ئەڤرۆ نیوز:
دانوستاندنێن د ناڤبەرا هەر دو جڤاتێن کوردی یێن رۆژئاڤایێ کوردستانێ ب رەنگەکێ باش بەردەوام دکەن و خەلکێ باژێرێ کۆبانێ یێ رۆژئاڤایێ کوردستانێ ژی دیار دکەن کو تنێ ب ئێکەتیا هەر دو جڤاتێن کوردی و هەموو هێزێن دی یێن سیاسی ل رۆژئاڤایێ کوردستانێ دێ دەستکەفتێن کوردان هێنە پاراستن.
خەلکێ کۆبانێ داخواز ژ هەر دو جڤاتێن کوردی ژی دکەن کو د زووترین دەم دا رێککەفتنەکا بەرفرەه ب پشکداریا هەموو هێزێن سیاسی ئیمزا بکەن دا ئەو یەک کارتێکرنا خوە ل هەموو بیاڤێن ژیانێ ل رۆژئاڤایێ کوردستانێ بکەت.
ئەڤرۆ نیوز:
بەری دەمەکێ ل پەرلەمانێ تورکیا ب دەنگێ پرانیا ئەندامێن پەرلەمانی ب تایبەتی ژی هەر دو پارتێن ئاکپارتی و پارتیا بزاڤا نەتەوەپەرست ئەندامەتیا هەر ئێک ژ لەیلا گوڤەن و موسا فارسی ئوغوللاری پەرلەمنتارێن هەدەپێ ژێ هاتە وەرگرتن.
پەرلەمانێ تورکیا هەروەسا مافێ پەرلەمانتاریێ ژ ئەنیس بەربەرئوغلو ئەندامێ پەرلەمانێ تورکیا ژ پارتا کۆماریا گەل ژی وەرگرت و پشتی کۆمبوونا پەرلەمانی هەموو ئەندامێن پەرلەمانێ تورکیا ژ هەر دو فراکسیۆنێن هەدەپێ و پارتا کۆماریا گەل نەرازیبوونا خوە دیار کرن.
ئه‌ڤرۆ نیۆز، عه‌زیز هه‌ورامی:
ئه‌مڕۆ نوسینگه‌ی سه‌رۆكی په‌رله‌مانی عێراق ڕای گه‌یاند ناوی كاندیده‌كانی ئه‌و وه‌زاره‌تانه‌ی پڕنه‌كرابوونه‌وه گێشتنه په‌رله‌مان، به‌شیر حه‌داد جێگری سه‌رۆكی په‌رله‌مان ده‌ڵێ ڕۆژی شه‌ممه په‌رله‌مان كۆده‌بێته‌وه كورد كاندیدی وه‌زاره‌تی ده‌ره‌وه و دادی دیاری كردووه.
دكتۆر به‌شیر حه‌داد جێگری سه‌رۆكی په‌رله‌مانی عێراق، تایبه‌ت به ئه‌ڤرۆ نیۆز ڕای گه‌یاند:” ناوی ته‌واوی ئه‌و كاندیدانه‌ی بۆ ئه‌و وه‌زاره‌تانه‌ی له‌كاتی پێكهێنانی حكوومه‌تی عێراق به‌رده‌ست نه‌بوون یان ده‌نگیان نه‌هێنا گێشتووه‌ته په‌رله‌مان و ڕۆژی شه‌ممه كۆبووه‌نه‌وه‌ی په‌رله‌مان ده‌كرێت.
حه‌داد ئاماژه‌ی به‌وه‌شكرد:” كورد ناوی هه‌ردوو وه‌زاره‌تی ده‌ره‌وه و دادی ڕه‌وانه‌كردووه، دكتۆر فوئاد حوسێن بۆ وه‌زاره‌تی ده‌ره‌وه له پارتی و سالار عه‌بدولستار كاندیدی یه‌كێتییه بۆ وه‌زاره‌تی داد.
