NO IORG
نووترين نووچه
Twitter

ئەڤرۆ نیوز:
ئەندامەکا لژنا دارایی و ئابووری ل جڤاتا نوونەرێن عیراقێ ئاشکرا کر کو گرۆپێ بانکا نیڤدەولەتی ل گەل ھەر دو حوکمەتێن عیراقێ و ھەرێما کوردستانێ یێ کار دکەت بۆ دانانا ستراتیژیەکا نوو ل سەر کێمکرنا رێژا ھەژاریێ ل عیراقێ و ھەرێما کوردستانێ.
نەجیبا نەجیب، ئەنداما جڤاتا نوونەرێن عیراقێ ژ فراکسیۆنا پارتی دیموکراتی کوردستان بۆ رۆژناما ئەڤرۆ ئاشکرا کر، دوھی 15/6/2016 گرۆپێ بانکا نیڤدەولەتی ل گەل ھەر دو حوکمەتێن ھەرێما کوردستانێ و حوکمەتا عیراقێ و ئەندامێن لژنا ئابووری و بەرھێنانێ یێ بزاڤێن خورت دکەت بۆ دانانا ستراتیژیەکا نوو، و گۆت: “مەرەم ژ وێ ستراتیژیا نوو کێمکرنا رێژا ھەژاریێ یە ل عیراقێ و ھەرێما کوردستانێ”.
نەجیبا خانێ ئاماژە ب وێ چەندێ ژی کر کو نوکە رێژا ھەژاریێ ل ھەرێما کوردستانێ پێنج جارکی ھەمبەر سالێن بۆری زێدەبوویە و گەھشتیە 15% و گۆت: “بەری سالا 2014 رێژا ھەژاریێ ل ھەرێما کوردستانێ 3.4% و ل عیراقێ ژی 13% بوو، لێ نوکە ل عیراقێ ژی بوویە 15%”.
وێ ئەنداما لژنا ئابووری ل جڤاتا نوونەرێن عیراقێ ئاشکرا کر کو ئەو ب ھیڤی نە ئەو ستراتیژیا دھێتە دانان تەمام بیت و ل دەستپێکا سالا بھێت 2017 بکەڤیتە دبیاڤێ ب جھئینانێ دا و کار بۆ کێمکرنا رێژا ھەژاریێ ل ھەرێما کوردستانێ بھێتەکرن.

242

ئەڤرۆ نیوز:
چاڤەرێ دھێـتەکرن ئەڤرۆ بەردەوامی ب یاریێن قارەمانیا یورو یا ئەڤ سالە بھێنەکرن د یاریێن رۆژا حەفتێ دا و ژ یاریێن گەرا دوێ بریارە سێ یاری بھێنەکرن کو د یاریا ئێکێ دا ددێربیا برێتانیا دا دناڤبەرا ھەردو ھەلبژارتیێن وێلز و ئینگلتەرا و ئوکرانیا و ئیرلەندا باکور ل یاریا سیێ ئەلمانیا ل گەل پولەندا.

