ئه‌ڤرۆ نیوز:
ل سلیمانیێ سێ توشبوویێن دی یێن ڤایرۆسێ كورونایێ گیانێ خوه ژ ده‌ست دان، تانوكه ل پارێزگه‌ها سلیمانیێ 173كه‌سان ب ئه‌گه‌رێ كورونایێ گیانێ خوه ژ ده‌ست داینه ل ئه‌ڤێ پارێزگه‌هێ.
ئه‌و سی توشبوویێن گیانێ خوه ژ ده‌ست داین ئه‌ڤرۆ دژیێ 70 سالیێ دا بوون و ئه‌ڤێ دی ژی دژیێ 50 سالیێ دابوو.
لگۆری دوماهی ئامارا وه‌زاره‌تا ساخله‌میا حكومه‌تا هه‌رێما كوردستانێ، تا نوكه چار هزار و 229 كه‌س ل سلیمانیێ تووشی كورونایێ بووینه، 173 كه‌سان ژی گیانێ خوه ژ ده‌ست دایه.
ئه‌ڤرۆ نیوز:
وه‌زاره‌تا ده‌رڤه‌یا عیراقێ راگه‌هاند ئازه‌ربایجانێ 25 ته‌نێن هه‌ڤكاریێن ساخله‌میێ ب رێكا فرۆكه‌یه‌كا تایبه‌ت ره‌وانه‌ی عیراقێ كرن.
لگۆری راگه‌هاندنا وه‌زاره‌تا ده‌رڤه‌یا عیراقێ، فرۆكه‌یه‌كا ئازه‌ربایجان كۆ 25 ته‌نێن هه‌ڤكاریێن ساخله‌میێ و خۆ پارێزیێ بۆ به‌رهنگار بوونا ڤایرۆسێ كورونایێ گه‌هاندنه عیراقێ.
وه‌زاره‌تا ده‌رڤه‌یا عیراقێ ئه‌و چه‌نده ژی دیاركر كۆ سوپاسیا خو ئاراسته‌ی ئازه‌ربایجانێ كر ل هه‌مبه‌ر ده‌ستپێشخه‌ریا مرۆڤی د ئه‌ڤێ ره‌وشێ كۆ ب ئه‌گه‌ری كورنایێ جیهان تێدا ده‌رباز دبیت.
ئه‌ڤرۆ نیوز:
وه‌زیرێ ژیده‌رێن ئاڤێ یێن عیراقێ راگه‌هاند تژیكرنا سكرێ ئیلیسو كۆ ل سه‌ر روبارێ دیجله ل توركیا دێ كارتێكرنا نه‌رینی ل سه‌ر عیراقێ هه‌بیت.
مه‌هدی ره‌شید وه‌زیرێ ژێده‌رێن ئاڤێ یێن عیراقێ راگه‌هاند مه داخازا دانوستاندنێ ژ توركیا كریه داكو بگه‌هینه رێكه‌تنێ ل سه‌ر پلانا تژیكرنا سكری و بێ زیان گه‌هاندن ب پشكا ئاڤا عیراقێ ژ ئاڤا دیجله، كارتێكرنا پروسه‌یا تژیكرنا سكری نوكه ده‌رناكه‌ڤن، چونكو رێژه‌یه‌كا زۆر ئاڤا خرڤه‌كری هه‌یه، به‌لێ ل وه‌رزێن بهێت پروسه دێ كارتێكرنه‌كا مه‌زن ل سه‌ر رووبارێ دیجله هه‌بیت، له‌ورا ئارمانجا وه‌زاره‌تا ژیده‌رێن ئاڤێ ئه‌وه بگه‌هینه رێكه‌تنه‌كێ ب دلێ هه‌ردو ئالیان بیت.
وه‌زیرێ ژێده‌رێن ئاڤێ یێن عیراقێ ئه‌و چه‌نده ژی راگه‌هاند به‌رژه‌وه‌ندێن هه‌ڤبه‌ش دناڤبه‌را عیراقێ و توركیا دا هه‌نه كۆ دێ نه‌چار كه‌ین بگه‌هینه ریكه‌تنێ ل سه‌ر مێزا دانوستاندنێ.
