ئەڤرۆ نیوز:
مستەفا کازمی، سەرۆک وەزیرێن عیراقێ فەرمان دایە ب چەند رێکارێن چاکسازیا دارایی، ژ وان ژی کێمکرنا مووچێ پلێن بلند و چارەسەرکرنا ئەوێن زێدەتر ژ موچەکێ وەردگرن.
نڤێسینگەھا راگەھاندنا سەرۆک وەزیرێن عیراقێ بەلاڤکریە: مستەفا کازمی سەرپەرشتیا کۆمبوونەکا لژنا چاکسازیا دارایی کریە ل سەر کریزا دارایی یاکو عیراق تێدا دەرباز دبیت، د وێ کۆمبوونێ دا فەرمان دایە ب پەیداکرنا دادپەروەریا جڤاکی، دیسان بەحسێ چارەسەرکرنا چەند بابەتان کریە، ژ وان ژی مووچێ خانەنشینیان و ئەو کەسێن ل دەرڤەی وەلاتی و مووچەکێ دی ھەی.
ئەڤرۆ نیوز، عەلی حاجی :
ئەندامەکێ لژنا دووڤچوونا بازاری ل زاخۆ بۆ ئەڤرۆ نیوز دیار کر: ئەڤرۆ لژنەیا وان هەوەکا مەزن یا چاڤدێریا بازاری دەست پێکریە و وان لژنا خوە کرینە چاند تیمەک دا کو بشێن کونترولا بازارێن ناحیا ژی بکەن.
زێدەتر وەلات هەجەر گۆت: داکو زێدەتر بشێن کونترولا بازاری بکەین مە لژنا خوە دگەل لژنا هەڤپشک ل زاخۆ کرینە حەفت تیم، کو چار تیم بۆ ناڤ بازارێ زاخۆ دا و سێ تیم ژی بۆ ناحیێن سەر ب قەزا زاخۆ ڤە، ژلایێ وان حەفت تیما ڤە ئەڤرۆ شەمبیێ مە سەرەدانا ٨٥٠ جهان کری یە و د وان سەرەدانان دا مە شیا چار جهان دائێخین بۆ ماوەیێ حەفتیەکێ ژبەر نە پێگریا وان جهان ب رێنمایێن ساخلەمیێ کو ئەو جهە ژی ( کوگەهەک ،دوکانەکا فروتنا پێلاڤا ، هولەکا بلیاردێ و ل گەل دا ژی کلینیکەکا نۆشداری یا ددانان ) ژبەر نەبوونا دەستووریا کارکرنێ ئەو کلینیکە هاتە دائێخستن ژبەر کو چاڤدێریکرنا جهێن ساخلەمێی کارێ لژنەیا ساخلەمێی یە مەلەفێ وێ کلینیکێ مە رادەستی لژنا ساخلەمێی کر و ئەو ژی دێ ژلایێ خوە ڤە پێرابونان وەرگرن ژبەر کو بێ هەبوونا دەستووریا فەرمی وی جهی کار کرییە.
ناڤهاتی ئەو چەندە ژی ئاشکرا کر: جهێن فروتنا ترشی و چایخانە و جهێ شریناهیان خوارنگەهـ و نانپێژ هەتا نوکە ١٠٠٪ پێگیری ب رێنمایان کرینە و بۆ قوناغا نوکە ئەو چو جهەکێ ب پارەیی سزا نادەین بتنێ نوکە سزادان جهان دائێخستنە بۆ ماوەیێ چەند روژان و بۆ ئەنجام دانا کارێ مە ژی ئاسایش و پولیسێن زاخۆ هەڤکارن دگەل لژنەیێن مە.
ئەڤرۆ نیوز:
لدووڤ ڤەکۆلینەکا نوو یا نۆشداری، پێدڤیە ژنێن دوگیان چەرەزان بخون داکو زارۆیێن وان ژیر و زیرەک بن.
مالپەرێ میرەر یێ بریتانی دیار کریە: ڤەکۆلەران ل زانکۆیا بەرشەلۆنا بۆ ساخلەمیا جیهانی، لێکۆلینەک ل سەر ژنێن دوگیان و ساخلەمیا زارۆیێن وان چێکریە و د ئەنجام دا دەرکەفتیە، ئەو ژنێن چەرەزاتان دخون زارۆیێن وان ژ ئالیێ هزری ڤە، د ژیر و زیرەک ترن.
وێ ڤەکۆلینێ چاڤدیریا ٢٢٠٠ ژنێن دوگیان کریە، پاشی ڤەکۆلین ل سەر مەژیێ زارۆیێن وان کریە، د ئەنجام دا دەرکەفتیە، کو خوارنا دایکێ باندۆرەکا راستەوخۆ ل سەر مەژیێ زارۆیان چێکریە.