ناوبراو گوایشی:” ئێستا كۆبوونه‌وه‌یه‌ك هه‌یه بۆ دیاری كردنی كارنامه‌ی په‌رله‌مانی عێراق بۆ كۆبوونه‌وه‌ی ڕۆژی شه‌ممه، تایبه‌ت به ده‌نگدان به وه‌زیره‌كان و چه‌ند بابه‌تێكی تر.
ئەڤرۆ نیوز:
بەرپرسەکێ ساخلەمیێ ل ئیدارا راپەرین راگەهاند کو نوشدارەک و دو کارمەندێن ساخلەمیێ تووشی ڤایرۆسێ کۆرۆنایێ بووینە.
هەمان بەرپرسی دیار ژی کریە کو د ماوەیێ ٢٤ دەمژمێرێن بۆری دا پشکنین بۆ ٤٠ کەسان هاتیە کرن و مخابن هندەک کەس تووشی ڤایرۆسێ کۆرۆنایێ بووینە کو تێدا نوشدارەک و دو کارمەندێن ساخلەمیێ ژی هەنە.
ئەڤرۆ نیوز:
رۆژناما سوزجو یا تورکیا د راپۆرتەکێ دا ئاماژە ب ڤەکۆلینا دو پرۆفیسورێن تورکیا ل دۆر رەوشا نها یا ئابووریێ ل وی وەلاتی کریە و دیار دکەت کو د ئەنجاما ڤەکۆلینان دا دیار دبیت هەکە حوکمەتا نها بلەز دەست ب هندەک کارێن پێدڤی نەکەت دێ د چەند مەهێن داهاتی دا رێژا بێکاریێ ل تورکیا گەهیتە ٣٣% کو ئەو یەک ژی مەترسیەکا مەزنە.
ل گۆر ڤەکۆلینێ نها رێژا بێکاریێ ل تورکیا ١٤% یە و بلەز زێدە دبیت و هەکە حوکمەت ستراتیژیەکا دروست نەبیت دێ هەتا دووماهیا ڤێ سالێ رێژا بێکاریێ گەهیتە ٣٣% ئانکو دێ پتر ژ ١١ ملیۆن کەس ل تورکیا بێکار بن.
ئه‌ڤرۆ نیوز، عه‌زیز هه‌ورامی:
بڵاوو بونه‌وه‌ی ڤایرۆسی كۆرۆنا له كوردستان و ده‌وڵه‌تانی دراوسێ و ئاستی بازرگانی هه‌رێم له‌گه‌ڵ ده‌وڵه‌ته‌كان بۆ خوار نیوه دابه‌زییوه داهاتی گومرگیش بۆ نیوه زیاتر دابه‌زیوه.
ساماڵ عه‌بدولره‌حمان به‌ڕێوه‌به‌ری گشتی گومرگی كوردستان، به ئه‌ڤرۆ نیوزی ڕاگه‌یاند:” له سه‌رجه‌م ده‌روازه‌كانی بازرگانی هه‌رێمی كوردستان له‌گه‌ڵ ده‌وڵه‌تی توركیا و ئێران 50% ئاڵو گۆڕی بازرگانی كه‌میی كردووه ئه‌ویش به‌هۆی كاریگه‌ری كۆرۆنا و قه‌یرانی دارایی به رۆكی كوردستانی گرتوه‌ته‌وه”.
ساماڵ عه‌بدولره‌حمان وتیشی:” به‌راورد له‌گه‌ڵ قۆناخی سه‌ره‌تایی ڤایرۆسی كۆرۆنا ڕه‌وشی بازرگانی باشتر بووه، وه له‌گه‌ڵ باشتربوونی ڕه‌وشی بازاڕ و كه‌مبوونه‌وه‌ی قه‌یرانی دارایی به‌رزبونه‌وه‌ی نرخی نه‌وت و ئاسایی بونه‌وه‌ی مووچه ئه‌وه ئاستی بازرگانی باشتر ده‌بێت، كۆرۆنا و قه‌یرانی دارایی خواست له‌سه‌ر كاڵاكان له بازاڕ دابه‌زیوه، به‌تایبه‌ت كه‌مالیاته‌كان جوڵه‌ی بازرگانیان كه‌م بوه‌ته‌وه”.
