ئەڤرۆ نیوز:
ژوورا ئۆپەراسیۆنان ل پارێزگەها هەلەبجە راگەهاند کو ئەو ب تەمامی پێگیریێ ب بریارێن وەزارەتا ناڤخوە ل دۆر قەدە‌غەیا هاتنوچوونێ ل رۆژێن جەژنێ دکەن، هەروەسا ل گەل ماموستایێن ئایینی ژی ل دۆر چاوانیا خوە پاراستنا ژ ڤایرۆسێ کۆرۆنا ژی کۆمبوونەکا بەرفرەه دێ هێتە کرن.
ژوورا ئۆپەراسیۆنان یا پارێزگەها هەلەبجە دیار ژی کریە کو دەرگەهێن سنوری دێ ڤەکری بن و دێ هەموو ئالی ژی پێگریێ ب رێنمایێن ساخلەمیێ کەن.
ئه‌ڤرۆ نیوز:
په‌یڤدارێ حكومه‌تا چینێ راگه‌هاند: به‌رته‌نگیا هزریه هه‌كه بێژن چین هه‌ڤكاریا پێشكێشی وه‌لاتین جیهانێ دكه‌ت، ژبوی ب بیته ده‌سه‌لاتدارا جیهانێ.
گیو وی مین په‌یڤدارێ حكومه‌تا چینێ راگه‌هاند: هنده‌ك بانگه‌شه‌یا ئه‌وێ چه‌ندێ دكه‌ن، كۆ چین د هه‌ڤركیێ دایه ل پێشكێشكرنا هه‌ڤكاریان بۆ ئه‌و وه‌لاتێن ب ئه‌گه‌رێ ڤایرۆسێ كورونایێ زیان به‌ركه‌تین، دڤێت بڤێ رێكێ ده‌سه‌لاتداریا جیهانێ بده‌ستڤه بینیت، ئه‌و گۆتن ژلایێ كه‌سێن هزر به‌رته‌نگ ڤه دهێته گۆتن كۆ هه‌رتم جهێ رازیبوونێ نینن.
چه‌ندین جارا ئه‌مریكا چین ب ئه‌وێ چه‌ندێ تومه‌تباركریه كۆ مفا ژ ره‌وشا به‌لاڤبوونا ڤایرۆسێ كورونا ل جیهانێ دیتی یه،ژبوی هه‌ژموونا خو ب سه‌پینیت ب سه‌ر جیهانێ، به‌لێ چین چه‌ندین جاران ئه‌وان تومه‌تان ره‌ت دكه‌ت و واشنتونێ ب خوڤه‌دزین ژ به‌رپرسیاریا به‌رهنگاربوونا كرونایێ ل جیهانێ تومه‌تبار دكه‌ت.
ئه‌ڤرۆ نیۆز، عه‌زیز هه‌ورامی:
كۆمه‌ڵه‌ی قوربانیانی كیمیابارانی هه‌ڵه‌بجه،كه‌سوكاری شه‌هیدان نیگه‌رانن به لێدوانه‌كانی سه‌ركه‌وت شه‌مسه‌دین و هاوئاوازه‌كانی، ئه‌وانه خیانه‌ت له ده‌نگ و خوێنی شه‌هیدان ده‌كه‌ن، پێویسته دادگا بێته‌سه‌رخه‌ت و سزابدرێت چونكه ئه‌وانه ئیمتیازیان وه‌رگرتووه له دووژمن بۆ دژایه‌تی میله‌تی كورد.
لوقمان عه‌بدولقادر سه‌رۆكی كۆمه‌ڵه‌ی قوربانیانی كیمیابارانی هه‌ڵه‌بجه، به ئه‌ڤرۆ نیۆزی ڕاگه‌یاند، ئێمه وه‌ك كه‌سوكاری شه‌هیدانی كیمیابارانی هه‌ڵه‌بجه ،ئه‌و گوتانه‌ی سه‌ركه‌وت شه‌مسه‌دین و كۆمه‌ڵێك به‌رپرسی تری نابه‌رپرس له كوردستان و عێراق ،نیگه‌رانی كردووین هه‌میشه له پیلاندان بۆ زه‌فه‌ربردن به كیانی هه‌رێمه‌كه‌مان به‌خوێنی هه‌زاران ڕۆڵه‌ی ئه‌م گه‌له به‌رهه‌م هاتووه.
