ئەڤرۆ نیوز:
سەرۆکێ یانا ئەنتر میلان یا ئیتالی ستیڤن تشانگ سەبارەت نووکرنا ھەڤبەستا ستێرا خوە و گولکەرێ یانێ دیارکر ئەوان چو ئاریشە نین ئەو دێ ھەموو مەرجێن ئەوی ب جهـ ئینن و ئەو دەنگوباسێن ھاتینە بەلاڤەکرن کو دياركر بوون ئەو نە گەھشتی نە رێککەفتنێ ل گەل وی یاریزانی چو راستی بوو نین.
ھەردیسان سەرۆکێ ئەنتر میلان بۆ مالپەرێ کاتشیو مێرکاتو یێ ئیتالی دیارکریە ئەو دەستبەردانێ ژ شیانێن کابتنێ خوە ماورو ئیکاردی بەرنادەن و دێ ھەموو بزاڤا کەن بوو درێژکرنا ھەڤبەستا ئەوی و یاریزانی ژی حەزا مانا خوە ل یانێ بەری نوکە بوو ئەوان دیارکریە .

ھەردیسان ناڤبرى دياركر ژى ئەو ناخوازن دەستا ژ چو ستێرێن خوە ل ڤی ماوەی بەردەن و بەروڤاژی ئەو داخوازن بوو وەرزێ بھێت ھەڤبەستێ ل گەل چەند ستێرێن دی یێن بەرنیاس ئیمزا بکەن بوو ھەڤرکیا ناسناڤێن ئورۆپی و نافخوی.

ئەڤرۆ نیوز، عەلی حاجی:

یاریزانێ تیما خوەلێکدانا یانا زاخۆ شەھید حزنی پشتی شیایی ل ڤاڤارتنێن دەرباز بوونێ بو قارەمانیا ئاسیا پلا ئێکێ ب دەست خوەڤە بینیت و پلێتا دەرباز بوونێ بکەت یاریزانێ ناڤبری نێزیک بوویە ھەڤبەستا یانا ئەمانە یا بەغدا ئیمزا بکەت .

ل دور ڤێ چەندێ شەھید حزنی بۆ ئەڤرۆ نیوز گوت : ل نوکە دا یانا ئەمانە بەغدا پەیوەندی ب من کریە و ئەم ل سەر ھەمی خالێن گرێبەستێ رێککەڤتینە و دێ یاریێ بەرامبەر مووچەیەکێ ھەیڤانە بو وێ یانێ کەم و ئەز ب ھەمی مەرجێن ل گربەستێ دا ھاتین رازی بوویمە و بتنێ یا مای ھڤبەستا خوە دگەل وێ یانێ ئیمزا بکەم،  ھەڤبەستا من دگەل وێ یانێ دێ بۆ ماوێ سالەکێ بیت بەرامبەر موچەیەکێ ھەیڤانە یێ ۵۰۰ ھزار دیناری.

ناڤھاتی زێدەر گوت: ل ماوێ ڤان دو روژێت بھێت دا دێ ب شێوەیەکێ فەرمی ھەڤبەستا خوە دگەل وێ یانێ مورکەم و ئێدی دێ وەک یاریزانەکێ پیشەگەر دناڤ رێزێن یانەیەکا عێراقی دا یاریێ کەم.

ئەڤرۆ نیوز:
جەماوەرێ یانا ریال مەدرید یاریزانێ خوە یێ گەنچ مارکوس یورنتی وەکو باشترین یاریزانێ ھەیڤا بوری ھەلبژارت پشتی وێ راپرسینێ دا یا ھەیڤانە ل سەر ئاستێ ھەموو جەماوەرێ یانا ریال مەدرید دھێـتەکرن بوو ھەلبژارتنا باشترینێ ھەیڤێ .
لورینتی ئەڤ باوەریا جەماوەرێ یانا ریال مەدرید ب دەستخوڤە ئینا پشتی ل ماوێ بوری راھێنەرێ ئەرژەنتینی یێ یانا ریال مەدرید باوەریەکا مەزن دایە ڤی یاریزانی و وەکو یاریزانەکێ سەرەکی د ھەموو یاریێن یانێ دا پشکداری کری و شیا ئاستەکێ بلند پێشکێش بکەت تایبەت د قارەمانیا موندیالا جیھانی دا .