ئەڤرۆ نیوز، عەلی حاجی :
رێڤەبەرێ رەوشەنبیری و هونەری ل زاخۆ د داخویانیەکا تایبەت دا بۆ ئەڤرۆ نیوز دیار کر ژ بەر نە ئێکگرتنا ئیدارا باژێرێ زاخۆ هەتا نوکە جهەک نەهاتیە دەستنیشان کرن بۆ دانانا پەیکەرێن هونەرمەندین وەغەرکری ئەردەوان و ئەیازی.
زێدەتر دلخاز موسا گۆت: (پشتی دەوروبەرێن پرا دەلال ژلایێ باژێرڤانیا زاخۆ هاتیە نووژەنکرن، پەیکەرێن ئەردەوانی و ئەیازی کو پێشتر ل پرا دەلال بوون نوکە ل پارکا رێڤەبەریا مە هاتینە دانان بتنێ ” خودان دکەین ” ئانکو چاڤدێریا لێ دکەین ژ بەر باژێرڤانیا زاخۆ ئەو هەر دو پەیکەرە دروست کربوون، چەندین جاران مە داخواز کریە جهەک بهێتە دەستنیشان کرن بۆ دانانا وان دو پەیکەران بەلێ هەتا نوکە چو جهەک نەهاتیە دەستنیشان کرن و ئەندازیارێن باژێرڤانیا زاخۆ ژی رازی نەبووینە ل پرا دەلال دوبارە ئەو دو پەیکەرە بهێنە دانان و وەکو رێڤەبەریا رەوشەنبیری و هونەری ل زاخۆ مە پێ باشە ئەو دو پەیکەرە دوبارە ل پرا دەلال بهێنە دانان کو لایەک پەیکەرێ ئەیازی و لایەک دیتر ژی پەیکەرێ ئەردەوانی دا کو بیتە سێگوشە دگەل پرا دەلال).
ناڤبری خویا کر ژی ” بریار بوو پەیکەرەکێ دیتر ئەردەوانی و ئەیازی دگەل عودا سەباح زاخۆیی بهێنە دانان بەلێ ژ بەر ناکوکی و نە ئێکگرتنا ئیدارا باژێرێ زاخۆ هەتا نوکە ئەو پەیکەرە ژی نەهاتینە دانان “.
نيشاندان