هه‌روه‌ها گوتی، ئه‌گه‌ر سه‌ركه‌وت شه‌مسه‌دین و هاوئاوازه‌كانی ئه‌گه‌ر كێشه‌یه‌كیان له‌گه‌ڵ لایه‌نی سیاسی نابێت به لێدوانه‌كانیان ئێمه‌ی كه‌سوكاری شه‌هیدان و قوربانیان نیگه‌ران بكه‌ن، ئێسته وایان كردووه ئێمه بڕۆینه به‌ره‌یه‌كه‌وه ئه‌وانیش وه‌ك به‌ره‌یه‌كی دژ ببینین، داواش ده‌كه‌ین یاسا ڕۆڵی خۆی بگێڕێت ئه‌و كه‌سانه ڕو به‌ڕووی یاسا بكرێنه‌وه خیانه‌تیان له خوێنی شه‌هیدان و ده‌نگی كورد كردووه، ئه‌وه ئێمه خاوه‌نی ده‌ستوورنین كه‌سانێك به‌ناوی كورده‌وه ئاوا له به‌غداوه هه‌رڕۆژه‌و له‌گه‌ڵ كه‌سانێك هه‌وڵده‌ده‌ن بۆ زیان گه‌یاندن به‌كیانی كوردستان.
هه‌ر لێدوان و هه‌نگاوێك دژ به هه‌رێمی كوردستان خیانه‌ته له خوێنی شه‌هیدان ئه‌م هه‌رێمه‌ی دروست بووه به‌رهه‌می شه‌هیدانی ئه‌نفال و كیمیاباران و شه‌هیدانی سه‌نگه‌ره، لوقمان عه‌بدولقادر وای گوت.
ئەڤرۆ نیوز:
ئەندامەکێ شاندێ دانوستاندکار یێ ھەرێمێ راگەھاند: حوکمەتا عیراقێ بریار دایە ھەتا ڤەگەریانا شاندێ ھەرێمێ بۆ بەغدا و رێککەفتنا ھەردو ئالیان، ئەو دێ گۆژمێ ۳٨۰ بۆ ٤۰۰ ملیاران بۆ ھەرێمێ ڤرێکەن.
دیسان گۆتیە: دوھی مستەفا کازمی، سەرۆک وەزیرێن عیراقێ بریار دایە گۆژمێ ۳٨۰ بۆ ٤۰۰ ملیاران وەک پارێ مووچێ هەیڤا نیسانێ بۆ ھەرێمێ ڤرێکەت، لێ گۆژمێ وی پارەی ژ هەیڤێن بەرێ کێمترە، ئەو پارێ بەغدا ھەتا وی دەمیە، یێ کو شاندێ ھەرێمێ دێ سەرەدانا بەغدا کەن و رێککەفتنا دووماهیێ ئەنجام دەن.
ئەڤرۆ نیوز، زنار تۆڤی:
بۆ نەهێلان یان کێمکرنا ئاریشا ژبیرکرنێ ئەڤان رێیان بکار بینە، دێ مفایەکێ باش ژێ بینی، د ڤی واری دا
شەوکەت حەجی سەعید چارەسەرێ فیزیکی بۆ ئەڤرۆ نیوز دیار کر: پێدڤی یە رێکخستنا نڤستنا خوە بکەن، دیسان قەبارێ نڤستنا سرۆشتی بۆ ھەر مرۆڤەکی بالغ و چالاک ٦ – ٨ دەمژمێرن د دەمێ ٢٤ دەمژمێران دا، پێدڤیە نڤستن ب شەڤێ بیت نە ب رۆژ بیت، هەروەسا پێدڤیە ب رۆژێ چالاکیێن لڤاندنێ بکەی، ئانکو ھاتنوچوونێ یان غاردانێ ب پیان ھەتا باش ب وەستی و خوھ تە بدەت، یان ھەناسە ب لەز بکەڤیت و رۆژانە ڤێ چەندێ ئەنجام بدە.