ئه‌ڤرۆ نیوز:
شانه‌یا قه‌یرانێن تایبه‌ت ب ڤایرۆسێ كورونایێ داخاز ژ جڤاتا نوونه‌رێن عیراقی، كو ب هه‌لوه‌شاندنا ده‌سه‌لاتا فه‌رمانگه‌هێن ساخله‌میێ ل هه‌موو پارێزگه‌هان كر.
جواد موسه‌وی بریارده‌رێ شانه‌یێ د به‌یاننامه‌یه‌كێ دا راگه‌هاند هێشتا ده‌م مایه بۆ ئه‌وێ چه‌ندێ خه‌له‌تیین كوژه‌ك یێن وه‌زاره‌تا ساخله‌میێ راستڤه بكه‌ین، لامه‌ركه‌زیه‌تا ساخله‌میێ ل پارێزگه‌هێن عیراقێ بوویه ئه‌گه‌رێ شكه‌ستنا ئه‌وان فه‌رمانگه‌هان د ریب ری بوونا ڤایرۆسێ كورونایێ.
بریارده‌رێ شانه‌یێن قه‌یرانانان ل جڤاتا نوونه‌رێن عیراقێ ئه‌و چه‌نده ژی دازانین خراپیا ئیداره‌كرنا ره‌وشا ساخله‌میێ ل پارێزگه‌هان بوویه ئه‌گه‌رێ زێده‌بوونا ژماره‌یا توشبوویێن كورونایێ و داخازا وه‌رگرتنا ده‌سه‌لاتێن فه‌رمانگه‌هێن ساخله‌میێ ل پارێزگه‌هان بۆ وه‌زاره‌تێ دكه‌ین.
ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل جیهانێ گه‌هشته 10 ملیۆن و 412 هزار و 437 كه‌سان، ژ ئه‌ڤێ ژماره‌یێ ژی پێنج سه‌د و 8 هزار و 228 كه‌سان ژی گیانێ خوه ژ ده‌ست داینه.
ل سه‌ر ئاستێ وه‌لاتین جیهانێ ئه‌مریكا زۆرترین رێژا توشبوونێ ب ڤایرۆسێ كورونایێ تێدا هاتیه توماركرن و گه‌هشتیه دو ملیۆن و 681 هزار و 811 كه‌سان و سه‌د و 28 هزار و 783 كه‌سا ژی گیانێ خوه ژ ده‌ست داینه.
ڤایرۆسێ كورونایێ نه‌خوشیه‌كا كۆژه‌كه و ل هه‌یڤا 12 یا سالا بوری ل باژێرێ ئوهان یێ چینێ سه‌رهلدا و نوكه زێده‌تری 210 وه‌لات و ده‌ڤه‌رێن جیهانێ به‌لاڤ بوویه.
ئەڤرۆ نیوز:
وەزارەتا دارایی و ئابووری یا هەرێما کوردستانێ راگەهاندیە: د چارچۆڤێ قانوونا چاکسازیێ د مووچە و دەرمالە و بەخشین و ئیمتیازاتان و خانەنشینیێ ل هەرێما کوردستانێ هیچ خزمەتەک بۆ هیچ کەسەکێ ناهێتە هژمارتن، هەکە لدووڤ قانوونێ نەهاتبیتە کرن و هەر پلەکا ڤەدەر ژ قانوونێ دابیتە مووچەخۆران دێ هێتە هەلوەشاندن.
لدووڤ نڤێسارەکا وەزارەتا دارایی و ئابووری یا هەرێما کوردستانێ، ئەڤرۆ دوشەمبی 29-6-2020 دەرچوویە و ئاراستەی هەموو وەزارەتان و فەرمانگەهێن نەهاتینە بەستن ب وەزارەتان هاتیە کرن، تێدا هاتیە، هەموو دامەزراوێن هەرێما کوردستانێ دێ پێداچوونێ ب مەبەستا رێکخستنا پلە و ناڤونیشان و مووچێ سەرجەم مووچەخۆران دا کەن، هەر رێکخستنەکا بهێتە ئەنجامدان پێدڤیە د چارچۆڤێ وەزیفێ گشتیدا بیت و ل سەر بنەمایێ بروانامێ، خزمەتا راستەقینە و ئەو خزمەتە بیت، کو لدووڤ قانوونێ بەرکاریێ بهێنە هژمارتن.
