ئه‌ڤرۆ نیوز:
موقته‌دا سه‌در سه‌ركرده‌یێ ره‌وتا سه‌در كۆ مه‌زنترین فراكسیونا جڤاتا نوونه‌رێن عیراقێ یه، مۆله‌تا 100 رۆژان دا مسته‌فا كازمی سه‌رۆك وه‌زیرێ عیراقێ بۆ رژدبوونێ ل سه‌ر كارێن خوه.
محه‌مه‌د سالح عیراقێ په‌یڤدارێ موقته‌دا سه‌دری راگه‌هاند به‌ریا نوكه سه‌دری 100 رۆژ بۆ ئیسلامیان دیاركربوون، سه‌در یێ رژده كۆ ئه‌ڤ ده‌مێ دیاركری سه‌رۆك وه‌زیرێ نوكه ژی بخوڤه دگریت.
په‌یڤدارێ موقته‌دا سه‌دری ئه‌و چه‌نده ژی دیاركر ب سه‌ركرده‌یێ ره‌وتا سه‌دری ئه‌و ده‌م دیار كریه كۆ 100 رۆژن.
ئەڤرۆ نیوز:
ل گۆر دەزگەهێن راگەهاندنا تورکیا رۆژا پێنجشەمبیێ وەزیرێ بەرەڤانیێ یێ تورکیا هولوسی ئاکار دێ سەرەدانا بەغدا کەت و پاشی ژی دێ هێتە هەولێرێ.
هەروەسا ناڤەندا ڤەکۆلینان یا رەوابت ژی دیار کریە کو د سەرەدانا خوە دا وەزیرێ بەرەڤانیێ یێ تورکیا دێ ل گەل سەرۆک کۆمار، سەرۆک وەزیر و بەرپرسێن عیراقێ کۆمبیت و پاشی دێ سەرەدانا هەرێما کوردستانێ کەت و دێ سەرەدانا خوە دا دێ پەیوەندیێن هەر دو ئالیان و بابەتێ هەبوونا پەکەکێ و مەترسیێن وێ بۆ تورکیا دێ هێنە گەنگەشە کرن.
ئەڤرۆ نیوز:
پشتی کو سەرۆکێ روسیا ڤیلادەمیر پوتین ب رەنگەکێ فەرمی راگەهاند کو وەلاتی وی شیایە ئێکەم ڤاکسینێ کۆرۆنایێ بەرهەم بینیت و وی ڤاکسین ل سەر کچا خوە تاقی کریە، رێکخراوا ساخلەمیا جیهانی ژی ل دۆر هندێ داخۆیانیەک بەلاڤ کر.
رێکخراوا ساخلەمیا جیهانی راگەهاند کو ئەو د پەیوەندیێ دانە ل گەل بەرپرسێن روسیا دا بزانن کا ئەو ڤاکسین چاوایە و کارتێکرنا وێ ل سەر ساخلەمیا مرۆڤان دێ چاوا بیت.
رێکخراوا ساخلەمیا جیهانی دیار ژی دکەت کو دڤێت ئەو پێداچوونێ ل سەر وی ڤاکسینی بکەن و هەتا ژ ئالیێ وان ڤە نەهێتە پەسەند کرن نابیت چ ئالیەک بکار بینن چونکو رەنگە مەترسیا خوە بۆ مرۆڤان هەبیت.
ئه‌ڤرۆ نیوز:
د چارچوڤه‌یێ پرۆژه‌یێ ب بازاركرنا گه‌نمێ جوتیاران، كۆ پرۆژه‌یه‌كێ ستراتیژیه، گرێبه‌ست دناڤبه‌را وه‌زاره‌تا چاندنێ و كۆمپانیێن كۆ بریاره گه‌نمی بكرن هاته ئیمزاكرن و بریاره ل قوناغا ئێكێ 500000 هزار ته‌نێن گه‌نمێ جۆتیاران ژلایێ كه‌رتێ تایبه‌ت ڤه بهێته‌كرین.
