ئەڤرۆ نیوز:
ل دۆر شەر و ئالۆزیێن د ناڤبەرا ئازەربایجان و ئەرمەنستانێ دا سەرۆک کۆمارێ تورکیا دیار کو ئەو ب هەموو رەنگەکێ پشتەڤانیێ ل ئازەربایجانێ دکەن و هۆشداری ژی دا ئەرمەنستانێ کو نەبیتە ئەگەرێ دژواربوونا شەری.
ل ئالیێ دی عەباس موسەوی پەیڤدارێ وەزارەتا دەرڤە یا ئیرانێ ژی راگەهاند کو ئیرانێ پەیوەندی ل گەل هەر دو وەلاتان هەنە و داخواز ژ هەر دو ئالیان ژی کریە کو شەرێ نها رابگرن و ب رێیا دانوستاندنان پرسێن هەی چارەسەر بکەن و ئیرانێ بەرهەڤیا خوە دیار ژی کریە کو ب رۆلێ خوە وەکو ناڤبژیڤان رابیت.
ئەڤرۆ نیوز:
سەرۆک مەسعود بارزانی پێشوازی ل جان لودریان وەزیرێ دەرڤە یێ فرەنسا کر و د کۆمبوونێ دا بەحسێ پەیوەندیێن فرەنسا و هەرێما کوردستانێ هاتە کرن.
هەژی ئاماژەپێدانێ یە کو وەزیرێ دەرڤە یێ فرەنسا دوهی سەرەدانا بەغدا کر و پاشی ژی هاتە هەولێرێ و ل گەل سەرۆکێ هەرێما کوردستانێ و سەرۆک وەزیرێن هەرێما کوردستانێ ژی کۆمبوو.
ئەڤرۆ نیوز:
راگه‌هاندنا به‌ره‌ڤانیا باژێرى دیاركركو ئه‌ڤرۆ سپێدێ هژماره‌كا كابینه‌یێن ئاواران ل كه‌مپا قادیا هاتنه سوتن وزیانێن گیانى نه‌بوون بتنى زیانێن دارایێ هه‌بووینه.
بێوار عه‌بدولعه‌زیز، رێڤه‌به‌رێ راگه‌هاندنێ ل رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ دیاركركو حه‌فت كابینه‌یێن ئاواران دبنه یێن 9 خێزانیێن ئاواران ل كه‌مپا قادیا هاتنه سوتن و پشتى تیمین به‌ره‌ڤانیا باژێرى لسه‌ر روودانا سوتنا كه‌مپا قادیا هاتینه ئاگه‌هدار كرن بنگه‌هێ گه‌لیێ زاخۆ ل جهێ روودانێ ئاماده‌بوون وشیان كونترولێ لسه‌ر ئاگرى بكه‌ن ونه‌هێلن زیانێن زێده‌تر بگه‌هنه ئاواران.
ئه‌ڤ روودانا ئاگربه‌ربوونێ ژ ئه‌نجامێ شۆرته‌كێ كاره‌بێ چیبوویه
ئه‌ڤرۆ نیوز:
یانا ریال مه‌درید بۆ جارا ٣٤ شیا ناسناڤێ خۆلا ئیسپانیا ب ده‌ستخوڤه بینیت، ده‌مێ به‌ری ده‌مه‌کێ کێم شیا سه‌رکه‌فتنێ ل سه‌ر یانا ڤیاریال تۆمار بکه‌ت ب دو گولان به‌رامبه‌ر گوله‌کێ ژ چارچوڤێ یاریێن گه‌را ٣٧ ژ خولا ئیسپانی، هەروەسا ریال شیا ناسناڤێ خۆلێ مسوگه‌ر بکه‌ت به‌ری ب دووماهیی هاتنا خولێ ب یاریەکێ.
ژلایه‌کێ دیڤه به‌رشه‌لونا به‌ردوامی دا ئه‌نجامێن خوه یێن لاواز ل ڤێ دووماهیێ ده‌مێ ل یاریگه‌ها خوه ل گه‌ل یانا ئوساسونا خوساره‌ت بووی ب دو گولان به‌رامبه‌ر گوله‌کێ ب ڤی ئه‌نجامی ریال شیا ناسناڤی مسوگه‌ر بکه‌ت و رێزا ئێکێ پاراست ب ٨٦ خالان و به‌رشه‌لونا خالێن خوه گه‌هاندنه ٧٩ خالان.
ئەڤرۆ نیوز:
سەرۆك وەزیرێن عیراقێ مستەفا كازمی راگەهاند: ل دەمەكێ نێزیك دێ ژڤانێ ئەنجامدانا هەلبژارتنێن پێشوەخت هێتە دیار كرن.
هەروەسا داخواز کریە پرۆسەكا دوور ژ سەختەكاریێ بهێتە ئەنجامدان و كۆمسیۆنا هەلبژارتنان ژی ب شێوەكێ بێلایەن و سەربخۆ كار بكەت.
ئەڤ داخۆیانیا مستەفا كازمی د دەمەكێ دایە، کو چەند هێز و ئالی یێن سیاسی یێن عیراقی ل سەر هەردو ئاستێن جەماوەری و پەڕلەمانی دەست ب هەلمەتەكێ كریە. ژ پێخەمەت حوکمەتا وی شکەستنێ بینیت.
ئەڤرۆ نیوز:
وەزارەتا ساخلەمیا ھەرێمێ راگەھاند: د شەڤ و رۆژەکێ دا ١٥١ حالەتێن نوو یێن کۆرۆنایێ و ١١٨ حالەتێن چێبوونێ و ١١ حالەتێن وەغەرکرنێ ھاتینە تۆمار کرن.