image
وێلز ئینگلتەرا
یاریا ئینگلتەرا ل گەل وێلز بریارە ل دەمژمێر چار پشتی نیڤرو بھێتەکرن کو ئەڤ یاری یە دھێتە ھژمارتن یاریا دێربیا برێتانیا ژبەرکو ھەردو ژ دەولەتا شاھانا یا برێتانیا نە و شێوازێ کرنا یاریا ھەردو ھەلبژارتی یە گەلەک نێزیکی ئێکە لێ شارازی و مێژویا ئینگلتەرا باشترە ژ یا وێلزی د ڤان جورە یاریان دا کو وێلز دبیتە جارا ئێکێ پشکداریێ د قارەمانیێ دا کەت بەرامبەر ئینگلتەرا جارا نەھێ یە لێ یاریزانێن وێلز یێ یانا ریال مەدرید گارس بێل ئەوێ دھێتە ھژمارتن ئێک ژ یاریزانێن ھەرە باش نوکە ل جیھانێ و یاریزانێ یانا ئەرسینال ئارون رامسی کو ھەردو یاریزانان د دووماھی داخویانێن خوە وەسا داینە دیارکرن ھەلبژارتیێ ئەوان یێ ب سانەھی نابیت بەرامبەر ئینگلتەرا راستە دێ یاریێ ھەمبەری ھەلبژارتیەکێ ب ھێز کەن ل جیھانێ لێ وێلز ژی نوکە خودانا یاریزانێن گەلەک باشە ل سەر ئاستێ خولێن ئورۆپی تایبەت یێن مەزن و دبینت دێ شێن ھەڤرکیا ئینگلتەرا کەن، ژلایەکێ دیڤە راپورتێن رۆژنامەڤانی ل ئینگلتەرا دیارکری نە یاریا بەرامبەر وێلز دێ بیتە مەترسیەک بۆ ئینگلتەرا ھەر ئەنجامەکێ لاواز ژبەرکو دێ کەڤتە د مەترسیا دەرکەفتنێ دا و یاریێن ب ڤی رەنگی مەترسی ل سەر ھەیە ژبەرکو وێلز شێوازێ وێ گەلەک نێزیکی یێ ئینگلتەرا یە و وێلز بێ گڤاشتن یاریێ کەت ژبەرکو ئەو د یاریا ئێکێ دا شیای نە سەرکەفتنێ توماربکەن بەرامبەر ئینگلتەرا دێ گڤاشتن یاری کەت، مێژویا یاریێن ھەردو یانا بۆ ئینگلتەرا ڤەدگەریت کو چار جاران ھەمبەری ئێک بووینە ھەمی یاری د بەرژوەندیا ئینگلتەرا دا ب دووماھی ھاتینە.

ئوکرانیا و ئیرلەندا باکور
یاریا دوێ بریارە دناڤبەرا دناڤبەرا دو ھەلبژارتیێن بریندار دا بھێتەکرن کو ھەردو ھەلبژارتی د یاریا ئێکێ دا نەشیانە سەرکەفتنێ توماربکەن ھەر چەندە ئوکرانیا شیا ئاستەکێ بلند ل گەل ئەلمانیا پێشکێش بکەت لێ ئیرلەندا نەشیا ژ رێیا پولەندا دەربازبیت لەورا ئەڤ یاریە دێ بیتە دەلیڤەیا دووماھیێ بۆ ھەردو ھەلبژارتیا ھەر ھەلبژارتیەکێ خوسارەتیێ بدەت ھەتا رادەکێ مەزن دێ قارەمانیێ ب جە ھێلت و مێژویا ھەردو ھەلبژارتیا وەسا دیارکەت ئاستێ ھەردوکان ل ئێک ئاستە کو دو جاران ھەمبەری ئێک بووینە ھەردو جاران وەکھەڤ بوینە.
ئەلمانیا پولەندا
بریارە یاریا سیێ و دووماھیێ ژ رۆژا حەفتێ دناڤبەرا پولەندا و ئەلمانیا دا بیت کو ئەڤ ھەردو ھەلبژارتی یە خودانێن سێ خالانە دڤێ کومێ دا ھەر ھەلبژارتیەکێ سەرکەفتنێ توماربکەت دێ دەربازبوونا خوە مسوگەر کەت بۆ قوناغا دوێ، د مێژویا یاریێن ھەردو ھەلبژارتیان دا ھەشت جاران ھەمبەری ئێک بووینە کو چار جاران ئەلمان شیاینە سەرکەفتنێ توماربکەن بەرامبەر سێ وەکھەڤیا و جارەکێ سەرکەفتن بۆ پولەندا و دووماھی دو یاری ل سالا بوری بوون ژ ڤاڤارتنێن یورویا ٢٠١٦ کو پولەندا ل یاریگەھا سەرکەفتن تومارکر و پاش ل یاریگەھا خوە ئەلمانیا شیان تولاخوە ژ پولەندیا ڤەکەن