بێگه‌رد تاله‌بانی وه‌زیرا چاندنێ و ژێده‌رێن ئاڤێ یا حوكمه‌تا هه‌رێما كوردستانێ راگه‌هاند ئه‌ڤرۆ گرێبه‌ستا پرۆژه‌یێ ستراتیژی یێ ب بازاركرنا گه‌نمێ جۆتیاران ل وه‌زاره‌تا چاندنێ هاته ئیمزاكرن، لگۆری پرۆژه‌یێ ب بازاركرنا گه‌نمێ جۆتیاران كۆ پرۆژه‌یه‌كێ ستراتیژی یه، ل قوناغا ئێكێ 500000 ته‌نێن گه‌نمێ جۆتیاران ژلایێ كه‌رتێ تایبه‌ت ڤه دهێته‌كرین ب سه‌رپه‌رشتیا وه‌زاره‌تا چاندنێ و ژێده‌رێن ئاڤێ.
وه‌زیرا چاندنێ و ژێده‌رێن ئاڤێ یا حوكمه‌تا هه‌رێما كوردستانێ ئه‌و چه‌نده ژی راگه‌هاند حوكمه‌ت هه‌مو پشته‌ڤانیه‌كێ و ئاسانكاریه‌كێ بۆ پرۆژه‌یی ئێخستیه كاری وه‌ك دابینكرنا ئه‌ردی بۆ دروستكرنا كه‌رگه‌ها ئاری و ئه‌و به‌رهه‌مێن ژ گه‌نمی دهێنه دروستكرن پاشی بكه‌نه ناڤ كیسان، د هه‌مان ده‌م دا ئینانا ته‌ڤایا به‌رهه‌مێن ژ گه‌نمی دهێنه چێكرن وه‌ك ئار و ساڤار و دانهێرك و دانقوت..هتد هێنه قه‌ده‌غه‌كرن، سه‌رمایێ پرۆژه‌ی ب سه‌دان ملیۆن دۆلارانه و هزاران ده‌لیڤه‌یێن كری دروست دكه‌ت و پشكا سه‌ره‌كی یا ده‌لیڤه‌یێن كاری بۆ ده‌رچووێن پشكێن چاندنێ یه.
وه‌زیرا چاندنێ ئه‌و چه‌نده ژی دازانین ئه‌ڤ پرۆژه‌یه پێدڤی ب ده‌رچوویێن كۆلیژێن چاندنێ هه‌یه بهێنه دامه‌زراندن، لگۆری گرێبه‌ستێ بهایێ كرینا سالانه و فرۆتنا به‌رهه‌مێن گه‌نمی گوهورین تێدا بهێته‌كرن و بجهكرنا پرۆژه‌یێ سه‌دان ملیۆن دۆلاران كۆ سالانه بۆ كرینا ئه‌وی به‌رهه‌می دچیته ده‌رڤه.
ئەڤرۆ نیوز، زنار تۆڤی:
ئەڤرۆ سێشەمبی 11.8.2020 ب بەهانەیا هەبوونا گەریلایێن پەکەکێ، هێزێن ئەسمانی یێن سوپایێ تورکیا چیایێ گابنێرکی ل دەڤەرا بەرواری بالا یێ سەر ب قەزا ئامێدیێ ڤە بۆمبەباران کر.
ئەڤرۆ ل دەمژمێر 1:00 پشتی نیڤرۆ فرۆکێن تورکی چیایێ گابنێرکی بۆمبە بارانکر، لێ هەتا نوکە زیانێن وێ بۆمبەبارانێ نەهاتینە زانین، لێ دەنگەکێ ب هێز ژ وێ بۆمبەبارانێ هات.
ئەڤرۆ نیوز،عەلی حاجی :
رێڤەبەرێ ساخلەمیا زاخۆ بۆ ئەڤرۆ نیوز دیار کر وەکو ساخلەمیا زاخۆ سێ جهـ ل زاخۆ هاتینە دەست نیشان کرن بۆ پێشوازیکرن و چارەسەر کرنا نەخوەشێن کورونایێ و ئەم چاڤەرێ نە کو جهەک ژ وان جهان بهێتە دەست نیشان کرن.
