ئەڤرۆ:
یاریزانێ پرتوگالی و یانا بەرشەلۆنا ئیسپانی ئەندریە گومێز ئەوێ ل وەرزێ ٢٠١٦ پەیوەندی ب یانا بەرشەلۆنا کری پشتی ژ یانا ڤالنسیا ھاتیە ڤەگوھاستن کو ل گەل وێ یانێ شیابوو ئاستەکێ بلند پێشکێش بکەت کو ل مێرکاتویا ھاڤینا سالا ٢٠١٦ ئەڤ یاریزانە ببو ئارمانجا چەندین یانێن مەزن ل ئورۆپا لێ ل دووماھیێ یانا بەرشەلۆنا شیابوو شیانێن ئەڤی یاریزانی ب دەستخوڤە بینت .
پشتی ھاتنا ئەڤی یاریزانی بوو یانا بەرشەلۆنا یاریزانێ ناڤبری نەشیا ب شێوەکێ باش جھێ خوە ل گەل یانێ بینت سەرەرای کو ڤی یاریزانی دەلیڤەکا باش یا کرنا یاریێ ل سەر دەمێ ھەردو راھێنەرێن بەرشەلۆنا یێ وەرزێ بوری و ئەڤ سالە دیتی لێ یاریزان نەبوویە جھێ رازەمەندیا جەماوەر و حەژێکەرێن بەرشەلۆنا و رۆژناما سپورت یا کەتەلونی دیارکریە کارگێریا یانا بەرشەلۆنا بریارا دووماھیێ ل سەر گومێز دایە کو بوو فروتنا ئەوی ل دووماھیا وەرزێ ئەڤ سالە و کارگێریا بەرشەلۆنا چاڤەرێ ھەڤبەستەکا باش بیت بوو فروتنا ئەوی ھەر چەندە یانا ب فەرمی ل گەل یاریزانێ ناڤبری کومبوون نەکریە لێ ئەوان بریارا دووماھیێ پشتی یاریا کاسا مەلەک ئیسپانیا دەن.
ژلایەکێ دویڤە یاریزانێ ناڤبری ژی بەری نوکە دیارکر بوو وەرزێ ئەڤ سالە دێ بیتە وەرزێ دووماھیێ ل گەل یانا بەرشەلۆنا ئەو دبینت پاشەرۆژا وی ل ڤێ یانێ نینە و نەشێت خوە پتر پێشبێخیت ل یانا بەرشەلۆنا لەورا یا باشتر ئەوە ئەو بەر ب یانەکا دی بچیت داکو پتر دەلیڤەیا کرنا یاریێ ھەبیت و بشێت خوە پێشبێخیت.
ھەژی گوتنێ یە یاریزانێ ناڤبری سالا ٢٠١٦ وەرە ٧٨ یاری ل گەل یانا بەرشەلۆنا کرینە بتنێ سێ گول تومارکرینە و چار گول دروستکرینە .

ئەڤرۆ:
یانا پاریس سانجێرمان یا فرەنسی ئێک ژ ئەوان یانایە مەترسی بوو زوربەیا یانێن مەزن ل ئورۆپا دورستکریە پشتی شیان ل وەرزێ بوری ھەڤبەستا نیماری ب مەزنترین کوژم بشکێنن کو سەرۆکێ وێ یانێ یێ قەتەری دیارکربوو ھەر یاریزانێ بکەینە ئارمانجا خوە ئەو دشێن ھەڤبەستێ ل گەل ئیمزا بکەن ھەکە بھایێ شکاندنا ھەڤبەستا ئەوی چەند بیت و رۆژنامەیێن فرەنسی دووماھی دەنگوباسێن خوە دیارکرینە یانا پاریس ستێرەکا یانا ریال مەدرید کریە ئارمانجا خوە بوو وەرزێ نوو .
ئەوان رۆژناما ئاشکراکریە ژی یانا پی س چی سەرکێشا خولا فرەنسا یاریزانێ بەرازیلی و یانا ریال مەدرید کاسێمیرو کریە ئارمانجا خوە بوو وەرزێ نوو بەرپرسێن ئەوێ یانێ یاریزانێ بەرازیلی یێ یانا ریال کریە ئارمانجا خوە و دخوازن ھەڤبەستێ ل گەل ئیمزا بکەن ل جھێ یاریزانێ وێ تیاگو موتا ئەوێ دێ ھەڤبەستا ئەوی ب دووماھی ھێت ل دووماھیا ڤی وەرزی .
