ئەڤرۆ نیوز:
وەزارەتا پەروەردێ یا حوکمەتا هەرێما کوردستانێ دیار دکەت کو ئەو قوتابیێن قەزا شنگالێ و دەوروبەرێن وێ کو نها ل ئەزموونێن پولا ١٢ ل دهۆکێ دا پشکدارن، سەرۆکێ حوکمەتا هەرێما کوردستانێ وەزیرێ پەروەردێ و پارێزگارێ دهۆکێ راسپاردیە کو جهێ مانا وان قوتابیان و هەروەسا مەزاختنا هاتنوچوونا وان و خوارنێ بۆ وان بۆ دابین بکەن.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی د پەیامەکێ دا ب توندی تیرۆرکرنا هیشام هاشمی شرۆڤەکارێ سیاسی و ئەمنی شەرمزار کر و راگەهاند کو پێدڤیە د زووترین دەم دا تاوانبارێن ئەو کارە ئەنجام دای بگەهنە سزایێن خوە.
سەرۆکێ حوکمەتا هەرێما کوردستانێ هەروەسا سەرەخوشیێ ل خێزانا هیشام هاشمی و هەڤکارێن وی دکەت.
ئه‌ڤرۆ نیوز، عه‌لى حاجى :
رێڤه‌به‌رێ په‌روه‌ردا زاخۆ د داخویانیه‌كێ دا بۆ رۆژناما ئه‌ڤرۆ دیار كر بۆ ئه‌زمونێن ویزاریێن پولا دوازدێ ب هه‌ر دو پشكێن خوه ڤه ل قوتابخانه‌یان ئه‌نجام ناده‌ن و هولێن ل زانكۆیا زاخۆ و په‌یمانگه‌ها ته‌كینكى یا زاخۆ هاتینه ده‌ست نیشان كرن و مه‌ره‌م ژ وێ چه‌ندێ ئه‌وه ژى كو پتر قوتابى پاراستى بیت و دوورى هه‌ر مه‌ترسیه‌كێ بیت ژ ڤایروسێ كورونایێ .
زێده‌تر نه‌زیر یوسڤ گۆت: (ژ ئه‌گه‌رێ ڤایروسێ ئەڤساله مه نه‌شیا قوتابیێن خوه ل قوتابخانه‌یان كوم ڤه بكه‌ین له‌ورا دو جه هاتینه ده‌ستنیشان كرن كو بو قوتابیێن پولا دوازدێ وێژه‌یى هولێن زانكویا زاخۆ هاتینه ده‌ست نیشان كرن و بۆ قوتابیێن پشكا زانستى ژى هولێن په‌یمانگه‌ها ته‌كنیكى یا زاخۆ و چه‌ند قوتابخانه‌یه‌كێن ده‌وروبه‌رێن په‌یمانگه‌هێ هاتینه به‌رهه‌ڤ كرن و ده‌ست نیشان كرنا وان دوو جهان ژى دێ ئاریشه‌یێن مه یێن په‌روه‌ردێ ژى هێنه چاره‌سه‌ر كرن و زێده‌بارى وێ چه‌ندێ ژى مه هه‌ماهه‌نگى دگه‌ل رێڤه‌به‌ریا كاره‌با زاخۆ كرى یه كو د ده‌ما ب رێڤه چوونا ئه‌زمونان كاره‌با گشتى هه‌بیت و هه‌ر وه‌سا دێ شێن ژى كونترولا قوتابیان كه‌ن ب مه‌ره‌ما جێبه‌جێ كرنا رێنمایێن ساخله‌میێ) .
ناڤبرى خویا كر ژى د ئه‌ڤساله دا بۆ هه‌ر دو پشكێن زانستى و وێژه‌یى دێ هه‌شت هزار 482 قوتابى دێ پشكدارى ئه‌زموونان بن و ب سه‌ر 114 بنگه‌هان هاتینه به‌لاڤ كرن و ئه‌ڤساله رێژه‌یا پشكدار بوونێ به‌ره‌ڤ زێده‌بونێ ڤه چوویه و ژ به‌ر نه‌بونا جهێن پێدڤى ژى ئه‌م نه‌چار بووین چه‌ند قوتابخانه‌یه‌كێن ده‌وروبه‌رێن په‌یمانگه‌ها ته‌كنیكى یا زاخۆ بۆ ئه‌زمونان به‌رهه‌ڤ بكه‌ین .