زێدەتر دکتور شاکر عەبدولرەحمان گۆت : ژلایێ وان ڤە سێ جهـ هاتینە دەست نیشان کرن و ئەو سێ جهە ژی بۆ رێڤەبەریا گشتی یا ساخلەمیا دهۆک هاتینە رەوانە کرن داکو ئەو جهەکێ دەست نیشان بکەن ژبەرکو دەست نیشان کرنا جهەکێ تایبەت بۆ نەخوەشێن کورونایێ پێدڤی ب لژنەیەکێ هەیە دا کو جهەکێ گۆنجای بهێتە دەست نیشان کرن و هەر دیسان پارەیەک ژی بۆ بهێتە تەرخان کرن، پشتی پارەیەک بۆ دهێتە تەرخان کرن دێ ئێکسەر دەست ب وەرگرتنا نەخوەشان کەین و نوکە هەژمارەکا نەخوەشان کو نێزیکی ٢٠ کەسانە دناڤ مالێن خوە دا خوە چارەسەر دکەن، ئەو جهـ بهێتە تەرخان کرن ژی ل زاخۆ دێ ب تایبەتی وان نەخوەشان وەرگرین ئەوێن رەوشا وان نەیا باش .
ناڤبری گۆت ژی : نەخوەشێن ل مالێن خوە چارەسەریێ د وەرگرن رەوشا وان هەمیا یا باشە لەوما نەهاتینە رەوانە کرن بۆ نەخوشخانا تایبەت ب کورونایێ ل دهوکێ .
ئه‌ڤرۆ نیوز:
ب ئه‌گه‌رێ روودانا ته‌قه‌كرنێ ل نێزیك كوچكا سپی، سه‌رۆكێ ئه‌مریكا كۆنفرانسێ رۆژنامه‌ڤانی بجهـ هێلا.
ل ده‌مێ ئه‌نجامدانا كۆنفرانسێ رۆژنامه‌ڤانیێ دونالد تره‌مپ سه‌رۆكێ ئه‌مریكا ل كوچكا سپی ده‌ربارێ دوماهی گوهورین و پێشهاتێن ڤایرۆسێ كورونایێ د ئاخڤت، روودانه‌كا ته‌قه‌كرنێ د ده‌وروبه‌رێن كوچكا سپی روودا، پشتی روودانێ زێره‌ڤانێن تره‌مپی ئاگه‌هداركر ژ به‌ر‌وێ كریارێ و دڤیت ئه‌ڤێ هولی بهجـ بهێلی كۆ كۆنفرانس تێدا دهێته ئه‌نجامدان.
پشتی ڤه‌گه‌راندنا دونالد تره‌مپ ب رۆژنامه‌ڤانان راگه‌هاند ئه‌و كه‌سێ ته‌قه‌كری هاته ره‌وانه‌كرن بو نه‌خوشخانه‌یێ و سوپاسیا هێزێن ئه‌منی كر.
ئه‌ڤرۆ نیوز:
وه‌زاره‌تا ساخله‌میا عیراقێ راگه‌هاند خۆ پاراستن رێكا ئێكانه‌یه بۆ زالبوون ب سه‌ر زێده‌بوونا ژماره‌یا توشبوویێن ڤایرۆسێ كورونایێ و سڤكرنا رێ و ئاوایێن قه‌ده‌غه‌كرن و گرتنێ، پێدڤیه مل ب ملێ بجهكرنا ته‌ڤایا رێ و ئاوایێن خوپارێزیێ بین.
ریاز حلفی رێڤه‌به‌رێ گشتی ل وه‌زاره‌تا ساخله‌میا عیراقێ راگه‌هاند خۆ پاراستن ئیكانه رێیه بۆ سه‌ركه‌فتن ب سه‌ر زێده‌بوونا ژماره‌یا توشبوویێن كورونایێ، به‌رۆڤاژی قه‌یرانه‌كا به‌رده‌وام دبیت و نه‌شیێن خو ژێ ده‌رباز بكه‌ین، ئاریشا وه‌لاتێ مه ئه‌وه وه‌لاتی هه‌ست ب مه‌ترسیا نه‌خوشیی ناكه‌ن، ده‌وله‌تێ ژی شیان نینن ب رێكا هێزێ یاسایێ ب سه‌پینیت و لێپێچینێ ل گه‌ل سه‌رپێچیكاران بكه‌ت و سزایێن گران ب سه‌پینیت.
