NO IORG
نووترين نووچه
Twitter

89

ئەڤرۆ نیوز، عەلی حاجی:

 ل سنورێ پەروەردا زاخۆ ٨ قوتابخانە نیڤەرو ماینە و نەھاتینە ئاڤا کرن و پشتی تەرخانکرنا کوژمەکێ پارەیی بۆ ئاڤا کرنا ٥ قوتابخانێن نیڤەرو مایی د نوکە دا کار سەر تمامکرنا کارێ مایی ل سەر وان قوتاخانەیان دھێتە کرن.

ل دۆر ڤێ چەندێ نەزیر یوسف رێڤەبەرێ پەروەردا زاخۆ بۆ ئەڤرۆ نیوز دیار کر ھەر ژ سالا ٢٠١٣ ھەتا نوکە ٨ قوتابخانە ھاتبوونە ئاڤا کرن بەلێ نیڤەرو مابوون، پشتی چەندین ھەولان ب رێیا وەزارەتا پەروەردێ مە شیا رازەمەندیێ وەربگرین دا کو جارەکا دی کار ل سەر وان قوتابخانان بھێتە کرن و ب خوەشحالی ڤە رازیبوون ژلایێ سەروکێ حوکمەتێ ڤە ھاتە کرن و دو ملیار دینار بۆ ھاتنە تەرخان کرن.

 

33

ئەڤرۆ نیوز، عەلی حاجی:

ب ھەلکەڤتا ١ی گۆلانێ جەژنا جیھانی یا کرێکاران، لژنا زاخۆ یا سەندیکا کرێکارێن کوردستانێ سەرەدانا چەندین کارگەھان ل زاخۆ کرن و دیاری ل سەر کرێکارێن وان کارگەھان کار دکەن بەلاڤکرن و داخوازا باشترکرنا مافێن کرێکاران ژی کرن.

ل دۆر ڤێ چەندێ سەگڤان عومەر سەرۆکێ لژنا زاخۆ یا سەندیکا کرێکارێن کوردستانێ بۆ ئەڤرۆ نیوز دیار کر وەکو ل سنورێ دەڤەرا زاخۆ ل سالا ٢٠١٨ سێ کرێکاران ب تنێ گیانێ خوە ژ دەست دابوون و ٥ کەسێن دی ژی بریندار بوون ھەر چەندە رێژا پەکەڤتیا وان کێمتر بوو ژ ٣٥% و ل دووڤ رێنمایان ئەڤ کەسە ناھێنە خانەنشینکرن ئەو بخوە مە داخواز کر بوو هەکە رێژا ٢٠% یا پەککەڤتنا کرێکاران بھێتە خانە نشینکرن ھەر چەندە پێشتر هەکە ٦٠% کرێکار ژ نوو دھاتە خانەنشینکرن و نوکە دا ئەو رێژا بۆ ٣٥% ھاتیە کێمکرن و ئەڤ رێژە ژی ب دلێ مە نینە لەورا دێ کار بۆ ھندێ کەین ئەڤ رێژە بۆ ٢٠% بھێتە کێمکرن بەلێ ب وی مەرجی کرێکار ل دابینکرنا جڤاکی ھاتبیتە تومار کرن.

81

ئەڤرۆ نیوز، مەحمود نھێلی:

زێدەباری وێ یەکی کو ئەڤرۆ ئێکێ گولانێ رۆژا کرێکارێن جیھانێ یە لێ ھژمارەکا زۆرا کرێکاران بەردەوامن ل سەر کاری و خودانێن کاری بۆ نەکریە بھێنڤەدان.

ئێک ژ کرێکارێن کۆمپانیەکا پاڤژکرنێ کو نەدڤیا ناڤێ خوە ئاشکرا بکەت بۆ ئەڤرۆ نیوز دیار کر، کو لسەر فەرمانا کۆمپانیا وانا ئەڤرۆ ژی د بەردەوامن ل سەر کارێ خوە  و  بۆ نەکریە بھێنڤەدان و دیار کر، کو دیارە ئەو ل سەر رێککەفتنا حکومەتێ و کۆمپانیا ناڤھاتی بوویە کو د رۆژنێن بھێنڤەدان ژی ئەو بەردەوامن ل سەرکارێ  خوە یێ پاقژکرنێ.

