ئەڤرۆ نیوز:
ل پارێزگەھا دھۆکێ نەخۆشەکێ پەنجەشێرێ یێ د ژیێ ٨٣ سالیێ دا ب تەمامی ژ کۆرۆنایێ چارەسەربوو.
د. موئەیەد ئەغالی سەرپەرشتێ چارەسەریا نەخۆشێن کۆرۆنایێ ل ھۆکێ راگەهاند: نەخۆشەکێ کۆرۆنایێ د ژیێ ٨٣ سالیێ دا پشتی تووشی کۆرۆنایێ بووی ئەڤرۆ ئەنجامێن وی دەرچوون و دیاربوو ب تەمامی ژ کۆرۆنایێ چێبوویە، هەر چەندە ژبەر دژواریا حالەتێ وی نەخۆشی و بێھنتەنگی لێ بوو، لەوما حەفکا وی ھاتبوو کۆنکرن وەکو پشکەک ژ چارەسەریێ.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند : ژ ئەگەرێ تووشبوونا وان ب نەخۆشیا کۆرۆنایێ دو نەخۆشێن د ژیێن (60-66) سالیێ دا، ل نەخۆشخانا گۆلان ل ئاکرێ وەغەر کرن.
ئێک ژ تووشبوویان پاسەوان بوویە و یێ دیتر کاسبکار بوویە، ل رۆژا 1/8/2020، پشتی سەرەدانا نەخۆشخانێ کرین و نموونە ژێ هاتینە وەرگرتن، بەری دەرچوونا ئەنجامان وەغەر کر.
ئەڤرۆ نیوز ، ئێقبال عومەر:
دکتور نیهاد تتمی بو ئەڤرۆ نیوز دا خوەیاکرن، دڤی دەمێ هەستیاردا و لسەرێ ڤێ دووریانێ پێدڤیە حکومەت و ئیدارا پارێزگەها دهوکێ بریارێ دبەرژەوەندیا گشتی یا خەلکێ خودا بدەن و گوت: (ئەگەر ئیدارا پارێزگەها دهوکێ و لژنا بلند یا بەرهنگاربونا ڤایروسێ کورونایێ ل دهوکێ بریارێن بلەز نەدەن بو رێگریکرن و روبروبونا کورونایێ ل دهوکێ و ب ڤی شێوێ ئەم دبینین یا بەردەوام بیت کو دەرگەهێن سنوری دڤەکریبن و فروکەخانە ئەڤە هاتنە ڤەکرن و هاتن و چوون دناڤ بەرا پارێزگەهادا بەردەوامبیت و خەلک ژی وەکی ئەم دبینین د پێگیر نینن ب رێنمایێت خوپاراستنێ و هەتا نوکە ژی هندەک باوەر ناکەن ڤایروس یێ هەی! و یا ژهەمیا گرنگتر ئەوە ئەم هەمی رەوش و ژێرخانا ساخلەمیێ ل پارێزگەها دهوکێ دزانین د چ ئاستدایە، لەوما ئەم دبینین ئەم یێ ل بەر سنگێ هندەک کارەساتێت مەزن ل ڤی باژێری د روژێن بهێت دا، پاشی گازندە و تومەتبارکرنا کەسێن دی و حکومەتێ ژی هیچ ل رەوشێ ناگهوریت و گەلەک عەزیزێت مە ل بەر چاڤێت مە دێ هێنە ژ دەست دان بێی کو ئەم بشێین چ بو بکەین، و ب ئەگەرێ نەبوونا ژمارا پێویست یا ئامیرێن هەناسێ و نەبوونا رێژا ەێدڤی یا ئوکسجینی ژ بەر وێ ژمارا زور یا نەساخا کو پێدڤی دبن دئێک دەمدا).
زێدەتر گوت: (ئەڤا ل سەری من گوتی دێ هێتە رویدان چو شک تێدا نینە یان ژی بلا ئیدارە و لژنا بلند ل پارێزگەها دهوکێ هندەک بریارێن جدی و وێرەک بدەن د بەرژەوەندیا گشتی یا خەلکی دا و گوه نەدەنە گڤاشتنێن خەلکی و هندەک فەیسبوکچی و کەنالێن نابەرپرس بەلکو گوه بدەنە بسپورا دڤی بواریدا، چنکی هەر ئەو خەلکێ نوکە و بەری نوکە گازندە و رەخنێ دگرن و هەر ئەو کەنال و فەیسبوکچیێن نەرازی ژ بریارێت حکومەتێ بو رێگریکرنێ ل بەلاڤبونا ڤایروسێ کورونا دێ رەخنێ و گازندا ژ حکومەتێ کەن دەمێ قەیرانا ژدەستدانا مروڤا دهێت ب ئەگەرێ نەبوونا ئامیرێن هەناسێ و ئوکسجینا پێدڤی بو وێ رێژا زور یا نەخوشا کو دئێک دەمدا پێدڤی دبنێ و چ ژ کەسێ ناهێت ژ بلی تەماشەکرنێ و چاڤەرێکرنێ).
