ئەڤرۆ نیوز:
بەرپرسێن ساخلەمیێ ل ئەمریکا دیار کرن کو د ماوەیێ ٢٤ دەمژمێرێن بۆری ٢ دا هزار و ١٨١ کەسان ژ بەر ڤایرۆسێ کۆرۆنایێ جانێ خوە ژ دەست داینە.
ل گۆر بەرپرسێن ساخلەمیێ یێن وەلاتێ ئەمریکا هەتا نها ٧٧ هزار کەسان ب کۆرۆنایێ جانێ خوە ژ دەست داینە و مەترسیا هندێ یا هەی کو ل هندەک جهان رێژا مرنێ زێدەتر ژی لێ بهێت.
ئەو یەک د دەمەکێ دایە کو بەری نها سەرۆکێ ئەمریکا دیار کربوو رەنگە رێژا مرنا ب کۆرۆنایێ ل ئەمریکا ژ ١٠٠ هزار کەسان دەرباز بکەت.
ئەڤرۆ نیوز:
کۆمپانیا میترۆپول یا راپرسیان دیار دکەت کو د چەندین راپرسیێن بۆری بۆ وان دیار بوویە کو پێگەهێ رەجەب تەیب ئەردۆغانێ سەرۆک کۆمارێ تورکیا رۆژ ب رۆژێ پتر لاواز بیت و د هەمان دەمی دا پێگەهێ هەر دو هەڤڕکێن وی یێن سەرەکی ژی بهێزتر لێ دهێت.
ل گۆر هەمان کۆمپانیێ نها پێگەهێ ئەحمەد داوود ئوگلۆ سەرۆکێ پارتیا پاشەرۆژێ یا تورکیا و عەلی باباجان سەرۆکێ پارتیا DEVA بهێزتر بووینە و هەکە رەوشا وەسا بەردەوام بکەت ئالیێن ئۆپۆزسیۆنێ ل تورکیا دشێن د هەلبژارتنێن داهاتی دا ئەردۆغانی ژ دەستهەلاتێ دوور بکەن.
ئەڤرۆ نیوز:
نەتەوێن ئێکگرتی راگەهاند کو ژ بەر قەیرانا کۆرۆنایێ گرۆپین هشکباوەر و داعش شیاینە مفایەکا باش ژ رەوشای نها ل سووریێ وەربگرن و خوە بۆ چالاکیێن تیرۆرستی بەرهەڤ دکەن.
نەتەوێن ئێکگرتی دیار ژی دکەت کو د چەندین رۆژێن بۆری دا توندوتیژی ل سووریێ زێدەتر لێ هاتیە و ژ بەر هندێ ژی دڤێت بلەز چارەسەریەکا گونجای بۆ رەوشا سووریێ بهێتە دیتن دا چ زەمینە بۆ داعشێ و گرۆپێن دی یێن تیرۆرستی نەمینن.
نەتەوێن ئێکگرتی داخواز ژ روسیا و ئەمریکا ژی دکەت کو پێکڤە ئالۆزیێن ل سووریێ چارەسەر بکەن دا ئێدی وەلاتیێن سڤیل نەبنە قوربانیێن شەری.
ئەڤرۆ نیوز:
د. کیانووش جیهانپور پەیڤدارێ وەزارەتا ساخلەمیێ یا ئیرانێ راگەهاند کو هەتا نها ژ بەر ڤایرۆسێ کۆرۆنایێ ل ئیرانێ شەش هزار و ٥٤١ کەسان جانێ خوە ژ دەست داینە.
ناڤهاتی ل دۆر ئامارا تووشبوویێن کۆرۆنایێ ل ئیرانێ ژی راگەهاند کو هەتا نها ١٠٤ هزار و ٦٩١ کەس ل وی وەلاتی تووشی ڤایرۆسێ کۆرۆنایێ بووینە و گۆت: (هەتا نها ٨٣ هزار و ٨٣٧ کەس ل ئیرانێ هاتینە چارەسەرکرن و باش بووینە).
