ئەڤرۆ نیوز، عەلی حاجی:
رێڤەبەرێ ساخلەمیا زاخۆ بۆ ئەڤرۆ نیوز دیار کر ژ ئەگەرێ زوریا پشکنینێن روژانە یێ کورونایێ ل پارێزگەها دهوکێ دبیتە ئەگەر ئەنجامێن پشکنینێن وەلاتیان درەنگ دیار ببن و روژانە هەتا نێزیکی دوو هزار پشکنینان دهێنە ئەنجام دان .
زێدەتر دکتور شاکر عەبدولرەحمان گۆت: (زێدەبوونا پشکنین و تووشبووییێن کورونایێ ل پارێزگەها دهوکێ دبیتە ئەگەر کو ئەنجامێن پشکنینێن گەلەک وەلاتیان درەنگ دیار ببن کو زێدەتری ٢٤ دەمژمێران ڤەدکێشیت بو هندەک جاران هەتا پێنچ روژان ژی گیرو دبن ب رەنگەکێ هەکە روژێ هزار پشکنین هەبن دێ ئەو ئەنجام د روژا خوە دا دەرکەڤن بەلێ نوکە دا نێزیکی دو هزار پشکنینان دهێنە ئەنجام دان و ئەڤ چەندە ژی دبیتە ئەگەر ئەنجام گیرو ببن، بریارە پشتی دانانا میزانیەکێ بۆ ڤەکرنا تاقیگەهەکا تایبەت ب پشکنینێن کورونایێ دێ دەست ب ڤەکرنا تاقیگەهێ بکەین و وەکو ساخلەمیا زاخۆ مە هەمی بەرهەڤی کرینە دا کو د زووترین دەم دا ئەو تاقیگەهن بهێتە ڤەکرن و د وی دەمی دا دێ ب ریێا کومپانیەکێ وان ئامیرەیان ژ دەرڤەی وەلاتی بۆ تاقیگەهێ دابین کەین).
نيشاندان