهێتە ئەنجامدان، چونكی هەكە ل ڤێ حەفتیێ نەهێتە ئەنجامدان، دێ هێتە پاشخستن بۆ حەفتیا بهێت.
زێدەتر گۆت: بریار ئەوە كو سەرۆكاتیا پەرلەمانی هەموو پەرلەمانتاران گازی بكەت بۆ رۆژەكا دەست نیشانكری، ژنوو دا پرۆژە قانوون بۆ راستڤەكرنا قانوونا سەرۆكاتیا هەرێما كوردستانێ هێتە كاراكرن، لێ نوكە كومبوونا پەرلەمانی یا مایە ل سەر مەكتەبێن سیاسی یێن ئالیێن سیاسی، لەوما هەر دەمێ مەكتەبێن سیاسی یێن پارتی و ئێكەتیێ و گۆرانێ بگەهنە رێككەفتنێ ل وی دەمی دێ روونشتنا پەرلەمانێ كوردستانێ دەست پێكەت، هەروەسا دڤێت بابەتێ دانانا دو جێگران بۆ سەرۆكاتیا هەرێما كوردستانێ بهێتە ئێكلایی كرن، دیسا دڤێت ئێكەتی كەسەكێ دەست نیشان بكەت بۆ سەرۆكاتیا پەرلەمانێ كوردستانێ، هەتا ئەڤ بابەتە نەهێنە ئیكلایی كرن، روونشتنا پەرلەمانێ كوردستانێ دەست پێناكەت، هەروەسا لدووڤ هندەك پێزانینان، دڤێت هەتا سەرێ هەیڤا پێنج حوكمەتا هەرێما كوردستانێ ب هەموو كابینا نووڤە رابگەهینین.
ئه‌ڤرۆ نیوز:
به‌رپرسه‌كێ وه‌زاره‌تا سامانێن سروشتى ل هه‌رێما كوردستانێ راگه‌هاند، زووربوونا خواستا وه‌لاتیان ئه‌گه‌رێ بلندبوونا بهایێ پانزینێ یه، چونكى وه‌رزێ بهارێ یه وخه‌لك گه‌له‌ك زێده‌تر پانزینێ بكاردئینن بۆ گه‌شت كرنێ.
گه‌یلان جه‌مال، رێڤه‌به‌رێ كونترۆلا پانزینێ ل وه‌زاره‌تا سامانێن سروشتى بۆ مالپه‌رێ كوردستان تى ڤى گۆت”بازار یێ ئازاده ونه‌شێن رێگریێ ل پانزینخانان بكه‌ین كو ب حه‌زا مه پانزینێ بفروشن”.
نيشاندان