ئەڤرۆ نیوز:
ل گۆر راپۆرتەکا رۆژناما واشنتۆن پۆست پشتی کو ئەمریکا دەست ب سزادانا رژێما بەشاری کری نها رەوشەکا نوو ل سووریێ هاتیە پێش و ئەمریکا ب رەنگەکێ ئاشکرا داخواز ژ روسیا کریە کو بەشاری نەچار بکەت هەلویستێ خوە ب گوهۆریت و ب تایبەتی ژی ئەمریکا دڤێت بەشاری و روسیا نەچار بکەت دا هێزێن سەر ب ئیرانێ ژ سووریێ دەرخینن.
ل ئالیێ دی ئەمریکا نها گرنگیەکا مەزن ژی ددەتە باکورێ سووریێ و هێزێن کوردی و وان وەکو کارتەکا ب هێز ل دژی روسیا و بەشاری بکار دئینیت، ژ بەر هندێ ژی دێ گوهۆرینێن نوو ل سووریێ روو دەن.
ئەڤرۆ نیوز:
کۆمپانیا ئاڤراسیا یا راپرسیان ل تورکیا راگەهاند کو هەکە نها ل تورکیا هەلبژارتن بهێنە کرن رێژا دەنگێ ئاکپارتیێ ٣٤% یە و رەنگە کێمتر ژی بیت و رێژا دەنگێ پارتا کۆماری ژی گەهشتیە ٢٨% و هەکە پارتا کۆماری ل گەل هەدەپێ و پارتا باش رێککەفتنەکێ بکەت دێ ب ساناهی ئەردۆگان ژ دەستهەلاتێ هێتە دوورخستن.
کەمال ئۆز کیراز سەرۆکێ کۆمپانیا ئاڤراسیا یا راپرسیان دیار ژی کر کو ژ بەر شەرێ ل لیبیا، سووریێ و دەستێوەردانێن ئەردۆگانی د کاروبارێن وەلاتێن دی تورکیا تووشی قەیرانەکا مەزن یا ئابووری هاتیە و وەلاتی رۆژ ب رۆژێ پتر ژ ئاکپارتیێ دوور دکەڤن، ب تایبەتی ژی ل دەڤەرێن کوردی ئێدی کەس دەنگێ خوە نادەتە ئاکپارتیێ.
ئەڤرۆ نیوز:
رێڤەبەریا خوەسەر یا رۆژئاڤایێ کوردستانێ ب ئاگەهداریا ئەمریکا رێککەفتنەکا دەمدرێژ د بیاڤێ پەترۆلێ دا ل گەل کۆمپانیا دەلتا کرێسینت ئینێرجی یا ئەمریکی ئیمزا کر و وەزیرێ دەرڤە یێ ئەمریکا ژی راگەهاند کو رێککەفتن ب ئاگەهداریا وان هاتیە کرن و سەرۆکێ ئەمریکا دۆنالد ترامپ ژی پشتەڤانیێ ل وێ رێککەفتنێ دکەت.
ل گۆر رێککەفتنێ دێ کۆمپانیا ئەمریکا کارێ وەبەرهێنانا پەترۆلێ ل رۆژئاڤایێ کوردستانێ و دەڤەرێن دی یێن ل ژێر کۆنترۆلا هەسەدێ دا زێدەتر لێ کەت و دێ پەترۆلێ فرۆشیت.
ئەمریکا بەری نها دیار کریە کو هێزێن وان ل دەڤەرێن پەترۆلێ ل رۆژئاڤایێ کوردستانێ و باکورێ سووریێ هاتینە بجهکرن و رێ نادەن داعش، رژێما بەشاری و چو هێزێن دی بیرێن پەترۆلێ کۆنترۆل بکەن.
ئه‌ڤرۆ نیوز:
گه‌شتێن ئاسمانی ل فرۆكخانه‌یێن هه‌رێما كوردستانێ دێ ده‌ست پێ كه‌ن، د ئه‌ڤێ هه‌فتیێ دا بده‌هان فرۆكه‌یان گه‌شتیاران ڤه گۆهێزن.
ئانو جه‌وهه‌ر وه‌زیرێ ڤه‌گۆهاستنێ و گه‌هاندنێ یا حوكمه‌تا هه‌رێما كوردستانێ راگه‌هاند بریاره د ئه‌ڤێ هه‌فتیێ دا 120 گه‌شت ژ هه‌ردو فرۆكخانه‌یین هه‌ولێرێ و سلێمانیێ بهێنه ئه‌نجام دان.
تاهر عه‌بدلا رێڤه‌به‌رێ فرۆكخانه‌یا سلیمانیێ راگه‌هاند پێدڤیه گه‌شتیار پێگیری ئه‌وان رێكارێن ساخله‌میێ بن، كۆ هاتینه دیاركرن، هه‌فتیا بوری ته‌ڤایا كۆمپانیێن فرۆكه‌ڤانیی هاتینه ئاگه‌هداركرن كو ده‌ست ب بجهكرنا ته‌ڤایا رێنمایێن لژنا بلندا به‌رهنگاربوونا كورونایێ ل هه‌رێمێ و رێنمایێن حوكمه‌تا عیراقێ بكه‌ن.
