ئهڤرۆ نیوز:
بریاره سوباهى ئێكشهمبى 18/8/2019 مووچێ جڤاتا دادوهرى بهێته بهلاڤكرن.
سوباهى دێ مووچێ ڤى جهى هێته بهلاڤكرن
نووترين نووچه
- شاندەكێ حوكمەتا ئیراقێ سەرەخۆشی ل سەرۆك بارزانی كر
- مەسرور بارزانی و بالیۆزێ ڕووسیایێ دووماهی پێشهاتێن دەڤەرێ گەنگەشە كرن
- مەزلووم عەبدی ب ڕێیا تەلەفۆنێ سەرەخوەشیێ ل سەرۆك بارزانی دكەت
- سەرۆك بارزانی و عەمار حەكیم ڕەوشا سیاسی یا ئیراقێ گەنگەشە كر
- نێچیرڤان بارزانی و عەمار حەكیم ڕەوشا ئیراقێ و دەڤەرێ گەنگەشەكر
- مەسرور بارزانی و عەمار حەكیم دوپاتی ل چارەسەركرنا ئاریشەیێن هەولێر و بەغدایێ كر
- سامی جەلال: بەغدایێ دڤێت 100% ژ داهاتێ دەرگەهێن سنۆری ببەت
- ئەڤرۆ مەزنترین پێشانگەها نێڤدەولەتی یا خانووبەران ل هەولێرێ دێ هێتە ڤەكرن
- ڕۆژا ئێكێ ژ بەهییا عەبدولواحد ئیبراهیم شێخ عەبدولسەلام بارزانی ل بارزان ب ڕێڤەچوو
- سەرۆكێ ئیماراتێ سەرەخوەشیێ ل سەرۆك بارزانی دكەت
سهرهكى نوچێن گرنگ
ههڤپهيمانيا نێڤدهولهتى: دێ پێگيريێ ب بريارا عهبدولمههدى كهين
ئهڤرۆ نيوز:
پشتى عادل عهبدولمههدى سهرۆك وهزيرێن عيراقێ بهرى دو رۆژان ههموو مۆلهتێن تايبهت ب فرۆكێن لهشكرى يێن بيانى ب سهر ئهسمانێ عيراقێ دا ههلوهشاندين، ههڤپهيمانيا نێڤدهولهتى يا دژى داعشێ پێگيريا خوه ب وێ بريارێ راگههاند .
ههڤپهيمانيا نێڤدهولهتى راگههاند” چهند فهرماندێن بلند يێن ههڤپهيمانيێ ل گهل بهرپرسێن وهزارهتا بهرگريا عيراقێ كۆمبوون وبهحسێ رێنمايێن سهرۆك وهزيرێن عيراقێ سهبارهت لڤينێن فرۆكێن ههڤپهيمانان كر”.
دياركر ژى” وهكو مێهڤان د چارچۆڤێ سنوورێ سهروهريا عيراقێ د پێگيرين ب ههموو بريار ورێنمايێن حوكمهتا عيراقێ”.
عادل عهبدولمههدى بريار دابوو ب ههلوهشاندنا ههموو مۆلهتێن تايبهت ب فرۆكهڤانيێ وفرينێ ژ ون فرۆكێن بێ فرۆكهڤان، فرۆكێن كۆمكرنا پێزانينان، فرۆكێن كۆمكرنا پێزانينێن پرچهككرنێ، فرۆكێن شهركهر و ههليكوپتر وفرۆكێن دى ژى” كو نابيت ب سهر ئهسمانێ عيراقێ دا بفرن تنێ ب مۆلهتا تايبهت يا سهرۆك وهزيرێن عيراقێ نهبيت.
بريارا عهبدولمههدى پشتى سێ رۆژان دهێت ژ تهقينا سهربازگهها سهقر يا سهر ب هێزێن حهشدا شهعبى ڤه ل دهڤهرا دوره ل باشوورێ بهغدا كو د ئهنجامدا 30 كوشتى وبريندار كهفتن.
