ئەڤرۆ نیوز:
رێڤەبەرێ نەخۆشخانا قەلا یا تایبەت ب کۆرۆنایێ ڤە ل گەرمیان راگەهاند: ئەڤرۆ چارشەمبی 22 تووشبوویێن دی یێن کۆرۆنایێ باشبوون و هاتنە رەوانەکرن بۆ مالێن وان.
د. هاوار وشیار، رێڤەبەرێ نەخۆشخانا قەلا یا تایبەت ب کۆرۆنایێ ڤە ل گەرمیان گۆت ژی: ئەوێن تووشی کۆرۆنایێ بووین و ساخلەمیا وان یا جهگیر نینە، لێ ئەڤرۆ 22 نەخۆشێن دی چێبوون.
ئەڤرۆ نیوز:
وەزیرێ دەرڤە یێ فرەنسا ئاشكرا كر: ل 13 ڤێ هەیڤێ وەزیرێن دەرڤە یێن وەلاتێن ئەندام د ئێکەتیا ئورۆپا دەربارەی پێنگاڤێن ڤێ دووماهیێ یێن توركیا دێ كۆم بن.
ئاژانسا رۆیتەرز دیار کریە: ئەڤرۆ جان ئیڤ لۆدریان، وەزیرێ دەرڤە یێ فرەنسا ل هەمبەری پەرلەمانێ وەلاتێ خوە گوتیە: د كۆمبوونا 13 ڤێ هەیڤێ وەزیرێن دەرڤە یێن ئێکەتیا ئورۆپا دا دێ گتۆبێژێن سەپاندنا سزایێن نوو ل سەر توركیا دا كەن و گوتیە ژی: ئەو روونشتنە دێ ل سەر داخوزیا فرەنسا برێڤە چیت و یا تایبەتە ب پرسا توركیا ڤه.
لۆدریانی گۆتیە ژی: ب ئەگەرێ پشكنینا توركیا ل دەڤەرێن ئابووری یێن قوبرس، ئێکەتیا ئورۆپا سزا ل سەر وی وەلاتی دا سەپاندیە و پێشبینی دهێتە کرن، ڤێ جارێ سزایێن نوو ب سەر تورکیا دا بهێنە سەپاندن.
ئەڤرۆ نیوز:
وەزیرێ تەندروستی حكومەتا هەرێما كوردستانێ راگەهاند: نابێت چەندجورێن پشكنینا بهێنە کرن ل نەخوشخانە و تاقیگەهێن تایبەت کو پەیوەندی ب جیناتاڤە هەبیت، بەرۆڤاژی ڤێ چەندێ دێ رووبرووی سزایێن یاسایێن توند بن.
د. سامان بەرزنجی، وەزیرێ ساخلەمیا حكومەتا هەرێما كوردستانێ د نڤیسارەکێ دا ئاڕاستەی رێڤەبەریێن گشتی ( هەولێر، سلێمانی، دهۆك، هەڵەبجە، راپەڕین، گەرمیان و كۆیە) کریە، تێدا هاتیە ” هەوە ئاگەهدار دکەین ب هیچ رەنگەکێ نابیت پشکنینێن( covid-19( )Ag. Or Ab) دگەل (Rapid test) ل نەخۆشخانەیێن تایبەت یان ل تاقیگەهێن تایبەت بهێنەکرن،ژبەرکۆ ئەڤ پشکنینە پەیوەندی ب پشکنین جیناتاڤە هەیە، ئەڤە ژی بابەتەکێ ئاسایشا نەتەوەیی دهێتە هژمارتن.
وەزیرێ ساخلەمیێ ئاماژەکریە: پێدڤەیە ئەڤ پشکنینە تنێ ل تاقیگەهێن سر ب رێڤەبەریێن ساخلەمیا گشتی وەزارەتا ساخلەمیێ بهێنەکرن.
بەرۆڤاژی هەر دەزگەهەکێ نەحکومی ڤان جورە پشکنینا بکەت بێ رەزامەندیا وەزارەتا ساخلەمیێ دێ تووشی سزایێن یاسایێن توند بیت.
ئەڤرۆ نیوز، عەلی حاجی :
رێڤەبەرێ ناحیا باتیفا د داخویانەنیەکێ دا بۆ ئەڤرۆ نیوز دیار کر ئەڤرۆ چارشەمبی ١/٧/٢٠٢٠ سێ هێزێن سنوریێن عێراقی ل دەڤەرێن سنوریێن باتیفا و دەرکارێ جێگیر بوون و بۆ ئێکەم جارە ئەو هێزە ل وێ دەڤەرێ دهێنە جێگیر کرن.
زێدەتر دلشێر عەبدولستار گۆت : ئەڤرۆ ئێڤاری ل هەر ژ چیایيلین شابانیێ و سیار و بەنا و بلنداهیا دێرێ ل سنورێ ناحیا دەرکارێ هێزێن سنوریێن عێراقی ل وان دەڤەران جيگیر بون و بۆ ئێک جارە ژی ئەڤ هێزە ل وان دەڤەران دهێنە جێگیر کرن و ژبەریا نوکە بارەگا یان ژی خالێن وێ هێزێ ل وان دەڤەران نەبون و ئەڤ پێنگاڤە ژی نەیا چاڤەرێ کری بوو و پێشتر ژی ل هندەک ژ وان دەڤەران بەردەوام شەر دهاتە کرن و پشتی هاتنا وان هێزان ژی دێ ئەو دەڤەر ئارامیەکێ ب خوەڤە گریت .