هه‌روه‌ها ئاماژه‌ی به‌وه‌دا :” هاوڵاتییان زیاتر له بازاڕه‌كان خواستیان له‌سه‌ر ئه‌و پێداویستیانه‌ییه ڕۆژانه پێویستیانه جوڵه‌ی بازرگانیش زیاتر له‌و كاڵایانه‌یه هاوڵاتییان ڕۆژانه به‌كاری ده‌هێنن”.
ناوبراو زیاتر زانیاریداو گوتی:” له‌گه‌ڵ دابه‌زینی جووڵه‌ی بازرگانی داهاتی گومرگیش بۆ نیوه دابه‌زیوه، ئه‌م دابه‌زینی جوڵه‌ی بازرگانییه جیهانی گرتووه‌ته‌وه نه‌ك ته‌نها كوردستان”.
ئەڤرۆ نیوز:
د. کیانوش جیهانپور پەیڤدارێ وەزارەتا ساخلەمیێ یا ئیرانێ راگەهاند کو د ماوەیێ ٢٤ دەمژمێرێن بۆری دا ٣٥٧٤ کەس ل ئیرانێ تووشی ڤایرۆسێ کۆرۆنایێ بووینە کو ئەو رێژە هەتا نها ل ئیرانێ نەهاتبوو تۆمار کرن و ئەو یەک ژی نیشا ددەت کو رەوش ل ئیرانێ گەلەک خرابە.
ناڤهاتی ئەو یەک ژی دیار کر کو د ماوەیێ ٢٤ دەمژمێرێن بۆری دا ٥٩ کەسان ژی ژ بەر ڤایرۆسێ کۆرۆنایێ جانێ خوە ژ دەست داینە.
ئه‌ڤ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، كۆ ڤایرۆسێ كورونا كۆڤید 19 ل هه‌رێما كوردستانێ زێده‌باری رێكارێن خوپاراستنێ به‌ر به‌لاڤ بوویه كۆ ئه‌وێن هاتینه كه‌ره‌نتینه‌كرن 12422كه‌سن، هه‌تا نوكه 1058 وه‌لاتی مانیه د كه‌ره‌نتینه‌كرنێ دا، ل 24 ده‌مژمێرێن بوری دا 3559 پكشنین هاتینه كرن و ل پارێزگه‌ها هه‌ولێرێ 4 و ل سلێمانێ 48 و ئیدارا گه‌رمیان 2 و ئیدارا راپه‌رین 7 توشبوویێن كورونایێ هاتنه توماركرن.
د راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده تێدا هاتیه كۆ ژماره‌یا گشتی یا توشبوویێن ڤایرۆسێ كورونایێ كوڤید 19 ل هه‌رێما كوردستانێ 910 توشبوونن، دناڤا وان دا 16 كه‌س 441 كه‌س ژی ساخ بووینه و 453 كه‌س ژی ل بن چاڤدێریا نوژداری دانه.
ئه‌ڤرۆ نیوز:
حكومه‌تا چینێ بریار دا رێ ب هاتن و چوونا گه‌شتكرنێن ئاسمانی بهێته دان، پشتی ده‌مه‌ك كورت ئه‌مریكا رێ ل فرۆكه‌ییتن چینێ گرت ژبۆ گه‌شتكرنێ بچنه ئه‌مریكا.
ئیداره‌یا فرۆكه‌ڤانیا سڤیل ل چینێ راگه‌هاند فرۆكه‌یێن بیانی دشێن و ده‌ستویرداینه كۆ ژنها پێدا هێسانكاری بۆ دهێنه‌كرن سه‌ره‌دانا چینێ بكه‌ن.
سەرۆك کۆمارێ ئه‌مریکا دۆنالد تره‌مپ بریارا قەدەغە کرنا فرۆكه‌یێن چینێ ژ ١٦ێ حزیرانێ بۆ ئه‌مریكا، فشارێ ل پەکینێ دکەت دا کو رێ بدەنه كۆمپانیێن ئه‌مریکی ژی کو گەشتێن خۆ بۆ چینێ بكه‌ن.
نيشاندان