ئەڤرۆ نیوز:
وەزارەتا ساخلەمیێ یا ئیرانێ راگەهاند کو د چەند رۆژێن بۆری دا رۆژانە پتر ژ هزار کەسان ل ئیرانێ تووشی ڤایرۆسێ کۆرۆنایێ بووینە کو ئەو ئامارە ل گۆر حەفتیا بۆری زێدەترە و هەروەسا رێژا مرنێ ژی زێدەتر لێ هاتیە.
ل گۆر وەزارەتا ساخلەمیێ یا ئیرانێ هەتا نها نێزیکی ٧ هزار کەسان ل ئیرانێ ژ بەر کۆرۆنایێ جانێ خوە ژ دەست داینە.
دەزگەهێن راگەهاندنا ئیرانێ ژی دیار دکەن کو وەلاتی وەکو پێدڤی پێگیریێ ب رێنمایان ناکەن و ژ بەر هندێ ژی رێژا تووشبوون و مرنا ب کۆرۆنایێ زێدەتر لێ هاتیە.
ئەڤرۆ نیوز، زنار تۆڤی:
ل سپێدەهیا ئەڤرۆ پێنجشەمبی، پەکەکێ هێرش کریە سەر بنگەهێ بارۆخێ یێ سۆپایێ تورکیا و شەر و پێکدادان بۆ دەمێ نیڤ دەمژمێرێ دناڤبەرا سوپایێ تورکیا و گەریلایان روودایە، ژ ئەنجامێ وێ تەقێ هێلا 33 کەیڤی یا کارەبا نیشتیمانی یا دناڤبەرا ئامێدیێ و کانی ماسێ هاتیە برین و ئەڤە پتری پێنج دەمژمێرایە، خەلکێ وێ دەڤەرێ مایە بێ کارەب.
سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیار کر: ئەو هێرشە ل دەمژمێر 07:30 سپێدەهیا ئەڤرۆ 14-5-2020 ل باروخێ ل هنداڤی ناحیا کانی ماسێ روودایە، پەکەکێ ل چیایێ گابنێرکی تەقە ل بارەگەهێ تورکیا کریە و سۆپایێ تورکیا ژی ب تۆپان بەرسڤا وان دایە و ڤی شەری نێزیکی دەمژمێرەکێ ڤەکێشا.
گۆت ژی: ژ ئەگەرێ وی شەری هێلا 33 کەیڤی یا کارەبا نیشتمانی هاتیە برین و نوکە خەلکێ ڤێ دەڤەرێ مایە بێ کارەب، هەروەسا مە بزاڤکرینە کو ئەم جارەکا دی هێلا کارەبێ سەخبێر کەین، هەر چەندە مەترسیا مینان ژی ل وی جهی هەیە، چونکی کەڤنە رەبیێن رژێمێ ل وی جهی هەبوون، دیسان هەتا نوکە ئەم نزانین زیانێن هەرد ئالیان چ بوون، بەلێ ڤێ چەندێ ترس ل دەف خەلکێ دروستکریە و ئەڤە دەمێ سێ رۆژانە سۆپایێ تورکی ب تۆپ و فرۆکان دەڤەرا کانی ماسێ بۆمبە باران دکەت و ڤێ چەندێ زیان گەهاندیە خەلکێ گوندێن کێستە و چەلکا نەسارا و دەرگەهـ و پەنجەرێن خەلکێ وان گوندان شکاندینە و خانیێن وان دەرزاندینە.
هەتا نوکە ژ ئەنجامێ تۆپبارانا سۆپایێ تورکیا، ل سنۆرێ قەزا ئامێدیێ 23 کەس هاتینە کوشتن.
ئه‌ڤرۆ نیوز:
سه‌رۆك وه‌زیرێ عیراقێ كارێن ده‌ستپێكی یێن حكومه‌تا خو دیار دكه‌ت.
ئه‌ڤرۆ محه‌مه‌د حسێن به‌حرلعلوم هنارتیی عیراقی ل نه‌ته‌وه‌یێن ئێكگرتی په‌یاما مسته‌فا كازمی سه‌رۆك وه‌زیرێ عیراقێ ل جڤینا جڤاتا ئاسایشا نێڤ ده‌وله‌تی خاند.