53

ئەڤرۆ نیوز:
پشتی خوسارەتیا شەڤا بوری یا یانا توتنھام ل ناڤ ئەرد و جەماوەرێ خوە ل گەل یانا ئەیاکس ئەمستردام ژ چارچوڤێ یاریێن قوناغا پێش دووماھیا قارەمانیا چامپیونیز لیگا ئورۆپا راھێنەرێ وێ یانا ئنگلیزی تەکید ل وێ چەندێ کر ھێشتا ئەوان دەلیڤەیا دەربازبوونێ بوو یاریا دووماھیا قارەمانیا چامپیونیز لیگ مایە .
زێدەتر ئەوی راھێنەرێ ئەرژەنتینی و یانا توتنھام ماوریسیو پوچتینو بۆ مالپەرێ فەرمی یێ ئێکەتیا یویفا دیارکر ھێشتا ئەوان دەلیڤەیا دەربازبوونێ بۆ یاریا دووماھیا قارەمانیا مایە ژبەرکو ئەنجامێ گولەکێ بێ بەرامبەر نە ئەنجامەکێ مەزنە و ل یاریا شەڤا بوری ئەوان ل نیڤا دوێ گەلەک گڤاشتن ئێخستنە سەر گولا تیما بەرامبەر لێ د بێ مفابوون لێ خوسارەتیا بەرامبەر ئەیاکس ئەو بەرپرسێ سەرەکی یە ژبەرکو ئەو راھێنەرێ تیمێ یە .
ل دووماھیێ راھێنەرێ توتنھام ئاماژە ب وێ چەندێ ژی کر ئەوان بتنێ ئێک رێک ھەیە بوو دەربازبوونێ ئەوژی بوو سەرکەفتنێ بەر ب ھولەندا بچن و ئەو بوو جەماوەرێ یانا خوە دیاردکەت ئەو گەلەک یێ گەشبینە ل ھولەندا دێ پلێتا دەربازبوونێ بوو دووماھیا چامپیونیز لیگ ب دەستخوڤە ئینن ل سەر کیستێ ئەیاکس .

180

ئەڤرۆ نیوز:
چاڤەرێ دھێتەکرن ئەڤ شەڤە بەردەوامی ب یاریێن قوناغا پێش دووماھیا قارەمانیا چامپیونیز لیگ بھێنەکرن کو ل یاریگەھا خوە یانا بەرشەلۆنا دێ مێڤانداریا یانا لیڤەرپول کەت بۆ ڤێ یاریێ راھێنەرێ یانا بەرشەلۆنا ڤالڤێردی بۆ دەزگەھێن راگەھاندنێ دیارکر ئەو دێ یاریێ بەرامبەر ئێک ژ یانێن ھەرە ب زەحمەت دڤێ قارەمانیێ دا کەت و یانا لیڤەرپول خودانا ئێک خوسارەتیێ یە ل وەرزێ ئەڤ سالە دخولێ ئنگلتەرا دا ئەڤە ژی وێ چەندێ د گەھینت کرنا یاریێ بەرامبەر ئەوێ یا ب سانەھی نابینت .
زێدەتر راھێنەرێ بەرشەلونا دیارکر لیڤەرپول خودانا راھێنەرەکێ خودان شیان و بەری نوکە ئەوی ئەنجامێن سەرکەفتی ل گەل دورتموند تومارکربوون نوکە ژی ل گەل لیڤەرپول ئەنجامێن وی د سەرکەفتی نە و ل سەر ئەوان پێدڤی یە یاریا ئەڤ شەڤە ب ھشیاری وەربگرن ژبەرکو لیڤەرپول نوکە خودانا راھێنەرەکێ خودان شیان و ھژمارەکا ستێرێن بەرنیاس ل جیھانێ.
ڤالڤێردی تەکید ل وێ چەندێ ژی کر ل سەر ئەوان پێدڤی یە ھەموو شیانێن خوە تەرخان بکەن گول سەر ئەوان ل یاریگەھا ئەوان نە ھێتە تومارکرن داکو رێکا ئەوان بوو یاریا دوێ ب سانەھی تر کەڤیت ژبەرکو ھەر گولەکا ل سەر ئەوان بھێتە تومارکرن دبیت د بەرژوەندیا ئەوان دا نەبیت ل یاریا دوێ لێ ئەڤە وێ چەندێ ژی ناگەھینت کو ئەو ھزر بتنێ ل سەرکەفتنا جوداھیا گولەکێ بکەن بو نمونە ب گولەکێ بێ بەرامبەر ، مەرەما ئەوی ئەوە بشێن بەرەڤانیەکا توند بکەن و بزاڤێ بکەن زێدەتر ژ گولەکێ سەرکەفتنێ توماربکەن داکو بوو یاریا دوێ ئەرکێ ئەوان ب سانەھی تر ب کەڤیت.

