ئه‌ڤرۆ نيوز:

ئه‌ڤرۆ ئه‌ينيێ 22/3/2019 حوكمه‌تا هه‌رێما كوردستانێ ژبه‌ر روودانا كاره‌ساتا دوهى يا باژێرێ مووسل ئه‌وژى نقوومبوونا به‌له‌مه‌كا گه‌شتيارى كو بوويه‌ ئه‌گه‌رێ گيان ژده‌ستدانا نێزيكى 100 كه‌سان، راگه‌هاند، پشكدار وهه‌ڤپشكێن به‌هيداريا گشتى نه‌ ل عيراقێ وب ڤێ هه‌لكه‌فتى چالاكى وئاهه‌نگێن فه‌رمى يێن جه‌ژنا نه‌ورۆزێ دێ هێنه‌ راگرتن”.

ئه‌ڤرۆ نیوز:

سه‌رۆك مه‌سعود بارزانى ئه‌ڤ شه‌ڤه‌ په‌یامه‌كا سه‌ره‌خوه‌شیێ ئاراسته‌ى كه‌سوكارێن روودانا ئه‌ڤرۆ یا باژێرێ مووسل هنارت.

سه‌رۆك بارزانى دپه‌یاما خوه‌ دا گۆت” ب مخابنیه‌كا مه‌زن ڤه‌ ژ ئه‌گه‌رێ نقوومبوونا به‌له‌مه‌كێ ل رووبارێ دیجله‌ ل باژێرێ مووسل، هژماره‌كا مه‌زن یا وه‌لاتیان بوونه‌ قوربانى”.

سه‌رۆك بارزانى گۆت ژى” ب ڤێ هه‌لكه‌فتا خه‌مگین، سه‌ره‌خوه‌شی وهه‌ڤخه‌میا خوه‌ ئاراسته‌ى كه‌سوكارێن قوربانیێن وێ روودانا دلته‌زین وئاكنجیێن باژێرێ مووسلێ دكه‌م ژ لاڤان بۆ خودێ مه‌زن دكه‌م سه‌بر وئارامیێ ب كه‌سوكارێن گیان ژده‌ستدایان ببه‌خشیت وهیڤیا باشتربوونێ بۆ برینداران ودیتنا به‌رزه‌بوویان دخوازم”.

ئه‌ڤرۆ نیوز:

وه‌زیرێ ساخله‌میێ ل هه‌رێما كوردستانێ ئه‌ڤرۆ پێنجشه‌مبى 21/3/2019 راگه‌هاند، وه‌زیرێ ساخله‌میێ ل عیراقێ په‌یوه‌ندێ پێ كریه‌ بۆ هاریكاریا قوربانیێن نقومبوونا به‌له‌مێ درووبارێ دیجله‌ دا ل مووسل.

رێكه‌وت حه‌مه‌ ره‌شید، وه‌زیرێ ساخله‌میێ ل هه‌رێما كوردستانێ دیاركر وه‌زاره‌تا ساخله‌میێ ل هه‌رێمێ 10 ئه‌مبولانس بۆ قوربانیێن مووسل هنارتینه‌”

گۆت ژى”ئه‌و بریندارێن روودانێ یێن پێدڤى ب چاره‌سه‌ریێ هه‌ى دێ بۆ نه‌خوه‌شخانێن هه‌رێما كوردستانێ هێنه‌ هنارتن”.

ئه‌ڤرۆ  ل دووڤ وه‌زاره‌تا ناڤخوه‌یا عیراقێ، ژ ئه‌نجامێ نقومبوونا به‌له‌مه‌كێ ل رووبارێ دیجله‌ ل باژێرێ مووسل 71 كه‌سان گیانێ خوه‌ ژ ده‌ست دا وچه‌ندین كه‌سێن دى ژى برینداربوون.

ئه‌ڤرۆ نیوز:

ئه‌ڤرۆ پێنجشه‌مبى 21/3/2019 سه‌رۆك مه‌سعود بارزانى ل رۆژا ئێكێ یا جه‌ژنا نه‌ورۆزێ وب مه‌ره‌ما پیرۆزكرنا جه‌ژنێ ل وه‌لاتیان وگه‌شتیاران، سه‌ره‌دانا هاڤینگه‌هێن سۆران ورواندوزێ كر.

ئه‌ڤرۆ نیوز:

رێڤه‌به‌رێ فرۆكخانا دیاربه‌كر راگه‌هاند، هه‌فتیانه‌ دێ سێ گه‌شتێن ئه‌سمانى د ناڤبه‌را هه‌ولێرێ ودیاربه‌كر هێنه‌ ئه‌نجامدان.

ئایهام تام، رێڤه‌به‌رێ فرۆكخانا دیاربه‌كر بۆ كوردستان 24 گۆت” ئه‌ڤرۆ پێنجشه‌مبى 21/3/2019 گه‌شتێن دناڤبه‌را فرۆكخانا هه‌ولێرێ یا نێڤده‌وله‌تى وفرۆكخانا دیاربه‌كر دێ ده‌ست پێكه‌ن.