ھەردیسان ئەوان رۆژنامەیێن فرەنسی دیارکریە ژی بھایێ شکاندنا ھەڤبەستا کاسێمێروی ل گەل یانا ریال مەدرید ٢٠٠ ملیون یورۆ نە لێ ل دویڤ گوتنا ئەوان رۆژناما یانا پاریس ڤێ چەندێ دزانیت و ئەوان بەرھەڤیا خوە دیارکریە بوو دانوستاندنان ل گەل ریال مەدرید .

ئەڤرۆ،ھەژار مەعروف:
یاریزانێ کورد و خەلکێ باژێرێ رانیە یێ باشورێ کوردستانێ ژیلون حەمەد بوو حەفتیا سیێ ل دویڤ ئێک شیا سەرکێشیا یانا خوە ھاماربی یا سویدی بکەت بوو سەرکەفتنا سیێ ل دویڤ ئێک و د یاریا خوە یا سێ دا شیا گولێ توماربکەت کو یاریزانێ ئێکێ یە ل سێ یاریێن دەستپێکێ ل وەرزێ ئەڤ سالە گولێ توماربکەت .
یانا ھاماربی یا سویدی ل دووماھی حەفتیا خوە شیا سەرکەفتنەکا مەزن توماربکەت ل سەر یانا برومابویکارنا ب چار گولان بێ بەرامبەر دڤێ یاریێ دا یاریزانێ کورد گولەک تومارکر و دو گول بوو ھەڤالێن خوە دروستکرن و ھژمارا گولێن خوە گەھاندنە پێنج گولان سەرکێشیا گولکەرێن خولا سوید دھێت.
ژیلوان حەمەد رولەکێ مەزن ھەبوو ل ھەردو یاریێن بوری یێن یانا ھاماربی بوو سەرکەفتنێ کو ل یاریا ئێکێ ب ھاتریکا یاریزانێ ناڤبری یانا ھاماربی شیابوو سەرکەفت ل سەر یانا سیریس ب سێ گولان بەرامبەر گولەکێ و ل یاریا دوێ د یاریەکا ب ھێز دا شیابوون سەرکەفتنێ ل سەر یانا گوتوزبورگ توماربکەن ب دو گولان بەرامبەر گولەکێ کو ژیلوان گولا سەرکەفتنێ ل خولەکا دووماھیێ ژ یاریێ تومارکربوو .
ھەژی گوتنێ یە ژیلوان حەمەد ئەوێ ل ھێلا ناڤین یاریێ دکەت ل دەستپێکا سالا ٢٠١٧ پەیوەندی ب یانا ھاماربی یا سویدی کربوو پشتی ژ یانا ھوڤنھایم یا ئەلمانی ھاتیە ڤەگوھاستن و ل وەرزێ بوری پشکداری د ٢٨ یاریێن ھاماربی کر شیابوو شەش گول توماربکەت کو سێ ژ ئەوان یاریان و دو گولان د کاسا سوید بوون لێ ل وەرزێ ئەڤ سالە ئاستێ یاریزانێ کورد یێ چیاوازە ھەتا نوکە حەفت یاریان پشکداری د سەرجەم یاریێن یانێ یێن فەرمی دا کریە کو سێ یاری ژ خولێ شیا پێنج گولان توماربکەت و چار یاری ژ کاس سوید شیا سێ دو گولان توماربکەت ئانکو سەرجەمێ یاریێن ئەوی حەفت یاری و حەفت گول

زاخۆ ل یاریگەھا خوە سێ جاران شورتە خوسارەتکریە
ئەڤرۆ،ھەژار مەعروف:
چاڤەرێ دھێتەکرن ئەڤرۆ و سوباھی ھەشت یاری ژ گەرا ٢٣ ژ خولا نایابا عیراقێ بھێنەکرن و نوونەرا ھەرێما کوردستانێ یانا زاخۆ بریارە سوباھی ل یاریگەھا خوە یا نیڤدەولی مێڤانداریا یانا شورتە بکەت د یاریەکا ب زەحمەت دا کو ھەردو یانە پێدڤی ب خالانە زاخۆ بوو پاراستنا خوە د دخولێ دا بەرامبەر شورتە بوو ھەڤرکیا سەرکێشیا خولێ .