مسته‌فا كازمی د په‌یامه‌كێ دا راگه‌هاند حكومه‌تا عیراقێ رژده ل سه‌ر پارڤه‌كرنا موچه‌ی و قه‌ره‌بووكرنا كه‌س و كارێن شه‌هیدان و بیندارین خوپیشاندانان.
ل سه‌ر كارێن ده‌ستپێكی یێن حكومه‌تێ ئه‌و چه‌نده ژی كازمی راگه‌هاندیه كارێ ده‌ستپێكی یێن حكومه‌تا عیراقێ هه‌موو بزاڤ هێنه‌كرن بۆ به‌رهنگاربوونا كورونا و دارشتنا ره‌شنڤسا بودجا گشتی یا عیراقێ بۆ ریب ری بوونا قه‌یرانا دارای.
ئه‌ڤرۆ نیۆز، عه‌زیز هه‌ورامی:
هه‌ردوو ده‌روازه‌ی بازرگانی شۆشمێ ته‌وێڵه و پشته له سنووری پارێزگای هه‌ڵه‌بجه‌ن به‌ڵام له به‌ڕێوه‌به‌رایه‌تی گومرگی سلێمانییه‌وه سه‌رپه‌رشتی ده‌كرێن، حكوومه‌تی خۆجه‌ی هه‌ڵه‌بجه‌ش یاداشتیان بۆ حكوومه‌ت به‌رزكردووه‌ته‌وه هه‌ردوو ده‌روازه بازرگانیه‌كه بخرێته‌وه سه‌ر پارێزگای هه‌ڵه‌بجه.
ئازاد تۆفیق پارێزگاری هه‌ڵه‌بجه، به ئه‌ڤرۆ نیۆزی ڕاگه‌یاند:” نزیكه‌ی ده‌مانگه فه‌رمانی كردنه‌وه‌ی به‌ڕێوه‌به‌رایه‌تی گومرگی هه‌ڵه‌بجه ده‌رچووه، به‌ڵام هیچ كارمه‌ندێمی بۆ دانه‌مه‌زرێنداراوه له ئێسته‌دا كه‌س دانامه‌زرێندرێت.
ئازاد تۆفیق زیاتر ده‌ڵێ: یاداشتمان بۆ حكوومه‌تی هه‌رێمی كوردستان به‌رزكردووه‌ته‌وه فه‌رمان به‌ر بۆ به‌ڕێوه‌به‌رایه‌تی گومرگی هه‌ڵه‌بجه دابمه‌زرێنێت و هه‌ردوو ده‌روازه‌ی بازرگانی شۆشمێ ته‌وێڵه بخرێته‌وه سه‌ر هه‌ڵه‌بجه، بینای فه‌رمانگه‌ی گومرك ته‌واو بووه.
تۆفیق ده‌ڵێ: تاوه‌كو ئێستاش له سلێمانییه‌وه سه‌رپه‌رشتی گومرگی هه‌ردوو ده‌روازه بازرگانییه‌كه ده‌كرێت، ئه‌و دوو ده‌روازه‌یه بخرێتنه‌وه سه‌ر هه‌ڵه‌بجه له ڕوی ئابووری و ئاوه‌دانكردنه‌وه زۆر گرنگه و هه‌وڵه‌كانمان به‌رده‌وام ده‌بێت.
ساڵانه داهاتی هه‌ردوو ده‌روازه‌ی بازرگانی شۆشمێ – ته‌وێڵه و پشته له سنووری پارێزگای هه‌ڵه‌بجه 60 ملیار دیناره ،داهاته‌كه‌ی بۆ پارێزگای سلێمانی ده‌گه‌ڕێته‌وه.
ئه‌ڤرۆ نیوز:
ب ئه‌گه‌رێ كێمبوونا چاڤه‌رێ نه‌كریا ئاستێ پترۆلا عومباركری دناڤ كوگه‌هێن پترۆلی یێن ئه‌مریكا بهایێ وێ بلند بوو، به‌لێ ب ئه‌گه‌رێ سه‌رهلدانا پێلا دوێ یا ڤایرۆسی كورونا، بلند بوونا بهایێ پترۆلێ ل توخیبه‌كێ دیاریكری مایه.
