ئەڤرۆ نیوز:
هانس کلوگ رێڤەرێ پشکا ئورۆپا یا رێکخراوا ساخلەمیا جیهانێ دیار کرن کو دەمەکە ل ئورۆپا گەنج ب رەنگەکێ بەرچاڤ تووشی ڤایرۆسێ کۆرۆنایێ دبن، ئانکۆ رێژا تووشبوونا گەنجان ب کۆرۆنایێ زێدەتر لێ هاتیە و ئەو یەک ژی نیشا ددەت کو پێلا دویێ یا کۆرۆنایێ گەهشتیە ئورۆپا و دڤێت بەرهەڤیێن باش بۆ پاراستنا وەلاتیان بهێنە کرن.
بەری نها بەرپرسەکێ رێکخراوا ساخلەمیا جیهانێ دیار کربوو کو ئەو پێشبینی دکەن پێلا دویێ یا کۆرۆنایێ ژ یا ئێکێ پتر مەترسیا خوە بۆ جیهانێ هەبیت.
ئەڤرۆ نیوز:
رێڤەبەرێ وەبەرهێنانێ ل دهۆكێ دیاركركو ئەڤرۆ 29/7/2020ێ ل دهۆكێ كۆمبوونەك ل سەر كێمكرنا بهایێن خزمەتگوزاریێن یەكێن ئاكنجیبوونێ دهێتە ئەنجامدان.
كوردۆ ئێحسان، رێڤەبەرێ وەبەرهێنانێ ل دهۆكێ بۆ (باسنیوز) دیار كر كو: “بهایێن خزمەتگوزاریێن یەكێن ئاكنجیبوونێ ب رێژا 30% هەتا رێژا 50% دهێنە كێمكرن ل سنۆری پارێزگەها دهۆكێ بۆ هەموو پرۆژەیێن وەبەرهێنانێ یێن هاتینە ئاڤاكرن كو هەموو دهێنە رێكخستن بتایبەتی ژی بهایێن خزمەتگوزاریان یێن ژ وەلاتیان دهێتە وەرگرتن دێ دووڤ جۆری و خزمەتێن پرۆژی و رێنمایێن حكومەتا هەرێما كوردستانێ بیت بەرێ نۆكە لیژنا هاتێنە پێكئێنان بۆ دوڤچوونا هەموو خزمەتیێن ناڤ پرۆژی دا بۆ وەلاتیان دهێنە پێشكیشكرن ورووبەرێ كەسكاتیی دەمێ وەلاتیی پارە دەن بزانن بەرامبەر چ وێ پارەیێ دەن”.
ئاشكەرا كر كو: “ررووبەرێ یەكێن ئاكنجیبوونێ چونكو هەموو یەكێن ئاكنجیبوونی یێن وەبەرهێنەران چێكرن رووبەر ئێك نێنە هەر هندەك هەنە رووبەرێ وان گەلەك وهندەك هەنە ژی رووبەر وان یێ كێمە لەورا ئەڤرۆ كە دێ كومبوونەك بەرفرەه لسەر ئاستی پارێزگەها دهێتە ئەنجامدان بۆ رێكخستنا وان و كێمكرنا بهایێ خزمەتان”.
كوردۆ ئێحسان بۆ (باسنیوز) گۆت: “ل دهۆكێ 41 پرۆژەیێن هەنە یێن وەبەرهێنەران كو یەكێن ئاكنجیبوونێ تێدا هاتینە ئاڤاكرن نۆكە ئەم ل سەر رێكخستن و پولینكرنا ڤان پرۆژان دێ راوەستن پێخەمەت خزمەتكرنا وەلاتیان”.
ئەڤرۆ نیوز:
پەیڤدارێ حوکمەتا هەرێما کوردستانێ راگەهاند کو رۆژا هەینی ٣١/٧/٢٠٢٠ هەتا رۆژا سێ شەمبیێ ٤/٨/٢٠٢٠ ل هەموو دەم و دەزگەهێن حوكمەتا هەرێما کوردستانێ دێ بیتە بێهنڤەدان ژ بەر جەژنا قوربانێ و رۆژا چارشەمبیێ دێ دەوام دەستپێ کەت.
