ئەڤرۆ نیوز:
پشتی کو هەڤژینا مەنسور ئیشق ئەندامێ پەرلەمانێ تورکیا سەر ب فراکسیۆنا هەدەپێ سکالا ل سەر وی تۆمار کر و راگەهاند کو مەنسور ئیشق توندوتیژی بەرامبەر وێ بکار ئینایە و نها دادگەها بلند یا تورکیا داخوازا هەشت سال سزایێ زیندانێ بۆ مەسنور ئیشق دکەت.
ل ئالیێ دی دوهی جڤاتا ئافرەتان یا هەدەپێ ژی راگەهاند هەکە دادگەه ب بەلگە سەلماند کو گۆتنێن ئیبرو هەڤژینا مەنسور ئیشق راستن دڤێت ئیشق ژ هەدەپێ بهێتە دەرخستن.
ئەڤرۆ نیوز:
بەرپرسەکێ وەزارەتا دەرڤە یا فرەنسا راگەهاند کو سپێدێ رۆژا پێنجشەمبیێ ئیمانوێل ماکرۆن سەرۆکێ فرەنسا دێ سەرەدانا لوبنانێ کەت و ل گەل بەرپرسێن وی وەلاتی کۆمبیت.
پشتی پەقینا ل باژێرێ بەیروتێ رەوشا لوبنانێ گەلەک ئالۆز بوویە و پرانیا وەلاتێن جیهانێ ژی پەقینا ل بەیروتێ شەرمزار کرینە و پشتەڤانیا خوە بۆ خەلکێ لوبنانێ دیار کرینە.
ئه‌ڤرۆنیۆز، سالار دۆسكی:
رێڤه‌به‌رێ رێكخستنا پلێتێن ئاهێن خوارنێ و هه‌ڤده‌م رێڤه‌به‌رێ دابه‌شكرنا ئاهێن خوارنێ ب وه‌كاله‌ت، ئه‌ڤرۆ رۆژا چارشه‌مبی دیاركر كو : سالانه پلێتێن ئاهێن خوارنێ ل به‌غدا دهێنه كوپیكرن و ئه‌ف ساله ژی هاتنه كوپیكرن، ئه‌ف ساله هه‌له‌بجه ژی هاتیه كوپیكرن وه‌ك پارێزگه‌هـ هاتیه هه‌ژمارتن و ئه‌ڤه ژی ده‌سكه‌فته كه، ئه‌ڤرۆ 5/8/2020 پلێت گه‌هشتنه هه‌رێما كوردستانێ و پارێزگه‌ها دهۆك، پشتی ده‌واما فه‌رمی ده‌ست پێ دكه‌ت دێ ل سه‌ر خه‌لكی هێنه به‌لاڤه‌كرن و پلێت ب زمانێ كوردی و عه‌ره‌بی نه.
حسێن سه‌بری عه‌بدوالخالق، رێڤه‌به‌رێ رێكخستنا پلێتێن ئاهێن خوارنێ، رێڤه‌به‌رێ دابه‌شكرنا ئاهێن خوارنێ ب وه‌كاله‌ت گۆت ژی: ل دووف پلێتا ئه‌رزاقی هه‌تا 1/7/2020 ئاكنجیێن دناڤا پارێزگه‌ها دهۆكێ دا دژین ملیۆنه‌ك و 271 هزار و 258 كه‌سن، ئاواره 293هزار 935 كه‌سن و ئه‌ڤ هه‌ژماره ل به‌غدا هاتیه‌دانان و حوكمه‌تا عیراقێ بڤێ هه‌ژمارێ ره‌فتارێ ل گه‌ل كوردستانێ دكه‌ت هه‌تا بۆ چوونا حه‌جێ و دانا بودجێ ئانكو نوكه ملیۆنه‌ك و 565هزار و 193 كه‌س ل دهۆك دژین، هنده‌ك هه‌نه نه‌هاتینه توماركرن دڤێ ئامارێ دا كو پلێتا ئه‌رزاقی یا مووسل یان مادێ 140 یان به‌غدایه به‌لێ ل دهۆك دژیت و ره‌نگه مه‌ره‌مه‌ك هه‌بیت و نه‌ڤێت پلێتا وی یا ئه‌رزاقی بهێته ڤه‌گوهاستن و هه‌تا بۆ هه‌لبژارتنان به‌غدا ب ئه‌فان ژمارا سه‌رده‌ریێ ل گه‌ل دهۆكێ دكه‌ت و یا باوه‌رپێكریه ل جڤاتا وه‌زیران ل به‌غدا.