ئه‌ڤرۆ نیوز:

سه‌رۆك وه‌زیرێن هه‌رێما كوردستانێ، نێچیرڤان بارزانى، ئه‌ڤرۆ چارشه‌مبى 20/3/2019 ب هه‌لكه‌فتا سه‌رێ سالا نوو یا كوردى وجه‌ژنا نه‌ورۆزێ، په‌یامه‌كا ڤیدیۆیی به‌لاڤكر وراگه‌هاند، بارێ ئابوورى دێ باش بیت وخێر وخوه‌شى دێ به‌ر ب كوردستانێ هێت.

نێچیرڤان بارزانى گۆت ژى” ڤه‌ژاندنا ئابوورێ هه‌رێما كوردستانێ یا ده‌ستپێكرى وگاڤ به‌ر ب ئاسایی بوونێ دهاڤێژیت”.

دیاركر” نه‌ورۆز دبه‌رنه‌ره‌تدا خودان وهه‌لگرا كه‌لتوورێ پێكڤه‌ژیانا ولێبۆرینێ یه‌ ودشیاندایه‌ ژ ئه‌ڤرۆ ده‌ست پێ بكه‌ین”.

ئه‌ڤه‌ ژى ده‌قێ په‌یاما ڤیدیۆیى یا نێچیرڤان بارزانى یه‌:

ئه‌ڤرۆنیوز:

شیره‌تكارێ جڤاتا ئاسایشا هه‌رێما كوردستانێ، مه‌سرور بارزانى ئه‌ڤرۆ چارشه‌مبى 20/3/2019  ب هه‌لكه‌فتا جه‌ژنا  نه‌ورۆز یا نه‌ته‌وى په‌یامه‌ك به‌لاڤكر.

مه‌سرور بارزانى دپه‌یاما خوه‌ دا گۆت” ب هه‌لكه‌فتا جه‌ژنا نه‌ورۆزێ وسه‌رێ سالا كوردى، گه‌رمترین پیرۆزباهیان ئاراسته‌ى مالباتێن سه‌ربلندێن شه‌هیدان وپێشمه‌رگێن قه‌هره‌مان وهه‌موو گه‌لێ كوردستانێ دكه‌م، هیڤیدارم رۆژێن جه‌ژنى دسه‌قایه‌كێ ئارام وپرخوه‌شى دا ببورینن”.

گۆت ژى” هه‌لكه‌فتێن نیشتمانى ونه‌ته‌وى ژوان ژى نه‌ورۆز، فاكته‌رێن كاریگه‌رێن پرۆسا ئاڤادانكرنا نیشتمان ونه‌ته‌وه‌ى نه‌، له‌وما هیڤیخوازم ساخكرنا ڤان هه‌لكه‌فتێن نیشتمانى دوى چارچۆڤێ كه‌لیشییانه‌ كو تنێ خواندنا په‌یام وپیرۆزباهیان بیت ده‌ركه‌ڤن، ساخكرنا بێ ناڤه‌رۆك، چه‌مكێ هه‌لكه‌فتێن نیشتمانى كێم ره‌نگتر دكه‌ت ودئه‌نجامدا ئه‌ڤ هه‌لكه‌فتێن دیرۆكى گرنگیا خوه‌ ل ده‌ڤ نه‌ڤیێن داهاتى ژده‌ست دده‌ن.

دیاركر ژى” پێدڤیه‌ هێمایێن نیشتمانى فاكته‌رێن ب هێزكرنا هه‌ستا نیشتمانپه‌روه‌رى بن وهانده‌رێن مه‌ بن تاكو سه‌ره‌راى هه‌موو جوداهیان، د خزمه‌تا نیشتمانى دا ئێكبگرین وب ئێكرێزى وكۆمكرنا شیانان به‌ر ب پاشه‌رۆژه‌كا گه‌ش وپێشكه‌فتن وگه‌شه‌سه‌ندنا زێده‌تر گاڤان ب هاڤێژین”.

گۆت ژى” دلسۆزى بۆ نیشتمانى پێدڤیه‌ دكارێن مه‌ دا ره‌نگڤه‌ده‌ت، له‌وما د پێكئینانا كابینا نه‌هێ یا حوكمه‌تا هه‌رێمێ، هیڤیدارم هه‌موو لایه‌ك كێشه‌ وبه‌رژه‌وه‌ندیێن لاوه‌كى بده‌نه‌ لایه‌كى، تاكو پێكڤه‌ ده‌ستكه‌فتێن خوه‌ پێشڤه‌ ببه‌ین وشاشیان راست بكه‌ین وخزمه‌ته‌كا هه‌ژى یا گه‌ل ونیشتمانى بكه‌ین”.