349

ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ١٠:٠٠ شەڤە ل دیڤ دەمێ کوردستانێ بەردەوامی ب یاریێن قوناغا پێش دووماھیا قارەمانیا چامپیونیز لیگا ئورۆپا بھێنەکرن کو یانا لیڤەرپول بریارە بیتە مێڤانا یانا بەرشەلۆنا ل یاریگەھا کامپ نوو بۆ ڤێ یاریێ راھێنەرێ ئەلمانی و یانا لیڤەرپول یورگن کلوپ بۆ دەزگەھێن راگەھاندنێ دیارکر ل سەر ئەوان پێدڤی یە سوباھی ھەموو شیانێن خوە تەرخان بکەن بێ خوسارەتی ژ یاریگەھا کامپ نو ڤەگەرینن ھەکە وەکھەڤ ژی بین خراب نینە لێ خوسارەتیا ئەوان دێ بوو ئەوان ب زەحمەت کەڤیت .
زێدەتر ناڤبری دیارکر ئەوی بەری نوکە ١٠ جاران سەرەدانا ئیسپانیا کریە وەکو راھێنەر و ل ھەر ١٠ یاریان دا خوسارەت بوویە لێ ئەو دێ ھەموو شیانێن خوە تەرخان کەن ب ھەڤکاریا یاریزانان ڤێ جارێ جودا ڤەگەریت ژ ئیسپانیا و ئەو بوو سەرکەفتنێ چوینە بەرشەلۆنا .
سەبارەت میسی ناڤبری دیارکر ئەو یاریزانەکێ خودان شیان و پێدڤی یە ب ھشیاری سەرەدەری ل گەل ئەوی یاریزانی بکەن ژبەرکو ئەو دبنیت ئەو ئێک ژ باشترین یاریزانێن جیھانێ یە و دشێت یاریێ ئێکلا بکەت ب کێمترین دەرفەت .
ناڤبری ل دووماھیی ئاماژە ب وێ چەندێ ژی کر راستە بەرشەلۆنا ئێک ژ باشترین یانێن جیھانێ یە لێ ئەو نابینت ئەو ب زەحمەت یانە بوو د قارەمانیا چامپیونیز لیگ دا ژبەرکو ھەبوون یانێن ب زەحمەت دناڤا خولێ دا .

ئه‌ڤرۆ نیوز:

ئه‌ڤرو ئێڤارى 30/4/2019 ل ژێر چاڤدێری و ئاماده‌بونا به‌رێز فه‌رهاد ئه‌مین ئه‌تروشى پارێزگه‌رێ دهوكێ رێڤه‌به‌ریا چالاكیێن وه‌رزشى و دیده‌ڤانى ل په‌روه‌ردا گشتى یا دهوكێ ڤیسته‌ڤالا خویا وه‌رزشى یا هه‌شتێ ئه‌نجام دا ,
باراهیێ وه‌كو رێزگرتن بو گیانێ پاكێ شه‌هیدان به‌رهه‌ڤبو ده‌قیقه‌كێ راوه‌ستیان و پاشى ئالایێ ئولومپاتا هاته‌ بلند كرن ژلایێ پارێزگه‌رێ دهوكێ و رێڤه‌به‌رێ گشتى یێ په‌روه‌ردا پارێزگه‌ها دهوكێ ,
دیڤدا به‌رێز پارێزگه‌رێ دهوكێ دپه‌یڤه‌كێ بناڤێ كارگێریا پارێزگه‌ها دهوكێ پیروزباهى ل په‌روه‌ردێن سنورێ پارێزگه‌ها دهوكێ كر و هیڤیا سه‌ركه‌فتنێ بو ڤیسته‌ڤالێ خواست و گێریا و ساز كرنا ڤان ڤیسته‌ڤالێن وه‌رزشى ب كارێن پیروز ل قه‌له‌م دان و ده‌ست خوشى ل رێكخه‌ر و سه‌رپه‌رشتێن ڤیسته‌ڤالى و رێڤه‌به‌ریا گشتى یا په‌روه‌ردا دهوكێ و رێكخراوا یونیسیڤ كر ,,
دیڤدا ده‌ست ب چالاكیێن وه‌رزشى هاته‌ كرن و ل سه‌ر ئاستێ كچ و كورا هه‌ڤركى هاته‌ كرن و هه‌مى یاریێن وه‌رزشى بێى ئاریشه‌ ب دبماهیك هاتن و ل ئه‌نجامێن دیماهیێ ل سه‌ر ئاستێ كچان زاخو بو یا ئێكێ و ئاكرێ بو یا دویێ و شێخان بو یا سیێ ,,
ل سه‌ر ئاستێ كوران شێخان بو یا ئێكێ و زاخو یا دویێ و ئاكرێ یا سیێ
ل دیماهیێ خه‌لات لسه‌ر قوتابخانێن سه‌ركه‌فتى ژلایێ پارێزگه‌رێ دهوكێ ڤه‌ هاتنه‌ به‌لافكرن زێده‌بارى خه‌لاته‌كێ تایبه‌ت بو هه‌ردو په‌روه‌ردێن سه‌ركه‌فتى یێن ئێكێ كوران و كچان ژلایێ پارێزگه‌رێ دهوكێ ڤه‌ پێ هاتنه‌ به‌خشین بو هه‌رپه‌روه‌رده‌كێ .