ئەڤرۆ نیوز:
ئاژانسا رویتەز یا نووچەیان د راپۆرتەکێ دا دیار دکەت کو ب ھێزبوونا کوردان ل سووریێ وەسا کریە کو تورکیا گەلەک تەنگاڤ بیت و ژ بەر ھندێ ژی پشتی کو ئەردۆگانی دیت جارێ چو نیەتا ئەمریکا و ھێزێن جیھانی نینە بەشاری ژ دەستھەلاتێ دوور کەن، ژ بەر ھندێ ژی رەنگە ل دژی کوردان تورکیا خوە نێزیکی بەشاری بکەت.
ئاژانسا رویتەرز یا نووچەیان د راپۆرتەکێ دا دیار دکەت کو کورد ل سووریێ رۆژ رۆژێ ب ھێزتر دبن و پشتی کو ئەمریکا سەربازێن خوە رەوانەی رۆژئاڤایێ کوردستانێ کری و چەندین بنگەھێ سەربازی ل ئاڤا کری نھا فرەنسا ژی سەربازێن خوە دەربازی رۆژئاڤایێ کوردستانێ کرینە و رەنگە ئەلمانیا ژی سەربازێن خوە رەوانەی وێ دەڤەرێ کەت، ئەو یەک ژی نیشا ددەت کو پشتەڤانیەکا گەلەک مەزن بۆ ھێزێن کوردی ل سووریێ ھەیە ب تایبەتی ژی د دەمەکێ دا کو کوردان شیان ل سووریێ دربێن مەزن ل داعشێ بدەن و نھا ژی بەرھەڤیان بۆ ئازادکرنا منبیجێ دکەن، پشتی منبیجێ ژی دێ ئۆپەراسیۆنا ئازادکرنا جەرابلۆسێ دەستپێ کەت و بێگومان د دووماھیێ دا ژی دێ رەققە ھێتە ئازادکرن، ژ بەر رۆلێ کوردان ژی ئەمریکا و ھێزێن دی یێن جیھانی پشتەڤانیێ ل وان دکەن.
د بەردەوامیا راپۆرتا ئاژانسا رویتەرز دا ھاتیە دیار کرن کو تورکیا ب سەرۆکاتیا رەجەب تەیب ئەردۆگانی گەلەک بزاڤ کرن کو ئەمریکا و ئورۆپا پشتەڤانیێ ل کوردێن سووریێ نەکەن، لێ ژ بەر ب ھێزبوونا پێگەھێ کوردان ب تایبەتی ژی ل شەرێ ل دژی داعشێ ئەمریکا پشتەڤانیێ ل وان دکەت و رەنگە گەلەک وەلاتێن دی یێن ئورۆپا ژی ب رەنگەکێ ئاشکرا پشتەڤانیا خوە بۆ کوردان دیار بکەن و ڤێ یەکێ وەسا کر پێگەھێ کوردان ل سووریێ گەلەک ب ھێز بیت و نھا ئەردۆگان تەنگاڤ بوویە و رەنگە گوھۆرینان د ھەلویستێ خوە ل سووریێ بکەت.
د دووماھیا راپۆرتێ دا ھاتیە دیار کر کو تورکیا دخوازیت ل دژی کوردان ل گەل سووریێ بیت، واتە ھەلویستێ گشتی یێ تورکیا ل ھەمبەر بەشاری و سووریێ ناھێتە گوھۆرین، لێ تنێ وان دڤێت رێ ل ب ھێزبوونا کوردان بگرن و ژ بەر ھندێ ژی پێشبینی دھێتە کرن تورکیا گۆتارا خوە ل ھەمبەر بەشاری و دەستھەلاتا وی نەرم کەت، لێ ھەکە تشتەک وەسا روو بدەت رەنگە ئەمریکا و وەلاتێن ئورۆپا پتر ژ تورکیا دوور کەڤن و پشتەڤانیێ ل کوردان بکەن، چونکو بەری نھا ژی گەلەک جاران ئەمریکا و وەلاتێن ئورۆپی دیار کرینە کو دڤێت تورکیا ھەلویستێ خوە ل ھەمبەر داعشێ ئاشکرا کەت و ھەتا ئەو یەک نەھێتە کرن ئەو نەشێن وەک بەرێ ھەڤکاریا تورکیا بکەن.