د. جوتیار عادل ئەو یەک ژی دیار کر کو داخواز ژ هەموو وەلاتیان دکەین د رۆژێن جەژنێ دا ژ بۆ پاراستنا خوە ژ ڤایرۆسێ کۆرۆنایێ پێگیریێ ب رێنمایێن ساخلەمیێ بکەن.
ئه‌ڤرۆ نیوز:
رێكخراوا ساخله‌میا جیهانی هوشداریا وه‌رنه‌گرتنا رێكارێن به‌رهنگاربوونا ڤایرۆسێ كورونایێ ل وه‌رزێ هاڤینێ دا،ته‌ئكید كر ڤایرۆس وه‌رزی نینه و ئێك پێلا مه‌زنه.
مارگرێت هاریس په‌یڤدارا رێكخراوا ساخله‌میا جیهانی راگه‌هاند تانوكه خه‌لك هزر دكه‌ن ڤایرۆس وه‌رزی یه، ئه‌ڤه دڤێت ل ئه‌وێ چه‌ندێ تێبگه‌هین ره‌فتارێن ڤایرۆسێ نوو جودایه، پێدڤیه هشیار بین ژ بجهكرنا رێ و ئاوایێن پاقژكرنا جهان ژ ڤایرۆسی، چونكو ب رێكا كۆمڤه‌بوونێن مه‌زن به‌ربه‌لاڤ دبیت.
مارگرێت هاریس هوشداریا ئه‌وێ چه‌ندێ ژی دا كۆ دڤێت هزر ل هاتنا چه‌ند پێله‌كێن دی یێن ڤایرۆسی بهێته‌كرن، كورونا دێ ئێك پلا مه‌زن بیت و ژماره‌یا توشبوویان بلند بیت و ناڤ به‌ین كێم بیت، باشترین رێك ئه‌وه پێلێن وێ بهێنه لاوازكرن و كارتێكرنێن وێ بهێنه كێمكرن.
ئه‌ڤرۆ نیوز:
ئه‌مینداریا جڤاتا وه‌زیرێن عیراقێ ب هه‌لكه‌فتا هاتنا چه‌ژنا قوربانێ و بلندبوونا پله‌یێن گه‌رماتیێ، بۆ ده‌مێ هه‌فتیه‌كێ بهێنڤه‌دان راگه‌هاند.
ئه‌مینداریا جڤاتا وه‌زیرێن عیراقێ د راگه‌هاندنه‌كێ دا راگه‌هاند ته‌ڤایا رۆژێن هه‌فتیا بهێت دێ بهێنڤه‌دانا فه‌رمی بیت ل فه‌رمانگه‌هێن حكومی، ئه‌ڤه ژی ب ئه‌گه‌رێ هاتنا چه‌ژنا قوربانا پیرۆز و بلند بوونا پله‌یێن گه‌رماتیێ بۆ 50 پله‌یێن سیلیزی.
به‌ریا نها لژنا بلندا ساخله‌می و سلامه‌تیا نیشتمانی بۆ به‌رهنگاربوونا ڤایرۆسێ كورونایێ داخاز ژ جڤاتا وه‌زیران كربوو پێداچوونێ د بریارا راگه‌هاندنا قه‌ده‌غه‌یا هاتنوچونێ دا بكه‌ت، ژبوی وه‌لاتی زێده‌تر پێگیری رێنمایێن ساخله‌میێ بن.
ئه‌ڤرۆ نیوز:
فه‌رمانده‌یه‌كێ بلندێ سوپایێ عیراقێ د هێرشه‌كا تیرۆریستی دا بۆ سه‌ر بنگه‌هه‌كێ سه‌ربازی ل پارێزگه‌ها ئه‌نبار هاته كوشتن.