حسێن سه‌بری ئه‌و ژی گۆت: رێژا دهۆكێ دبیته 29% لدووف ڤێ ژمارێ یا هه‌ولێر 35% یا سلێمانیێ 37% ئه‌ف رێژا دهۆك گه‌له‌ك یا نێزیكی پارێزگه‌هێن دی یه و ئه‌ڤه به‌لگه رێژا دهۆك بڤی ره‌نگی یه و به‌غدا ئه‌ف ژماره هه‌یه.
رێڤه‌به‌رێ دابه‌شكرنا ئاهێن خوارنێ ئه‌و ژی ئاشكراكر كو ل دووف پلێتا ئاهێن خوارنێ سالانه (4) ماده دهێنه دابه‌شكرن (ئار، زه‌یت، برنج، شه‌كر) سالانه ئار(10) هه‌یڤان دهێته دابه‌شكرن، برنج (8) هه‌یڤان، زه‌یت و شه‌كر(7) هه‌یڤان، ئه‌گه‌رێ گیربوونا ئه‌رزاقی ئه‌وه هه‌تا نوكه میزانی بۆ چ وه‌زاره‌تان نه‌هاتیه ته‌رخانكرن.
ئه‌ڤرۆ نیوز:
وه‌زیرێ په‌روه‌رده‌یا حوكمه‌تا هه‌رێما كوردستانێ راگه‌هاند سالا خاندنا 2020-2021 وه‌ك شێوه‌یێ سالا 2019-2020 ره‌هه‌نده‌ك تێدایه ئه‌وژی ره‌هه‌ندێ ساخله‌میێ یه و پێدڤی هه‌لسه‌نگاندنێن ساخله‌میێ نه.
د. ئالان حه‌مه سه‌عید وه‌زیرێ په‌روه‌دێ یێ حوكمه‌تا هه‌رێما كوردستانێ راگه‌هاند بۆ سالا خاندنا نوو وه‌زاره‌ت مژۆلی به‌رنامه‌یه‌كی یه كۆ پێشكێشی جڤاتا وه‌زیران بكه‌ت كۆ ئه‌و ژی تایبه‌ته ب چه‌وانیا ده‌ستپێكرنا سالا نوو یا خاندنێ، سالا خاندنا 2020-2021 هه‌ر وه‌ك سالا 2019-2020 ره‌هه‌نده‌ك تێدایه كۆ ئه‌و ژی ره‌هه‌نده‌كێ ساخله‌میێ یه و پێدڤی ب راوێژ و راوه‌رگرتن و فه‌رمان ده‌رخستنان دبیت ژلایێ جڤاتا وه‌زیرانڤه.
وه‌زیرێ په‌روه‌دێ یێ حوكمه‌تا هه‌رێما كوردستانێ ئه‌و چه‌نده ژی راگه‌هاند ل گه‌ل وه‌زاره‌تا خاندنا بلند پێكڤه به‌رنامه‌یه‌كی پێشكێشی جڤاتا وه‌زیران بكه‌ین ل سه‌ر چه‌وانیا ده‌ستپێكرنا سالا خاندنێ یا 2020-2021 بۆ دانوستاندنێ ل سه‌ر بكه‌ین.
ئه‌ڤرۆ نیوز:
وه‌زاره‌تا ساخله‌میا حوكمه‌تا هه‌رێما كوردستانێ رێنمایین خوه كه‌ره‌نتینه‌كرنا توشبوویێن كورونایێ ل مالێن خوه به‌لاڤ كر و راگه‌هاند پێدڤیه بۆ ده‌مێ 14 رۆژان هه‌كه چ نه‌خوشیه‌ك یان نیشان نه‌بن خو كه‌ره‌نتینه بكه‌ن.