ئه‌ڤرۆ نیوز:

ئه‌ڤرو ئێڤارى 30/4/2019 به‌رێز فه‌رهاد ئه‌مین ئه‌تروشى پارێزگه‌رێ دهوكێ ب به‌رهه‌ڤبونا هژماره‌كا زور یا سه‌رمایه‌دار و بازرگان و كه‌سایه‌تیێن دهوكێ سه‌نته‌رێ چنار هوم یێ موبیلیاتا ل سه‌نته‌رێ باژێرێ دهوكێ ڤه‌كر و گه‌ریانه‌ك دناڤ پێشانگه‌ها موبیلیاتا كو ژ سێ نهوما پێك دهات و ده‌ست خوشى ل خودانێ كارى كر بو ڤه‌كرنا ڤێ پێشانگه‌ها پێشكه‌فتى ب كوالیتیا به‌رز .

هه‌ژى گوتنێ یه‌ سه‌نته‌رێ چنار هوم ژ سێ نهوما پێك دهێت و پشكه‌كه‌ ژ كومپانیا چنار یا بازرگانى یا گشتى ل دهوكێ و موبیلیات ژ ماركێن توركى یێن ده‌ره‌جه‌ ئێك به‌رهه‌ڤ كرینه‌ و پێشانگه‌ها ئێكێ یه‌ ل سه‌ر ئاستێ هه‌مى ئێراقێ .

ئەڤرۆ نیوز ، عەلی حاجی :
ئەڤرۆ ل روژا سێ‌ شەمبێ‌ رێكەڤتی 30/4/ 2019 ب بەرهەڤبوونا نوونەرێ‌ سەروك مەسعود بارزانی و بریكارێ‌ وەزارەتا پێشمەرگەیێ‌ خولەكادی یا دەرچوونێ‌ بو هەژمارەكا پێشمەرگان ب دووماهی هات .
مقەدم كوڤان، بەرپرسێ‌ راگەهاندنا ئەكادیمیا سەربازی ل زاخۆ بۆ ئەڤرۆ نیوز دیار كر : درێ‌ و رەسمەكێ‌ ژهەژی دا ب بەرهەڤبوونا سەبەرست لەزگین برێكارێ‌ وەزارەتا پێشمەرگەیی و چەندین بەرپرسان و كەس و كارێن قوتابیان، دگەرا 25ێ‌ یا راهێنان و مەشق پێكرنێ‌ دا ل ئەكادیما لەشكەری 2 ل زاخۆ 122 قوتابی ب پلا ئەڤسەر دەرچوون و قوتابیێن دەرچوویی بۆ ماوەیێ‌ 9 هەیڤان دا مەشقێن سەربازی دناڤ ئەكادیمیا لەشكەری دوو دا وەرگرتن و پشتی وەرگرتنا مەشقا سەربازێ‌ زانستی پلا وان قوتابیان هاتە بەرز كرن بو پلا ئەفسەر و ئەو كەسە ژی دێ‌ وەكو ئەفسەر دناڤ هێزێن پێشمەرگەیی دا دەست ب كار بن و هەژی گوتنێ‌ یە قوتابیێن دەرچووی ژی هەمی خودان باوەرنامەێن بەكالوریوس بون دزانكوێن مروڤایەتی و سەربازی دا .

58666128_347793282541199_3055459680202522624_n 59189070_176429189929709_3923382389295808512_n 59189070_176429189929709_3923382389295808512_n 59536836_172828956994679_1794356887236378624_n 58613017_274413240109259_3840297101653180416_n

59211499_305010510397131_3267382605061816320_n

website security
WP Facebook Auto Publish Powered By : XYZScripts.com