ناڤهاتی گۆت ژی: مۆبایلێ کێمتر ب کار بینە، بتایبەت بەرێخودانا وێنە و کلیپێن تۆرێن جڤاکی و سناپان، باشترە هندەک دەمی دەست نیشان بکەی، لێ نە یێ دوم درێژ بیت، هەروەسا رۆژانە ب دەست خستنا سەقایێن ئارام و ئاخفتنێت خۆش و ب کەنی، بۆ پەیداکرنا ھەستێ شادی و بەختەوەریێ ھزر و تەخمینا خوشیێ بکەی دناخێ خوە دا، ھەر تشتەکێ تۆ نەشێی گوھۆرینێ بێخیێ، ھزرێ پێ نەکە و دووبارە نەکە و پیتە پێ نەکە، بۆ دەمێن درێژ و بۆ خوە نەکە ئالۆزی، ب ڤی رەنگی دێ ئارامی ل دەف تە پەیدا بیت.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكر و تێدا هاتیه كۆ د به‌رده‌وامیا پشكنین و لێگه‌ریانا گۆمانلێكریان، حه‌فت توشبوویێن دی ب ڤایرۆسێ كورونایێ كۆڤید 19 ل پارێزگه‌ها هه‌ولێری هاتنه ده‌ست نیشانكرن.
لگۆری راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ، دناڤا توشبوویان دا ئافره‌ته‌كا 35 سالی و دو كچ دژیێ 15 و 9 سالی دا كو هه‌رسێ ژ خێزانا توشبوویێ دهی یێ ئاكنجیێ تاخێ قه‌ته‌وی ل باژێرێ هه‌ولێرێ بوون، چار زه‌لام ژی د ژیێ 53 و42 و 42 و 29 سالی نه و هه‌ڤ پیشه‌یێ توشبوویێ دهی یێ باژێرێ هه‌ولیڕێ نه و ئاكنجیێ تاخێ سه‌یدا وه كومه‌لگه‌ها شاویس و بنه‌سلا و ده‌ڤه‌را گه‌رمیانن.
ئه‌ڤرۆ نیوز:
رێڤه‌به‌رێ گشتی یێ دیوانا وه‌زاره‌تا ساخله‌میا هه‌رێمێ هوشداریا زێده‌بوونا ژماره‌یا توشبوویان ب كورونایێ دا، ئه‌گه‌ر هه‌یه ل ده‌ستپێكا پائیزا ئیسال پێلا دوێ یا ڤایرۆسی ده‌ست پێ بكه‌ت.
د. خالس قادر رێڤه‌به‌رێ گشتی یێ دیوانا وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: ئه‌ڤا نوكه ل هه‌رێما كوردستانێ هه‌ی پێلا دوێ یا كورونایێ نینه، به‌لكو هه‌ر درێژه‌یا پێلا ئێكێ یه، چونكو تانوكه پێلا ئێكێ ب دوماهی نه‌هاتیه و بتنێ هاتیه كۆنترولكرن و ئه‌و حاله‌تێن نوكه ده‌ردكه‌ڤن هه‌ر درێژیا پێلا ئێكێ نه، هێشتا ل عیراقێ به‌لاڤ بوونا پێلا ئێكێ گه‌رمه و نه‌هاتیه كۆنترولكرن، ژبلی وه‌لاتێن ده‌روبه‌ر ژی ب دوماهی نه‌هاتیه، له‌ورا هه‌رێما كوردستانێ ل پێلا ئێكێ دایه .
رێڤه‌به‌رێ گشتی یێ دیوانا وه‌زاره‌تا ساخله‌میا حكومه‌تا هه‌رێما كوردستانێ ئه‌و چه‌نده ژی راگه‌هاند: ل ده‌ستپێكا پائیزا ئیسال مه‌ترسیا ده‌ستپێكرنا پێلا دوێ هه‌یه، ئه‌ڤه ژی رێژه‌یا 100% نینه بتنێ ئه‌گه‌ره، كۆ دێ ل ته‌ڤایا جیهانێ پێلا دوێ ده‌ست پێ كه‌ت.