تهلهڤزيونا ( ئاي نيوز) ياعيراقى بهلاڤكربوو” ئهو تهقين ژ ئهنجامێ هێرشهكا ئهسمانى بوو”.
سهرۆك بارزانى پێشوازى ل باليوزێ ئێكهتيا ئوروپى كر
ئهڤرۆ نيوز:
ئهڤرۆ رۆژا شهمبى 17/8/2019 ل سهلاحهدين سهرۆك مهسعود بارزانى پێشوازى ل رامۆن بليكوا باليوزێ ئێكهتيا ئوروپا ل عيراقێ كر.
د ديدارهكێ دا رامۆم بليكوا باليوزێ ئێكهتيا ئوروپا ل عيراقێ سوپاسيا سهرۆك مهسعود بارزانى كر بۆ ڤێ ههڤديتنێ ديسان ئارمانجا سهرهدانا خوه ژى بۆ ب دووماهى هاتنا ئهركێ وى يێ دبلوماسى ل عيراقێ بوو و ب مهرهما خاتر خواستنێ سهرهدانا بارزانى كريه و هيڤى خواست پهيوهنديێن وى و دوستايهتيا وى دگهل گهلێ كورد يێ بهردهوام بيت و چو جاران ژى كوردا ژبيرناكهت.
بهرامبهر سهرۆك مهسعود بارزانى داخوازا سهركهفتنێ بۆ ئهركێ نوو يێ رامۆن بليكوا خواست ديسان ئاماژه ب گرنگيا پهيوهنديێن ناڤبهرا ههرێما كوردستانێ و ئوروپا كر و دوپاتكر پێدڤيه ههماههنگيهكا زێدهتره دگهل ئێكهتيا ئوروپا.
د پشكهكا دى يا ڤێ ديدارێ دا بهحس ل پهيوهنديێن ناڤبهرا ههولێر و بهغدا دا هاتهكرن و ههردولا دوپاتى ل سهر چارهسهركرنا ههموو كێشهيان برێيا ديالوگ و لێكتێگههشتنێ كر.
د بهێنڤهدانا جهژنێ دا چهند كهس ب رێيا دهرگههێ ئيبراهيم خهليل چووينه توركيا؟
ئەڤرۆ نیوز، عەلی حاجی :
د داخویانیەکێ دا رێڤەبەرێ ئاسایشا گومرکا ئیبراھیم خەلیل بۆ ئەڤرۆ نیوز ئاشکەرا کر ئەو قەرەبالغا ل لایێ تورکیا دروست بوویی کو بوویە ئەگەر بۆ ماوەیێ دو رۆژایە ھندەک ترۆمبێل ماینە د سرایێ دا ژ بەر رێژەیا زورا چوونا وەلاتیێن کوردستانێ بۆ وەلاتێ تورکیا .
عەبدوەلوەھاب محەمەد گۆتژی : ئەڤ قەرەبالغا نوکە ل لایێ وەلاتێ تورکیا دروست بوویی، ھەمان قەرەبالغ ل پێشیا جەژنێ د ناڤ دەرگەھێ نێڤدەولەتی یێ ئیبراھیم خەلیل ژی دروست ببوو، ژ بەر کو دڤێ جەژنێ دا رێژکا زۆر یا وەلاتیێن ھەرێما کوردستانێ قەستا وەلاتێ تورکیا کربوون ب مەرەما گەشتکرنێ، ئەم پێشبینی دکەین ھەتا دو یان سێ روژێن دی ئەو قەرەبالغ بمینیت، ژ بەر کو د نوکە دا بھێنڤەدان ل کوردستانێ ب دووماھی ھات و ئەو گەشتیار ژی ژ بەر ڤێ چەندێ ڤەدگەرنە کوردستانێ و ب چو رەنگەکێ ژی گومرگا تورکیا رانەوەستیایە و بەردەوام یێ کار کەن، بەلێ ژ بەر ب رێڤەبرنا مامەلەێن گەشتیاران کار ب گیرۆ دبیت.
