ئه‌ڤرۆ نیوز:
لگۆری دوماهی ئامارێن جیهانی ل سه‌ر ژماره‌یا توشبوویێن ڤایرۆسێ كورونایێ گه‌هشته 12 ملیۆن و 170 هزارو 572 كه‌س، ژ ئه‌ڤێ ژماره‌یێ ژی 7 ملیۆن و 69 هزار و 288 توشبویی ساخ بووینه و 552 هزار و 112 توشبوویێن دی ژی گیانێ خوه ژ ده‌ست داینه.
ل سه‌ر ئاستێ جیهانێ، ئه‌مریكا پله‌یا ئێكێ دێت كۆ سێ ملیۆن و 158 هزار و 932 توشبوویی هاتینه توماركرن و ژ ئه‌ڤێ ژماره‌یێ ژی ملیۆنه‌ك و 392 هزار و 679 كه‌س ساخ بووینه و 134 هزار و 862 كه‌سان ژی گیانێ خوه ژ ده‌ست دایه.
ئه‌ڤرۆ نیوز:
شانه‌یا به‌رهنگاربوونا ڤایرۆسێ كورونایێ و قه‌یرانان ل جڤاتا نوونه‌رێن عیراقێ داخازا قه‌ده‌غه‌یا هاتنوچونا ئێكجاره‌كی بۆ ده‌مێ 14 رۆژان دكه‌ت.
فالح زیادی په‌یڤدارێ شانه‌یێن قه‌یرانان راگه‌هاند: عیراق د ریب ری بوونا به‌لاڤ بوونا ڤایرۆسێ كورونایێ گه‌هشته ئاستێ سیێ و ره‌وش زۆر مه‌ترسیداره، بۆ رێگرتن ژ زێده‌بوونا ژماره‌یا توشبوویێن ڤایرۆسی لژنا ساخله‌میێ ل جڤاتا نوونه‌رێن عیراقێ داخازا قه‌ده‌غه‌كرنا هاتنوچونێ یا ئێكجاره‌كی ل سه‌ر ئاستێ عیراقێ بۆ ده‌مێ 14 رۆژان دكه‌ت.
تا نوكه 67 هزار و 441 كه‌س ل عیراقێ تووشی ڤایرۆسێ كورونایێ بووینه و ژ ئه‌ڤێ ژماره‌یێ ژی دو هزار و 779 كه‌سان ژی گیانێ خوه ژ ده‌ست دایه.
ئه‌ڤرۆ نیوز:
بریاره ئه‌ڤرۆ رۆژا پێنج شه‌مبی لژنا چاندنێ ل په‌رله‌مانێ كوردستانێ ل گه‌ل هه‌ردو وه‌زیرێن چاندنێ و بازرگانی یێن حكومه‌تا هه‌رێما كوردستانێ كۆم بن و دانوستاندنێ ل سه‌ر ئاریشه‌یێن جۆتیاران كه‌ن.
شوان زراری ئه‌ندامێ لژنا چاندنێ ل په‌رله‌مانێ كوردستانێ راگه‌هاند وه‌ك لژنا چاندنێ ل په‌رله‌مانێ كوردستانی دێ مێڤانداریا هه‌ردو وه‌زیرێن چاندێ و بازرگانیێ یێن حكومه‌تا هه‌رێما كوردستانێ كه‌ن ژبوی دانوستاندنێ ل سه‌ر ئاریشه‌یێن جورتیارێن كوردستانێ كۆ ل چه‌ند رۆژێن بوری بوو ب ئه‌گه‌ری نه بوونا بازاریێ بۆ به‌رهه‌مان كه‌ین.
