ئەڤرۆ نیوز:
وەزارەتا ساخلەمیا عیراقێ ئامارێن 24 دەمژمێرێن بوری یێن ڤایرۆسێ کۆرۆنا یێ بەلاڤە کرن و راگەهاند: هزار و 180 کەسێن دی تووشی کۆرۆنا یێ بووینە و 53 پێکەفتیان گیانێ خوە ژ دەستداینە.
هەروەسا گۆتیە: 10 هزار و 325 پشکنین بۆ دەست نیشانکرنا تووشبوویێن ڤایرۆسێ کۆرۆنا یێ هاتینە کرن و ژ وی هژمارێ هزار و 180 تووشبوویی هاتینە تۆمار کرن و رێژا هەرە مەزن ل بەغدا یە کو ئەو ژی 495 پێکەفتی نە.
ئەڤرۆ نیوز، عەلی حاجی :
رێڤەبەرێ چاندنێ ل زاخۆ بۆ ئەڤرۆ نیوز دیار کر د ئەڤسالە دا کێمترین رێژەیا وەرگرتنێ ل سەرانسەری عێراقێ بەر ب پارێزگەها دهوکێ و ب تایبەتی ژی زاخۆ کەفتیە و بەردەوامین ل سەر وێ چەندێ دا کو ئەڤ رێژەیە بهێتە زێدە کرن.
زێدەتر ئەحمەد سامی گۆت: ( ئەو رێژەیا بۆ زاخۆ هاتیە دانان بتنێ ١٢ هزار تەنن کو دبیتە نیڤا رێژەیا سالا بوری کو ئەو ژی رەزامەندی ل سەر ٢١ هزار تەنان هاتبوو دان، ئەڤ رێژەیا د ئەڤسالە دا بۆ زاخۆ هاتیە دانان کێمترین رێژەیە ژ بەر کو مە رێژەیەکا گەلەک زێدەتر یا گەنمی ل باژێرێ زاخۆ هەیە، ل سەر ڤێ ئاریشەیێ ژی مە هەمی جهێن پەیوەندیدار ئاگەهدار کرینە و هەتا پەرلەمانتارێن کوردستانێ ل پەرلەمانێ عێراقێ ئاگەهدار کرینە، هەر دیسان رێڤەبەریا گشتی یا چاندنێ ژی ل پارێزگەها دهوکێ بەردەوامە ل سەر هەولێن خوە بۆ زێدەکرنا پشکا گەنمی ل زاخۆ و ئەڤ ئاریشەیە ل سەرانسەری پارێزگەها دهوکێ د ئەڤ سالە دا دروست بوویە).
ناڤبری ئاشکەرا ژی کر ئەو لیستەیا ئەم رەوانە دکەین بۆ بەغدا باوەری پێ نینە لەورا ئەڤسالە کێمترین رێژە داناینە و بەروڤاژی بۆ پارێزگەهێن دیترێن عێراقێ پشک ناهێتە دانان و بۆ جوتیارێن وان دەڤەران یا ڤەکریە و لەورا نوکە باشترە جهێن پەیوەندیدار کار ل سەر زێدەکرنا پشکا پارێزگەها دهوکێ بکەن دا کو ئەم بشێین دەست ب وەرگرتنا بەرهەمێن جوتیاران د ئەڤسالە دا بکەین).
ئەڤرۆ نیوز، عەلی حاجی:
رێڤەبەرێ گشتیێ گوشت و گوزارێ ل پارێزگەها دهوکێ بۆ ئەڤرۆ نیوز دیار کر بۆ قوناغا نوکە داخواز هاتیە کرن ژلایێ مە بۆ ڤەکرنا هاڤینگەهێن گەشتیاری ل پارێزگەها دهوکێ و ئەم چاڤەرێ رازی بونا ژورا ئوپەراسیونا ڤایروسێ کورونایێ پارێزگەها دهوکێ نە بۆ ڤەکرنا وان جهان.
