ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا کەسەکێ وەغەر کر.
ناڤهاتی زێدەتر ئاشکرا کر: ل رۆژا ئەینی 2020/8/21 ل سەر جادا سەرەکی یا باتیفا بۆ زاخۆ و ل نێزیک گوندێ دارهوزانێ ترۆمبێلەکا تابیەت تۆیۆتا کۆرۆلا ل ژێر کونترۆلا شۆفێری دەرکەفتیە وەرگەریا یە د ئەنجامدا ئاگر بەربوویە وێ ترۆژمبێلێ و وەلاتیەکێ وەغەر کریە و ترۆمبێل ژی ب تەمامی هاتە سوتن.
ئه‌ڤرۆ نیوز:
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند گرفتا نه‌بوون و كێمیا پلازما خوینێ بۆ توشبوویێن ڤایرۆسێ كورونایێ چاره‌كر، هه‌ر كه‌سه‌ك پلازمایێ بفرۆشیت دێ ریب ری سزایان بیت.
د.محه‌مه‌د قادر په‌یڤدارێ وه‌زاره‌تا ساخله‌میا حوكمه‌تا هه‌رێما كوردسانێ راگه‌هاند هنده‌ك ژ توشبوویێن ڤایرۆسی كورونایێ پێدڤی ب پلازما خوینێ هه‌یه ژ ئه‌وان كه‌سێن ژ ئه‌ڤی ڤایرۆسی رزگار بووین، نوكه ب خوشحالیڤه به‌رده‌ستبوونا پلازمایێ هێسانتره و وه‌لاتیێن زۆر ژ ڤایرۆسی رزگار بووینه به‌رهه‌ڤن پلازمایێ بده‌ن.
په‌یڤدارێ وه‌زاره‌تا ساخله‌میا حوكمه‌تا هه‌رێما كوردسانێ ئه‌و چه‌نده ژی راگه‌هاند پلازما خوینێ ل به‌نكێن خوینێ ب ئه‌نجامدانا كۆمه‌كا پشكنینێن پێش وه‌خت ژ خوینا ئه‌وی كه‌سێ چاكبووی دهێته وه‌رگرتن و ب رێنمای و بریارا نوژدارێ بسپور ژ هنده‌ك توشبوویێن ڤایرۆسی دهێته وه‌رگرتن.
ناڤبری ئه‌و چه‌نده ژی دازانین بتنێ شیاینه پلازمایێ بتنێ ژ وه‌لاتێن توشبوویی وه‌ربگرن و پێدڤی ب پلازما خوینێ ژ ده‌رڤه نه‌بوینه، بێ هه‌مبه‌ر ژی دهێته دان ب توشبوویان، به‌رۆڤاژی هه‌ر كه‌سه‌ك ب پاره‌یی ئه‌وی كاری بكه‌ت، ب نه‌یاسایی دهێته قه‌له‌م دان و لگۆری یاساییێ سه‌ره‌ده‌ری ل گه‌ل دهێته‌كرن.
ئه‌ڤرۆ نیوز:
وه‌زاره‌تا ناڤخۆ یا حوكمه‌تا هه‌رێما كوردستانێ ل سه‌ر رێكار و رێنمایێن خو پارێزیێ ژ ڤایرۆسێ كورونایێ و هێسانكاریێن هاتنوچونا وه‌لاتیان راگه‌هاندنه‌ك به‌لاڤكر.
د نووترین راگه‌هاندنا وه‌زاره‌تا ناڤخۆ یا ژماره 46 كۆ ئیمزایا رێبه‌ر ئه‌حمه‌د وه‌زیرێ ناڤخۆ ل سه‌ره، چه‌ندین بریار و هیسانكاری بۆ وه‌لاتیان و رێكارێن نوو بۆ خوپارێزیێ ژ ڤایرۆسێ كورونایێ ده‌رخستن.
