ئه‌ڤرۆ نیۆز، عه‌زیز ڕه‌سووڵ:
له‌گه‌ڵ به‌رزبوونه‌وه‌ی به‌رده‌وامی توشبووانی كۆرۆنا له هه‌ولێر و دهۆك لاوانی كوردستان كه‌مپینی به‌خشینی خوێنی پلازمایان ڕاگه‌یاند، هاوڵاتییان به چڕی به‌ده‌میانه‌وه ده‌چن ،ئه‌مڕۆ له سلێمانی 220 بتڵی خوێن به‌خشرا به هه‌ولێر.
بڵند فاتیح میراڵه‌یی سه‌رپه‌رشتیاری كه‌مپینی به‌خشینی خوێن، به ئه‌ڤرۆ نیۆزی ڕاگه‌یاند، له‌سه‌ر ئاستی پارێزگای هه‌ولێر و سلێمانی و هه‌ڵه‌بجه و قه‌زای ئاكرێ كه‌مپینی به‌خشینی خوێنمان ڕاگه‌یاند، یه‌كه‌میان ئه‌و كه‌سانه ده‌گرێته‌وه چاكبووه‌ی ڤایرۆسی كۆرۆنان دووه‌م خوێنی ئاسایی بۆ نه‌خۆشانی تالاسییما.
هه‌روه‌ها وتی:” ئه‌مڕۆ له پارێزگای سلێمانی هه‌ڵه‌مه‌ته‌كه ده‌ستی پێكرد هاونیشتیمانییه‌كی زۆر پێوشوازیان لێكرد و به‌ده‌م هه‌ڵمه‌ته‌كه‌مانه‌وه هاتن و زیاتر له 220 بتڵی خوێن به‌خشراوه ئه‌مڕۆ كه‌مپینه‌كه له سلێمانی كۆتایی دێت.
ئاماژه‌ی به‌وه‌شكرد،له‌و 220 پتڵی خوێنه ته‌سه‌ور ده‌كه‌ین نزیكه‌ی 70 بتڵی خوێنی پلازما بووه بۆ نه‌خۆشانی كۆرۆنا به‌كاردێت، ئه‌و ماباقی خوێنه‌كه بۆ توشبووانی تالاسیما ده‌بێت.
وتیشی:” خوێنی پلازما بۆ نه‌خۆشانی توشبوانی كۆرۆنا ده‌بێت له‌هه‌ولێر كه ئێسته به‌داخه‌وه به‌هۆی فراوان بوونی توشبووانی كۆرۆنا له هه‌ولێر خواست زۆر هه‌یه له‌سه‌ر خوێنی پلازما.
له لایه‌ن وه‌زاره‌تی ته‌ندروستییه‌وه به ڕێكاری توندی ته‌ندروستی خوێنه‌كان بۆ پارێزگای هه‌ولێر ده‌گوازرێنه‌وه، نه‌خۆشخانه‌ی هیوا له سلێمانی پێویستی به خوێنی پلازما هه‌بێت ئاماده‌ین بۆیان دابین بكه‌ین، بڵند فاتیح وای گوت.
ڕۆژی 12ی ئاب له پارێزگای هه‌ڵه‌بجه خوێن به‌خشین ده‌ست پێده‌كات داوا ده‌كه‌ین هاونیشتییمانیان هه‌ڵه‌بجه به‌شداری بكه‌ن به خوێنی خۆیان گیانی هاونیشتیمانیانی هه‌ولێر بپارێزن، وه له ڕۆژانی ئاینده‌ش له هه‌ولێر ده‌ست به كه‌مپین و به‌خشینی خوێن ده‌كرێت، له ئاكرێش خوێن به‌خشین ده‌بێت و خوێنی پلازما بۆ پارێزگای دهۆك ده‌بێت.
ئەڤرۆ نیوز، عەلی حاجی :
ب گورەی گوتنێن فەرماندەیەکێ هێزێن پێشمەرگەیی ل سنورێ ناحیا دەرکارێ بۆ ئەڤرۆ نیوز دیار کر ل سەرێ چیایی کێرەی شەرەکێ دژوار دناڤبەرا هێزێن پەکەکێ و سوپایێ تورکیا دا دروست بوو.