دیار کر ژی کو وەکو دەرگەھێ نێڤدەولەتی یێ ئیبراھیم خەلیل د پەیوەندیێن بەردەوام داینە د گەل گومرکا وەلاتێ تورکیا بۆ چارەسەر کرنا ڤێ کێشێ و گۆتژی: دا کو چو کێشەیەک ل لایێ مە دروست نەبیت مە چەندین کومپیوتەرێن پاسەپورتان خستینە د خزمەتا خەلکی دا.
دا زانین ژی کو دبیت ھێشتا ھندەک وەلاتیێن مە ل لایێ تورکیا مابن ژ بەر ڤێ قەرەبالغێ ڤەنەگەریابنە کوردستانێ، ئەم د نوکە ژی دا بەردەوامین ل سەر ھەولێن خوە و دخوازین ژی د زووترین دەم دا ھەمی وەلاتی ڤەگەرنە کوردستانێ ب سلامەتی.
ب گورەی پێزانینێن ب دەست ب ئەڤرۆ نیوز کەفتین ل دو روژێن بەریا جەژنێ ھەتا رۆژێن جەژنێ نێزیکی 55 ھزار کەسان ب رێیا دەرگەھێ نێڤدەولەتی یێ ئیبراھیم خەلیل قەستا وەلاتێ تورکیا کر بوون.
ئوجهلان: توركيا بێ ههرێما كوردستانێ يا سهركهفتى نابيت
ئەڤرۆ نیوز:
رێبەرێ 20 سالیێ زیندانکریێ پارتا کرێکارێن کوردستانێ (پەکەکە) راگەھاند کو کێشە ب رێتنا خوینا مرۆڤان ناھێنە چارەرکرن، ئەو ھەردەم بۆ ئاشتیێ ژی د ئامادەنە و تورکیا بێ ھاریکاریا ھەرێما کوردستانێ یا سەرکەفتی نابیت.
محەمەد ئۆجەلان برایێ عەبدولا ئوجەلان، رۆژا دویێ یا جەژنا قوربانێ پشتی وەرگرتنا رەزامەندیێ، سەرەدانا گرتیخانا سزایێن دژوار ل دورگا ئیمرالی کر و چاڤ ب برایێ خوە کەفت، ئەڤرۆ ژی د دەزگەھێن راگەھاندنێ دا، پەیاما برایێ خوە ئوجەلانی راگەھاند.
د پەیامێ دا، عەبدولا ئۆجەلان دەربارەی کاودانێن باکوورێ کوردستانێ و سوریا و رۆژئاڤایێ کوردستانێ راگەھاند کو کاودان ب شەری چارە نابن، ئەڤە دێ زیانێ ھەر گەھینیتە تورکیا و ھەر ژی گەلێن دەڤەرێ. پێدڤیە ئاشتی بھێتە پێشخستن، ھەکە تورکیا بچیتە ناڤ ئاخا سوریا، ئەڤە نابیتە چارەسەر، راستی ئەو کو شەر بۆ گەلان تشتەکێ باش نینە، کێشە پێدڤیە ب دیموکراسی بھێنە چارەکرن، کێشە چو دەمان ب شەری چارە نابن.
دەربارەی پرسا چارەسەریا کێشا کورد و ئۆپەراسیۆنێن تورکیا، ئۆجەلان گۆتیە: “بۆ چارەکرنا کێشا کوردان، ئەم دێ رۆل و ئەرکێ خوە ب جھـ گەھینین، ئەو کێشە ب رێتنا خوینا مرۆڤان چارە نابیت، ئەم ھەردەم بۆ ئاشتیێ د ئامادەینە و ھەردەم دژی شەری نە”.