فه‌رمانده‌یا ئوپراسیونێن هه‌ڤبه‌ش، نوچه‌یی كوشتنا ئه‌حمه‌د لامی فه‌رمانده‌یێ لیوا 29 یا فیرقه‌یا 7 یا سوپایێ عیراقێ ل پاژێرێ هیت راگه‌هاند.
فه‌رمانده‌یا ئوپراسیونێن هه‌ڤبه‌ش ئه‌و چه‌نده ژی راگه‌هاند د وێ هیرشا شه‌ڤا بووری دا تیرۆریستان بۆ سه‌ر بنگه‌هه‌كی سه‌ربازی ل باژێرێ هیت ئه‌نجامدا، ژبلی ئه‌حمه‌د لامی، ئه‌فسه‌ره‌كێ دی ژی یێ ب پله‌یا میلازم ئێك و دو سه‌ربازێن دی یێن عیراقی هاتنه كوشتن.
ئه‌ڤرۆ نیوز:
ئه‌ڤرۆ رێ و ره‌سمێن حه‌جێ و رێكارێن خوه پاراستنێ ژ ڤایرۆسێ كورونایێ ده‌ستپێكرن.
ئه‌ڤ سال ب ئه‌گه‌رێ به‌ربه‌لاڤبوونا ڤایرۆسێ كورونایێ، سعودیێ بریار دا بتنێ رێكێ بده‌ته 10 هزار ئاكنجیێن وه‌لاتێ خوه پشكداریێ ل حه‌جێ دا بكه‌ن، ئه‌ڤه ژی د ده‌مه‌كی دایه كۆ سالا بووری نێزیكی دو ملیۆن و 500 هزار حاجیان پشكداری كربوو.
وه‌زاره‌تا حه‌ج و عومره‌یا سعودیێ ب هه‌ڤكاری ل گه‌ل وه‌زاره‌تا ساخله‌میێ، رێ و رێكارێن ساخله‌میێ یێن پێدڤی بۆ پاراستنا حه‌جیان بكار ئیناینه.
حه‌جیێن ئه‌ڤ سال د ده‌مه‌كیدا بریڤه دچن كۆ زێده‌تری 663 هزار كه‌سان ل جیهانێ ب ئه‌گه‌رێ ڤایرۆسێ كورونایێ گیانێ خوه ژ ده‌ست داینه.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند: پێنج تووشبوویێن دی یێن ڤایرۆسێ کۆرۆنایێ ل دهۆکێ کو د نەخوەشخانێدا بوون، پشتی هەموو پشکنین بۆ ئەوان هاتینە کرن، دیاربوو کو ب تەمامی چارەسەربووینە و ب سلامەتی ژ نەخوەشخانێ دەرکەفتن و چوونە د ناڤ کەسوکارێن خوە دا.
هەروەسا گۆتیە: ب ڤێ چەندێ هژمارا چارەسەربوویان گەهشتنە 336 کەسان و ب تنێ 88 نەخۆش د نەخۆشخانێدا ماینە.
ئەڤرۆ نیوز:
وەزارەتا ساخلەمیا هەرێما کوردستانێ ئامارێن نوو یێن کۆرۆنایێ بەلاڤکرن و گوتیە: 302 تووشبوویێن دی یێن کۆرۆنایێ هاتنە دەستنیشان کرن، 225 تووشبوویی چێبووینە و هەشت تووشبوویا ژی وەغەرکریە.
هەروەسا گۆتیە: دو هزار و 295 پشکنینێن تایبەت بۆ ڤایرۆسێ کۆرۆنایێ هاتینە کرن، ئەنجامێن پشکنینێن 302 کەسان پۆزەتیڤ بووینە و ژ وات ژی 139 ل هەولێرێ بووینە، 54 ل سلێمانیێ، 42 ل ئیدارا راپەرین، 28 ل ئیدارا گەرمیان، 24 ل دهۆکێ و 15 ل هەلەبجە.
هەروەسا 225 تووشبوویی چێبووینە کو 62 ل هەولێرێ نە، 134 ل سلێمانیێ، 9 ل گەرمیان، 15 ل هەلەبجە و 5 ل دهۆکێ.
نيشاندان