ئەڤرۆ نیوز:
دەزگەهێن راگەهاندنا عەرەبی دیار دکەن کو ئیران ژ ترسا هێرشێن ئیسرائیلێ دەمەکە دەست ب ڤەکێشانا هێزێن خوە ژ سووریێ کریە و هەتا نها گەلەک هێزێن ئیرانێ ژ سووریێ ڤەکێشاینە.
ئەو یەک د دەمەکێ دایە کو بەری نها سەرۆک وەزیرێن ئیسرائیلێ ژی دیار کربوو کو ئەو دێ ئیرانێ نەچار کەن دا هەموو هێزێن خوە ژ سووریێ ڤەکێشیت و ژ بۆ هندێ ژی دێ بەردەوام هێرشی بنگەهێن سەربازی یێن ئیرانێ ل سووریێ کەن.
ئەڤرۆ نیوز:
وەزارەتا ساخلەمیێ یا بریتانیا راگەهاند کو ٤٠٠ هزار کەرەستێن ساخلەمیێ کو تورکیا وەکو هاریکاری مەها بۆری رەوانەی بریتانیا کربوو ل گۆر ستانداردێن بریتانیا نینن و ژ بەر هندێ ژی هاتینە رەتکرن و کێر هندێ ناهێن ژ ئالیێ بریتانیا ڤە بهێنە بکارئینان.
مەها بۆری تورکیا وەکو هاریکاریا نوشداری ژ بەر ڤایرۆسێ کۆرۆنا ٤٠٠ هزار کەلوپەلێن ساخلەمیێ رەوانەی بریتانیا کربوو لێ وەزارەتا ساخلەمیێ یا بریتانیا دیار کر ئەو کەلوپەل کێر ناهێن.
ئەڤرۆ نیوز:
ئەڤرۆ د روونشتنا پەرلەمانێ کوردستانێ دا ب دەنگێ ٥٧ ئەندامێن پەرلەمانی پارێزبەندی ل سەر سۆران عومەر ئەندامێ پەرلەمانێ کوردستانێ ژ فراکسیۆنا کۆمەلا ئیسلامی هاتە راکرن.
هەر د روونشتنا پەرلەمانی دا دەنگدان ل سەر راکرنا پارێزبەندیێ ل سەر سێ ئەندامێن دی یێن پەرلەمانی “ئۆمێد خۆشناو، عەلی حەمە سالح و شیرین ئەمین” ژی هاتە کرن لێ ب دەنگێ پرانیا ئەندامان هاتە رەتکرن.
ئه‌ڤرۆ نیوز:
سه‌رۆك بارزانی ب رێكا په‌یوه‌ندیه‌كا ته‌له‌فونی پیرۆزباهی ل سه‌رۆك وه‌زیرێ نوو یێ عیراقی كر.
سه‌رۆك بارزانی د تویته‌كێ دا راگه‌هاند ب رێكا په‌یوه‌ندیه‌كا ته‌له‌فونی پیرۆزباهیا مسته‌فا كازمی كر بۆ هه‌لبژارتنا وی وه‌ك سه‌رۆك وه‌زیر.
هه‌ڤده‌م د وێ په‌یوه‌ندیا ته‌له‌فونا سه‌رۆك بارزانی دا، هیڤیا سه‌ركه‌فتنێ بۆ كازمی د ئه‌ركێن وی بۆ ده‌ستڤه‌ئینانا ئاسایش و سه‌قامگیریا وه‌لاتی، به‌ره‌ڤ پێشڤه‌برنا په‌یوه‌ندیێن ل گه‌ل هه‌رێما كوردستانێ و چاره‌كرنا ئه‌و ئاریشه‌یین مه‌زنێن دناڤبه‌را هه‌ردو لایان دا ماینه خاست.
دره‌نگیا شه‌ڤا بووری مسته‌فا كازمی و 15 وه‌زیرێن كابینا وی ژلایێ جڤاتا نوونه‌رین عیراقی ڤه باوه‌ری پێ هاته دان.