دیارترین بریارێن وه‌زاره‌تا ناڤخۆ ئه‌ڤێن خوارێ نه:
دراگه‌هاندنا وه‌زاره‌تێ دا هاتینه وه‌زاره‌تێ دا هاتیه ژی بریار و رێكارێن نوو تایبه‌تن ب به‌ره‌ڤانیكرن ژ به‌لاڤ بوونا ڤایرۆسێ كورونایێ پشتی راوێژكرن ل گه‌ل وه‌زیرێ ساخله‌میێ و پارێزگار و سه‌رپرشتیارێن ئیداری یێن سه‌ربه‌خو د پێخه‌مه‌تا پاراستنا ئاسایشا هه‌رێما كوردستانێ بریار هاته دان.
دبرگه‌یا چارێ یا بریارێن ده‌ربارێ خالێن توخیبی و فرۆكخانه‌یێن هه‌ولێرێ و سلێمانی:
– خالێن توخیبی یێن په‌روێزخان و سه‌رزێری و سه‌یران به‌ن و كێلێ و ته‌ویله و پشته و شوشمێ هه‌مبه‌ر گه‌شتیاران دا دێ بگرتی مینن و بتنێ بۆ لهه‌ڤگۆهارتنا بازرگانیێ دێ دڤه‌كری بن.
– خالێن توخیبی یێن باشماخ و حاجی عومبران ڤه‌كری بن هه‌مبه‌ر ئه‌وان وه‌لاتیێن هه‌رێما كوردسانێ كۆ ژ ئیرانێ ڤه‌دگه‌رن.
– هه‌ردوفرۆكخانه‌یێن هه‌ولێر و سلێمانیێ دێ دڤه‌كری بن هه‌مبه‌ر گه‌شتێن ئاسمانی لگۆری رێنمایێن ساخله‌میێ.
ئەڤرۆ نیوز:
عەلی عەبدولئەمیر عەلاوی وەزیرێ دارایێ عیراقێ راگەهاند: د چارچۆڤێ سەرەدانا سەرۆك وەزیرێن عیراقێ مستەفا كازمی و شاندێ ل گەل دا بۆ ئەمریكا، شاندێ عیراقێ سێ گرێبەستێن گرنگ د وارێن گەشەپێدانا ئابووری و دابینكرنا بۆدجەی بۆ پرۆژێن مەزن و گەشەپێدانا كەرتێ كارەبێدا ل گەل كۆمپانیێن ئەمریكا ئیمزا كرن.
هەروەسا گوتیە: گرێبەستەك ل گەل دەزگەهێ گەشەپێدانا ئەمریكا بۆ دوبارە ڤەگەڕاندنا بەرنامێن وی دەزگەهی بۆ عیراقێ و پشتەڤانیكرنا ئابووری هاتیە ئیمزا كرن، دیسان گرێبەستەك ل گەل دەزگەهێن حكومیێن ئەمریكا بۆ پشتەڤانیكرنا وەبەرهینانا راستەوخۆ هاتیە ئیمزا كرن، لدووڤ وێ رێككەفتنێ ئەمریكا دێ كوژمێ پێنچ ملیار دۆلاران بۆ ئەنجامدانا پڕۆژێن گەشەپێدانا ئابوورێ عیراقێ دابین كەت، گرێبەستا سیێ ل گەل كۆمپانیا (جی) هاتیە ئیمزا كرن بۆ دوبارە ڤەژاندنا كەرتێ كارەبێ ل عیراقێ.
ئەڤرۆ نیوز:
د جاڤپێكه‌فتنه‌كێ دا بو رادیۆیا كادینا سیر یا ئیسپانی، زێدانێ راهێنه‌رێ ریال مه‌درید به‌حسێ چه‌ند پرسێن جۆدا كرن و گۆتیە: وی وه‌ك یاریكه‌ر كاریگه‌ریه‌كا ته‌مام ل سه‌ر هه‌لبژارتیێ فه‌ره‌نسا هه‌بوو، وی دوور نە ددیت وه‌كو راهێنه‌ر بڤه‌گه‌ریته فرەنسا، دیسان ب ئێك بارودۆخ دێ ژ ریال مه‌درید چیت، ئه‌و ژی هەکە تشته‌كێ نە نورمال بهێته روودان.