دیسان ئاشکرا کریە: کو خوارنا گویزان، بادەم، عەلیبابا، بندەق و فستەقان ژ باشترین جۆرێن چەرەزاتانن و دەولەمەندن ب ترشێ گۆلیک و مادێ ئۆمیگا ٣ و راستەوخۆ باندۆرێ ل سەر مەژیێ مرۆڤان دکەت.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: ل سلێمانیێ و هەلەبجە 23 تووشبوویێن کۆرۆنا یێ هاتنە تۆمار کرن.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و تووشبوویان، بیست و سێ تووشبوویێن دی یێن ڤایرۆسێ کۆڕۆنا یێ ل سلێمانیێ و هەلەبجە هاتنە دەست نیشانکرن، کو چاردە زەلام و ھەشت ژن و کچەکا گەنج.
دیسان دیار کریە: کو چار تووشبوویی بەرکەفتیێن تووشبوویێن بەرێنە، تووشبوویەکێ پێشینەیا گەشتێ ھەبوویە، ھەژدە تووسبوویێن دیتر نیشانا وێ نەخۆشیێ ھەیە و پشکنینێن وان پۆزەتیڤ دەرچووینە.
هەژدە تووشبوویی خۆجهێن ناڤا سلێمانیێ نە.
تووشبوویەک خۆجهێ قەزا دەربەندیخانە.
تووشبوویەک خۆجهێ قەزا پێنجوینە.
تووشبوویە خۆجهێ قەزا کەلارە.
تووشبوویەک خۆجهێ ھەلەبجە یە.
تووشبوویەک خۆجهێ بەغدا یە.
ئه‌ڤرۆ نیوز، نه‌وزاد هلۆرى:
تیمێن نقومڤانێن سه‌ر ب به‌ره‌ڤانیا باژێرى ل قه‌زا مێرگه‌سوورێ پشتى 10 روژان شیان ته‌رمێ ئه‌و گه‌نجێ كه‌فته د ئاڤا رووبارێ چامه یا سه‌ر ده‌ڤه‌را بارزان خه‌ندقى ببینن.
عیماد رێكانى، رێڤه‌به‌رێ به‌ره‌ڤانیا باژێرى ل مێرگه‌سوور بۆ ئه‌ڤرۆ نیوز گۆت: (10 روژان به‌رى نوكه گه‌نجه‌ك كه‌فته د رووبارێ چامه یا سه‌ر ب ده‌ڤه‌را بارزان و خه‌ندقى، سوپاس بو خودێ پشتى لێگه‌ریانا چه‌ند روژان تیمێن نقومڤانێن سه‌ر ب به‌ره‌ڤانیا باژێرى ل مێرگه‌سوور شیان ته‌رمێ وى بینن و ده‌ربینن و ره‌وانه‌یێ نوژداریا داد ل سوران بكه‌ن).
زێده‌تر گۆت: (ناڤێ وى ئونال كه‌یفى عادله و ژیێ وى 20 ساله و خه‌لكێ ناوحیا شێروان مه‌زن یا سه‌ر ب ده‌ڤه‌را بارزانه، بو بوراندنا ده‌مه‌كێ خوش قه‌ستا سه‌ر رووبارى كر بوو، به‌لێ جهێ داخێ یه كه‌فته د رووبارى دا و خه‌ندقى).
ناڤبرى دیاركر ژى كو نوكه ته‌رمێ وى بو پشتراستبوون هاتیه ره‌وانه‌كرن بۆ نوژداریا داد ل سوران و پاشان دێ هێته راده‌ستكرن بو خودانان.
ئەڤرۆ نیوز:
وەزارەتا ساخلەمی و ژینگەها عیراقێ راگەهاند: ٢٩٤ حالەتێن نوو یێن کۆرۆنا یێ و ٦٦ حالەتێن چێبوونێ و ١٠ حالەتێن گیان ژ دەستدانێ هاتینە تۆمار کرن.
هەروەسا گۆتیە: د ٢٤ دەمژمێرێن بورى دا ٢٩٤ حالەتێن نوویێن توشبوون ب ڤایرۆسێ کۆرۆنا یێ هاتینە تۆمار کرن، کو ١٦٨ حالەت ل بەغدا، ٣٢ ل واست، ٢٩ ل بەسرا، ٢٠ ل کەربەلا، ١٦ ل بابل، ١٣ ل میسان، نەهـ ل موسەنا، چار ل دیالا، دو ل نەجەف، ئێک ژی ل نەینەوا، هەروەسا ١٢ توشبوویی کارمەندێن ساخلەمیێ نە و د کەرتێ ساخلەمیێ دا کار دکەن.
