ئەڤرۆ نیوز:
بەرپرسێن ساخلەمیێ ل رێڤەبەریا خوەسەر یا رۆژئاڤایێ کوردستانێ دیار دکەن کو ئەڤرۆ ٥ حالەتێن دی یێن تووشبوونا کۆرۆنایێ ل هەرێما شەهبا یا باکورێ سووریێ هاتنە دیار کرن و ب گشتی هەتا نها ٥٤ کەس ل رۆژئاڤایێ کوردستانێ تووشی ڤایرۆسێ کۆرۆنایێ بووینە.
هەژی ئاماژەپێدانێ یە کو بۆ رێگریکرن ژ بەلاڤبوونا ڤایرۆسێ کۆرۆنا هەتا ٢٠ ڤێ مەهێ ل رۆژئاڤایێ کوردستانێ قەدەغەیا هاتنوچوونێ هاتیە راگەهاندن.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ د پەیامەکێ دا هەڤخەمیا خوە بۆ خێزانا تێکوشەرێ ناڤدارێ رۆژهەلاتێ کوردستانێ جەلیل گادانی دیار دکەت.
سەرۆکێ حوکمەتێ دیار دکەت کو ب مخابنی ڤە نووچێ وەفاتا ماموستا جەلیل گادانی تێکوشەرێ مەزن یێ رۆژهەلاتێ کوردستانێ گەهشتە من.
سەرۆکێ حوکمەتێ دیار ژی دکەت کو هێڤیدارم خودایێ مەزن جهێ خودێ ژێ رازی بکەتە بهەشتا بەرین و سەبر و هەدارێ بدەتە کەسوکار و هەڤالێن وی.
ئه‌ڤرۆ نیوز:
وه‌زیرێ ده‌رڤه‌یێ ئه‌مریكا راگه‌هاند دانوستاندنێن ئه‌تومی یێن دناڤبه‌را ئه‌مریكا و روسیا ده‌ربارێ توخیبداركرنا پرچه‌كرنێ پێشكه‌ڤتنێن به‌رچاڤ بخوڤه دیتینه، هیڤی خازین چین ژی پشكداریێ د ئه‌وان دانوستاندنان دا بكه‌ت.
مایك پومپیو وه‌زیرێ ده‌رڤه‌یێ ئه‌مریكا د كۆنگره‌یه‌كێ رۆژنامه‌ڤانی دا راگه‌هاند ده‌مێ چه‌ند هه‌یڤه‌كانه به‌رپرسێن ئه‌مریكا بزاڤێ دكه‌ن هه‌ر سێ وه‌لاتێن ئه‌مریكا و چین و روسیا كۆ خودانێ مه‌زنترین هێزا ئه‌تومی نه ل جیهانێ، ل سه‌ر مێزا دانوستاندنێ خرڤه ببن بۆ كێمكرنا مه‌ترسیێن ئه‌وی چه‌كی ل جیهانێ.
وه‌زیرێ ده‌رڤه‌ی ئه‌مریكا ئه‌و چه‌نده ژی راگه‌هاند دانوستاندنێن ئه‌تومی یێن دناڤبه‌را واشنتون و موسكویی به‌ره‌ڤ پێشڤه‌چوون ب خوڤه دیتینه، هیڤی خازین چین ژی بریارا پشكداركرنێ د ئه‌وان دانوستاندنان دا بده‌ت.
هه‌یڤا بووری دانوستاندنێن ئه‌تومیێن ئه‌مریكا و روسیا ده‌ربارێ درێژكرنا رێكه‌تنا سترات 3 ل ڤیه‌نا ده‌ستپێكریه كۆ ب مه‌به‌ستا توخیبداركرنێ بۆ خۆ پرچه‌كرنێ واشنتون و موسكویێ ئیمزا ل سه‌ر كر بوو.
ئه‌ڤرۆ نیوز:
بریاره ئه‌ڤرۆ ژماره‌یه‌كا په‌نابه‌رێن عیراقی و كورد تیدانه ژ یونانێ بهێنه دیپورتكرن بۆ عیراقێ.
بریاره ئه‌ڤرۆ 140 په‌نابه‌رێن عیراقی و وه‌لاتیێن هه‌رێما كوردستانێ ژی دناڤا وان دا هه‌نه ب رێكا قونسلخانه‌یا عیراقێ ل یونانێ دێ هێنه ڤه‌گه‌راندن بۆ عیراقێ و پاشی ل فرۆكخانه‌یا به‌غدا دانن و یێن كورد ژی هێنه ره‌وانه‌كرن بۆ فرۆكخانه‌یا هه‌ولێر و سلیمانیێ.