هەروەسا دیار کریە: ئه‌و ل مه‌درید یێ كه‌یف خۆشه و د هزرا ویدا نینه د نوكه‌دا ده‌ستا ژ پوستێ راهێنه‌راتیا یانا شاهانە بەردەت.
ئەڤرۆ نیوز:
شەش گۆرێن ب كۆم ل مۆسلێ هاتنە دیتن كو رۆفاتێن ب دەهان قوربانیێن دەستێ تیرۆرستێن داعشێ تێدانە.
وەزارەتا شەهیدێن عیراقێ دیار کر: ئەو شەش گۆڕێن بكۆمێن هاتینە دیتن دكەڤنە دەڤەرێن شنگال و زۆمار و گەیارە و قەراج و بادوش و مەقالی، دهێتە پێشبینی كرن رۆفاتێن 500 قوربانیێن دەستێ رێكخستی یا داعشێ د وان گۆران دا هەبن.
وەزارتا شەهیدان گۆت ژی: هەتا نوکە ناسناما وان قوربانیێن د وان گۆراندا نەهاتیە زانین، بەلێ دبیت زیندانیێن گرتیخانا بادوش و ئێزدیێن گوندێ كۆچۆ بن.
ئەڤرۆنیوز، مەحمود نهێلى:
پشتى لێكولین ل سه‌ر وان فرۆكه‌یێن توركیا هاتیه كرن یێن سپێده‌هیا ئه‌ڤرۆ 20/8/2020 ل ناحیا شێلادزێ كه‌فتیه خار دیار بوویه كو هه‌موویان بومبه تێدا بوونه و هنده‌ك ژ وان ده‌مێ كه‌فتى په‌قیانه.
برقى رێكانى وه‌ك ئێك ژ شاهد حالان بۆ ئه‌ڤرۆ نیوز دیاركر، كو سپێده‌هیا ئه‌ڤرۆ پێنجشەمبیێ فرۆكه‌یێن توركیا یێن سیخورى ل سنورێ ناحیا شێلادێ و دێره‌لۆكێ د ماوه‌كى كورت دا كه‌فتینه خارێ و گۆت: ( ئه‌ڤ فرۆكه‌یه ئێك ل ناڤ ئاقارێ زێباریا كه‌فتیه خارێ و یێن دى ژى ل گرێ كولان و ده‌وروبه‌رێن شێلادزێ بووینه).
ناڤهاتى دیار كر، پشتى چووینه سه‌ر جهێ فرۆكه لێ كه‌فتى دیار بوویه كو هه‌موویان بومبه تێدا بووینه و دوو ژ وان ده‌مێ كه‌فتى بومبه‌یێن وان په‌قیانه.
ناڤهاتى ئاشكرا ژى كر، چێدبیت ب سه‌ده‌مێ تێكچووتا سیسته‌مێ وان یێ كومپیوته‌رى ئه‌ڤ فرۆكه كه‌فتبن لێ هێشتا ب زه‌لالى نه‌هاتیه زانین.
ئەڤرۆ نیوز:
باراک ئۆباما سەرۆکێ بەرێ یێ ئەمریکا راگەهاند کو ترامپ هەژی هندێ نینە ببیتە سەرۆکێ ئەمریکا و گۆت: (ترامپی زیانێن گەلەک مەزن گەهاندینە ئەمریکا، ژ بەر سیاسەتا شاش یا ترامپی دوژمنێن ئەمریکا گەلەک زێدە بووینە و پێگەهێ جاران یێ ئەمریکا ل جیهانێ نەمایە).
ئۆباما ئەو یەک ژی دیار کر کو هەکە ترامپ جارەکا دی وەکو سەرۆکێ ئەمریکا بهێتە هەلبژارتن دێ زیانەکا گەلەک مەزن گەهیتە دیموکراسیا ل ئەمریکا، ژ بەر هندێ ژی پێدڤیە جۆ بایدن ببیتە سەرۆکێ ئەمریکا.
نيشاندان