هەموو ئەو بڕیارێن لژنا وەزارەتێ پەسەند دکەت، بۆ هەلوەشاندنا دەربارەی پلە بلندکرنێ و پلە و خزمەتا فەرمانبەرێن ڤەدەر ژ قانوونێ، دێ هێتە بلندکرن بۆ جڤاتا وەزیران بۆ هندێ بریار ل سەر هەلوەشاندنا وان بدەت.
سەبارەت وان فەرمانبەرێن کو خزمەتا فەرمانبەریێ، ئاوارەیێ یان پێشمەرگایەتیێ هەی یان کەرتی تایبەت بۆ هاتیە هژمارتن، وەزارەتا دارایی گۆتیە، لدووڤ قانوونا چاکسازیێ یا ژمارە 2 یا سالا 2020 دێ هێتە هەلوەشاندن و راستڤەکرنا مووچەی و ناڤونیشان دێ بۆ هێته ڤەکرن لدووڤ سالێن خزمەتێ، بروانامێ و تەمەنی.
ئەڤرۆ نیوز:
گۆره‌كێ بكۆم ل ده‌ڤه‌را ئەلحمیدات ل نێزیكی كه‌سكێ ل سه‌ر رێیا دناڤبه‌را قەزا تەلەفەر و موسل دا هاته دیتن کو 600 رۆفات تێدابوون.
رێڤه‌به‌ریا شه‌هیدان ل پارێزگه‌ها نه‌ینه‌وا راگه‌هاند، ئەو گۆرەکێ بکۆم ژلایێ ده‌زگه‌هێ ئه‌منى ل پارێزگه‌ها موسل هاتە دیتن کو زێدەتر ژ 600 رۆفاتێن وەڵاتیان تێدا هەنە.
ئەڤرۆ نیوز:
وەزارەتا ساخلەمیا هەرێما کوردستانێ تووشبوونا 232 کەسان و گیان ژ دەستدانا 14 کەسێن دیتر ب ڤایرۆسێ کۆرۆنایێ ل هەرێما کوردستانێ راگەهاند.
هەروەسا گۆتیە: 85 کەسێن تووشبوویی ل هەولێرێ هاتینە تۆمار کرن، 46 کەس ل سلێمانیێ، 59 ل گەرمیان و 27 کەس ل راپەڕین، 14 تووشبوویی ل هەلەبجە و تووشبوویەک ژی ل گەرمیان.
دیسان گۆتیە: 92 تووشبوویی ژی باشبووینە کو 63 کەس ژ وان ل هەولێرێ نە، دیسان 14 تووشبوویێن کۆرۆنایێ ل هەرێما کوردستانێ گیانێ خوە ژ دەستدایە و نوکە هژمارا کەسێن گیانێ خوە ژ ەستداین گەهشتە 200 کەسان و 170 کەس ژ وان ل سلێمانیێ نە، چار ل هەلەبجە و 26 کەس ژی ل هەولێرێ.
هەتانوکە ل هەرێما کوردستانێ پێنج هزار و 904 کەس تووشی ڤایرۆسێ کۆرۆنایێ بووینە، کو هزار و 767 کەس ژ وان باشبووینە و نوکە سێ هزار و 937 کەس ل ژێر چاڤدێریا نۆشداران دانە.
ئەڤرۆ نیوز:
رێڤەبەرێ ساخلەمیا قەزا چۆمان راگەهاند: 11 تووشبوویێن کۆرۆنایێ کو ل سەنتەرێ هەلگورد چارەسەری وەردگرت ب تەمامی چێبووینە و نوکە 29 تووشبوویێن کۆرۆنایێ ل سنوورێ وێ قەزایێ ماینە.
د. ئەحمەد حەسەن مەلا، رێڤەەبەرێ ساخلەمیا قەزا چۆمان گۆت ژی: پشتی وان تووشبوویان چارەسەری وەرگرتین، نوکە ب تەمامی باشبووینە و دێ هێنە رەوانەکرن بۆ مالێن وان.
نيشاندان