لگۆری ئاژانسا رویته‌رز، بهایێ پترۆلا برێنت بهایێ 6 سه‌نتان زێده‌بوو، كۆ دبیته 0.2% بهایێ وێ، دوماهی كرین و فرۆتن ب بهایێ 29.25 دۆلاران پێ هاتیه‌كرن، بهایێ پترۆلا ته‌كساس ب 18 سه‌نتان بلند بو كۆ 0.7% بهایێ وێ 24.47 دۆلاران كرین و فرۆتن پێ هاتیه‌كرن.
ل دۆ هه‌فتیێن بوری پرانیا وه‌لاتێن جیهانێ رێكارێن به‌رهنگاربوونا ڤایرۆسێ كورونایێ ل وه‌لاتان كێمكرینه، ئه‌ڤ چه‌نده ژی كارتێكرن ل سه‌ر ڤه‌ژاندنا بازارێ ئابووری یێ جیهانی و بلند بوونا بهایی پترۆلێ كر بوو.
هه‌ڤده‌م ل گه‌ل ده‌ستپێكرنا چالاكیێن ئابووری و جڤاكی ل پرانیا وه‌لاتێن جیهانێ، ئه‌گه‌رێ بلاڤبوونا پێلا دویێ یا ڤایرۆسێ كورونایێ ل چه‌ند وه‌لاته‌كێن وه‌ك چینی و كوریا باشور سه‌رهلدایه، ئه‌ڤێ ژی وه‌كریه هیڤیا وه‌به‌رهێنه‌رێن پترۆلی ب ڤه‌ژاندنا بازارێ پترۆلێ كێم بیت.
شه‌ڤا بووری رێڤه‌به‌راتیا ووزه‌یا ئه‌مریكا به‌لاڤكریه، ئاستێ پترۆلا عومباركری یا ئه‌مریكا ب قه‌باره‌یێ 745 هزار به‌رمیلان كێمكریه، ئه‌ڤه ژی تا ئاسته‌كی كارتێكرنا خو ل سه‌ر بلند بوونا بهایێ پترۆلێ هه‌یه.
ئەڤرۆ نیوز:
وەزارەتا چاندنێ یا حوکمەتا هەرێما کوردستانێ دیار کر: بریار هاتیە دان ل 10_6 هەتا 15_10 بۆ هەر کیلۆیەکا باجانان ٦٠٠ دینار باج بهێنە دانان.
وەزارەتا چاندنێ یا هەرێما کوردستانێ ل ١٣ گۆلانا ٢٠٢٠ بەلاڤکریە: زێدەکرنا باجێ ل سەر بەرهەمێن دهێنە کوردستانێ ئێکە ژ کارێن مە یێن سەرەکی، ژ پێخەمەت پاراستنا بەرهەمێن خۆمالی، د وێ چارچۆڤێ دا ژی بریار هاتە دان، ل ١٠ خزیرانێ هەتا 15 چریا ئێکێ بۆ هەر کیلۆیەکا باجانان ٦٠٠ دینار باج بهێنە دانان.
هەروەسا گۆتیە: ئەم جوتیاران پشت راست دکەین، کو دێ نایلۆنی دەینە وان، دیسان دێ کێمیایێ و دەرمانێن کوشتنا مێش و موران ژی دەینە وان.
ئەڤرۆ نیوز:
وەزارەتا ساخلەمیێ راگەهاند، توشبوویەکێ نوو یێ ڤایرۆسێ کۆرۆنا یێ ل سلێمانیێ هاتە دەستنیشان کرن.
وەزارەتا ساخلەمیا حوکمەتا هەرێما کوردستانێ راگەهاند، توشبوویەکێ نوو یێ ڤایرۆسێ کۆرۆنا یێ ل سلێمانیێ هاتە دەستنیشان کرن، کو زەلامەکێ د ژیێ ٥٠ سالیێ دایە.