قونسلخانه‌یا عیراقێ به‌رده‌وام د ناڤنڤیسینا ئه‌وان په‌نابه‌رێن عیراقی دایه كۆ ده‌ستا ژ په‌نابه‌ریا خو دئینن و ژ ئه‌وی وه‌لاتی ڤه‌دگه‌رن.
د چارچوڤه‌یێ ڤه‌گه‌راندنا په‌نابه‌رێن عیراقی و كورد ئه‌ڤرۆ 140 په‌نابه‌ر دێ هێنه ڤه‌گۆهساتن بۆ عیراقێ.
ئه‌ڤرۆ نیوز:
په‌یڤدارێ فه‌رمانگه‌ها ساخله‌میا كه‌ركوكێ راگه‌هاند پێنج كه‌سێن دی ل كه‌ركوكێ ب ئه‌گه‌رێ ڤایرۆسێ كورونایێ گیانێ خوه ژ ده‌ست دان.
سامان یابه په‌یڤدارێ فه‌رمانگه‌ها ساخله‌میا كه‌ركوكێ راگه‌هاند: ل كه‌ركووكی 75 كه‌سێن دی توشی كورونایێ بوون و 57 كه‌س ژی ژ ئه‌ڤی ڤایرۆسی رزگار بوون و ساخ بووینه، پێنج كه‌سان ژی ب ئه‌گه‌رێ نه جێگیریا ساخله‌میا وان گیانێ خوه ژ ده‌ست دانه.
ناڤبری ئه‌و چه‌نده ژی دیاركر ل كه‌ركووكێ تا نوكه پێنج هزار و 122 كه‌س تووشی ڤایرۆسێ كورونایێ بوون، ژ ڤان ژی هزار و 422 كه‌س ژ نه‌خوشخانه‌یێ ڤه‌نه و سێ هزار و 437 كه‌س ژی ساخ بووینه و هه‌روه‌سا 263 كه‌سان ژی گیانێ خوه ژ ده‌ست داینه.
ئه‌ڤرۆ نیوز:
پارچه‌ك ڤیدیویه‌ك هاتیه به‌لاڤكرن و دهێته گۆتن ئه‌گه‌رێ سه‌ره‌كی یێ ته‌قینا مه‌زن یا به‌یرۆتێ ئاشكرا بوو.
رۆژا سێ شه‌مبی 4/8/2020 ته‌قینه‌كا مه‌زن و بهێز ل به‌نده‌ره‌كێ به‌یروت روودا و لگۆری دوماهی ئامار، 137 كه‌س هاتینه كوشتن و زێده‌تری پێنج هزار برینداران، ژبلی وێرانبوونا پشكه‌كا باژێری و تێچوونا مال و حالێ زێده‌تری 3000 هزار كه‌سان.
ته‌قین ب مه‌زنترین ته‌قینا ناڤوكی ل سه‌ر عه‌ردی دهێته هژمارتن، چونكو بچووكتر بو ژ ته‌قینا ناڤوكی و زۆر مه‌زنتر بۆ ژ ته‌قینا ئاسایی.
پارچه ڤیدویه‌ك ل تورێن جڤاكی به‌لاڤ بوویه و تێدا هاتیه دیاركرن كۆ به‌ری ته‌قینێ موشه‌كه‌كا ئاراسته‌كری بۆ به‌نده‌رێ كه‌فتیه.
ئەڤرۆ نیوز:
فرۆکێن شەرکەرێن سوپایێ تورکیا چیایێ کورەژاری ل زنجیرا چیایێ مەتینا سنورێ قەزا ئامێدیێ بوردومانکر .
پەیامنێرێ ئەڤرۆ نیوز ل ئامێدیێ ئێقبال عومەر راگەھاند، ل دەمژمێر ۹:٤۰ خولەکێ شەڤێ فروکێن شەرکەرێن سوپایێ تورکیا چیایێ کورەژاری ل هنداڤی باژێرێ شێلادزێ ل زنجیرا چیایێ مەتینا ل سنورێ قەزا ئامێدیێ بوردومانکر .
دادیارکرن ژی، چەندین جهێن دیژی ل دەڤەرا رێکان یا سەر ب ناحیا شێلادزێ ڤە هاتنە بوردومانکرن و تاکو بەهەڤکرنا ڤێ راپورتێ ژی فروکێن تورکیا بەردەوان ل هنداڤی باژێرێ شێلادزێ دگەرن، ئەو جھێ ھاتیە بوردومانکرن سنورێ ناحیا شێلادزێ یە بوردومان لسەرێ چیای و گوندێن پشتا چیایێ کورەژاری بوویە و دوویری ناڤەندێن باژێرانە ناھێتە زانین زیانێن وان بوردومانان چبووینە.