دەربارەیی ئێکەتیا گەلێ کورد ژی ئاماژە ب وێ چەندێ کر کو تورکیا بێ ھاریکاریا ھەرێما کوردستانێ یا سەرکەفتی نابیت، بێ ھەرێما کوردستانێ دێ لڤینێن وێ ب زەحمەت بن، ئەڤ کارە دێ گورزان ل ئێکەتیا گەلێ کورد وەشینیت، پێدڤیە ھەموو کەس بۆ ئێکەتیا گەلێ کورد ل ناڤ کار و خەباتێ بیت. دا کو ئێکەتیا کورد ژ ناڤ نەچیت، فیداکاری یا پێدڤیە”.
د رێیا برایێ خوە دا پەیامەک بۆ ھەدەپێ ژی ھنارتیە و دبێژیت: “60 پەرالەمانتارێن ھەین، د ناڤ ھەلبژارتنان دا باژێرڤانی ژی یێن وەرگرتینەڤە، جارەکا دژی من یا گۆتی، ھەکە ئەز ل ژ دەرڤە بامە، دا کوچ و کۆلانا پاقژ کەم، پێدڤیە پەرلەمانتار 24 دەمژمێران ل ناڤ خەلکی بن، پێدڤیە خزمەتا خەلکی بکەن، گەلی ئیرادا خوە یا دایە دەستێ ئەوان، ئەو ژی پێدڤیە د خزمەتا گەلی دا بن”.
كاروانێ ئێكێ يێ حهجيێن ههرێمێ گههشتن
ئەڤرۆ نیوز، نەوزاد ھلۆری:
پشتی بجھکرنا ئەرکێن حەجێ، ئەڤرۆ سپێدێ حەجیێن کوردستانێ ب رێیا ھەردو فروکخانێن سلێمانی و ھەولێر دەست ب ڤەگەریانێ کر، گەشتا ئێکێ ب رێیا فروکخانا سلێمانیێ گەھشت، گەشتا دویێ ژی دێ ئێڤاری ب رێیا فروکخانا ھەولێرێ بیت.
نەبەز ئیسماعیل، ئاخفتنکەرێ وەزارەتا ئەوقاف و کاروبارێن ئاینی بۆ ئەڤرۆ نیوز گۆت: (پشتی بجھکرنا ھەموو ئەرکێن حەجێ ل مەککەھا پیرۆز و مەدینا مونەوەر، ئەڤرۆ رۆژا شەمبی دەمژمێر 5:00ێ سپێدێ گەشتا ئێکێ کو ژ 4117 حەجیان پێکدھات ب رێیا فروکخانا سلێمانیێ ڤەگەریان و دەمژمێر 8:00ێ سپێدێ گەھشتن کوردستانێ).
زێدەتر گۆت: (گەشتا دوویێ ھەر ئەڤرۆ دەمژمێر 4:00ێ ئێڤاری دێ دەست پێ کەت و دەمژمێر 6:30ێ ئێڤاری گەھیتە فروکخانا ھەولێر کو ئەو ژی 417 حەجیان بخوڤە دگریت، کوما ئەو حەجیێن ئەڤرۆ دێ زڤرن دبیتە 834 حەجی).
ناڤبری دیارکر ژی کو رۆژانە گەشت دێ ب رێیا ھەردوو فروکخانێن ھەولێر و سلێمانیی ھەتا روژا 29/8 بەردوام بیت و زێدەتر گوت: (کوما گشتی یا حەجیێن کوردستانێ دبیتە حەفت ھزار و 132 حەجی، ئەگەر چ کێشەیێن تەکنیکی دروست نەبن، حەجی دێ ددەما خوە دا زڤرن بو مال و ھەموو بەرھەڤی بو ڤەگەریان و سلامەتیا حەجیان ھاتینەکرن).