زاخۆ,ھشیار دوبانکی:
ژ بەر کو چەندین سالە جەماوەر وجادەیا وەرزشی ل باژیرێ زاخۆ گەلەک گازندە ھەبوون کو کارگیریا یانا زاخۆ گرنگیێ ب یاریزانێن باژیرێ زاخۆ نادەت یانا زاخۆ ئەف سالە دێ ب یاریزانێن کورد پشکداریێ دخولا عیراقێ دا کەت.
عەبدولوەھاب محەمەد عیسا سەروکێ یانا زاخۆ ددیدارەکێ دا بۆ رۆژناما ئەڤرۆ دبێژیت: ئەم دێ ئەڤ سالە وەکو جەماوەرێ خوە کەین ئەوا وان دڤیا ئەم دێ ب جە ئینن ئەوژی پشت بەستنێ ل سەر یاریزانێن کورد کەین کو پێکھاتیێ تیما زاخۆ ئەڤ سالە دێ یێ پر بیت ژ یاریزانێن کورد.
ھەردیسان ناڤبری زێدەتر گوت: ئەم دێ دەستپێکێ ل قوناغا ئێکێ پشت بەستنێ ل سەر یاریزانێن کورد کەین ئەگەر مە دیت ئەنجام د باشن و دێ ھەتا دووماھیا خولێ پشت بەستنێ ل سەر ئەوی پێکھاتی کەین و ئەگەر ئەنجام ب دلێ مە نەبوون وی دەمی دێ نەچار بین یاریزانێن بیانی بینن داکو تیمێ ژ مەترسیا قورتال کرنا پاشڤەزفرینا خولێ قورتال بکەین و ئەوا ئەم دێ کەین ل دەستپێکێ ل سەر حەزا جەماوەری یە کو ماوەکە ھەمی دیارکەن پشت بەستنێ ل سەر یاریزانێن بیانی کەین ئەڤ سالە دێ دەلیڤەیێ دەینە یاریزانێن کورد.

سەبارەت قەیرانی و ھاریکاریێ ناڤبری دیارکر ب مخابنی ڤە ھەتا نوکە کەسێ دەستێ ھاریکاریێ بۆ یانێ دیار نەکری یە و ب ڤی رەنگی بیت دێ پشکداریا ئەوان ل وەرزێ ئەڤ سالە یێ ب زحمەت بیت لێ ھەر چەوا بیت ئەو دێ ھەمی بزاڤا کەن بۆ پشتەڤانیا تیما خوە ل وەرزێ ئەڤ سالە.
ل دووماھیێ ناڤبری گوت: ژڤانە ئەڤرۆ کارگیریا یانێ کومبوونەکێ ل گەل یاریزانێن کورد بکەن بۆ چەوانیا پشکداریا تیمێ دخولا عیراقێ دا بۆ وەرزێ نوو یێ خولێ