زێدەتر عوبەیدوللا داود گۆت: (بۆ قوناغا نوکە ئەم پشتەڤانیا ڤەکرنا جهێن گەشتیارینە و ب رێیا نڤێسارەکێ ژی مە داخواز ژ ژوورا ئوپەراسیونا ڤایروسێ کورونایێ ل پارێزگەها دهوکێ کریە بۆ ڤەکرنا جهێن گەشتیاری، ژبەر کو گرنگە ئەم کەرتێ گەشتیاری ئەکتیف بکەین ل بەرامبەر وەلاتیێن خوە و نابیت نوکە دا کەرتێ گەشتیاری بهێتە راوەستاندن و وان ژی ژلایێ خوەڤە دیار کری یە قوناغ بۆ قوناغ دێ رێک ب هندەک جهێن گەشتیاری هێتە دان بهێنە ڤەکرن و نوکە ژی وەلو خارنگەهێن گەشتیاری و هندەک جهێن دیتر رێک ب وان هاتیە دان بهێنە ڤەکرن،ئەم پێشنیار دکەین کەرتێ گەشتیاری ل سەر پێنج قوناغان بهێتە ڤەکرن کو قوناغا ئێکێ ل بەرامبەر گەشتیارێن پارێزگەها دهوکێ بهێتە ڤەکرن و بۆ قوناغا دووێ ژی ئەو جهە ل بەرامبەر گەشتیارێن پارێزگەهێن دیترێن کوردستانێ بهێتە ڤەکرن و قوناغا سیێ ژی ل بەرامبەر گەشتیارێن دیترێن عێراقێ بهێتە ڤەکرن وو بۆ قوناغا چارێ ل بەرامبەر گەشتیارێن وەلاتێ تورکیا بیت و قوناغا پێنچێ ژی ل بەرامبەر وەلاتێن دیترێن جیهانی بیت).
ناڤهاتی ئاشکرا کر ژی ڤەکرنا هندەک هاڤینگەها ل هندەک قەزایێن پارێزگەها دهوکێ دکەڤیتە ستویێ بەرپرسێ ئێکێ ل وی باژێری دا و بەرامبەر هەر خەلەتیەکا بهێتە کرن ئەو دێ بەرپرسێ ئێکێ بیت ل بەرامبەر وان جهێن هاتینە ڤەکرن و ژبەر کو هێشتا چو بریارێن فەرمی ژلایێ ژورا ئوپەراسیونا ڤایروسێ کورونایێ ل دور ڤەکرنا هاڤینگەهان نەهاتیە دان .
ئەڤرۆ نیوز، عەلی حاجی:
بەرپرسێ راگەهاندنا بەرەڤانیا باژێری ل دهوکێ بۆ ئەڤرۆ نیوز دیار کر ل سالا بوری هەتا نوکە تەرمێن چار کەسان ل سنورێ دەڤەرا زاخۆ نەهاتیە دیتن و ئەو کەسێن خەندقین ژی پرانیا وان تەرمێ وان هاتیە دیتن و دەرئینان ژ ئاڤێ.
زێدەتە موقەدەم بێوار عەبدولعەزیز گۆت: (د ئەڤسالە دا هەتا نوکە سێ کەس د ئاڤێ ل دەوروبەرێن باژێرێ زاخۆ دا خەندقینی نە و تەرمێ دو کەسان هاتیە دەرئینان و تەرمێ کەسەکێ دیتر ژی نەهاتیە دیتن و لێگەریان ژی بەردەوامە ژلایێ تیمێن نقومەڤانی ڤە ل زاخۆ بۆ دیتنا تەرمێ وی وەلاتی، هەر دیسان ژی کەسەکێ دیتر ژی ژ خەندقینێ هاتیە رزگار کرن، پرانیا ئەو کەسێن خەندقین ژی ژ ئەگەرێ بلندیا ئاڤێ بوویە و یان ژی شارەزا نەبووینە د مەلەڤانیان دا، لەورا ئەم داخواز ژ وەلاتیێن خوە دکەین د نوکە دا خوە گەلەک نەئێخنە د ئاڤێ دا، دا کو گیانێ وان یێ ب سلامەت بیت و دێ بەردەوام ژی بین دا کو بشێن تیمێن خوە یێن نقومەڤانی جێگیر بکەین جهێن خابیری دا کو بۆ هەر روودانەکا خەندقینێ بشێن وان کەسان رزگار بکەن ژبەریا گیانێ خوە ژ دەست بدەن).