سهرۆك بارزانى پهيامهكێ بهلاڤ دكهت
ئهڤرۆ نيوز:
سهرۆك مهسعود بارزانى ب ههلكهفتا 73 ساليا دامهزراندنا پارتى ديموكراتى كوردستان پهيامهك بهلاڤكر وتێدا پيرۆزباهيا خوه ئاراستهى ههموو كادر وئهندام ولايهنگرێن پارتى و مالباتێن سهربلندێن شههيدان وپێشمهرگێ قههرهمان وخهلكێ كوردستانێ كر.
سهرۆك بارزانى د پهياما خوه دا راگههاند” پارتى ديموكراتى كوردستان، ژ رۆژا دامهزراندنا خوه، ل سهنگهرێ بهراهيێ يێ بهرگريكرنێ يه ژ مافێن رهوا يێن گهلێ مه دايه وژبۆ سهرفهرازى و ئازاديا گهلێ مه مل ب مل ل گهل هێزێن خهباتكهر ونيشتمانپهروهرێن دى يێن كوردستانێ، قوربانيێن مهزن دانه”.
گۆت ژى” پارتى ب سياسهتهكا راست ودروست وراشكاوانه خهبات كريه وئارمانجا ستراتيژى دهستنيشانكريه وههتا ئهڤرۆ ژى ب پهيرهوكرنا رێبازا بارزانى، وهكو رێيا راست يا كوردايهتيێ، د درووشم وكرياران دا پێشهنگه”.
گەنجەک د بەنداڤا دھۆکێ دا خەندقی
ئەڤرۆ نیوز، نەوزاد ھلۆری:
دەمەکێ کێم بەری نوکە گەنجەک ل دەما مەلەڤانیان ل بەنداڤا دھۆکێ گەنجەکێ تەمەن ٢٠ سالی خەندقی و ھەتا نوکە تەرمێ وی نەھاتیە دەرئینان، بڤێ یەکێ ھژمارا کەسێن خەندقی ل سنورێ پارێزگەھا دھۆک گەھشتە ٢١ کەسان.
بێوار عەبدولعەزیز، بەرپرسێ راگەھاندنا بەرەڤانیا باژێری ل دھۆکێ بۆ ئەڤرۆ نیوز گۆت: (دەمەکێ کێم بەری نوکە گەنجەکێ باژێرێ دھۆکێ دژیێ ٢٠ سالیێ ل دەما مەلەڤانیان دناڤ بەنداڤا دھۆکێ دا خەندقی).
زێدەتر گۆت: (تیمێن نقومڤانێن سەر ب بەرەڤانیا باژێری ل دھۆکێ مژولێ ئینانەدەرا تەرمێ وی نە، بەلێ ھەتا نوکە ھێشتا نەھاتیە دیتن، ئەم دخوازین گەنجێن مە زێدەتر ھوشیارێ خوە بن).
ئەڤ سالە ل سنوورێ پارێزگەھا دھۆک ٢١ کەس د ئاڤان دا خەندقینە، ھەتا نوکە ھێشتا تەرمێن سێ کەسان نەھاتینە دیتن، دیسان ١٣ کەس ژی ژلایێ تیمێن نقومڤانێن دھۆکێ ھاتینە رزگارکرن.