ئەڤرۆ نیوز،عەلی حاجی :
رێڤەبەرێ ناحیا دەرکارێ د داخویانیەکێ دا بۆ ئەڤرۆ نیوز دیار کر هەر ژ دەستپێکا ئوپەراسیونا تورکیا بۆ سەر هێزێن پەکەکێ ل دەڤەرا وان هەتا نوکە ٧٩٦ توپ بەر ب دەڤەرێن وان کەڤتینە ژلایێ سوپایێ تورکیا ڤە و سالا بوری د ماوەیێ سالەکێ دا بتنێ ٧٠٠ توپ بەر ب دەڤەرا وان کەڤتبوون.
زێدەتر زێرەڤان موسا گۆت: (پشتی سوپایێ تورکیا دناڤ ئاخا هەرێما کوردستانێ ئوپەراسیونەک ل دژی هێزێن پەکەکێ دەستپێکری دەڤەرا وان کەفتە د بن بوردومانەکا ب هێز یا سوپایێ تورکیا ڤە و هەتا نوکە ٧٩٦ توپ و ٧٠ موشەک ژی بەر ب دەڤەرێن مە کەفتینە کو ئەڤ رێژەیە ژی بتنێ ئەوە یا ل دەف مە هاتیە تومار کرن و ب پشت راستی ڤە ژی ژ ڤێ رێژەیێ زێدەتر نەهاتیە تومار کرن یان ژی نەهاتیە زانین، ل دووڤ وێ ئامارا ل بەر دەستێ مە هەیی ل سالا بوری د ماوەیێ سالەکێ دا نێزیکی ٧٠٠ توپ بۆ دەڤەرا وان ژلایێ سوپایێ تورکیا هاتبوونە ئاراستە کرن و ئەو ئامارا ل بەر دەست وەسا دیار دکەت بوردومانا سوپایێ تورکیا دو جارکی زێدەتر بوویە و ئەڤ بوردومانە ژی بوویە ئەگەرێ پەیدا کرنا زیانێن ماددی ل دەف وەلاتیان).
ناڤبری گۆت ژی: پشتی هاتنا شاندێ پەرلەمانێ کوردستانێ بۆ دەڤەرا مە وەسا مە بۆ وان دیار کر کو دڤێت بهێتە زانین تورکیا یان ژی عێراق دێ قەرەبویا زیانێن وەلاتیان کەت و هەکە قەرەبو هەبیت ژی دڤێت بزانین ئەو قەرەبو دێ بۆ کیش سالێ بیت ژ بەر کو دەڤەرێن مە هەر ژ سالا ١٩٩١ هەتا نوکە دهێتە توپباران کرن و هەکە وەلاتی بهێنە قەرەبو کرن ژی دبیت وەلاتی هەبیت داخوازا قەرەبویا سالێن پێشتر ژی بکەت و هەر دیسان ژی ئەڤ کارە پێدڤی ب هووربینیەکا مەیدانی هەیە و ئەڤ چەندە ژی د شیانێن ئیدارە مە یا ناحیا دەرکارێ دا نینە و پێشتر ژی مە لایەنێن فەرمی ئاگەهدار کرینە ل سەر ڤێ چەندێ و سالا بوری چەندین زیان ژی بەر ب مالێن وەلاتیان کەفتی بوون و فایلێن خوەیێن قەرەبویێ ژی پێشکیێش کرینە و ب رێیا قایمقامیا زاخۆ هاتیە بلند کرن بەلێ هەتا نوکە ژی نەهاتیە قەرەبو کرن.
ل دوماهیێ گۆت: ٢٥٠ فایلێن وەلاتیان یێ سالا بوری ل بەر دەستن کو داخوازا قەرەبوویێ کرینە و دبیت گەلەک ژ وان فایلان ب زێدەهی داخوازا قەرەبوویێ کربیت و چەندین نمونەیێن زێندی ژی هەنە و ئەڤجا پێدڤیە سەرەدانێن مەیدانی بۆ دەڤەرێن هاتینە توپباران کرنێ هەبیت دا کو ب شێوەیەکێ باش کار بهێتە کرن.