ئه‌ندامێ لژنا چاندنێ ئه‌و چه‌نده ژی راگه‌هاند ته‌وه‌رێ دوێ یێ كۆمبوونا مه دێ ل سه‌ر وه‌رزێن دی یێن به‌رهه‌مێ چاندنێ بیت كۆ نوكه وه‌رزێ هاڤینێ هه‌تا دوماهیێ و هه‌تا پایزێ هه‌ر هه‌یڤه‌كێ و به‌رهه‌مه‌ك پێ دگه‌هیت، دڤێت حكومه‌ت به‌رهه‌ڤكاریان بكه‌ت ژبۆ ئه‌وێ چه‌ندێ ئاریشه‌یێن رۆژێن چووی دێ دووباره بن.
ئەڤرۆ نیوز:
وەزارەتا بەرگریا عیراقێ راگەھاند: د چارچۆڤێ وان گوهۆرینێن مستەفا کازمی د سازیێن سەربازی و ئێمناھیێ دا ئەنجام ددەت، رێڤەبەرێ ئەمنا سەربازی و فەرماندێ ئۆپەراسیۆنێن زیقار ژ پۆستێن وان ھاتنە دوورخستن.
هەروەسا گۆتیە: د چارچۆڤێ وان گوهۆرینێن مستەفا کازمی فەرماندارێ گشتی یێ ھێزێن چەکدار و سەرۆک وەزیرێ عیراقێ، ل سازیێن سەربازی و ئێمناھیێ دا دکەت، زنجیرەکا گوهۆرینێن گرنگ ل رێڤەبەریا ئەمنی یا سەربازی دا ھاتینە کرن، کو هژمارەکا فەرماندێن بلند یێن سەربازی ژ پوستێن وان ھاتینە دوورخستن.
ئەڤرۆ نیوز:
سەرۆک کۆمارێ عیراقێ ل دەمێ پێشوازیکرنێ ل هژمارەکا بالیۆزێن وەلاتێن عەرەبی ل کۆچکا سەرۆکاتیێ، ئاماژەی ب هێرشێن تورکیا بۆ سەر ئاخا عیراقێ کریە و گۆتیە وان، دڤێت تورکیا هێرشێن خوە یێن سەربازی بۆ سەر عیراقێ راوەستینیت.
بەرهەم سالحی، سەرۆک کۆمارێ عیراقێ ئەڤرۆ چارشەمبی 8 تەموزا 2020 پێشوازی ل بالیۆزێن وەلاتێن عەرەبی کریە و ئاماژە ب هندێ دایە، کو عیراق وەلاتەکێ سەربەخۆیە، دڤێت سەروەریا وێ بهێتە پاراستن و نەڤێت ببیتە پشکەک ژ ململانێن هەرێمی.
گۆتیە ژی: دڤێت تورکیا پێشێلکاریێن خوە یێن سەربازی ل عیراقێ راوەستینیت و پێزانین ژی بۆ هەلویستێ وەلاتێن عەرەبی ل سەر وێ پرسە دەربرینە و گوتیە، دڤێت رێز ل سەروەریا عیراقێ بهێتە گرتن.
ئەڤرۆ نیوز:
جڤاتا وەزیرێن هەرێما کوردستانێ ب سەرپەرشتیا مەسرور بارزانی، سەرۆک وەزیرێن هەرێما کوردستانێ، ب رێیا ڤیدیۆ کۆنفرانسی کۆمبوون و دەستپێکرنا قۆناغا دویێ یا سیستەمێ بایۆمەتری پەسەند کر.
د وێ کۆمبوونێ دا، قوباد تالەبانی راپۆرتەک دەربارەی بایۆمەتریێ بەرچاڤ کر و تێدا ب زانیاری و هووورکاریان بەحسێ قۆناغێن وی سیستەمی و ئارمانج و ئەنجامان کر، کە پرۆژەکێ گشتگیر و فراوانترە، ژ هندێ، کو ب تنێ داتابێسەک بیت بۆ تۆمارا بایۆمەتریا مووچەخۆران.