یاریا زاخۆ ل گەل شورتە دێ بیتە تاقیکرنا ئێکێ بوو ھەردو راھێنەرێن نوو یێن یانا زاخۆ شورتە پشتی کارگێریێن ھەردو یانا ب فەرمی ھەڤبەست ل گەل دو راھێنەرێن نوو ئیمزاکری کو چاڤەرێ دھێتەکرن د ڤێ یاریێ دا ھەردو راھێنەر بزاڤێن مەزن بکەن بوو خوە سەپاندن بوو جەماوەرێ وەرزشی یێ ھەردو یانان ، یانا زاخء پشتی ئەوان ئەنجامێن لاواز تومارکرین ب سەرپەرشتیا راھێنەرێ خوە یێ بەری نوکە حەیدر عوبێد ب فەرمی کارگێریا یانا زاخۆ بوو یاریێن بھێت ھەڤبەست ل گەل راھێنەرێ بەرنیاس ل سەر ئاستێ عیراقێ سالح رازی ئیمزاکر کو ناڤبری بەری نوکە سەرپەرشتیا چەندین یانێ، مەزن ل عیراقێ کریە و راھێنەرێ بەری نوکە حەیدر عوبێد وەکو ھاریکارێ وی ھاتە دانان بەرامبەر شورتە ژی ھەڤبەست ل گەل راھێنەرێ خوە یێ بەرێ ئەوێ بەرێ چار سالان شیای ناسناڤێ خولێ بوو یانێ ب دەستخوڤە بینت سائیر جەسام ئیمزا بکەت پشتی ھەڤبەستا راھێنەرێ بەرازیلی باکیتا ھەلوەشاندی .
شورتە ب سەرکێشیا راھێنەرێ خوە یێ نوو سائیر جەسام دێ ھەمی بزاڤێن خوە تەرخان کەت بوو دەستڤە ئینانا سێ خالان و بەردەوامی ب دەتە ھەڤرکیا برنا ناسناڤێ خولێ بەرامبەر یانا زاخۆ ژی ب سەرکێشیا راھێنەرێ خوە سالح رازی دێ ھەمی شیانێن خوە تەرخان کەت بوو دەستڤە ئینانا سێ خالان و قورتالکرنا یانا زاخۆ ژ ڤێ رەوشا لاواز یا نوکە تێدا بوریت کو لاوازترین وەرزە یانا زاخۆ تێدا بوریت ل ھەشت سالێن بوری دا کو ب گشتی چاڤدرێرێن وەرزشی وەسا دبینن ئەڤ یاری یە دێ بیتە یاریا راھێنەران کو ھەڤرکی پتر دێ دناڤبەرا ھەردو راھێنەران دا بیت ھەر چەندە شیانێن شورتە گەلەک ژ یێن زاخۆ مەزنترە ژ ھەموو لایەکی ڤە تایبەت پێکھاتیێ تیمێ کو یانا شورتە دو پێکھاتی ھەنە زوربەیا ئەوان یاریزانێن ھەلبژارتیێ عیراقێ و ئولومپی عیراقێ نە ھەردیسان ھژمارەکا مەزن یا یاریزانێن ستێر ل عیراقێ یاریێ ل ڤێ یانێ دکەن .
زاخۆ شورتە ھەر ژ سالا ٢٠٠٣ وەرە ١٥ یاری ھەمبەری ئێک کرینە کو یانا شورتە شیا ھەشت جاران سەرکەفتنێ توماربکەت بەرامبەر زاخۆ سێ سەرکەفتن و ھەشت وەکھەڤی کو حەفت جاران زاخۆ ل یاریگەھا خوە بەرامبەر شورتە یاری کریە سێ جاران شورتە ل یاریگەھا زاخۆ خوسارەت بوویە بەرامبەر دو وەکھەڤیا و دو جاران زاخۆ ل ناڤ ئەرد و جەماوەرێ خوە ل گەل شورتە خوسارەت بوویە.
ھەژی گوتنێ یە یانا زاخۆ نوکە ل رێزا ١٩ و بەری دووماھیێ د لیستا خولێ دا دھێت ب ١٤ خالان بەرامبەر شورتە ل رێزا دوێ دھێت ب ٤٦ خالان