د. خالس قادر رێڤه‌به‌رێ گشتی یێ دیوانا وه‌زاره‌تا ساخله‌میا حكومه‌تا هه‌رێما كوردستانێ هوشداریا زێده‌بوونا ژماره‌یا توشبووێن كورونایێ ل هه‌رێما كوردستانێ دا و راگه‌هاند پێگیرنه‌بوونا وه‌لاتیان ب رێنمایێن ساخله‌میێ كاره‌كێ مه‌ترسیداره چونكو نزانین ل رۆژێن چه‌ژنێ و هه‌لكه‌فتان دا ژ ئه‌نجامێ تێكه‌لبوونا وه‌لاتیان ل گه‌ل ئێك چه‌ند كه‌سێن دی تووشی كورونایێ بن و دبیت هنده‌ك ب گرانی توشی ڤایرۆسی بن و گیانێ خو ژ ده‌ست بده‌ن، شێره‌تێن مه ئه‌وه پێگیری رێنمایان بن و رۆژین چه‌ژنێ دیركه‌ڤن ژ چوونا ده‌ستی و به‌لكۆ بریكا ئه‌نته‌رێتێ و سوشیال میدیایێ پیرۆزیان ئاراسته‌یێن ئێك بكه‌ن، چونكو ترسا سه‌ره‌كی ئه‌وه ل ده‌می سه‌ره‌دانكرنا مالان قه‌ره‌بالغی و تێكه‌لی دروست دبیت كۆ هاریكاره بۆ زێده‌بوونا ژماره‌یا توشبوویێن كورونایێ.
ئه‌ڤرۆ نیوز:
په‌یڤدارێ وه‌زاره‌تا كاره‌با هه‌رێما كوردستانێ راگه‌هاند پارڤه‌كرنا كاره‌با نیشتمانی دهێته دان ب كه‌رتی تایبه‌ت بۆ ئه‌وێ چه‌ندێ ب باشترین شێوه ب شێن ووزه‌یا به‌رهه‌مهاتی پارڤه بكه‌ین و سه‌رپێچیا سه‌ر هێلان كێم بكه‌ین.
ئومێد ئه‌حمه‌د په‌یڤدارێ وه‌زاره‌تا كاره‌بێ راگه‌هاند: ئێك ژ هێلێن كابینا نه‌هێ و كارناما وه‌زاره‌تا كاره‌بێ، مل ب ملێ پرۆژه‌یێ پیڤه‌رێ زیره‌ك كار ل سه‌ر ئه‌وێ چه‌ندێ هاتیه‌كرن كۆ پارڤه‌كرنا كاره‌بێ بهێته‌دان ب كه‌رتێ تایبه‌ت، ئه‌ڤ چه‌نده ژی پشتی وێ چه‌ندی دهێت كۆ وه‌زاره‌تا كاره‌بێ پرۆژه پێشنیار پێشكێشی جڤاتا وه‌زیران كریه و نوكه ره‌زامه‌ندی ل سه‌ر پرۆژه‌ی هاتیه دان.
په‌یڤدارێ وه‌زاره‌تا كاره‌با هه‌رێما كوردستانێ ئه‌و چه‌نده ژی دیاركر شێوازی دانا پرۆژه‌ی ب كه‌رتێ تایبه‌ت ب هیری د ره‌شنڤیسێ دا هاتیه به‌حسكرن و ب باشی كار ل سه‌ر هاتیه‌كرن، جڤاتا وه‌زیران ره‌زامه‌ندی ل سه‌ر دایه به‌لێ ب ئه‌گه‌رێ رێكارێن به‌رهنگاربوونا كورونایێ پرۆژه پاش كه‌ت.
ئومێد ئه‌حمه‌د په‌یڤدارێ وه‌زاره‌تا كاره‌بێ دازانین دشیاندایه ئه‌و كاره‌با به‌رزه دبیت دناڤ تورێن كاره‌بێ و ئه‌و سه‌رپێچیێن دهینه كرن بهنێنه كۆنترولكرن، ڤه‌گه‌رینه ناڤ تورا نیشتمانی، به‌لێ نابیت وه‌لاتی و حكومه‌ت زیانێ بكه‌ن، ژ وی پرۆژه‌ی به‌لكۆ دڤێت مفا بۆ هه‌ردو ئالیا دا تێدا هه‌بیت.
دهۆك، له‌زگین جوقی:
رێڤه‌به‌رێ كۆمپانیا بازرگانیا ده‌خلۆدانی ل پارێزگه‌ها دهۆكێ دیاركركو ئه‌ڤ سال سێ سایلۆ ل دهۆكێ بۆ وه‌رگرتنا ده‌خلۆدانێ جۆتیاران هاتنه ده‌ستنێشانكرن و بنگه‌هێ روڤیا نه‌هاتیه ده‌ستنیشانكرن وپێدڤیه بنگه‌هێ روڤیا گه‌نمێ وه‌ربگریت”.
