ئەڤرۆ نیوز:
ناڤەندا چاڤدێریا مافێن مرۆڤی یا سووریێ راگەهاند کو گرۆپێن چەکدار یێن کو تورکیا پشتەڤانیێ ل وان دکەت شەڤا بۆری ل قەزا شیا یا سەر ب عەفرینێ ٨ وەلاتیێن کورد رەڤاندن و هەتا نها ژی چارەنڤیسێ وان کەسان دیار نینە.
ئەو یەک د دەمەکێ دایە کو بەری نها نەتەوێن ئێکگرتی دیار کربوو گرۆپێن چەکدارێن سەر ب تورکیا ل عەفرینێ مافێن مرۆڤی بنپێ دکەن.
ئەڤرۆ نیوز:
ئەڤرۆ ل بازارێن تورکیا هەر سەد دۆلارێن ئەمریکی ب ٧٤٢ لیرێن تورکی یە، چاڤدێرێن سیاسی ژی دیار دکەن کو دەستێوەردانێن تورکیا ل لیبیا و سووریێ و ئالۆزبوونا پەیوەندیێن تورکیا ل گەل یونانێ وەسا کریە کو پێگەهێ تورکیا ل جیهانێ لاواز ببیت و کۆمپانیێن جیهانی ژی بەرهەڤ نینن وەکو بەرێ ل تورکیا کار بکەن و ژ بەر هندێ ژی رۆژ ب رۆژێ لیرێ تورکیا بهایێ خوە ژ دەست ددەت.
ئه‌ڤرۆ نیوز:
روسیا دلته‌نگه ژ وێ چه‌ندێ كۆ رێكخراوا ساخله‌میا جیهانی پشته‌ڤانیا به‌رهه‌م ئینانا ڤاكسینا وان یا دژی ڤایرۆسێ كورونایێ نه‌كریه.
میخائیل موراشكو وه‌زیرێ ساخله‌میا روسیا راگه‌هاند: پشته‌ڤانیا روسیا نه‌هاتیه‌كرن ژ لایێ رێكخراوا ساخله‌میا جیهانی ڤه، بۆ به‌ره‌ڤ پێشڤه‌چوونا ڤاكسینا دژی كوڤید 19.
وه‌زیرێ ساخله‌میا روسیا ئه‌و چه‌نده ژی راگه‌هاند ل گه‌ل ئه‌وێ چه‌ندێ حوكمه‌تا روسیا گه‌شه ب به‌رهه‌م ئینانا ڤاكسینێ دایه، د ده‌مێ دو هه‌یڤان دا ڤاكسین ب شێوه‌یه‌كێ رێكخراوی و هاتیه په‌سندكرن ل دو تاقیكرنان دا ل سه‌ر 76 كه‌سان هاتیه تاقیكرن.
ل گه‌ل ئه‌وێ چه‌ندێ زانایێن روسیا گه‌شبینن ب ڤاكسینی، به‌لێ ژلایێ پشكه‌كا زۆرا نوژدارێن ئه‌وی وه‌لاتی ڤاكسین هاتیه ره‌تكرن، هه‌مبه‌ر ژی دا هنده‌ك وه‌لاتان كارڤه‌دانێن پوزه‌تیڤی هه‌مبه‌ر ڤاكسینێ هه‌بوویه.
ئەڤرۆ نیوز، زنار تۆڤی:
رێڤەبەریا ھاتنوچوونا پارێزگەها دھۆکێ راگەھاندیە: کو سۆبەھی چارشەمبی ل پشکا دەستووردانێ مامەلێن وەلاتیان ناھێنە برێڤەبرن.
ئازاد تاھا پەیڤدارێ رێڤەبەریا ھاتنوچوونێ ل پارێزگەها دھۆکێ بۆ ئەڤرۆ نیوز راگەھاند: کو رێڤەبەریا ھاتنوچوونا پارێزگەھا دھۆکێ ئاگەھداریا ھەموو شۆفێر و وەلاتیان دکەت، کو سوبەھی چارشەمبی ١٩ تەباخا ٢٠٢٠ ل ل پشکا دەستووردانێ مامەلێن وەلاتیان ناھێنە برێڤەبرن.
هەروەسا گۆتیە ژی: برێڤە نەچوونا مامەلێن وەلاتی و شۆفێران ژبەر کارەکێ فەرە.
ئه‌ڤرۆ نیوز:
تاكیشی كاسایی رێڤه‌به‌رێ هه‌رێمی ل رێكخراوا ساخله‌میا جیهانی راگه‌هاند گه‌له‌ك ژ گه‌نجان توشی ڤایرۆسێ كورونایێ دبن بێكو هه‌ست پێ بكه‌ن، بڤی چه‌ندێ ژی ڤه‌دگۆهێزن بۆ كه‌سێن ب ته‌مه‌ن.