لگۆری نفیسارا فه‌رمیا وه‌زاره‌تا ساخله‌میا هه‌رێمێ ده‌ربارێ رێنمایێن خوه كه‌ره‌نتینه‌كرنێ ل مالین خوه، ئاگه‌هداریا توشبوویان كریه بۆ ده‌می 14 رۆژان خوه كه‌ره‌نتینه بكه‌ن و ل مالێن خو نه چنه ده‌رڤه، پێدڤیه ژووره‌كا به‌رفره‌ها تاكه كه‌سی هه‌لبژێری بۆ خوه كه‌ره‌نتینه‌كرنێ ب وی مه‌رجی هه‌وا پێگوهورك و ته‌والێت و ده‌ست شیشتن تێدا هه‌بن.
وه‌زاره‌تا ساخله‌میا هه‌رێمێ ئه‌و چه‌نده ژی راگه‌هاندیه پێدڤیه ل ده‌مێ 14 رۆژێن كه‌ره‌نتینه‌كرنێ دا ده‌مامك بهێته بكارئینان، دڤێت چارچه‌ڤ و خاولی و جل و به‌رگێن توشبوویی ب ئاڤا گه‌رم 60 پله‌یێن سه‌دی بهێته شیشتن تاكو ب شیێ په‌یوه‌ندیێ ل گه‌ل ئه‌ندامێن خیزانێ كێم بكه‌ن، یێ گه‌شبین به و په‌یوه‌ندیێن جڤاكی بلا ته هه‌بن ب رێكا موبائیلێ ل گه‌ل خوشتڤیێن خوه.
وه‌زاره‌تا ساخله‌میێ رێنمایا توشبوویێن كورونایێ كریه هه‌كه نیشانێن ته‌نگه‌نه‌فه‌س و هه‌ستكرن ب بێ هوش بوونێ و سه‌رگێژ بوونێ و دل رابون و سكچوونێ و بلند بوونا پله‌یا گه‌رماتیێ بۆ 38 پله‌یا سه‌دی په‌یوه‌ندیێ ب هێلا گه‌رما 122 بكه.
ئه‌ڤرۆ نیوز:
عه‌ونی زیاب په‌یڤدارێ وه‌زاره‌تا ژێده‌رێن ئاڤێ یێن عیراقێ راگه‌هاند د ده‌مه‌كێ نێزیك دا دێ دانوستاندنێ ل گه‌ل توركیا ده‌ربارێ ئاڤێن دیجله و فوراتی ده‌ست پێ كه‌ن.
لگۆری داتایێن وه‌زاره‌تێ رێژه‌یا ئاڤێ ژ هه‌ردو رووبارێن دیجله و ورات ل چه‌ند سالێن بوری كێمتر بوویه، په‌یڤدارێ وه‌زاره‌تێ ژی ئاماژه ب وێ چه‌ندێ كر ئه‌گه‌رێ كێم بوونا رێژا ئاڤێ ل ئه‌ڤان هه‌ر دو رووباران ڤه‌دگه‌ریت بۆ كێمیا باران و سه‌قایی.
عه‌ونی زیاب په‌یڤدارێ وه‌زاره‌تا ژێده‌رێن ئاڤێ یێن عیراقێ ئه‌و چه‌ند ژی راگه‌هاند مسته‌فا كازمی سه‌رۆك وه‌زیرێ عیراقێ، مه‌هدی ره‌شید حه‌مدانی وه‌زیرێ ژێده‌رێن ئاڤێ راسپاردیه دانوستاندنان ل گه‌ل توركیا ده‌ربارێ پشكا ئاڤێ ژ هه‌ردو روبارێن دیجله و فورات ده‌ست پێ بكه‌ن، عیراقێ زۆر پێدڤی ب ئاڤێ هه‌یه و هه‌كه نه‌گه‌هشتنه رێكه‌تنێ دێ زیانه‌كا زۆر دیڤ خودا ئینیت، كۆ ل چه‌ند رۆژێن بهێت ب ریكا ڤیدیو كۆنفرانس دانوستاندنێ كه‌ن.