ئه‌ڤرۆ نیوز:
سه‌لاحه‌دین ده‌میرتاش هه‌ڤسه‌رۆكێ هه‌ده‌پێ راگه‌هاند دێ ب هه‌موو ره‌نگه‌كێ به‌ره‌ڤانیێ ژ خوه‌ كه‌ن و ناچنه‌ هه‌مبه‌ر دادگه‌هێ ئه‌گه‌ر پارێزبه‌ندى ل سه‌ر وان بهێته‌ راكرن.
ده‌میرتاش دیاركر ژى ئه‌گه‌ر وان ب زۆرى ببه‌نه‌ هه‌مبه‌ر دادگه‌هێ ئه‌و دێ ب ئێك هه‌لویست به‌ره‌ڤانیێ ژ خوه‌ كه‌ن و گۆت” مه‌ نڤیسینه‌ك به‌رهه‌ڤكریه‌ و ب رێیا وێ نڤیسینێ هه‌ر په‌رله‌مانتاره‌كێ هه‌ده‌پێ دێ به‌ره‌ڤانیێ ژ خوه‌ كه‌ت”.

448

ئەڤرۆ، زنار زوبێر:
یاریزانێ یانا دھۆک دیارکر سلامەتیا وی گرنگترە ژ یاریێ و دێ حەفتیا بھێت ڤەگەریتە راھێنانان و ھەر دەمێ نوژداران دەلیڤە دایێ یاریێ بکەت دێ ل وەرزێ بھێت ڤەگەریتە ناف رێزێن یانا دھۆک.
زێدەتر د ڤی چارچوڤەی دا ئازاد ئەحمەد د دیدارەکێ دا بۆ رۆژناما ئەڤرۆ دا گۆت: بەری سالەکێ من نشتەگەریەک بۆ پێ خوە ئەنجامدایە پشتی ل گەل یانا دھۆک توشی ھنگافتنێ بوی د خولا عیراقێ دا و ژ وی جەمی وەرە نوژداران ئەز ئاگەھدارکرن مو نابیت بۆ ماوێ سالەکیّ ڤەگەریا یاریا تەپا پێ لێ نوکە ئەو چارەسەریا نوژداران بۆ وی دانای بجە ئینایە و پشتی جەژنێ رەمەزانێ دێ بزاڤێ کەت دوبارە ڤەگەریتە راھێنانان و ھەردەمێ ل وی دەمی چو ئاریشە یان ئێشان پەیدانەبون دێ ل وەرزێ بھێت ڤەگەریتە ناف رێزێن یانا دھۆک.

ناڤبری سوپاسیا کارگێریا یانا دھۆک کر کو مەزاختیێن نشتەگەری و چارەسەریا وی ب ستویێ خوە ڤە گرتن و سوز دا ھەمی پشتەڤانێن خوە و یانێ ل وەرزێ بھێت ب ھەمی شیانێن خوە ڤەگەریتە ناف یاریگەھان