ناڤبری ئه‌و چه‌نده ژی راگه‌هاند ڤه‌گۆهاستنا ڤایرۆسێ كورونایێ ل جیهانێ ئه‌وێن برێڤه دبه‌ن، ژیێ وان بیست و سیهـ و چل سالینه، به‌لێ پرانیا وان هه‌ست پێ ناكه‌ن توشی ڤایرۆسی بووینه.
رێڤه‌به‌رێ هه‌رێمی ل رێكخراوا ساخله‌میا جیهانی دا زانین ئه‌و كه‌سێن مه‌ترسی ل ته‌خا لاواز زێده كریه، كۆ كه‌سێن ب ته‌مه‌ن ئه‌وێن نه‌خوشیێن درێژخایه‌ن هه‌ین دناڤ قه‌ره‌بالغیێ دا دژین، چونكو ب رێكا ئه‌وێ ته‌خا هه‌ست پێ ناكه‌ی تووشبووینه، ڤایرۆسی ڤه‌دگۆهێزن.
زێده‌باری ده‌رباز بوونا نه‌هـ هه‌یڤان ژ ده‌ركه‌تنا ئه‌ڤی ڤایرۆسی، ژماره‌یا توشبوویێن ڤایرۆسێ كورونایێ ل جیهانێ به‌رده‌وامه گه‌هشتیه زێده‌تری 22 ملیۆن كه‌سان كۆ توشبووینه.
ئەڤرۆ نیوز، زنار تۆڤی:
د روودانەکا هاتنوچوونێ دا ل قەزا ئاکرێ پێنج کەس برینداربوون و دو یێن دیتر ژی وەغەر کر.
د ڤی واری دا موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا ل قەزا ئاکرێ حەفت کەس بۆنە قوربانی و زیان گەهشتیە ترۆمبێلێن وان ژی.
ناڤهاتی زێدەتر ئاشکرا کر: ئەڤرۆ سێشەمبی ۲۰۲۰/۸/۱۸ ل دەمژمێر۱۱:۰۰ سپێدێ ل سەر جادا سەرەکی یا ناحیا گردەسێن روودانەکا ترافیکێ ژ جۆرێ لێکدان دناڤبەرا دو ترۆمبێێلان دا روودایە و د ئەنجامێ وێ روودانێ دا، دو کەسان گیانێ خوە ژ دەستدایە و دیسان پێنج کەسێن دیتر ژی ب گرانی بریندار بووینە و هاتینە رەوانەکرن بۆ نەخۆشخانێ، داکو چارەسەریا وان بهێته کرن.
ئه‌ڤرۆ نیوز،عه‌لی حاجی :
وه‌زیرێ ساخله‌میا حكومه‌تا هه‌رێما كوردستانێ سه‌ره‌دانا ده‌روازێ نێڤ ده‌وله‌تیا ئیبراهیم خه‌لیل كر و تاقیگه‌هه‌كا نوو یا وه‌رگرتنا تێستێ ژ گه‌شتیار و شوفێران بۆ ڤایروسێ كورونایێ ڤه‌كر .
دكتور سامان به‌رزنجی د كۆنگره‌یه‌كێ رۆژنامه‌ڤانی دا گۆت : به‌رده‌وامیا ژیانێ د سه‌رده‌مێ كورونایێ دا پێدڤی ب هنده‌ك رێكارێن نوو هه‌یه ئاماده‌بونا مه ل ده‌روازا نێڤ ده‌وله‌تیا ئیبراهیم خه‌لیل بۆ ڤه‌كرنا تاقیگه‌هه‌كا نوویه بۆ وه‌رگرتنا تێستێ ژ گه‌شتیار و شوفێرایه ل دور ڤایروسێ كورونایێ و بۆ ده‌ما حه‌فتیه‌كێ یه ئه‌ڤ تاقیگه‌هه كه‌فتی یه د كاری دا كو ب هه‌ماهه‌نگی دگه‌ل رێڤه‌به‌ریا گشتیی ساخله‌میا دهۆك و رێڤه‌به‌ریا ده‌روازه‌یێ ئه‌ڤ كو تاقیگه‌ها نمونه‌یی هاتیه ڤه‌كرن كو ب هه‌می لایه‌نا ب خوه‌ڤه دگریت ژ كه‌ره‌سته‌یێن خوارنێ و گه‌له‌ك بابه‌تێن دیتر و ئه‌ڤ تاقیگه‌هه بۆ وێ چه‌ندێ یه كا تێستا كه‌سه‌كێ بهێته وه‌رگرتن پێدڤی ناكه‌ت سه‌ره‌دانا سه‌نته‌رێ پارێزگه‌ها دهۆكێ بكه‌ت بۆ وه‌رگرتنا تێستێن وی و ئه‌نجامێن وان تێستان پشتی بورینا چه‌ند ده‌مژمێران ئه‌و پشكنینه دێ ئه‌نجامێن وێ ده‌ركه‌ڤن و رۆژانه دشێن هه‌تا نێزیكی دوو هزار پشكنینان بهێته كرن و ئه‌م ده‌ست خوه‌شیێ ژی ل رێڤه‌به‌ریا گشتیی یا ساخله‌میا دهۆك دكه‌ین بۆ كارێ وان ئه‌نجام دایی .