ئه‌ڤرۆ نیوز:
سكرتێرێ گشتی یێ نه‌ته‌وه‌یێن ئێكگرتی په‌یامه‌ك ئاراسته‌ی حكومه‌تا نوویا عیراقێ كر و پێشوازی ل پێك ئینانا حكومه‌تێ دكه‌ت.
ستیفان دوجاریك په‌یڤدارێ سكرتێرێ گشتی یێ نه‌ته‌وه‌یێن ئێكگرتی د به‌یاننامه‌یه‌كێ دا ده‌ستخوشی ل پێك ئینانا حكومه‌تا نوویا عیراقێ ب سه‌رۆكاتیا مسته‌فا كازمی كر، سكرتێرێ گشتی یێ نه‌ته‌وه‌یێن ئێكگرتی پشته‌ڤانیا خۆ بۆ حكومه‌تا نوو ده‌ربریه و داخازا بجهكرنا چاكسازیێن راسته‌قینه دكه‌ت، بۆ باشتركرنا ژین و ژیارا وه‌لاتیان و بهێزكرنا سازیێن دیموكراسیێ ل عیراقێ.
په‌یڤدارێ نه‌ته‌وه‌یین ئێكگرتی ئه‌و چه‌نده ژی دیاركر سكرتێرێ گشتی گرنگیا كاركرنێ بۆ به‌رژه‌وه‌ندیێن عیراقیان دوپاتكریه و ئه‌ڤه ژی برێكا پرۆسه‌یه‌كا دیموكراسی كۆ ئافره‌ت و گه‌نج و هه‌می پێكهاته‌یێن عیراقێ ب پێكهاته‌یێن ئه‌تنی و ئاینی بشێن پشكدار بن تێدا، بله‌ز ته‌ماكرنا پێكئینانا حكومه‌تێ بده‌ن ب ده‌ستنشیانكرنا ئافره‌تان بۆ ئه‌وان پوستێن وه‌زاری یێن تانوكه ب په‌تال ماین.
په‌یڤدارێ سكرتێرێ گشتی یێ نه‌ته‌وه‌یێن ئێكگرتی ئه‌و چه‌نده ژی دازانین سكرتێرێ گشتی یێ نه‌ته‌وه‌یێن ئێكگرتی پابه‌نبوونا نه‌ته‌وه‌یێن ئێكگرتی دوپات كر ژ پشته‌ڤانیكرنا گه‌لی عیراقێ و حكومه‌تا وێ یا بزاڤێن زۆر بۆ به‌رهنگاربوونا ڤایرۆسێ كوڤید 19 به‌رده‌وام ئه‌نجام داین.
ئه‌ڤرۆ نیوز:
ب ئه‌گه‌رێ برینا موچه‌یی چه‌ندین كارمه‌ندان، زه‌ڤیه‌كا پترۆلێ یا عیراقێ هاته داخستن.
ئه‌ڤرۆ بده‌هان كارمه‌ندێن كۆمپانیا RPSG كۆ ل زه‌ڤیێن پترۆلا مه‌جمون كاردكه‌ن، زه‌ڤیا پترۆلێ داخست.
ئه‌گه‌رێ نه‌رازیا كارمه‌ندان بۆ ئه‌وێ چه‌ندێ ڤه‌دگه‌ریت كۆ كۆمپانیێ موچه‌یین وان برینه، چونكو ل ده‌مێ بوری ب ئه‌گه‌رێ رێكارێن خۆ پاراستنێ ژ كورونایێ ده‌وام نه‌كرینه، كارمه‌ندێن وێ ژی راگه‌هاندن كۆ كۆمپانیێ موچه‌یێن وان برینه د ده‌مه‌كی دا حكومه‌تا خوجهی یا به‌سرا بریار دایه موچه‌یێ سێ هه‌یڤێن بوری یێن كارمه‌ندان 100% بهێنه مه‌زاختن.