image

ئەڤرۆ نيوز:
بەرپرسێ راگەھاندنا یانا زاخۆ محەمەد سەدیق د داخویانیەکێ دا بۆ رۆژناما ئەڤرۆ دیارکر پشتی تیما ئەوان ل ٢-٣-٢٠١٦ سەرکەفتن ل سەر یانا ھەولێرێ تومارکری د خولا عیراقێ یا تەپا پێ دا و دەمێ یاری ب دووماھی ھاتی پارێزگارێ دھۆکێ بۆ کارگێریا یانا زاخۆ دیارکر ئەو دێ ھەر یاریزانەکی ملیون دیناران وەکو پاداشا سەرکەفتنێ لێ ھەتا نوکە ئەو پارە نە ھاتینە مەزاختن کو زێدەتر سێ ھەیڤە.
زێدەتر بەرپرسێ راگەھاندنا یانا زاخۆ دیارکر کارگێریا یانا زاخۆ ب نڤێسینەکا فەرمی کو پێکھاتی بوون ژ ٣٢ کەسان و تێدا داخازی ژ پارێزگەھێ دھۆکێ ھاتبو کرن پاداشا سەرکەفتنا یاریا ھەولێرێ لێ پشتی چەندین جاران یانا زاخۆ بزاڤکرن لێ ئەڤە سێ ھەیڤ دەربازبوون ھەتا نوکە ئەو کوژمێ پارەی نە ھاتیە مەزاختن ھەر چەندە پارێزگارێ دھۆکێ ئیمزا ژی ل سەر وێ نڤێسینا فەرمی یا یانێ دا بوو لێ یانێ چەند داخوازیا ئەوی پارەی کربا دا وەسا ھێتەدیارکرن ژلایێ سەرژمێریا پارێزگەھێ ڤە نوکە پارە ل بەر دەستێ ئەوان نینە .
محەمەد سدیق ئاماژە ب وێ چەندێ ژی کر پشتی پارێزگەھێ دھۆکێ سوز دایە کارگێریا یانێ ھەر یاریزانەکی ملیونەکێ دەتێ وەکو پاداشا سەرکەفتنێ کارگێریا یانێ ژی ل وی دەمی کوژمەکێ پارەی قەرکر و پەیداکر لێ ب کوژمەکێ کێمتر بوو ژ وی کوژمێ پارێزگەھێ دھۆکێ گوتیە ئەوان و گەلەک جاران یاریزانان بو یانێ دیارکری یە پارێزگەھی ئەو پارە دایە ئەوە بۆ ھین نادەنە مە کو یاریزانان وەسا ھزر کر کارگێریێ ئەو پارە وەرگرتی یە لێ ھەتا نوکە چو پارە بۆ نە ھاتینە مەزاختن.
ل دووماھیێ ناڤبری دیارکر دووماھی جار ئەوان سەرەدانا پارێزگەھێ کری داخوازیا ئەوی کوژمی کری لێ سەرژمێریا پارێزگەھێ وەسا بۆ دیارکر نوکە چو پارە ل بەر دەستێ ئەوان نین و لەورا کارگێریا یانێ ژی داخوازی ژ ئەوان کر ئەگەر پارێن ئەوان بۆ نە ھێتە مەزاختن بلا نڤێسینا مە یا فەرەمی ڤەگەرینن و پشتی ئەو نڤێسن ڤەگەراندی وەسا د وێ نڤێسنی دا سەرژمێریێ دیارکر ئەو دێ جھێ ئیمزاکرنا پارێزگەھێ دھۆکێ ژێ بەن و ب پێنوسێ سپی ئەو ئیمزا ھاتە ژێبرن .