ناڤهاتی خویاکر ژی ” ژ سالا بوری هەتا نوکە رێژەیەکا زور ژ وەلاتیان خەندقینە و تەرمێن چار کەسان ژی نەهاتیە دیتن و هەمی هەول دان ژی هاتنە کرن بۆ دیتنا تەرمێ وان بەلێ بێ ئەنجام بوون”.
ئەڤرۆ نیوز:
شاخەوان عەبدوللا ئەندامێ بەرێ یێ پەرلەمانێ عیراقێ راگەهاند کو پشتی ل هندەک دەزگەهێن راگەهاندنێ دا وەسا هاتە بەلاڤکرن کو راکان جبوری بوویە پارێزگارێ کەرکووکێ وی پەیوەندی ب نڤیسینگەها سەرۆک وەزیرێن عیراقێ و ئەمیندارێ جڤاتا وەزیران کریە و دەرکەفت کو چو راستی بۆ هندێ نینە.
ناڤهاتی دیار دکەت کو راکان جبوری ل سەر خەلکێ کەرکووکێ وەکو پارێزگارێ ب وەکالەت هاتیە سەپاندن و گەلەک کارێن نەقانوونی ژی کرینە و دێ بزاڤێ کەن کو هەموو بریارێن وی یێن نەقانوونی بهێنە هلوەشاندن و ژ کاری ژی بهێتە دوورخستن.
ئه‌ڤرۆ نیوز:
په‌یڤدارێ فه‌رمانگه‌ها ساخله‌میا كه‌ركوكێ راگه‌هاند: ل باژێرێ كه‌ركوكێ تا نوكه ژماره‌یا توشبوویێن ڤایرۆسێ كورونایێ گه‌هشتیه 262 كه‌سان و دناڤا وان دا نه‌ه كه‌سان گیانێ خو ژ ده‌ست دایه.
سامان یابه په‌یڤدارێ فه‌رمانگه‌ها ساخله‌میا كه‌ركوكێ راگه‌هاند: ل كه‌ركوكێ تانوكه 262كه‌س توشی ڤایرۆسێ كورونایێ بوون و ژ وێ ژماره‌یێ ژی 138 كه‌س ل نه‌خوشخانه‌یێ ڤه‌نه و 115 كه‌س ژی باش بووینه و نه‌هـ كه‌س ژی ب ڤایرۆسی گیانێ خو ژ ده‌ست داینه.
په‌یڤدارێ فه‌رمانگه‌ها ساخله‌میا كه‌ركوكێ ئه‌و چه‌نده ژی راگه‌هاند: دهی 33 توشبوویێن كورونایێ هاتنه توماركرن و 20 كه‌س ژی ساخ بووینه و كه‌سه‌كی ژی گیانێ خو ژ ده‌ست دایه.
ئه‌ڤرۆ نیوز:
جێگرێ رێڤه‌به‌رێ گشتی یێ ساخله‌میا سلیمانێ راگه‌هاند ل سلێمانیێ چار توشبوویێن دی یێن ب ڤایرۆسێ كورونایێ گیانێ خو ژ ده‌ست دان.
عه‌بدلا ئه‌حمه‌د جێگرێ رێڤه‌به‌رێ گشتی یێ ساخله‌میا سلیمانێ بۆ كارۆبارێن كارگێری و دارایی راگه‌هاند سپێده‌هیا ئه‌ڤرۆ 13/6/2020 چار توشبوویێن دی یێن ب ڤایرۆسێ كورونایێ، پشتی چه‌ند رۆژه‌كان ل بن چاڤدێریا چر گیانێن خو ژ ده‌ست دان.
جێگرێ رێڤه‌به‌ری ساخله‌میا گشتی یا سلیمانێ ئه‌و چه‌نده‌ژی راگه‌هاند: ژیی توشبوویێن گیانێن خو ژ ده‌ست داین دناڤبه‌را 60 بۆ 70 سالیێ دا بوون.
ئه‌ڤرۆ نیوز:
دونالد تره‌مپ سه‌رۆكێ ئه‌مریكا راگه‌هاند هه‌كه د هه‌لبژارتنێن سه‌رۆكاتیا 2020 دا شكه‌ستنی بینم ئه‌ڤه ئه‌نجاما قه‌بیل ناكه‌م و ل ده‌مێ بجه هیلانانا كوشكا سپی كارێن دی هه‌نه بكه‌م.