رێڤه‌به‌رێ گشتیێ یێ ساخله‌میێ ل وه‌زاره‌تێ ئه‌و چه‌نده ژی راگه‌هاند ژیان لگه‌ل ڤایرۆسێ كورونایێ ژبوی ڤه‌گه‌رانا ژیانا ئاسایی چ رێێن دی مه نینن، چونكو زۆر كه‌س ب خه‌له‌ت د ئه‌وێ چه‌ندێ دگه‌هن و وه‌لاتی به‌رسڤا وێ نزانن هوسا دزانن ژیان ل گه‌ل ڤایرۆسی ئانكو سڤكرنا قه‌ده‌غه‌كرن و په‌یره‌وكرنا توندیا خۆ پاراستنێ یه .
ئه‌ڤرۆ نیوز:
ڤلادیمیر پوتن سه‌رۆكێ روسیا راگه‌هاند كۆ وه‌زاره‌تا ساخله‌میا وه‌لاتێ وی ڤاكسینا روسی دژی ڤایرۆسێ كورونایێ په‌سندكر.
سه‌رۆكێ روسیا راگه‌هاند به‌ریا هه‌ركه‌سه‌كی، كچا پوتینی ڤاكسین بكار ئینا ژبوی وه‌لاتی پشت راست بن، ئه‌ڤه پێنگاڤه‌كا مه‌زنه نوژدارێن روسی هاڤێتی بۆ به‌رهه‌م ئینانا ئه‌ڤی جورێ ڤاكسینێ ۆ نه‌هێلانا ئه‌وێ مه‌ترسیا هه‌یی و رزگاركرنا مرۆڤاتییێ ژ كورونایێ.
ل دوماهیا سالا بوری ڤایرۆسێ كورونا سه‌رهلدا تانوكه ل زێده‌تری 20 ملیۆن كه‌سان ل ته‌ڤایا جیهانی تووشی ڤایرۆسی بوون و زێده‌تری 13 ملیۆن كه‌سان ژی باش بووینه و نێزیكی 740 هزار كه‌سان ژی گیانێ خوه ژ ده‌ست دایه.
ل جیهانێ ب سه‌دان كۆمپانی یێن مه‌زن مژیلی تاقیكرنێن جودا جودانه ب وێ ئارمانجا به‌رهه‌مئینانا ڤاكسینێ بۆ به‌رهنگاربوونا ڤایرۆسێ كورونایێ كۆ ژیانا پرانیا وه‌لاتان ئیخستیه دمه‌ترسیێ دا.
ئه‌ڤرۆ نیوز:
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند هه‌كه وه‌لاتی پێگیری رێنمایێن خوه پاراستنێ بن، ب پشت راستبوونڤه تا دوماهیا ئه‌ڤێ هه‌یڤێ مه‌ترسیا گران یا ڤایرۆسێ كورونایێ كێم دبیت.
د.محه‌مه‌د قادر په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند تا راده‌یه‌كێ باش وه‌لاتی پێگیرن ب رێنمایێن خوه پارێزیێ ژ ڤایرۆسێ كورونایێ، به‌لێ هێشتا د ئاستێ باش دا نینه و ئه‌ڤێ ژی وه‌كریه رۆژانه رێژه‌یا توشبوویان ب ڤایرۆسێ كورونایێ زێده بیت.
په‌یڤداری وه‌زاره‌تا ساخله‌میێ ئه‌و چه‌نده ژی راگه‌هاند وه‌ك وه‌زاره‌ت را دگه‌هینیت هه‌كه وه‌لاتی تا سێ هه‌فتیێن دی ئانكو هه‌تا دوماهیا ئه‌ڤێ هه‌یڤێ پێگیری رێمایین خوه پاراستنێ بن، ئه‌ڤه دێ ره‌وش باشتر و ئاسایی بیته‌ڤه و مه‌ترسیێن نوكه یێن ڤایرۆسی بڤی شێوه‌یی نامینن، به‌رۆڤاژی كاره‌ساته‌كا مه‌زن دهێته چاڤه‌رێكرن هیڤی دارین نه‌گه‌هینه ئه‌وێ ره‌وشێ.
د. محه‌مه‌د قادر دا زانین ژوورا ئوپراسیونان ل پارێزگه‌هێن هه‌رێمێ هاتینه سه‌رپشك كرن بۆ راگه‌هاندنا قه‌ده‌غه‌یا هاتنوچونێ، له‌ورا نوكه مه وه‌ك وه‌زاره‌ت چ پێِشنیاز نینن بۆ ئه‌ڤێ مه‌به‌ستێ.
نيشاندان