ئه‌ڤرۆ نیوز:
ل ڤه‌گوهاستنێن زڤستانا بورى یانا ئه‌تله‌تیكو مه‌درید گه‌له‌ك نێزیكى ئیمزاكرنا هه‌ڤبه‌ستا ستێرا ئورگواى و یانا پاریس سانجێرمان ئه‌دیسون كاڤانى ببو لێ ژبه‌ر چه‌ند خالان هه‌ردو لایه‌ن نه گه‌هشتنه رێككه‌فتنێ .
رۆژناما موندو دیپورتیپو یا ئیسپانى ئاشكراكریه كاڤانى ل ڤه‌گوهاستنێن بهێت دێ بیته یاریزانه‌كێ ئازاد و هه‌ڤبه‌ستا وى ل گه‌ل یانا وى پاریس دێ ب دووماهیى هێت و راهێنه‌رێ ئه‌تله‌تیكو مه‌درید دیگو سیمیونى به‌رپرسێن وێ یانێ ئاگاداركرینه ده‌ست ب دانوستاندنان بكه‌ن ل گه‌ل وى یاریزانى ژبه‌ركو ئه‌وان پێدڤى ب شیانێن یاریزانه‌كێ وه‌كو كاڤانى هه‌یه . هه‌ردیسان وێ رۆژنامێ ئاشكراكریه ژى به‌رپرسێن ئه‌تله‌تیكو مه‌درید دخوازن هه‌ڤبه‌ستێ ل گه‌ل وێ یاریزانى ئیمزا بكه‌ن بوو ماوێ دو سالان كو موچه‌یێ وى یێ سالانه به‌رامبه‌ر شه‌ش ملیون یورۆ.
ئه‌ڤرۆ نیوز:
گولچیێ یانا ریال مه‌درید كورتوا ئاشكراكر هه‌كه ئێكه‌تیا ته‌پا پێ یا ئیسپانى بریارا ب دووماهیى ئینانا خولێ دا و به‌رشه‌لۆنا ب ناسناڤێ خولێ هژمارت ئه‌و بریار نه یا دروسته و دێ زولم ل یانا ریال مه‌درید هێته‌كرن.
زێده‌تر كورتوا دیداره‌كێ دا ل گه‌ل كه‌نالێ فه‌رمى یێ به‌لیجكا دیاركر بتنێ جوداهى دناڤبه‌را ئه‌وان و به‌رشه‌لۆنا دا دو خالان و ل وه‌رزێ ئه‌ڤ ساله ئه‌وان دو یارى به‌رامبه‌ر به‌رشه‌لۆنا كرینه دخۆلا لالیگا دا ئێكێ وه‌كهه‌ڤبووینه و یا دى شیابوون سه‌ركه‌فتنێ توماربكه‌ن و تیما ئه‌وان بوو هه‌موویان دیاركر ئه‌و ژ به‌رشه‌لۆنا باشتر بوون ل وه‌رزێ ئه‌ڤ ساله .
ئه‌ڤرۆ نیوز:
په‌یڤدارێ وه‌زاره‌تا كاره‌با حكومه‌تا هه‌رێما كوردستانێ ئاشكراكر كارپێكرنا ته‌ڤایا وێسگه‌هێن به‌رهه‌مئینانا كاره‌بێ ژ گازوئیلێ هاته ڤه‌گۆهاستن بۆ غازێ كۆ مه‌زاختیێن وێ د ئه‌رزانن و خزمه‌تا بیاڤێ ژینگه‌هێ دكه‌ت.