نازم مه‌حمه‌د، رێڤه‌به‌رێ كۆمپانیا بازرگانیا ده‌خلۆدانی ل پارێزگه‌ها دهۆكێ و رێڤه‌به‌رێ سایلویا فه‌یدیێ دیاركركو سایلویا زاخۆ شێان هه‌نه هه‌تا 30 هزار ته‌نان وه‌ربگریت ئه‌وژی 15 هزار ته‌ن ناڤ سایلۆیێ دانه و 15 هزار ته‌ن ژی ل گۆره‌پانێن سایلۆیێ، هه‌روه‌سا ژی سایلۆیا فه‌یدیێ ژی دگه‌ل گۆره‌پانێن سایلۆیێ شیان هه‌نه هه‌تا 50 هزار ته‌نان وه‌ربگرین ئه‌وژی 30 هزار ته‌ن ناڤ سایلۆیا فه‌یدیێ داهه‌نه و 20 هزار ته‌ن ژی ل ناڤ گۆره‌پانێن سایلۆیێ ئه‌م دشێن وه‌ربگرین زێده‌باری سایلۆیا شێخان ژی دگه‌ل گۆره‌پانێن سایلۆیێ دشێن هه‌تا 85 ته‌نان وه‌ربگرن كو ژوانا ژی 60 هزار ته‌نان دشێت ناڤ سایلۆیێ دا وه‌ربگرن و 25 هزار ته‌نان ژی ل گۆره‌پانێن سایلویا شێخان وه‌ربگرن وپێدڤیه زووترین ده‌م هه‌ول بهینه‌دان ل روڤیا ژی گه‌نمێ جۆتیاران بهێته وه‌رگرتن داكو بشێن كونتروله‌كا باش ل سه‌ر وه‌رگرتنا هه‌موو به‌رهه‌مێ جۆتیاران بكه‌ین.
ناڤبری زێده‌تر گۆت: هه‌تا نوكه بتنی بۆ سێ سایلۆیان رازه‌مه‌ندیا به‌رهه‌مێ جۆتیاران وه‌ربگرن هاتیه‌دان، لێ هیشتا بۆ بنگه‌هێن وه‌رگرتنا گه‌نمی نه‌هاتیه كرن چونكو به‌غدا وه‌سا هزر دكه‌ت هه‌ر سی سایلۆ دشێن هه‌موو به‌رهه‌می وه‌ربگرن له‌ورا بنگه‌هان ڤه‌ناكه‌ن لێ پێدڤیه بنگه‌هێ روڤیا بهێته ڤه‌كرن داكو بارسڤكی بۆ جۆتیاران دروست بیت .
ناڤبری ئه‌و چه‌نده ژی دازانین كۆ ل باتێلێ ژی بنگه‌هه‌كێ وه‌رگرتنا گه‌نمی ژلایێ پارێزگه‌ها دهۆكێ ڤه هاتیه چێكرن شیان هه‌نه هه‌تا هه‌شت هزار ته‌نان وه‌ربگرن ئه‌م دشێن ل دهۆكێ زێده‌تر ژ 260 هزار ته‌نێن گه‌نمێ بێ ئاریشه وه‌ربگرن”.
نازم مه‌حمه‌د، رێڤه‌به‌رێ كۆمپانیا بازرگانیا ده‌خلۆدانی ل پارێزگه‌ها دهۆكێ و رێڤه‌به‌رێ سایلویا فه‌یدیێ دیاركرهه‌تا نوكه به‌هرا مه یا وه‌رگرتنا گه‌نمی نه‌هاتیه دیاركرن كا ئه‌ڤ سالا دێ چه‌ند گه‌نمێ وه‌رگرین لێ هه‌موو به‌رهه‌ڤی هاتینه كرن بۆ وه‌رگرتنا ده‌خلۆدانێ جۆتیاران هه‌ر جۆتیاره‌ك دێ به‌رهه‌مێ خوه راده‌ستی سایلۆیا ده‌ڤه‌را خوه كه‌ت”.
نيشاندان