کرێکارەکی ئیرانی ل دێرەلۆکێ توشی روودانەکێ دبیت
ئەڤرۆ نیوز، مەحمود نھێلی:
ژێدەرەکی ل نەخوشخانا ئامێدیێ بۆ ئەڤرۆ نیوز دیارکر، کو ئەڤرۆ ٣٠\١١\٢٠١٨ ، کەسەکێ بیانی گەھاندیە نەخوشخانێ کو توشی روودانەکی ببو ل دێرەڵۆکی.
وی ژێدەری ئاشکرا کر، کو ئەڤ کەسە کرێکارەکی ئیرانی بوویە بناڤێ موحەمەد رەزایی ، ل سەر ھایدرو پاوەرێ دێرەلۆک کار دکر ، وگۆت : ل دەمێ کارکرنێ بەرەک ل گرێ ھنداڤ سەرێ وی ڤەدرەسیت و ب سەرێ وی دکەڤیت و ب گرانی بریندار دبیت.
وی ژێدەری دیار ژی کر، کو دەمێ گەھاندیە نەخوشخانا ئامێدیێ ژبەر خرابیا رەوشا وی ژ بەر کو ب سەرێ وى بریندار ببوو یەکسەر بو نەخوشخانا دھوکی ھاتیە ڤەگوھاستن .