ئومێد ئه‌حمه‌د په‌یڤدارێ وه‌زاره‌تا كاره‌با حكومه‌تا هه‌رێما كوردستانێ راگه‌هاند لگۆری پلانه‌كا وه‌زاره‌تێ، سوته‌مه‌نیا كارپێكری ژ ته‌ڤایا وێسگه‌هێن به‌رهه‌مئینانا كاره‌بێ ژ گازوائیلێ گوهورینه بۆ غازێ كۆ ڤه‌گۆهاستن یاىب ساناهی یه ل شوونا ته‌نكه‌ر بوریان دهێته‌ڤه‌گۆهاستن، هه‌ڤده‌م زیانین كێمتر ژی بۆ ژینگه‌هێ هه‌نه و مه‌زاختیێن وێ ئه‌رزانترن.
په‌یڤداری وه‌زاره‌تا كاره‌با هه‌رێما كوردستانێ ئه‌و چه‌نده ژی راگه‌هاند ژبلی ئه‌ڤێ چه‌ندێ ئێك ژ پرۆژێن گرنگێن دی ئێخستینه پلانێ دا، كۆ پرۆژه‌یێ دروستكرنا وێسگه‌هه‌كێ 140 مێگاواتی ل توخیبێ ئیداره‌یا گه‌رمیان كۆ ب غازا ژ نه‌فتێ ده‌ردكه‌ڤیت كار دكه‌ت، بڤی شیوه‌یی بڤێ وێسگه‌هێ دهیته گۆتن دوستا ژینگه‌هێ پشتی كارێن پێدڤی و دابینكرنا بودجێ دێ كه‌ڤیته بیاڤێ بجهكرنێ دا، هه‌ڤده‌م چه‌ند وێسگه‌هێن دی یێن به‌رهه‌م ئینانا كاره‌بی ب ئاڤێ و ماده‌یێن دی كار بكه‌ن كۆ دبێژنێ هایدروپله‌س ئێخستینه پلانا كارێن وه‌زاره‌تا كاره‌بێ.
ئومێد ئه‌حمه‌د گۆت ژی نوكه هه‌رێما كوردستانێ سێ هزار مێگاواتێن كاره‌بێ به‌رهه‌م دئینیت و بوێ چه‌ندێ دشێت 21 بۆ 22 ده‌مژمێرێن كاره‌بێ د شه‌ڤ و رۆژان بده‌ته وه‌لاتیان، به‌لێ ئه‌و رێژه‌یه ل گه‌ل هاتنا وه‌رزێ گه‌رمێ ب ئه‌گه‌رێ بلند بوونا خواست و زێده بكار ئینان كێم دبیت.
ئه‌ڤرۆ نیوز:
دونالد تره‌م سه‌رۆكێ ئه‌مریكا مافێ ڤیتویێ ل دژی ئه‌وێ بریارا كۆنگرێسی بكار ئینا كۆ ده‌سه‌لاتا سه‌رۆكی ئه‌مریكا ژ ئه‌نجامدانا شه‌ری ل دژی ئیرانێ توخیبدار كری كر.
د داخویانیه‌كێ دا دونالد تره‌مپ سه‌رۆكێ ئه‌مریكا راگه‌هاند ئه‌و بریارا كۆنگرێسی ب ئه‌گه‌ری لێك تێنه‌گه‌هشتن ژ راستیان و یاسا ده‌رخستن بۆ من جهێ شه‌رمزاریێ بوو له‌ورا من بریار ڤیتو كر.
هه‌یڤا ئادارێ ژ ژماره‌یه‌كا به‌رچاڤ ژ ئه‌ندامێن كۆنگرێسی ژ هه‌ردو پارتێن دیموكرات و كۆماری رێكه‌تن ل سه‌ر توخیبداركرنا ده‌سه‌لاتێن شه‌ری یین دونالد تره‌مپی، چونكو ترسا ئه‌وێ چه‌ندێ هه‌بوو سه‌رۆكێ ئه‌مریكا بێ ڤه‌گه‌ران بۆ كۆنگریسی شه‌ری ل گه‌ل ئیرانی رابگه‌هینیت.