هەروەسا جڤاتا وەزیرێن هەرێما کوردستانێ دەستپێکرنا قۆناغادویێ یا سیستەمێ بایۆمەتری پەسەند کر ب ئاراستا بەرجەستەکرنا حکومەتا ئەلەکترۆنی و مفا وەرگرتن ژ تەکنەلۆژیا زانیاریان بۆ رێڤەبرنا سازیێن حکومەتێ و بەرفرەهکرنا ڤی پرۆگرامی، هەتا وارێن دیتر ژی ڤەگریت و ببیتە هاریکارەکێ سەرەکی بۆ جێبەجكرنا کریارێن چاکسازیا ب ئەلەکترۆنیکرنا دامودەزگەهێن حکومەتا هەرێمێ.
ئەڤرۆ نیوز:
وەزارەتا کۆچ و کۆچبەرێن یۆنانێ راگەهاند: د شەش هەیڤێن دەستپێکا ئەڤ سالە دا، پێلێن کۆچبەران بۆ گزیرتێن یۆنانێ ب ڕێژا ٥١% کێم بوویە، هەکە بهێتە هەڤبەرکرن ب شەش هەیڤێن ئێکێ یێن سالا ٢٠١٩.
ستیلیۆس پێتساس پەیڤدارێ وەزارەتا کۆچا یۆنانێ راگەهاند: د شەش هەیڤێن دەستپێکا ئەڤ سالە کۆچکرن بۆ یۆنانێ، ب گشتی ب رێژا ٤٦% کێمکریە، ئەڤە ژی ژبەر بەلاڤبوونا ڤایرۆسێ کۆرۆنایێ بوویە ل جیهانێ.
هەڤدەم، بریاردان ل سەر داخوازیا مافێ پەنابەریێ ب رێژا ٨٨% زێدە کریە، د شەش هەیڤێن ئێکێ یێن ئەڤ سالە، بریار ل سەر زێدەتری ٤٦ هزار داخوازیان هاتیەدان، لێ د هەمان دەمێ سالا بوری دا نێزیکی ٢٥ هزار داخوازیێن مافێ پەنابەریێ بڕیار لسەر هاتبوو دان.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: دو هزار و 247 پشکنینێن کۆرۆنایێ د 24 دەمژمێرێن بوری دا هاتینە کرن و ئەنجامێن پشکنینا 294 کەسان د پۆزەتیڤ بووینە، هەروەسا 11 تووشبوویێن دی ب کۆرۆنایێ وەغەر کریە.
هەروەسا گۆتیە: 114 تووشبووی ل سلێمانیێ نە، 74 ل ئیدارا گەرمیان، 57 ل هەولێرێ، 29 ل دهۆکێ و 20 ل هەلەبجە، دیسان 140 تووشبوویێن کۆرۆنایێ چێبووینە، کو 101 ژ وان ل هەولێرێ نە، 18 تووشبووی ل ئیدارا گەرمیان، 11 ل ئیدارا راپەرین، 5 ل دهۆکێ و پێنج ژی ل هەلەبجە چێبووینە.
دیسان 11 تووشبوویێن کۆرۆنایێ وەغەر کریە، کو چار ژ وان ل هەولێرێ نە، چار ل ئیدارا گەرمیان و سێ ژی ل سلێمانیێ.
ئەڤرۆ نیوز:
رێڤەبەرێ گشتی یێ خانەنشینان ل هەرێما کوردستانێ راگەهاند کو بریارا حوکمەتا هەرێما کوردستانێ یا بۆ کێمکرنا مووچەی ب رێژا ٢١% بۆ مووچێ مەها دو دێ خانەنشینان ژی گریت.
حازم ئیسماعیل رێڤەبەرێ گشتی یێ خانەنشینان ل هەرێما کوردستانێ راگەهاند کو مووچێ هەموو خانەنشینان دێ هێتە کێمکرن و ئەوێن ب پلێن تایبەت یێن سەربازی یان ژی مەدەنی هاتینە خانەنشین کرن دێ ٥٠% ژ مووچێ وان هێتە بڕین و یێن دی ژی دێ ٢١% بیت لێ کەسێ مووچێ وان ٣٠٠ هزار بیت دەستکاری د مووچێن وان دا ناهێتە کرن.
نيشاندان