ناڤبری گۆت ژی : ئه‌وا نوكه ل ده‌روازه و فروكه‌خانه‌یێن هه‌رێما كوردستانێ دهێته كرن كاره‌كێ باشه و نوكه دوو سیسته‌م هه‌نه و دێ دوو سیسته‌مێن دیتر ژی دانین ل ده‌روازا نێڤ ده‌وله‌تی و ئه‌و كارێ هاتیه كرن ل پارێزگه‌ها دهۆكێ د وه‌رگرتنا تێستان دا كو پێنچ قات بوویه جهێ دل خوه‌شیێ یه و دێ هه‌ول ده‌ین ژی به‌ردوام پشكنینان زێده بكه‌ین و هه‌می رێكارێن ساخله‌میێ و باوه‌رنامه‌یا پشكنینێ ب رێك و پێكی ژی ل ده‌روازا ئیراهیم خه‌لیل ب رێڤه چوویه و بریاره ژی ئه‌ڤ رێكاره ل هه‌می ده‌روازه‌یێن دیتر ب هێته په‌یره‌و كرن و سه‌رانسه‌ری جیهانێ و نافخۆ ژی پشته‌ڤانیه‌كا باش ل وه‌رزاره‌تا ساخله‌میێ هاتیه كرن و ل سه‌ر بودجه‌یا حكومه‌تا هه‌رێما كوردستانێ پشته‌ڤانیه‌كا باش هاتیه كرن .
ئه‌ڤرۆ نیوز،عه‌لی حاجی :
به‌رپرسێ سه‌نته‌رێ زاخۆ بۆ ڤه‌كۆلینێن كوردی ل زانكۆیا زاخۆ بۆ ئه‌ڤرۆ نیوز دیار كر ژڤان بوو د هه‌یڤا چار دا كۆنفراسه‌كێ نێڤ ده‌وله‌تی ل دور كورد و هه‌رێما جه‌زیرا فوراتێ ئه‌نجام بده‌ت، لێ ژبه‌ر ڤایرۆسێ كورونایێ هات بوو پاشخستن نه‌چار بووین ب ئونلاین وی كونفراسی ب رێڤه به‌ین .
زێده‌تر پروفیسور دكتور هوگر تاهر گۆت : سالانه وه‌كو سه‌نته‌رێ زاخۆ بۆ ڤه‌كۆلینێن كوردی كۆنفراسه‌كێ ئه‌نجام ده‌ت و بۆ كۆنگرێ 4ێ كو بریار بوو ل دور كورد و هه‌رێما جه‌زیرا فوراتێ ل هه‌یڤا چار یا ئه‌ڤ ساله هاتبایه ئه‌نجام دان به‌لێ ژبه‌ر سه‌رهلدانا ڤایرۆسێ كورونایێ مه نه‌شیا ئه‌نجام بده‌ین و بۆ ده‌ما چه‌نده‌كێ هات بوو پاشخستن له‌ورا نه‌چار بووین ل دوماهیێ ڤی كونفراسی ب شێوه‌یێ ئونلاین ب رێڤه به‌ین و د ئێكه‌م رۆژ ژی دا ئه‌ڤ كونفراسه هاته ب رێڤه برن كو دێ بۆ ده‌ما چه‌ند رۆژان یا به‌رده‌وام بیت،هه‌رێما جه‌زیره د قوناغا ئیسلامه‌تیێ ئه‌و ناڤ هه‌بوو كو ئه‌و هه‌رێمه ژی ژ ده‌ڤه‌رێن به‌هدینان و جوله‌مێرگ و دیاربه‌كر و عه‌زیزه و قامشلو وهه‌تا جه‌زیرێ ل روژئاڤایێ كوردستانێ پێك دهاتن. ناڤبری ئه‌و چه‌نده ژی گۆت : ل ده‌ست پێكێ 105 كورته ڤه‌كۆلین و هه‌ر دیسان نێزیكی 70 ڤه‌كۆلینان گه‌هشتنه مه و پشتی هه‌لسه‌نگاندنێ 53 ڤه‌كۆلین هاتنه هه‌لبژارتن و ئه‌و ڤه‌كۆلین ژی هه‌می مه‌كرینه په‌رتوك كو نێزیكی 1400 لاپه‌رایه و ل وه‌لاتێ توركیا كارێ چاپێ بۆ هاتیه كرن به‌لێ هێشتا ئه‌و په‌رتوك نه‌گه‌هشتیه به‌ر ده‌ستێ مه ژ ئه‌گه‌رێ ڤایرۆسێ كورونایێ و به‌ربه‌ستێن د رێیان دا دناڤبه‌را وه‌لاتن دا دروست بووین و هه‌ر دیسان ئه‌و 53 سمینار مه به‌لاڤ كرینه ل سه‌ر 14 په‌نه‌لان و ڤه‌كۆله‌رێن پشكدار ژی ژ زانكۆیێن كوردستانێ و عێراقێ و ئیران و توركیا و ئیران و سوێد و ئه‌لمانیا و سعودیێ و مسرێ و مه د خاست ژی ڤی كۆنفراسی ب شێوه‌یه‌كێ ئاسایی ب رێڤه به‌ین به‌لێ ژبه‌ر خوه پاراستنێ ژ په‌تایا كورونایێ نه‌چار بووین ب ئونلاین ب رێڤه به‌ین .