ئه‌ڤرۆ نیوز:
وه‌زیرێ ده‌رڤه‌یێ ئه‌مریكا و سه‌رۆك وه‌زیرێ نوو یێ عیراقێ په‌یوه‌ندیه‌كا ته‌له‌فونی ئه‌نجام دان، مایك پومپیو پشتی پێشوازیكرن ژ هه‌لبژارتنا كازمی، داخاز لێكر پرۆژه‌یێن چاكسازیێ ب بته بیاڤێ بجهكرنێ، شه‌رێ گه‌نده‌لیێ و كورونایێ بكه‌ت.
مورگان ئورتاگوس په‌یڤدارا وه‌زاره‌تا ده‌رڤه‌یا ئه‌مریكا د راگه‌هاندنه‌كێ دا به‌لاڤكریه، مایك پومپیو د په‌یوه‌ندیه‌كا ته‌له‌فونی دا ل گه‌ل مسته‌فا كازمی ته‌ئكید كر كۆ كارێن گرنگ و زۆر ل هه‌مبه‌ر حكومه‌تا نوویا عیراقی دانه.
وه‌زیرێ ده‌رڤه‌یێ ئه‌مریكا ئه‌و چه‌نده ژی دیاركر كۆ پاكیژا 120 رۆژێن لێخوش بوون ژ عیراقی بۆ بده‌ستڤه ئینانا كاره‌بێ و غازێ ژ ئیرانێ وه‌كو پشته‌ڤانیه‌ك ل حكومه‌تا كازمی په‌سندكر.
په‌یڤدارا وه‌زاره‌تا ده‌رڤه‌یا ئه‌مریكا ئه‌و چه‌نده ژی دیاركر د وێ په‌یوه‌ندیێ دا پومپیو و كازمی ته‌ئكید ل سه‌ر دیالوكا ستراتیژی و هه‌ڤبه‌ش دناڤبه‌را ئه‌مریكا و عیراقێ كر، ئه‌و بابه‌ت ژی ئێخستنه به‌ر به‌حس و ڤه‌كۆلینان كۆ چه‌وا ب شێن پێكڤه كار بكه‌ن بۆ ئه‌وێ چه‌ندێ ئاسایش و خوشگوزه‌رانیێ بۆ خه‌لكێ عیراقێ دابین بكه‌ن.
جڤاتا نوونه‌رێن عیراقی كابینا مسته‌فا كازمی په‌سندكر وه‌ك سه‌رۆك وه‌زیرێ نوو یێ عیراقی باوه‌ری پێ هاته‌دان، د تویته‌كی دا ب زمانێ كوردی پشتی هاتیه هه‌لبژارتن راگه‌هاند بێ راوه‌ستان دێ كار كه‌م بۆ بده‌ستڤه ئینانا باوه‌ریا گه‌لێ خۆ.
ئه‌ڤرۆ نیوز:
سه‌رۆكێ هه‌رێما كوردستانێ پیرۆزباهی ل مسته‌فا كازمی وه‌ك سه‌رۆك وه‌زیرێ نوو یی عیراقی دكه‌ت ب هه‌لكه‌فتا بده‌ستڤه ئینانا باوه‌ریا جڤاتا نوونه‌رین عیراقێ.
نێچیرڤان بارزانی سه‌رۆكێ هه‌رێما كوردستانێ د تویته‌كی دا ئه‌ڤرۆ هاتیه به‌لاڤكرن تێدا گۆتیه پیرۆزباهیێ ل مسته‌فا كازمی دكه‌م بۆ په‌سندكرنا كابینا وی و هیڤیا سه‌ركه‌فتنێ بۆ دخوازم، كۆ هیڤی خازم حكومه‌ت ب شێت ئارامیێ و سه‌قامگیریێ و خزمه‌تگۆزاری و پێشكه‌فتنێ بۆ وه‌لاتی و ماف و داخازیێن گه‌لێ عیراقێ و مافێن دستوری یێن هه‌رێمی بۆ ڤه‌گه‌رینیت.
نيشاندان