ئه‌ڤرۆ نیوز:
ل جیهانێ نێزیكی 18 ملیۆن كه‌سان تووشی ڤایرۆسێ كورونایێ بوون و زۆریا وان ژی ساخ بووینه.
لگۆری داتایێن فه‌رمی، ژماره‌یا توشبوویێن ڤایرۆسێ كورونایێ ل جیهانێ گه‌هشته 17 ملیۆن و 778 هزار و 276 كه‌سان.
هه‌روه‌سا ژ ئه‌ڤێ ژماره‌یێ ژی 11 ملیۆن و 177 هزار و 85 كه‌س ساخ بووینه، 683 هزار و 278 توشبوویان ژی گیانێ خوه‌ژ ده‌ست دایه.
ئه‌مریكا ئێكه‌م وه‌لاته ل سه‌ر ئاستێ جیهانێ كۆ 4 ملیۆن و 706 هزار و 59 توشبوو تێدا هاتینه توماركرن، 2 ملیۆن و 328 هزار توشبوو ژی ساخ بووینه و ژماره‌یا توشبوویێن گیانێ خوه ژ ده‌ست داین گه‌هشتیه 156 هزار و 752 .
ئه‌ڤرۆ نیوز:
وه‌زاره‌تا ساخله‌میا عیراقێ راگه‌هاند 700 ئامیرێن هه‌ناسه‌دانا ده‌ستكرد ره‌وانه‌یی فه‌رمانگه‌هێن ساخله‌مییێ ل به‌غدا و پارێزگه‌هێن دی كرینه.
د راگه‌هاندنا وه‌زاره‌تا ساخله‌میا عیراقی دا هاتیه، عه‌لی به‌داوی رێڤه‌به‌رێ گشتیێ كۆمپانیا كرین و فرۆتنا ده‌رمان و پێدڤیێن نوژداری راگه‌هاندیه كۆمپانیێ ده‌ست ب پارڤه‌كرنا 700 ئامیرێن هه‌ناسه‌دانا ده‌ستكرد ژ جورێ (CPAP) ب سه‌ر ته‌ڤایا فه‌رمانگه‌هێن ساخله‌میێ دا ل عیراقێ كریه.
د ئه‌وێ راگه‌هاندنێ دا هاتیه، پارڤه‌كرنا ئه‌وان ئامیران ب مه‌به‌ستا به‌رهنگاربوونا ڤایرۆسێ كورونایێ و بكارئینان وان بۆ توشبوویێن ڤایرۆسی، ئه‌ڤه‌ژی پشتی گه‌هشتنا 500 ئامیران ژ كۆمپانیه‌كا وه‌به‌رهێنانا فه‌ره‌نسی و 200 ئامیرێن دی یێن ژلایێ كۆمپانیه‌كا سویدی ڤه .
د راگه‌هاندنا وه‌زاره‌تا ساخله‌میا عیراقێ دا هاتیه، 50 ئامیرێن دی ژی یێن هه‌ناسه‌دانا ده‌ستكرد ژ جورێ VENTELATER هاتینه پارڤه‌كرن، كارێن وان به‌رده‌وامن ل سه‌ر دابینكرنا ئامیرێن نوژداری بۆ ته‌ڤایا فه‌رمانگه‌هێن ساخله‌میێ یێن سه‌ر ب وه‌زاره‌تێ.
ئه‌ڤرۆ نیوز:
دونالد ترمپ سه‌رۆكێ ئه‌مریكا راگه‌هاند دێ بریارنامه‌یه‌كێ بۆ قه‌ده‌غه‌كرنا تورا جڤاكی یا بناڤێ تیك توك ئیمزا كه‌ت.
ترمپ سه‌رۆكێ ئه‌مریكا ل ده‌مێ ڤه‌گه‌ریا خو ژ ویلایه‌تا فلوریدا بۆ واشنتون و دناڤ فرۆكه‌یێ دا بۆ رۆژنامه‌ڤانان راگه‌هاند ده‌مه‌كێ زۆره هزر ل گرتنا ری یێن دژی تورا جڤاكی یا تیك توكی دكه‌م، دێ تیك توكی ل ئه‌مریكا قه‌ده‌غه كه‌ین.
سه‌رۆكێ ئه‌مریكا ئه‌و چه‌نده ژی دیاركر نوكه ل ده‌سه‌لاتا ئابووری ره‌وشێن ژنشكه‌كێ ڤه پی هاتینه راسپاردن و بۆ قه‌ده‌غه‌كرنا تیك توكی ژی په‌نایی به‌ینه به‌ر بكار ئینانا ئه‌وێ ده‌سه‌لاتێ، یان بریارنامه‌یه‌كا سه‌رۆكاتیێ ئیمزایێ ل سه‌ر كه‌م.
نيشاندان