هەر وی فەرماندەیێ هێزێن پێشمەرگەیی یێ کو نەڤیایی ناڤێ خوە ئاشکەرا بکەت گۆت ژی: (ل دەمژمێر ٢:٠٠ی پشتی نیڤرۆ ل سەر چیایێ کێرەی کو ل هنداڤی ناحیا دەرکارێ یە شەرێ تەقە و دوشکان هاتیە کرن دناڤبەرا سوپایێ تورکیا و هێزێن پەکەکێ پشتی وی دەمی توپخانەیا سوپایێ تورکیا بوردومانا وی چیایی کر و نوکە دا بتنێ توپباران دهێتە کرن و ئاگرەکێ مەزن ژی ب وی چیایی کەفتیە بەلێ چو پێزانینەک ل دور زیانێن هەر دو هێزان نەهاتیە زانین) .
چیایێ کێرەی دکەڤیتە پشت سەنتەرێ ناحیا دەرکارێ نێزیکی کێلومەترەکێ یێ دوورە و ب ڤی رەنگی مەترسی ژی دکەڤیتە سەر ناحیا دەرکارێ .
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری ل هەرێما کوردستانێ راگەهاند کو دیار دبیت ٦٥٣ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و ١٣ کەسان جانێ خوە ژ دەست داینە و هەروەسا ١٧١ کەس ژی باش بووینە.
ل گۆر ئامارا وەزارەتا ساخلەمیێ ل دهۆکێ ٨٨ کەسێن دی تووشی ڤایرۆسێ کۆرۆنایێ بووینە.
ئه‌ڤرۆ نیۆز، عه‌زیز هه‌ورامی:
به‌رده‌وام میملانێ ئه‌مریكا و ئێران له‌سه‌ر خاكی عێراق تونتر ده‌بێته‌وه ئه‌وه‌ش زیانی به پێگه‌ی عێراق گه‌یاندووه سه‌روه‌ری نه‌ماوه،شرۆڤه كارێكی سیاسی ده‌ڵێن،كازمی ناوتوانێت كارێك بكات ئه‌و ده‌وڵه‌تانه ڕێز له‌سه‌روه‌ری عێراق بگرن.
د.نه‌دا مێرگه سوری شرۆڤه‌كاری سیاسی به ئه‌ڤرۆ نیۆزی ڕاگه‌یاند، زه‌مینه سازی وانه‌كراوه بتواندرێت هاوسه‌نگی هێز له نێوان ئه‌مریكا وئێران ڕابگیردرێت له‌ناوخاكی عێراق، هه‌ستی مه‌زهه‌بی له عێراق و لە لایەن شییعەکان زیاتر به‌ره‌و ئێرانه، بۆیه ئه‌وه ڕاستییه، مسته‌فا كازمی کرایە سه‌رۆك وه‌زیران بۆ ئه‌وه‌بوو به‌شێك له‌و كێشانه‌ی هه‌یه له عێراق چاره‌سه‌ر بكات، به‌ڵام لەوماوەیەی کە سه‌رۆك وه‌زیران كازمی ھاتۆتە سەر دەسەڵات، نه‌ی توانیوه باڵانس ڕابگرێت، جگە لەوەی کە نەتوانیوە کێشەکانی نێو گۆڕەپانی سیاسی عێراقیش چارەسەر بکات. هه‌ژموونی وڵاته ئیقلیمییه‌كان ھەروەک خۆیەتی و کەم نەبووە. میلشییا له عێراق زیاتر ده‌سه‌ڵاتداره تاكو حكوومه‌ت.
هه‌روه‌ها دووپاتی كرده‌وه، پێویسته هه‌موو سه‌رۆك وه‌زیرانه‌كان کە دێنه‌سه‌ر حكووم باڵانس ڕابگرن، له‌ماوه‌ی ڕابردوو زۆری نه‌مابوو عێڕاق بكرێته گۆڕه‌پانێكی جدی شه‌ڕ و ململانێی توندی ده‌وڵه‌ته زلهێزه‌كان،عێراق ئه‌وه‌نده تێكه‌ڵ و ئاڵۆز بووه به دوری ده‌بینم كازمی بتوانێت باڵنس ڕابگرێت سه‌رباری ئه‌وه‌ی سه‌ردانی ئێرانی كردووه و له چه‌ند ڕۆژی ئاینده‌ش سه‌ردانی ئه‌مریكا ده‌كات.