ل رۆژانێن جهژنێ دا 25 كهسان گيانێ خوه ژ دهست دايه
ئهڤرۆ نيوز، لەزگین جوقی:
بەرپرسی راگەھاندنێ رێڤەبەریا گشتی ساخلەمیا پارێزگەھا دھۆکێ دیارکرکو سەرەدان بۆ دەزگەھیێن ساخلەمیێ 14134 سەرەدان ونڤاندن ل دەزگەھیێن ساخلەمیێ 564 نەخۆش و رازۆبوون 234 زارۆک ژوانا ژی 121 کور و 113 کچ ونشتەگەری 87 ھاتینە ئەنجامدان و روودانیێن ترۆمبێلان وخەندقینی و کوشتنێ 41 کەس برینداربووینە و 3 کەسان گیانێ خوە ژدەستداینە ل دھۆک وئاکرێ و زاخۆ و ئێک حالەتێ خەندقینێ ھەبوویە و دوو کەس ب گولەیێن ئاگری ھاتینە کوشتن
حەمزە رەزیکی دپرێس کونفرانسەکێ دا دیارکرکو 108 حالەتێن پەنچەشیری ژوانا ژی 22 ھاتنیە نڤاندن و 86 کەسان ژی جرعێن کیمیاوی وەرگرتینە و پێڤەدانا دوپشک و ماران 16 حالەت ھەبووینە کەفتن ژ بلنداھیان ژی 4 حالەت ھەبووینە و سووتن ژی 48 حالەت ل دھۆکێ چار حالەت ل زاخۆ ھاتینە تۆمارکرن و کەسەکی کو لاشێ وێ 95% ستبوو گیانێ خوە ژدەستدایە و حالەتێن شەرچوونێ ژی 30 کەس ژ ئەگەرێ برینداربوونێ ب شەرچوونێ ھاتینە نەخۆشخانەیان کو دوو ژوان ب شەفرە وچەقویان بوون.
راگەھاند کو مرن ب رەنگەکێ گشتی 22 کەس ژ ئەگەرێن جەلتێن دلی و نەخۆشیێن خوینێ وفشارێ ونەخۆشیین زارۆکان مرینە .
ئەوژی دیارکرکو 87 حالەتێن پەێوەندی ب تێمین 122 کرینە ژوانژی سۆتن وجەلتە و ژەھراویبوون و شکەشتن بووینە و 612 کەسان ل میحوەرێن پێشمەرگەی دگەل وەلاتیان قەستا تیمێن مە کرینە کو 56 ژوان ھاتینە ڤەگوھاستن بۆ نەخۆشخانیێن دھۆکێ بۆ وەرگرتنا چارەسەریێ.
گۆت: زێرەڤانیا ساخلەمیێ 72 سەرەدان بۆ جھێن گشتی کرینە و پێنچ جە ھاتینە سزادان ب کوژمی پارەی و 11 جە ھاتینە ھوشداریکرن ب ھوشداریا دووماھیێ.
گەشتیارەکێ زاخۆ ل تورکیا گیانێ خوە ژ دەست ددهت
ئەڤرۆ نیوز؍عەلی حاجی:
ئەڤرۆ چارشەمبێ 14/8/2019 ژ ئەگەرێ روودانەکێ ل ئێک ژ باژێرێن تورکیا گەنجەکێ باژێرێ زاخۆ گیانێ خوە ژدەست دا و شەش کەسێن دی ژى بریندار دبن.
ئێک ژکەس و کارێن وان كهسان بۆ ئەڤرۆ نیوز دیار کر دو ترومبێلێن مە ب هەڤرا کو دبونە سێ خێزان بەر ب تورکیا ڤە چوبوون ب مەرەما گەشتەکێ؍ بەلێ ل نێزیک باژێرێ ترابزونێ ؍ژ ئەگەرێ روودانەکێ ترومبێلا وان وەردگەرێیت و تێدا گەنجەک ب ناڤێ (سەلاح ئەیوب) گیانێ خوە ژدەست دا و شەشێن کەسێن دی برینداربوون و برینا چار ژ وان یا باش نینە و ل گورەی پێزانینان ژی بەری دەمەکێ کێم نشتەرگەری بۆ وان هاتیە ئەنجامدان.
گۆت ژى” هەر د ناف وێ ترومبێل وەرگەریایی دا دو خێزانێن مە تێدا بوون و ئەم هەتا نوکە ژی ئەگەرێن وێ روودانێ نوزانین”.
دیار کر ژی : کەسوکارێن مە هەمی بەر ب باژێرێ ترابزونێ ڤە چووینە و نشتەرگەریا وان چار کەسان ب دووماهی ژی هاتیە و ئەم چاڤەرێ دکەین رەوشا وانپشتی نشتەرگەریێ باشتر بیت.
نيشاندان
WP Facebook Auto Publish Powered By : XYZScripts.com