تره‌مپ سه‌رۆكێ ئه‌مریكا ئه‌و چه‌نده ژی راگه‌هاند: هه‌كه ل هه‌لبژارتنان دا سه‌رنه‌كه‌ڤم، ئه‌ڤه رامانا وێ نه ئه‌وه سه‌رنه‌كه‌فتی مه، به‌لكۆ دێ به‌رده‌وام بین دكارێن دا و كه‌ین.
هه‌لبژارتنێن سه‌رۆكاتیا ئه‌مریكا بریاره ل هه‌یڤا 11 یا ئیسال بهێنه‌كرن، جو بایدن به‌ربژارێ دیموكراتان هه‌ڤركێ دونالد تره‌مپی سه‌رۆكێ نوكه‌یی ئه‌مریكا دكه‌ت، به‌رده‌وام ژی هێرشێ دكه‌نه سه‌ر ئیك و دو تومه‌تباریێ ده‌نه پال ئێك، كو هه‌ول دده‌ن سه‌خته‌كاریێ بۆ برنا هه‌لبژارتنان بهێنه‌كرن.
ئه‌ڤرۆ نیۆز، عه‌زیز هه‌ورامی:
وه‌زاره‌تی كشتوكاڵی حكوومه‌تی هه‌رێم ده‌ڵێت، حكوومه‌ت پلانی هه‌یه كشتوكاڵی كوردستان ئاستێكی به‌رز تۆمار بكات بۆئه‌وه‌ش بۆردێكی پێك هێناوه په‌ره‌به‌كشتوكاڵ بدرێت بازاڕی ناوخۆ پڕبكه‌نه‌وه هه‌نارده‌ی وڵاتانیشی بكه‌ن،ببێته سه‌رچاوه‌یه‌كی تایبه‌تی بوودجه.
حوسێن حمه كه‌ریم وته‌بێژی وه‌زاره‌تی كشتوكاڵی حكوومه‌تی هه‌رێمی كوردستان، به ئه‌ڤرۆ نیۆز ڕاگه‌یاند:”حكوومه‌ت بۆردێكی دروست كردووه بۆ په‌ره‌پێدانی كشتووكاڵ، حكوومه‌ت بڕیاریداوه ده‌بێت كه‌رتی كشتوكاڵ گرنگی پێبدرێت له كارنامه‌ی حكوومه‌تیش هاتووه گرنگی به كه‌رتی كشتووكاڵ ده‌درێت بۆ ژێرخانی ئابووری كوردستان كه‌رتی كشتوكاڵ كه‌رتێكه پڕۆژه‌كانی درێژخایه‌نه.
حمه كه‌ریم وتیشی:”ده‌سته‌ی وه‌به‌رهێنان كۆمه‌ڵێك پڕۆژه‌ی ڕاگه‌یاندووه، وه‌ك ژێرخانێك بۆ كه‌رتی كشتوكاڵ وه‌ك دروستكردنی سایلۆ و ساردخانه و دروستكردنی كارگه‌ی په‌ینی كیمیاوی، گرنگی دان به پیشه‌سازی كشتووكاڵ، هه‌موو وه‌زاره‌ته پێوه‌ندیداره‌كان ده‌بێت هاوكاربن. زیاتر زانیاریدا و وتی، حكوومه‌ت ئامانجی ئه‌وه‌ییه ئه‌و بازرگانانه‌ی ده‌ڕۆن له ده‌ره‌وه هاورده ده‌كه‌ن هاوكاری جووتیاران بكه‌ن له بووژانه‌وه‌ی كه‌رتی كشتووكاڵ، به‌رهه‌می ناوخۆ دابین به‌كه‌ن و زیاده‌كه‌ش به‌بازاڕی ده‌ره‌وه‌ی بكه‌ن، ئه‌مساڵ باجمان له‌سه‌ر كۆمه‌ڵك به‌رو بوومی كشتوكاڵی زیادكرد، بۆ ساڵانی ئاینده زیاتریشی ده‌كه‌ین بۆ ئه‌وه‌ی سه‌رمایه‌دار و بازرگانه‌كانیش هاوكاربن.
نيشاندان