ئه‌ڤرۆ نیوز:
زێده‌باری ناكوكیێن به‌رده‌وامێن دناڤبه‌را وان دا ل سه‌ر كورونایێ و شه‌رێ ئابووری و سیاسی، نونه‌رێن چینێ و ئه‌مریكا رێكه‌تن ل سه‌ر دروستكرنا سه‌قایه‌كێ گۆنجای و باش بۆ بجهكرنا قوناغا ئێكێ یا رێكه‌تنا ئیمزاكری یا هه‌یڤا كانوونا دوێ، كۆ هه‌ردو رازیبووینه بۆ دروستكرنا سه‌قایه‌كێ گونجای و باش بۆ بجهكرنا قوناغا ئێكی یا رێكه‌تنێ.
ئه‌ڤرۆ لیو هی به‌رپرسێ تیما دانوستاندنا چینێ د په‌یوه‌ندیه‌كا ته‌له‌فونی دا ل گه‌ل روبێرت لیزه‌ر سه‌رۆكێ تیما دانوستاندنا ئه‌مریكا و وه‌زیرێ گه‌نجینه‌یێ شرۆڤه‌یا بجهكرنا رێكه‌تنا هه‌یڤا كانوونا دویێ یا بوری كر و هه‌ردو لا رازیبوون ب دروستكرنا سه‌قایه‌كی گونجای و باش بۆ بجهكرنا قوناغا ئیكێ یا رێكه‌تنێ.
ئه‌ڤرۆ نیوز:
ل گه‌ل پێنگاڤێن ده‌ستپێكرنا چالاكیێن ئابووری بهایێ پترۆلێ ل بازارێن جیهانێ بلند بوو.
بهایێ به‌رمیلا پترۆلا ته‌كساس 1.18 دۆلارتن بلند بوو كۆ رێژه‌یا 5.01% ژ بهایێ به‌ری نوكه بلند بوویه.
لگۆری بهایێ ئه‌ڤرۆ به‌رمیلا ته‌كساس 1.18 دۆلار چوونه سه‌ر كۆ بهایێ به‌رمیلا پترۆلێ بۆ 24.62 دۆلار.
بهایێ به‌رمیلا پترۆلا برێنت 86 سه‌نتان بلند بوویه كۆ بهایێ به‌رمیلا پارۆلا وێ گه‌هشتیه 30.32 دۆلاران.
ئه‌ڤرۆ نیوز:
راپورتێن رۆژنامه‌ڤانى ل ئیتالیا ئاشكرا كرینه: کو یانا ناپۆلى رازیبوویه ستێرا خوه یا ئیسپانى فابیان رویز ل ڤه‌گوهاستنێن هاڤینا بهێت بفروشت، كو نوكه ئه‌و یاریزان بوویه ئارمانجا چه‌ند یانێن به‌رنیاس ل سه‌ر ئاستێ ئورۆپا بۆ ڤه‌گوهاستنێن بهێت.
هه‌روەسا دیاركریه: به‌رپرسێن ناپولى رازیبوونا خوە بۆ فروتنا ستێرا خوه فابیان رویز به‌رامبه‌ر كوژمێ 60 ملیون یورۆیا دیار کریە، كو بهایێ فروتنا ئه‌ڤى یاریزانى به‌رى نوكه زێده‌تر بوو ژ وى كوژمى لێ ژبه‌ر ئه‌و قه‌یرانا دارایى یا زوربه‌یا یانێن ئورۆپى نوكه تێدا د بورن ژبه‌ر ڤایروسێ كۆرۆنا ئه‌و یانە نه‌چار بوویه وى یاریزانێ خوه بفروشیت ب كوژمه‌كێ كێمتر.
هه‌ژى گوتنێ یه هه‌ردو جه‌مسه‌رێن ئیسپانى ریال مه‌درید و به‌رشه‌لۆنا هه‌ڤركیێ ل سه‌ر ده‌ستڤه ئینانا ئه‌وى یاریزانى كه‌ن هه‌ردیسان هه‌ر ئێك ژ یانێن پاریس سانجێرمان یا فره‌نسى و مانچێسته‌ر یونایتد ژى به‌رهه‌ڤیا خوه دیاركریه هه‌ڤبه‌ستێ ل گه‌ل ئه‌وى یاریزانى ئیمزا بكه‌ن.
نيشاندان