ئەڤرۆ نیوز:
نڤێسینگەها رۆژنامەڤانی یا سەرۆک وەزیرێن عیراقێ راگەهاند، ئەڤرۆ پێنجشەمبی رێورەسمێن ئاڵوگۆرکرنێ دناڤبەرا کابینا کازمی و عادل عەبدولمەهدی ل جڤاتا وەزیران برێڤەچوو، کازمی گوتیە: مە سویند خواریە ڤی وەلاتی بپارێزین.

د بەیاننامەکا نڤێسینگەها رۆژنامەڤانی یا مستەفا کازمی، سەرۆک وەزیرێن عیراقێ دا هاتیە : ل ئاڤاهیێ کۆچکا سەرۆکایەتیا حوکمەتێ رێورەسمێن ئاڵوگۆرکرنا بەرپرسیارەتیا پۆستێن وەزاری ب ئامادەبوونا سەرۆک وەزیرێن عیراقێ و سەرۆک وەزیرێن دەست ژ کار کێشایی برێڤەچوو.

ئەڤرۆ نیوز:

ئەمریكا 30 ئامیرێن پشكنینا كۆرۆنا یێ دانە ساخلەمیا ھەولێرێ و بەغدا و نەجەف و بەسرا.

كۆنسولخانا ئەمریكا ل هەولێرێ راگەهاند: ئەمریکا ٣٠ ئامیرێن پشکنینا ڤایرۆسێ کۆرۆنا یێ پێشکێشێ چار تاقیگەهێن گشتی یا ساخلەمیا عیراقێ ل ھەولێرێ و بەغدا و نەجەف و بەسرا کرن.

 
ئەڤرۆ نیوز:

ئەڤرۆ پێنجشەمبی جڤاتا وەزیرێن عیراقێ بریار دا، کو وەزارەتا دارایی هەموو جۆرە مەزاختنا پارەی، بۆ مووچەی یان هەر بابەتەکێ دی بیت، دێ راوەستینیت و دێ رادەستی حوکمەتا نوو کەت.

جڤاتا وەزیرێن عیراقێ د فەرمانەکا ویزاری دا دیار کریە: وەزارەتا دارایی ژ بلی پارێ هەڤکاریا هەژاران ژبەر کۆرۆنا یێ، دێ هەموو جۆرێن مەزاختنا پارەی راوەستینیت و دێ وی بابەتی رادەستی جڤاتا نوو یا وەزیران کەن، هەکە بۆ حالەتەکێ گەلەک پێدڤی نەبیت، چ جۆرە پارە ناهێنە مەزاختن.

هەروەسا گۆتیە: کابینا نوو دێ پێداچوونێ د هەموو بابەتان دا کەت و دێ بریارێن نوو دەربارەی خەرجکرنا پارەی چ بۆ مووچەی یان ژی هەر بابەتەکێ دی بیت دەرکەت.