ئەڤە د دەمەکێ دایە، ب بهانەیا ھەبوونا بارەگەیێن چەکدارێن پەکەکێ بەردەوامی ئەڤ دەڤەرە دھێتە بوردومانکرن و ژبەر وێ سەدەمێ ژی ترس و لەرزەکا مەزن ژبەر دەنگێ بهێز یێ بوردومانا فروکان ل دەف وەلاتیان پەیدا بوویە.
ئه‌ڤرۆ نیۆز، عه‌زیز هه‌ورامی:
بڕیاره له هه‌فته‌ی داهاتوو شاندێكی باڵای هه‌رێمی كوردستان بۆ دانوستان ده‌گه‌نه به‌غدا له‌گه‌ڵ شاندی باڵای حكوومه‌تی عێراق كۆده‌بنه‌وه،سه‌رۆكی فڕاكسیۆنی پارتی ده‌ڵێ، چاوه‌ڕێ ده‌كه‌ین له‌م گه‌ری نوێ دانوستانی هه‌ردوو حكوومه‌ت بگه‌نه ڕێكه‌وتنێك له‌به‌رژه‌وه‌ندی هه‌ردوو لایه‌ن.
ڤیان سه‌بری سه‌رۆكی فڕاكسیۆنی پارتی له په‌رله‌مانی عێراق به ئه‌ڤرۆ نیۆزی ڕاگه‌یاند:” دووای پشووی جه‌ژن له هه‌فته‌ی داهاتوو وه‌فدی باڵای حكوومه‌تی هه‌رێمی كوردستان، ده‌گه‌ڕێنه‌وه بۆ به‌غدا بۆ كۆتایی هێنان به دانوستانه‌كان.
ڤیان سه‌بری وتیشی:” ڕێكه‌وتنه‌كان ده‌بێت له‌سه‌ر بنه‌مایی ده‌ستوور و به‌رژه‌وه‌ندی هه‌ردوولایه‌نبێت، هه‌رێمی كوردستان ئاماده‌ی ده‌بڕیوه داهاتی 250 هه‌زار به‌رمیل نه‌وت ڕاده‌ستی به‌غدا بكات له‌به‌رامبه‌ردا به‌شه بوودجه‌ی كوردستان بنێرێت.
ئاماژه‌ی بۆ ئه‌وه‌كرد،ئێمه ئاماده‌ین له‌سه‌ر یاسایی بوودجه‌ی ساڵی 2019 ڕێكه‌وتنه‌كه بكه‌ین به‌وه‌ی ئێمه 250 هه‌زار به‌رمیل نه‌وت ڕۆژانه به به‌غدابده‌ین و ئه‌وانیش بوودجه وه‌ك له‌یاسا هاتووه ڕاده‌ستی هه‌رێمی كوردستانی بكه‌ن.
ئەڤرۆ نیوز:
وه‌زاره‌تا ساخلەمیا هه‌رێما كوردستانێ راگەهاند: 11 كه‌سێن دی ب کۆرۆنایێ وەغەرکریە و 404 كه‌سێن دی تووشی كۆرۆنایێ بووینە، كو پرانیا وان ل هه‌ولێرێ و دهۆكێ نە.
دیسان گۆتیە: 2296 پشكنین هاتینە ئه‌نجامدان و تێدا، ده‌ركه‌فتیە کو 404 كه‌س تووشی كۆرۆنایێ بووینە، كو 218 ژ وان ل هه‌ولێرێ نە و 101 كه‌س ل دهۆكێ و 35 ل سلێمانیێ و 29 ل گه‌رمیان و 21 ل هه‌له‌بجه.
هه‌روه‌سا 160 كه‌سێن دیتر ژی باشبووینە.
ئەڤرۆ نیوز:
عەونی زیاب پەیڤدارێ وەزارەتا ژێدەرێن ئاڤێ ل عیراقێ راگەهاند: مستەفا کازمی سەرۆک وەزیرێ عیراقێ، مەهدی رەشید حەمدانی وەزیرێ ژێدەرێن ئاڤێ ل عیراقێ راستپاردیە ب سەرۆکاتیا شاندەکێ بۆ کۆمبوونەکێ ل گەل تورکیا ب مەرەما ئێکلاکرنا ئاریشێن ئاڤا رووبارێ دیجلە و فوراتی.
هەروەسا گوتیە ژی: عیراقێ گەلەک پێدڤی ب ئاڤێ هەیە، ژبەر وێ چەندێ نەگەهشتنا هەر رێککەفتنەکێ دێ گەلەک زیان گەهیتە عیراقێ.
نيشاندان