ل دوماهیێ گۆت ژی : ئه‌ڤ كونفراسه دێ بۆ ده‌ما دوو روژان یا به‌رده‌وام بیت هنده‌ك به‌ربه‌رستێن كو گرێدایی ب هێلێن ئه‌نترنێتێ ڤه ردست بوون كو دشێم بێژم هه‌تا 70% دێ ئه‌ڤ كونفراسه یێ سه‌ركه‌ڤتی بیت به‌لێ ژ نه‌چاری ئه‌ڤ چه‌نده هاتیه كرن
ئه‌ڤرۆ نیوز:
وه‌زاره‌تا پلان دانانێ یا حوكمه‌تا عیراقێ دو ئه‌گه‌ر دیاركرن كۆ ب ئه‌گه‌رێ وان سه‌رژمێریا گشتی نه‌هاته ئه‌نجام دان.
عه‌بدلزه‌هره هنداوی په‌یڤدارێ وه‌زاره‌تا پلاندانا عیراقێ راگه‌هاند ب ئه‌گه‌رێ ڤایرۆسێ كورونایێ و نه‌بوونا پاره‌یه‌كێ پێدڤی بۆ ئه‌وێ چه‌ندێ سه‌رژمێریا گشتی نه‌هاته كرن.
په‌یڤدارێ وه‌زاره‌تا پلاندانا عیراقێ ئه‌و چه‌نده ژی راگه‌هاند سه‌رژمێریا ئاكنجیان دبیته ئه‌گه‌رێ خرڤه‌بوونا ژماره‌یه‌كا زۆرا وه‌لاتیان و بڤێ چه‌ندێ ژی مه‌ترسیا زێده‌ترا به‌لاڤبوونا ڤایرۆسێ كورونایێ دروست دبیت، سه‌رژمێریا گشتی ب كێماتی پیدڤی ب 60 ملیار دیناران هه‌یه كۆ حوكمه‌تا عیراقێ دئه‌ڤی كاودانێ نوكه دا نه‌شێت دابین بكه‌ت.
ئه‌ڤرۆ نیوز:
كۆمپانیه‌كا ژاپونی بهایێ نێزیكی چار ملیار دۆلاران گرێبه‌سته‌ك ل گه‌ل عیراقێ ئیمزاكر بۆ ئه‌وێ چه‌ندێ كار ل پارزینگه‌ها پترۆلا به‌سره دا بكه‌ن.
كۆمپانیا هاریكاریا گازلینی یا ژاپونی راگه‌هاند ده‌ست ب كاركرنێ كریه ل سه‌ر پرۆژه‌یێ پارزینگه‌ها به‌سره بۆ ئه‌وێ مه‌به‌ستێ ل گه‌ل كۆمپانیه‌كا پارزینگه‌ها پترۆلا عیراقێ ب چاڤدێریا وه‌زاره‌تا پترۆلا عیراقی رێكه‌تینه.
كۆمپانیا ژاپونی ئاماژه ب وێ چه‌ندێ ژی كریه كۆ بهایێ پرۆژه‌یی دگه‌هته سێ میار و 700 ملیۆن دۆلاران، پرۆژه ژی ل به‌سره دبیت و كۆمپانیا پارزینگه‌ها باشوور ل گه‌ل كار دكه‌ت،
د ئه‌ڤی پرۆژه‌یی دا دێ رۆژانه 19 هزار به‌رمیلێن گازوائیلی و 36 هزار به‌رمیلێن پنزینێ به‌رهه‌م ئینن.
نيشاندان