هەروەسا دیار کریە: ئەو زەلام ئاکنجیێ ناڤ باژێرێ سلێمانیێ ب خوەیە، ژبەر دەرکەفتنا نیشانێن کۆرۆنا یێ پشکنین بۆ وی زەلامی هاتینە کرن، ئەنجام پۆزەتیڤ دەرچووینە.
ئه‌ڤرۆ نیوز:
پشتى زێده‌تر ژ دو هه‌یڤان هه‌ڤركیێن خۆلا كاتشیو یا ئیتالی هاتینه راوستاندن ژبه‌ر ره‌وشا كورونا یێ. لێ چاڤه‌رێ دهێته‌كرن ل هەیڤا بهێت جاره‌كا دى ده‌ست ب هه‌ڤركیێن وێ خولێ بهێنه كرن.
رۆژناما “كورییری دیللو سپورت” یا ئیتالى ئاشكرا كریه: لژنا به‌ریكانان ل ئێكه‌تیا ته‌پا پێ یا ئیتالى پشتى رەزامه‌ندیا وه‌زاره‌تا ساخله‌میا ئیتالیا وه‌رگرتى بریار دایه ل 13 هەیڤا بهێت جاره‌كا دى ده‌ست ب هه‌ڤركیێن خولێ بهێنه كرن.
دیسان وێ رۆژنامێ دیار كریه ژى: د حه‌فتیێ دا دێ دو گه‌ر هێنه كرن ئانكو هه‌ر دناڤبه‌را 3 هه‌تا 4 رۆژان دێ یارى هێنه ئه‌نجامدان ب مه‌ره‌ما وێ چه‌ندێ هه‌ڤركیێن خولێ ب زووترین ده‌م ب دووماهى بهێت.
ئه‌ڤرۆ نیوز:
پشتى ل ماوێ چه‌ند رۆژێن بورى یانا ریال مه‌درید راگه‌هاندى، کو ئه‌و گه‌هشتینه رێككه‌فتنێ ل گه‌ل ستێرا خوه یا به‌رازیلى كاسیمێرو بۆ درێژكرنا هه‌ڤبه‌ستا وى ل گه‌ل یانێ هه‌تا سالا 2023.
مالپه‌رێ “دیفنسا سنترال” یێ ئیسپانى ئاشكرا كریه: کو یانا ریال مه‌درید مووچێ وى یاریزانێ به‌رازیلى بلند كریه، سه‌ره‌راى نوكه زوربه‌یا یانێن جیهانى د قه‌یرانه‌كا دارایى دا د بورن، لێ ژ ترسا ده‌ستدانا وى یاریزانى، به‌رپرسێن وێ یانێ موچه‌یێ وى بلندكریه كو نوكه دێ دناڤبه‌را 8 هه‌تا 8.5 ملیون یورۆیان وه‌رگریت وه‌كو مووچێ سالانه كو به‌رى نوكه 5.25 ملیون یورۆ وه‌ردگرتن.
ئەڤرۆ نیوز، بارزان مزووری:
سەردار یەحیا عەبدولعەزیز، قائیمقامێ قەزا شێخان بۆ ئەڤرۆ نیوز گوت: ئەڤرۆ ١٣/٥/٢٠٢٠ لیژنا چاڤدێریا بازاری ب هەماهەنگی ل گەل لژنا هەڤپشک سەرەدانا جەندین جها دا دناڤ سەنتەرێ شێخان کارگەهەکا دروست کرنا تەحینێ ل گەل کارگەهەکا دروستکرنا شریناهیان هاتنە سزادان بۆ ماوێ حەفتیەکێ هاتنە داخستن و هەر ئێک ژ وان ژی ب گۆژمێ ٢٥٠ ھزارا ھاتنە سزادان.
ناڤهاتی خویاکر: ئەو جهێن هاتینە داخستن ژبەر نەپێگیری کرنا رێنمایێن ساخلەمیێ و گەلەک ژبەرهەمێن هاتینە دروستکرن ماوێ وان ب سەرڤەچووبوو دناڤ کارگەهێ دا هاتبوونە دانان.
نيشاندان