هەروەسا دیار کریە: کو ٦٦ کەس ژ وێ نەخۆشیێ چێبووینە، کو ٢٩ ل بەغدا، ١٩ ل بەسرا، حەفت ل زیقار، چار ل دیالا، سێ ل نەجەف، سێ ل کەربەلا و ئێک ژی ل موسەنا.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: چار حالەتێن نوو یێن توشبوون ب کۆرۆنا یێ ل دهۆکێ هاتنە تۆمار کرن، کو دو ژ وان ژ مالباتا توشبوویێ دوهینە.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان و توشبوویان، چار توشبوویێن دی یێن ڤایرۆسێ کۆرۆنا یێ ل پارێزگەها دهۆکێ هاتنە دەست نیشانکرن، کو دو زەلامن د ژیێن ٤٢ و ٢٢ سالیێ و دو ژن د ژیێن ٦٠ و ٣١ سالیێ دانە.
هەروەسا دیار کریە: ئێک ژ توشبوویان کارێ وی زێرەڤانە و ل بەغدا ڤەگەریایە و بەرکەفتیێ توشبوویێ بەرێیە و ئاکنجیێ قەزا سێمێلێ یە، توشبوویێ دویێ ژی شوفێرێ بارهەلگرێیە و ئاکنجیێ باشیکێیە و ل خالێن پشکنینێ نموونەیا پشکنینا تاقیگەهێ لێهاتیە وەرگرتن و پۆزەتیڤ دەرچوویە.
ئە ژی گۆتیە: دو توشبوویێن دیتر ژنن ژ مالباتا توشبوویێ دوهی یێ پارێزگەها دهۆکێنە کو ئێک ژ وان ئاکنجیا قەزا سێمێلێ یە و یادی ژی ئاکنجیێ ناڤ باژێرێ دهۆکێ یە.
ئەڤرۆ نیۆز، عەزیز هەورامی:
مەسروور بارزانی سەرۆکی حکوومەتی هەرێمی کوردستان، چاکسازی دەکەین و گەلەکەمان داوامان لێدەکات برووتنەوەی گۆڕان دەڵێن دەنگمان بە یاسایی چاکسازی داوە پشتیوانی لێدەکەین.
ئاشنا عەبدڵڵا پەرلەمانتاری کوردستان لە فڕاکسیۆنی بزووتنەوەی گۆڕان، بە ئەڤرۆ نیۆزی ڕاگەیاند:” کاتێک پڕۆژە یاسایی چاکسازی هاتە پەرلەمانی کوردستان ئێمە وەک فڕاکسیۆنی گۆڕان پشتیوانیمان کرد و وە دەنگیشمان پێدا.
ئاشنا عەبدڵڵا وتیشی:” داوا لە حکوومەت دەکەین پڕۆسەی چاکسازی خێرابکات ئێمەش وەک بزووتنەوەی گۆڕان و فڕاکسیۆنی گۆڕان پشتیوانی حکوومەتین، لە چاکسازی، پێویستە پەرلەمانتار چاودێری بڕگەبەبڕگەی جێبەجێکردنی یاسایی چاکسازی بکات بۆ ئەوەی وەک خۆی یاساکە جێبەجێ بکرێت.
دەبێت حزبەکان و پەرلەمان پشتیوانی جێبەجێ کردنی یاسایی چاکسازی بکەن، ئێمە سێ فڕاکسیۆنی گەورە و فڕاکسیۆنەکانی تریش پشتیوانی یاساکەمان کردووە ئێستاش پێویستە هاوکاربین لە چونە بواری جێبەجێ کردنی یاساکە، نابێت کەس تەگەرە بخاتە بەردەم چاکسازی، خواستی هاوڵاتیانی کوردستانە سودی زۆری دەبێت بۆ زیادبوونی داهات.
ئه‌ڤرۆ نیوز:
ل ماوێ چه‌ند رۆژێن بورى راپورتێن رۆژنامه‌ڤانى ل فره‌نسا و ئیسپانیا دیاركربوون هه‌ردو یانێن پاریس سانجێرمان و به‌رشه‌لۆنا دێ گوهورینه‌كێ ل گه‌ل ئێك كه‌ن ئه‌و ژى عوسمان دێمبیلى به‌رامبه‌ر نیمارى و ئه‌وان رۆژناما دیاركریه پاریس هه‌تا راده‌یه‌كێ ل سه‌ر وێ داخوازیێ رازیبوویه.
مالپه‌رێ le10sport یێ فره‌نسى ژلایێ خوڤه دیاركریه چ راستى بوو ئه‌وى ده‌نگوباسى نینه و به‌رپرسێن یانا پاریس سانجێرمان ل سه‌ر وێ داخوازیا به‌رشه‌لۆنا رازى نه‌بووینه هه‌ر چه‌نده به‌رشه‌لۆنا هزر ل وێ چه‌ندێ كربوو لێ به‌رپرسێن پاریس ناخوازن نیمارى ب گوهورن ل گه‌ل دێمبیلى ژئبه‌رئكو ئه‌و یاریزان نه‌شێت ڤالاتیا نیمارى پر بكه‌ت و ئاستێ نیمارى گه‌له‌ك بلندتره ژ یێ وى یاریزانێ فره‌نسى .
نيشاندان