ئه‌ڤرۆ نیوز:
بهایێ پترۆلێ ل بازارێن جیهانی ل چاڤ رۆژێن بوری بلند بوویه.
ئاژانسێن جیهانی به‌لاڤكرن، بهایێ پترۆلێ ئه‌ڤرۆ بلند بوویه ب ئاوایه‌كی بهایێ پترۆلا برێنت ب 44.44 دۆلاران ل بازارێن جیهانی كرین و فرۆتن پێ هاتیه‌كرن، بهایێ به‌رمیلا پترۆلا ئه‌مریكی ژی ب 41.65 دۆلاران كرین و فرۆتن پێڤه هاتیه‌كرن.
بلند بوون و داكه‌تنا بهایێ پترۆلێ د ده‌مه‌كی دایه، ژماره‌یكا ئه‌و وه‌لاتێن بۆ به‌رهنگاربوونا ڤایرۆسێ كورونایێ ل ته‌ڤایا كه‌رتێن پیشه‌سازی و بازرگانیێ راوه‌ستاند بوون، به‌لێ نوكه ب ئه‌گه‌رێ كێم بوونا مه‌ترسیێن كورونایێ، پشكه‌ك ژ چالاكیێن ئابووری ده‌ستپێكر، ئه‌ڤه‌ژی بوو ئه‌گه‌رێ بلندبوونا بهایێ پترۆلێ.
ئەڤرۆ نیوز:
روسیا راگەهاند بوو کۆمپانیێن وەلاتێ وێ ب سەرپەرشتیا وەزارەتا بەرەڤانیێ و ساخلەمیێ ل قوناغێن دوماهیێ دانە بۆ درستکرنا ڤاکسینا کورونایێ و ل هەیڤا تشرینا ئێکێ دێ بەرهەم ئینن، رێکخراواساخلەمیا جیهانی دیارکر بەرهەم ئینانا ڤاکسینێ پێدڤی ب بکارئینانا کۆمەکا بنەمایان د پێخەمەتا پشت راست بوونێ ژ هەبوونا هەر کارتێکرنەکێ هەیە، لەورا داخازێ ژ روسیا دکەت کۆ رێکارێن بەرهەمئینانا ڤاکسینان بکار بینن.
کریستیان لیندمیەر پەیڤدارێ رێکخراوا ساخلەمیا جیهانی راگەهاند هەر ڤاکسین و چارەسەرکرنەک بو ئەڤێ مەبەستێ و پشت راستبوونێ دڤێت ل هەموو تاقیکرنان دا دەرباز بیت بەری رێک پێدانێ.
تێدرۆس ئەدهانوم رێڤەبەرێ رێکخراوا ساخلەمیا جیهانی راگەهاند ژمارەیەکا ڤاکسینان نوکە ل قوناغا سیێ دانە، هیڤی دارین ب شیێن ڤاکسینەکێ کاریگەر بەرهەم بینین کۆ رێکێ ل توشبوونێ بگریت ژ کورونایێ.
ئەڤرۆ نیوز:
د درەنگیا شەفا بوری، جارەکا دی، ب رێکا موشەکێن کاتیوشان، هێرش ل سەر دەڤەرا کەسکا بەغدا هاتەکرن، بالیوزخانا ئەمریکا زەنگا ئاگەهدارکرنێ لێدا.
پشتی هێرشێ دەملدەست هێزێن ئەمنی یێن بەغدا گەهشتنە جهێ روودانێ، دەست ب سەر ناڤەندەکێ دا گرت کۆ گۆمان دهاتەکرن ژ وێرێ هێرش هاتیە ئەنجامدان.
لگۆری گرۆڤان دەرکەت ژ وێ ناڤەندێ هێرشا شەڤابوری یا سەر دەڤەرا کەسک هاتیە ئەنجامدان و بریار بوو هێرشێن دیژی دیڤ دا بهێت.
هێزێن ئەمنی یێن بەغدا ل وێ ناڤەندێ دەست ب سەر حەفت موشەکێن کاتیوشان و جەند ئامیرەکێن دیداگرت.
نيشاندان