ئەڤرۆ پێنجشەمبێ، وەزارەتا ساخلەمیا ھەرێمێ راگەھاند ژی: د دەما ۲٤ دەمژمێرێن بوری دا ١٥١ حالەتێن نوویێن توشبوون ب کۆرۆنایێ ھاتینە تۆمار کرن، کو ٦٤ ژ وان ل سلێمانیێ، ٢٤ ل هەولێرێ، ٤٤ ل دەڤەرا گەرمیان، ١٣ ل حەلەبچە و ٦ ژی ل دهۆکێ.
هەروەسا دیار کریە: ١١٨ کەسێن دی ژی ژ نەخۆشیێ چێبووینە، کو ٥٢ حالەت ژ وان ل هەولێرێ، ٥ ل سلێمانیێ، ٧ ل گەرمیان، ٢٩ راپەرین و ١٥ ل حەلەبجە و ١٥ ل دهۆکێ.
دیسان ١١ حالەتێن وەغەرکرنێ هاتینە تۆمار کرن، کو ٤ ل هەولێرێ و ٥ ل سلێمانیێ و دو ل گەرمیان بووینە.
ھەتا نوکە ١٠ ھزار و ٢٦٥ حالەتێن کۆرۆنایێ ل ھەرێمێ ھاتینە تۆمار کرن و ژ وێ ژمارێ ژی ٥ هزار و ٦٠٠ کەس ژی ژ نەخۆشیێ چێبوونە و ٣٨١ کەسان ژی وەغەر کریە.
ئەڤرۆ نیوز:
رێڤەبەریا پۆلیسێن پارێزگەها سلێمانیێ دیار کر: وان باندەکێ هەشت کەسی گرتینە، کو کارێ وان بازرگانی بوویە ب لەشێ مرۆڤان.
ڕێڤەبەریا پۆلیسێن سلێمانیێ ڕاگەهاند ژی: زانیاری گەهشتینە وان دەربارەی باندەکێ بازرگانیکرنێ ب لەشێ مرۆڤان، پشتی وەرگرتنا بریارا دادوەری بنگەهێ پۆلیسێن سەرچنار هاتینە ئەرکدارکرن بۆ دیتن و دەستەسەرکرنا تومەتباران.
هەروەسا گۆتیە: پشتی ڤەکۆلینێ و لێگەریان و دووڤچوونێ، ئەو شیاینە هەشت تومەتباران دەستەسەر بکەن، کو کارێ وان بازرگانیکرن بوویە ب گۆلچیسکێن مرۆڤان.
ئەو ژی گۆتیە: ب فەرمانا دادوەری و لدووڤ قانوونا بازرگانیکرنێ ب ئەندامێن لەشێ مرۆڤان، هاتینە راگرتن و تۆمەتباران ژی دانپێدان ب تاوانا خوە کریە.
ئەڤرۆ نیوز:
وەزارەتا ساخلەمیا عیراقێ راگەهاند: دو هزار و ٤٣ حالەتێن نوو یێن کۆرۆنایێ، هزار و ٦١٧ حالەتێن چێبوونێ و ٧٢ حالەتێن مرنی هاتینە تۆمار کرن.
ئەڤرۆ پێنجێشەمبێ وەزارەتا ساخلەمی و ژینگەهـا عیراقێ راگەهاند: د ٢٤ دەمژمێرێن بورى دا، دو هزار و ٤٣ حالەتێن نوو یێن کۆرۆنایێ هاتینە تۆمار کرن، کو ٦٦٤ حالەت ل بەغدایا پایتەخت بووینە.
هەتا نوکە ٨٦ هزار و ١٤٨ کەس ل عیراقێ تووشی ڤایرۆسێ کۆرۆنایێ بووینە، ژ وێ هژمارێ ژی سێ هزار و ٥٢٢ کەس مرینە، ٥٤ هزار و ٣١٦ کەس ژی چێبووینە.
ئەڤرۆ نیوز، زنار تۆڤی:
لژنا بلند یا بەرهنگاربوونا کۆرۆنایێ ل عیراقێ چەند بڕیارەک دەربارەی قەدەغەیا هاتنوچوونێ و رێکارێن نوو بۆ رێگریێ ل بەلاڤبوونا ڤایرۆسێ کۆرۆنایێ دەرکرن و گۆتیە: پشتی جەژنا قوربانێ دێ قەدەغەیا هاتنوچوونێ هێته راکرن و ل 23 تەموزێ ژی دێ فڕۆکخانە هێنە ڤەکرن و دەستپێکرنا گەشتان دێ هەرێما کوردستانێ ژی ڤەگریت.
وەزارەتا ڤەگوهاستن و گەهاندنا هەرێما کوردستانێ گوتیە: ڤەکرنا فڕۆکخانێن عیراقێ و هەرێما کوردستانێ، دێ لدووڤ مەرج و رێنمایێن خۆپارێزیێ و ساخلەمیێ بیت، ئەڤە ژی ژ پێخەمەت پاراستنا وەلاتیان و گەشتیاران.
هەروەسا دیار کریە: قەدەغەیا نوو یا هاتنوچوونێ دێ ل دەمژمێر 9:30 خولەکێن شەڤێ دەستپێکەت و هەتا دەمژمێر 6:00 سپێدێ دێ بەردەوام بیت، هەڤدەم مۆل دێ ب رێنمایێن ساخلەمیێ هێنە ڤەکرن.
نيشاندان