ئه‌مریكا عێراقی له دكتاتۆرییه‌ت ڕزگاركرد به هاوكاری ده‌وڵه‌تانی هاوپه‌یمانی، ئه‌مریكا له‌به‌رامبه‌ر ئه‌و قوربانییه‌ی له عێراق داویه‌تی ده‌یه‌وێت سودی لە عێراق ببینێت و بەرژەوەندییەکانشی لە ناوچەکە پارێزراو بێت و دەیەوێت هه‌ژموونی ئێران لە عێراق و ناوچەکە كه‌م ببێته‌وه. عێراق بە نسبەت دەولەتان شوێنێكی ستراتێژییه، ئێران له بیروباوڕی مه‌زهه‌بی و تایفی، خۆی نزیكتر ده‌بینێت له عێراق تاكو ئه‌مریكا، به‌رژه‌وه‌ندی هه‌ردوو وڵات هه‌یه له عێراق له ڕوی ئابووری و سیاسی جوگرافی،ئه‌وه گرنگه عێراق به‌رژه‌وه‌ندییه‌كانی خۆی له پێش به‌رژه‌وه‌ندی وڵاته‌كانه‌وه ببینێت، و بە یەک مەودا سەیری ولاتان بکات، نه‌دا مێرگه‌سۆری وای گوت.
ئه‌ڤرۆ نیوز:
موقته‌دا سه‌در سه‌ركرده‌یێ ره‌وتا سه‌در كۆ مه‌زنترین فراكسیونا جڤاتا نوونه‌رێن عیراقێ یه، مۆله‌تا 100 رۆژان دا مسته‌فا كازمی سه‌رۆك وه‌زیرێ عیراقێ بۆ رژدبوونێ ل سه‌ر كارێن خوه.
محه‌مه‌د سالح عیراقێ په‌یڤدارێ موقته‌دا سه‌دری راگه‌هاند به‌ریا نوكه سه‌دری 100 رۆژ بۆ ئیسلامیان دیاركربوون، سه‌در یێ رژده كۆ ئه‌ڤ ده‌مێ دیاركری سه‌رۆك وه‌زیرێ نوكه ژی بخوڤه دگریت.
په‌یڤدارێ موقته‌دا سه‌دری ئه‌و چه‌نده ژی دیاركر ب سه‌ركرده‌یێ ره‌وتا سه‌دری ئه‌و ده‌م دیار كریه كۆ 100 رۆژن.
ئەڤرۆ نیوز:
ل گۆر دەزگەهێن راگەهاندنا تورکیا رۆژا پێنجشەمبیێ وەزیرێ بەرەڤانیێ یێ تورکیا هولوسی ئاکار دێ سەرەدانا بەغدا کەت و پاشی ژی دێ هێتە هەولێرێ.
هەروەسا ناڤەندا ڤەکۆلینان یا رەوابت ژی دیار کریە کو د سەرەدانا خوە دا وەزیرێ بەرەڤانیێ یێ تورکیا دێ ل گەل سەرۆک کۆمار، سەرۆک وەزیر و بەرپرسێن عیراقێ کۆمبیت و پاشی دێ سەرەدانا هەرێما کوردستانێ کەت و دێ سەرەدانا خوە دا دێ پەیوەندیێن هەر دو ئالیان و بابەتێ هەبوونا پەکەکێ و مەترسیێن وێ بۆ تورکیا دێ هێنە گەنگەشە کرن.
ئەڤرۆ نیوز:
پشتی کو سەرۆکێ روسیا ڤیلادەمیر پوتین ب رەنگەکێ فەرمی راگەهاند کو وەلاتی وی شیایە ئێکەم ڤاکسینێ کۆرۆنایێ بەرهەم بینیت و وی ڤاکسین ل سەر کچا خوە تاقی کریە، رێکخراوا ساخلەمیا جیهانی ژی ل دۆر هندێ داخۆیانیەک بەلاڤ کر.
رێکخراوا ساخلەمیا جیهانی راگەهاند کو ئەو د پەیوەندیێ دانە ل گەل بەرپرسێن روسیا دا بزانن کا ئەو ڤاکسین چاوایە و کارتێکرنا وێ ل سەر ساخلەمیا مرۆڤان دێ چاوا بیت.
رێکخراوا ساخلەمیا جیهانی دیار ژی دکەت کو دڤێت ئەو پێداچوونێ ل سەر وی ڤاکسینی بکەن و هەتا ژ ئالیێ وان ڤە نەهێتە پەسەند کرن نابیت چ ئالیەک بکار بینن چونکو رەنگە مەترسیا خوە بۆ مرۆڤان هەبیت.