ئەڤرۆ نیوز:
سەرۆکاتیا کۆماریا تورکیا نەخشێ هێزێن خوە ل سنۆرێن هەرێما کوردستانێ بەلاڤ دکەت، کو پێکهاتیە ژ 37 خالێن سەربازی.
ئەو نەخشە دوهی دوشەمبی 06-07-2020 بەلاڤە کریە و خالێن سەربازی یێن تورکیا ژ سنۆرێ سۆران ژ باکورێ رۆژهەلاتێ هەرێما کوردستانێ هەتا سنورێ زاخۆ ل باکورێ رۆژئاڤایێ هەرێما کوردستانێ ب خوەڤە دگریت.
د وی نەخشەی دا ب هەمان شێوە ئەو جهە هاتینە دیارکرن، کو وەلاتێ تورکیا ب دەڤەرێن ژێر کۆنترۆلا هێزێن سەر ب پەکەکێ هاتینە دانان.
لدووڤ وی نەخشی، هەموو وان جهێن کو هێزێن پەکەکێ تێدا د جێگیرن، ژ بلی چیایێ قەندیل و خالەک ل نێزیکی قەلادزێ و شنگالێ و کەمپا مەخموور، بووینە دەڤەرێن شەرێ راستەوخۆ و هێزێن تورکیا تێدا هاتینە جێگیر کرن.
ئه‌ڤرۆ نیوز:
سه‌رۆكه‌كێ نوو بو په‌رله‌مانێ توركیا دێ هێته هه‌لبژارتن و هه‌ردو پارتێن داد گه‌شه‌پێدان و یا ده‌سه‌لاتدار و بزاڤا نه‌ته‌وه په‌رست مه‌هه‌په به‌ربژاره‌كێ هه‌ڤبه‌ش هه‌یه.
لگۆری په‌یره‌وێ ناڤخویێ په‌رله‌مانێ توركیا، ل ده‌مێ هه‌ر خۆله‌كا په‌رله‌مانی دو جاران سه‌رۆكێ په‌رله‌مانی دهێته هه‌لبژارتن، جارا ئێكێ ده‌ستپێكرنا خۆلا نوویا په‌رله‌مانی و جارا دوێ دوسال پشتی هه‌لبژارتنا سه‌رۆكێ ئێكێ، بریاره ئه‌ڤرۆ سه‌رۆكه‌كێ نوو بۆ په‌رله‌مانێ توركیا بهێته هه‌لبژارتن و سێ به‌ربژار بۆ ئه‌ڤێ پۆستێ هاتینه ده‌ست نیشانكرن.
ئه‌ڤرۆ نیوز:
په‌یڤدارێ فه‌رمانده‌یێ هێزێن چه‌كدارێن عیراقێ راگه‌هاند: ژووره‌كا هه‌ماهه‌نگیا هه‌ڤبه‌ش بۆ پارێزگه‌هێن دیاله و نه‌ینه‌وا و كه‌ركووكێ هاتینه پێك ئینان.
یه‌حیا ره‌سول په‌یڤدارێ فه‌رمانده‌یێ هێزێن چه‌كدارێن عیراقێ راگه‌هاند: ژووره‌كا هه‌ماهه‌نگیا هه‌ڤبه‌ش بۆ پارێزگه‌هێن دیاله و نه‌ینه‌وا و كه‌ركووكێ دناڤبه‌را وه‌زاره‌تا به‌ره‌ڤانیا عیراقێ و وه‌زاره‌تا پێشمه‌گه‌ی هاتینه پێك ئینان، ئارمانج ژ ژوورێن هه‌ڤبه‌ش بۆ پاراستنا بۆشاهیا ئه‌منی یه دناڤبه‌را هێزێن عیراقێ و هێزێن پێشمه‌رگه‌ی دا، تا چه‌كدارێن داعشێ ئه‌وێ بوشاهیێ ب ده‌لیڤه نه‌زانن بۆ ئه‌نجامدانا كریارێن تیرۆریستی.