13451249_493906410800680_273117700_n

13435900_493906427467345_834581183_n
13461050_493906640800657_1080586929_o

ئەڤرۆ نیوز:
گەلەک وەلاتی پسیار دکەن کا فشارا خۆینی چ کارتێکرن ل سەر ساخلەمیا وان ھەیە د ھەیڤا رەمەزانێ دا و نڤستنا ب رۆژ ژی گەلەک مەترسیە ل سەر ساخلەمیا وەلاتیان ونابیت مروڤی خۆارنی بخوت ل سەر بنڤیت، نەخۆشێن دلی و رەبوویێ ژی پتریا جارا پێدڤی ب چارەسەریا دەملدەست دبن و رۆژانە چەندین جارا دەرمانا ب کاردئینن، ل رەمەزانێ داکو ساخلەمیا مرۆڤی یا باش بیت پێدڤیە کێم خوارنێ بخووت و زێدە لڤینێ بکەت.
د. مەردان خەلیل ھدایەت، تایبەتمەندێ نەخۆشیێن دل و ھناڤا دیارکر کو ھەر وەلاتیەکێ نەخۆشیا دلی ھەی رۆژی گرتن دبیتە بارگرانی ل سەر لەشێ وی مروڤی ب تایبەتی ژی ھەکە گەلەک تێھنی و برسی ببیت و فشارەک ل سەر ئەندامێن لەشێ وی دروست ببیت و گۆت: پێدڤیە وەلاتیێ نەساخ قەستا نوشدارێن خوە بکەن بۆ ھندێ ھەکە نوشدار ببینیت ساخلەمیا وی یا باشە و گەلەک پێدڤی ب خۆارنا دەرمانان نننە نوشدار دشێت بڕیارێ بدەت کا نەساخ چ بکەت بۆ ھندی ساخلەمیا نەساخی باشتر ببیت، کو شەریعەتی رێک یا دایێ و پێدڤیە مروڤ مفایی ژ وێ رێکێ ببیینت.
د. مەردان خەلیل ھدایەت گۆتژی: گەلەک جاران نەساخێن فشارا خۆینێ پسیارا دکەن کا فشارا خۆینی چ کارتێکرن ھەیە کو ھەکە فشارا خۆینێ یا نۆرمال بیت، چو کارتێکرن نینە لێ فشارا خۆینێ یا مەترسیدار ئەوە کو ببیتە 20 و22 ل سەر 12 و13 و11.5 ئەڤ فشارا خۆینی یا ب مەترسیە دەمێ بلند دبیت، ئەڤە ژی پێدڤیە نەساخ بۆ ماوەیێ چەند رۆژان رۆژیا خوە بخوت ھەتا جارەکا دی فشارا وی یا خۆینی نورمال دبیت و پاشی دەست بگرتنا رۆژیێن خوە بکەتەڤە کو ئەو کەسێ فشارا خۆینێ ھەی ب تایبەتی ژی ئەوێن فشارا وان دبیتە 22 ل سەر 12 یان ل سەر 13 ئەڤ وەلاتینە پێدڤی ب خۆارنا دەرمانان ھەنە و پێدڤیە رۆژێ زێدەتر ژ سێ جاران و چار جاران حەبکێن خوە بخوت و پێدڤی ب چاڤدێریا نوشداری دبن.
تایبەتمەندێ نەخۆشیێن دل و ھناڤا زێدەتر گۆت: نەخۆشیێن رەبویێ کو بێھنا وان تەنگ دبیت، ئەوژی بەخاخێ ب کاردئینن و گۆت: ھەکە شیان ھەبن دەرمانێن خوە بخوت و بەخاخێ بکاربینت، دەمێ پاشیڤێ، دشێت رۆژیێن خوە بگرت، لێ ھەکە ھات و نەخۆشیا بێھن تەنگیێ ھەبیت و بێھنا وی تەنگ ببیت و پێدڤی ب نەخۆشخانێ و ئوکسجینی ببیت ئەم دبینین ھەکە رۆژیا خوە بخوت باشترە، چونکو بێھن تەنگی یا باش نینە.
د. مەردان خولیل، ئاشکرا کر کو نڤستنا ب رۆژێ ژی گەلەک یا شاشە و پێدڤیە مروڤ لڤینێ بکەت نە خۆارنێ بخوت و ل سەر بنڤیت، و گۆت: ئەڤە گەلەک نەیا دروستە بەری ھزارەھا سالان خەلک نە روونیشتە خارێ و بەردەوام کاردکرن و ھینگی نەخۆشی دکێم بوون، لێ نوکە چونکو لڤینا مروڤان یا کێمە و خۆارنی دخوون و ل سەر دنڤن کو دکەڤیتە سەر میلاکێ یان رووڤیکێن وی ل سەر دلێ ئەو خارنا دمینت دئەنجامدا سەنگا وی زێدەبیت، ئەو مروڤ دێ تووشی نەساخیان بیت، باشترە مروڤ گەلەک خوارنی نەخووت و زێدە لڤینێ بکەت دھەیڤا رەمەزانێ دا داکو ساخلەمیا وی باش بیت.

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1272
1 يۆرۆيێ ئه‌ورۆپى 1425
1 ليرێ توركى 430

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

809

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى خزيرانا 2016ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 39000
1 گرام زێرێ  (ع) 21 46000
1 گرام زێرێ  (ع) 22 48000
1 گرام زيڤ 3000

website security
WP Facebook Auto Publish Powered By : XYZScripts.com