ئه‌ڤرۆ نیوز:
د چارچوڤه‌یێ پرۆژه‌یێ ب بازاركرنا گه‌نمێ جوتیاران، كۆ پرۆژه‌یه‌كێ ستراتیژیه، گرێبه‌ست دناڤبه‌را وه‌زاره‌تا چاندنێ و كۆمپانیێن كۆ بریاره گه‌نمی بكرن هاته ئیمزاكرن و بریاره ل قوناغا ئێكێ 500000 هزار ته‌نێن گه‌نمێ جۆتیاران ژلایێ كه‌رتێ تایبه‌ت ڤه بهێته‌كرین.
بێگه‌رد تاله‌بانی وه‌زیرا چاندنێ و ژێده‌رێن ئاڤێ یا حوكمه‌تا هه‌رێما كوردستانێ راگه‌هاند ئه‌ڤرۆ گرێبه‌ستا پرۆژه‌یێ ستراتیژی یێ ب بازاركرنا گه‌نمێ جۆتیاران ل وه‌زاره‌تا چاندنێ هاته ئیمزاكرن، لگۆری پرۆژه‌یێ ب بازاركرنا گه‌نمێ جۆتیاران كۆ پرۆژه‌یه‌كێ ستراتیژی یه، ل قوناغا ئێكێ 500000 ته‌نێن گه‌نمێ جۆتیاران ژلایێ كه‌رتێ تایبه‌ت ڤه دهێته‌كرین ب سه‌رپه‌رشتیا وه‌زاره‌تا چاندنێ و ژێده‌رێن ئاڤێ.
وه‌زیرا چاندنێ و ژێده‌رێن ئاڤێ یا حوكمه‌تا هه‌رێما كوردستانێ ئه‌و چه‌نده ژی راگه‌هاند حوكمه‌ت هه‌مو پشته‌ڤانیه‌كێ و ئاسانكاریه‌كێ بۆ پرۆژه‌یی ئێخستیه كاری وه‌ك دابینكرنا ئه‌ردی بۆ دروستكرنا كه‌رگه‌ها ئاری و ئه‌و به‌رهه‌مێن ژ گه‌نمی دهێنه دروستكرن پاشی بكه‌نه ناڤ كیسان، د هه‌مان ده‌م دا ئینانا ته‌ڤایا به‌رهه‌مێن ژ گه‌نمی دهێنه چێكرن وه‌ك ئار و ساڤار و دانهێرك و دانقوت..هتد هێنه قه‌ده‌غه‌كرن، سه‌رمایێ پرۆژه‌ی ب سه‌دان ملیۆن دۆلارانه و هزاران ده‌لیڤه‌یێن كری دروست دكه‌ت و پشكا سه‌ره‌كی یا ده‌لیڤه‌یێن كاری بۆ ده‌رچووێن پشكێن چاندنێ یه.
وه‌زیرا چاندنێ ئه‌و چه‌نده ژی دازانین ئه‌ڤ پرۆژه‌یه پێدڤی ب ده‌رچوویێن كۆلیژێن چاندنێ هه‌یه بهێنه دامه‌زراندن، لگۆری گرێبه‌ستێ بهایێ كرینا سالانه و فرۆتنا به‌رهه‌مێن گه‌نمی گوهورین تێدا بهێته‌كرن و بجهكرنا پرۆژه‌یێ سه‌دان ملیۆن دۆلاران كۆ سالانه بۆ كرینا ئه‌وی به‌رهه‌می دچیته ده‌رڤه.
ئەڤرۆ نیوز، زنار تۆڤی:
ئەڤرۆ سێشەمبی 11.8.2020 ب بەهانەیا هەبوونا گەریلایێن پەکەکێ، هێزێن ئەسمانی یێن سوپایێ تورکیا چیایێ گابنێرکی ل دەڤەرا بەرواری بالا یێ سەر ب قەزا ئامێدیێ ڤە بۆمبەباران کر.
ئەڤرۆ ل دەمژمێر 1:00 پشتی نیڤرۆ فرۆکێن تورکی چیایێ گابنێرکی بۆمبە بارانکر، لێ هەتا نوکە زیانێن وێ بۆمبەبارانێ نەهاتینە زانین، لێ دەنگەکێ ب هێز ژ وێ بۆمبەبارانێ هات.
نيشاندان