په‌یڤدارێ فه‌رمانده‌یا هێزێن چه‌كدارێن عیراقێ ره‌تكر بریار هاتبیته‌دان بۆ ڤه‌گه‌راندنا هێزا پێشمه‌رگه‌ی بۆ كه‌ركووكێ و ده‌ڤه‌رێن ده‌وروبه‌رێن وێ.
ئەڤرۆ نیوز، زنار تۆڤی:
هندرین دۆسکی، ئەندامێ پەرلەمانێ عیراقێ ل سەر فراکسیۆنا پارتی دیموکراتی کوردستان، بۆ ئەڤرۆ نیوز دیار کر: سوبەهى سێشەمبی، شاندێ هەرێما کوردستانێ دێ سەرەدانا بەغدا کەت، ژ بۆ دانوستاندنی ل گەل حوکمەتا عیراقێ، د نوکە دا حوکمەتا هەرێمێ یا رژدە بگەهیتە رێککەفتنێ ل گەل بەغدا، دیسان ژ ئالیێ عیراقێ ژی ڤە، نیەتەکا باش هەیە بۆ رێککەفتنێ ل گەل هەرێمێ و چ ئاستەنگیێن مەزن نەماینە ل پێشیا وان نەماینە.
ناڤهاتی گۆ ژی: هندەک هوورکاریێن تەکنیکی دەربارەى چارەسەرکرنا مژاران ماینە، هەکە ئەو هوورکاریە بهێنە چارەسەرکرن، دێ رێککەفتن هێتە کرن، ئەم د گەشبینین کو دێ هەردو ئالی گەهنە ئەنجامەکێ باش، هەر چەندە نوکە بۆ عیراقێ ب خوە چەند ئاریشە دروست بووینە، ئەڤە بووینە ئاستەنگ ل هەمبەری رێککەفتنا هەرێمێ و بەغدایێ، ئەو ژی بەلاڤبوونا کۆرۆنایێ و داکەفتنا بهایێ نەفتێ و گوهارتنا سەرۆک وەزیرێ عیراقێ مستەفا کازمى یه.
ئه‌ڤرۆ نیوز:
کارگێریا یانا زاخۆ یا به‌رده‌وامه بوو ب هێز ئێخستنا پێکهاتیێ خوه بۆ خوە به‌رهه‌ڤکرن بۆ وه‌رزێ نوو یێ عیراقێ، ئه‌ڤرۆ یانا زاخۆ هه‌ڤبه‌ستا پێنچێ راگه‌هاند پشتی ب فه‌رمی گه‌هشتی نه رێککه‌فتنێ ل گه‌ل به‌رگریکارێ یانا نه‌فت عیسام یاسینی.
هه‌ژی گوتنێ یه، عیسام به‌ری نوکه یاری بۆ یانێن به‌غدا و هه‌ولێر و دهۆک و شورته و نه‌فت وه‌ست و نه‌فتا به‌غدا کریە، دیسان دناڤبه‌را ٢٠١٢ هه‌تا ٢٠١٦ یاری بۆ زاخۆ ژی کریە.
ئەڤرۆ نیوز:
شاره‌زا و ڤەکۆلەرێ وارێ هزرا توندره‌ویێ و گرووپێن تیرۆرستی، هیشام هاشمی ل دەڤەرا زه‌یونه یا به‌غدا ب چەند گولەیان هاتە تیرۆر كرن.
لدووڤ زانیاریێن میدیایێن عیراقی چه‌كداران ب دو ماتۆرسكلان ته‌قه ل هاشمی كریه ل نێزیك مالا وی ل دەڤەرا زه‌یونه و ب سه‌ختی بریندار کریە، پشتی گه‌هاندیە نه‌خۆشخانا ئبن نه‌فیس ل به‌غدا، ب ئەگەرێ سه‌ختیا برینێن وی وەغەر کریە.
د هەمان دەمدا، پەیڤدارێ وه‌زاره‌تا نافخۆ یا عیراقێ، لیوا سه‌عد مەعن، ئەڤ نووچە پشتراستكریه و گۆتیە، د هێرشەکا چه‌كداری دا، هاشمی شه‌هید بوویه.
نيشاندان