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا 259 کەسێن دی و گیان ژ دەستدانا شەش کەسێن دی ب ڤایرۆسێ کۆرۆنایێ ل پارێزگەهێن هەرێما کوردستانێ راگەهاند.
هەروەسا گۆتیە: د 24 دەمژمێرێن بو ری دا دو هزار و 312 پشکنین هاتینە ئەنجامدان، کو 773 پشکنین ل هەولێرێ، 675 پشکنین ل سلێمانیێ، 556 پشکنین ل دهۆکێ و 252 پشکنین ل گەرمیان، 56 پشکنین ل هەلەبجە هاتینە ئەنجامدان.
ژ سەرجەمێ وان پشکنینان 259 تووشبوویێن نوو هاتینە تۆمار کرن، کو 92 تووشبووی ل سلێمانیێ، 69 تووشبووی ل گەرمیان، 80 تووشبووی ل هەولێرێ و 18 تووشبووی ل هەلەبجە هاتینە تۆمار کرن
ئەڤرو نیوز، بارزان مزووری:
ماف پەروەر ئازاد تاها، بەرپرسێ پەیوەندی و راگەهاندنا رێڤەبەریا هاتن و چوونا پارێزگەها دهوک بۆ ئەڤرۆ نیوز گوت: (ئەڤرۆ ئێڤاری رێککەفتی ۱/٧/٢٠٢٠ ل گوندێ نسرا و ربتکا سەر ب ناحیا ئەترۆش ترۆمبێلەک ژ جورێ تانکەر بارهەلگر ژ جورێ مارسیدس ل بن کونترولا شوفێری دەردکەڤیت و وەرگەریا، د ئەنجام دا شوفێر بریندار دبیت ترۆمبێل ژی ب تەمامی دهێتە سوتن و زیانێن مەزن ژی ب ئاقارێ دەڤەرێ دکەڤیت ئاگر ب پیش و پەلەخ و دارستانێ دکەڤیت).
ناڤهاتی خویاکر ترومبێلا وەرگەریای یا ڤەگوهاستنا نەفتا خام بوو ژ بەر وێ چەندێ ئاگر پێ دکەڤیت.
ئەڤرۆ نیوز:
وەزارەتا ساخلەمیا عیراقێ ئەڤرۆ راگەهاند کو د ماوەیێ ٢٤ دەمژمێرێن بۆری دا دو هزار و ٤١٥ کەسێن دی ل عیراقێ تووشی ڤایرۆسێ کۆرۆنایێ بووینە و هەروەسا ١٠٧ کەسان ژی ب کۆرۆنایێ جانێ خوە ژ دەست داینە.
ل گۆر وەزارەتا ساخلەمیا عیراقێ هژمارا تووشبوویێن کۆرۆنایێ ل عیراقێ هەتا نها گەهشتیە ٥١ هزار و ٥٢٤ کەسان.
ئەڤرۆ نیوز:
حەسەن رۆحانی سەرۆک کۆمارێ ئیرانێ د چارچۆڤێ کۆمبوونا نوو یا ئاستانا کو د ناڤبەرا روسیا، ئیرانێ و تورکیا دا برێڤە دچیت ب رێیا ڤیدیو کۆنفرانسەکێ پشکدار بوو و راگەهاند کو قەیرانا سووریێ ب چو رەنگەکێ ب رێیێن سەربازی ناهێتە چارەسەرکرن.
سەرۆک کۆمارێ ئیرانێ ئەو یەک ژی راگەهاند کو ئیران پشتەڤانیێ ل چارەسەریەکا سیاسی بۆ قەیرانا سووریێ دکەت و پێدڤیە تورکیا ژی ژ بۆ هندێ کار بکەت، چونکو ئۆپەراسیۆنێن سەربازی و شەر دێ وەسا کەت ب سالان رەوشا ئالۆز یا ل سووریێ بەردەوام بیت.
ئەڤرۆ نیوز:
کۆمپانیا فەیسبووکێ راگەهاند کو بۆ وان گەلەک گرنگە کو نووچە و دەنگوباسێن ل فەیسبووکێ بەلاڤ دبن راست بن و چو ئارمانجێن دی ل پشت نەبن.
کۆمپانیا فەیسبووکێ دیار دکەت هەر بەرپەرەک یان کەسەک دەنگوباسێن نەراست و بۆ هندەک مەرەمێن دی بۆ ئاژاوەگەریێ بکار بینیت دێ هەر زوو بەرپەرێن وان هێنە بلوک کرن.
ئەڤرۆ نیوز:
ئیمانوێل ماکرۆن سەرۆک کۆمارێ فرەنسا راگەهاند کو تورکیا بەردەوام گرۆپێن جیهادی و تیرۆرستی رەوانەی لیبیا دکەت و ئالۆزیێن مەزن ژی ل لیبیا دروست کرینە و لیبیا تووشی شەرەکێ ناڤخوە کریە و گۆت: (هەکە ئاستەنگی ل هەمبەر پیلانێن تورکیا دروست نەکەین دێ لیبیا ژی تووشی چارەنڤیسێ سووریێ لێ بیت).
ماکرۆنی داخواز ژ وەلاتێن ئەندامێن ناتۆ ژی کرن کو سزایێن گران ل سەر تورکیا بسەپینن چونکو تورکیا نها مەترسیەکا مەزن بۆ ئەندامێن ناتۆ دروست کریە.
نيشاندان