په‌رله‌مانێ كوردستانێ دێ دانوستاندنێ ل سه‌ر پرسا خاندنێ كه‌ت

04/05/2020 14:06

ئه‌ڤرۆ نیوز:

سه‌رۆكاتیا په‌رله‌مانێ كوردستانێ داخوازێ ژ په‌رله‌مانتاران دكه‌ت بۆ كۆمبوونا رۆژا چارشه‌مبی د ئه‌ڤێ هه‌فتیی دا كۆ دێ ل سه‌ر دو ته‌وه‌ران دانوستاندنێ كه‌ن به‌رهه‌ڤ ببن.

سه‌رۆكا په‌رله‌مانێ كوردستانێ د نفیساره‌كێ دا راگه‌هاند: داخازێ ژ هه‌موو ئه‌ندامێن په‌رله‌مانێ كوردستانێ دكه‌ین بۆ به‌رهه‌ڤبوونێ ل رینشتنا ژماره‌ 3 یا ئاسایی یا خۆلا بهاری سالا دوێ ل خۆلا هه‌لبژارتنێن پێنجێ یێن په‌رله‌مانێ كوردستانێ ل ده‌مژمێر 12:00 نیڤرۆ رۆژا چارشه‌مبی 6/5/202 .

لگۆری راگه‌هاندنا سه‌رۆكاتیا په‌رله‌مانێ كوردستانێ، كارنامه‌یا كۆمبوونێ دو ته‌وه‌ران بخوڤه‌ دگریت، و ته‌وه‌رێ ئێكێ خاندنا ئێكێ بۆ پێشنیار و بریارا( پێشكێشكرنا پێشنیازه‌ یاسایی و پێشنیازه‌ بریار ژلایێ ئه‌ندامێن په‌رله‌مانی ڤه‌ ژ بلی حوكمێ ماده‌یێ 82 یا په‌یره‌وێ ناڤخۆ، لگۆری حوكمێ ماده‌یین 79 و 80 و82 ژ په‌یره‌وێ ناڤخویێ په‌رله‌مانێ دهێته‌كرن.

لگۆری راگه‌هاندنا سه‌رۆكاتیا په‌رله‌مانێ كوردستانێ ئاماژه‌ ب وێ چه‌ندێ ژی هاتیه‌ دان، كۆ دێ ته‌وه‌رێ دانوستاندن ل سه‌ر پلانا وه‌زاره‌تا خاندنا بلند و وه‌زاره‌تا په‌روه‌رده‌یێ بیت كۆ چه‌وا سه‌ره‌ده‌ریێ ل گه‌ل ئه‌ڤێ ره‌وشا نوكه‌یا كوروناێێ و پرسا خاندنا سالا 2019-2020 .

ل ئاكرێ‌ رێژا چاندنا شتلا و دروستكرنا ره‌ز و باغا زێده‌ بوویه‌

04/05/2020 14:04

ئه‌ڤرۆ نیوز، ره‌مه‌زان هه‌رنی:

ده‌ڤه‌را ئاكرێ‌ یا باشه‌ بۆ كه‌رتێ‌ چاندنا شتلێن فێقی و كه‌سكاتی و ساڵانه‌ ئه‌ڤ رێژه‌ زێده‌تر دبیت و ره‌ز و باغێن فێقی ل چاڤ سالێن بوری ب رێژه‌كا باش زێده‌بوویه‌ .

شێرزاد محه‌مه‌د جوتیاره‌كێ‌ ده‌ڤه‌را ئاكرێ‌ یه‌ بۆ ئه‌ڤرۆ نیوزراگه‌هاند به‌ری چه‌ند سالا كه‌س وه‌ك پێدڤی گرنگی ب كه‌رتێ‌ چاندنێ ‌نه‌دا ل ده‌ڤه‌رێ‌ به‌لێ‌ دوساله‌ خه‌لكی ب گشتی ده‌ست ب چاندن و دروستكرنا باغێن فێقی كرینه‌ ئه‌ڤساله‌ نزیكی 500 شتلێن فێقی به‌رهه‌ڤكرینه‌ بۆ چاندنێ‌ ژ به‌ر كو ده‌ڤه‌را مه‌ بارانێن باش هاتینه‌ و ئه‌ڤساله‌ كه‌رتێ‌ چاندنا فێقی دێ‌ گه‌له‌ك یێ‌ باش بیت، هەکە ئه‌ڤ رێژا به‌رهه‌مێ‌ فێقی یێ‌ ئه‌ڤساله‌ هاتیه‌ چاندن تووشی چو نه‌خوشیا نه‌بیت دێ‌ كه‌رتێ‌ به‌رهه‌مێن ناڤخویی ل كوردستانێ‌ ب رێژه‌كا باش كه‌ڤیته‌ بازارا.

ئه‌حمه‌د جه‌میل رێڤه‌به‌رێ‌ چاندنا ئاكرێ‌ بۆ ئه‌ڤرۆ نیوز راگه‌هاند جوتیار و وه‌لاتیان ده‌ست ب كه‌رتێ‌ چاندنا باغداریێ‌ كرینه‌ڤه‌ نوكه‌ ل ده‌ڤه‌رێ‌ ده‌ه ره‌زێن حلیكا و ده‌ه ره‌زێن هنارا و دوازده‌ ره‌زێن هژیرا هاتینه‌ دانان ب ریژه‌كا باش شتل دهێنه‌ چاندن و ئه‌م ل گور به‌رنامه‌یێ‌ چاندنێ‌ هاریكاریێ‌ لسه‌ر جوتیارا دابه‌ش دكه‌ین.

رێڤه‌به‌رێ ساخله‌میا سلیمانیێ:ب رێكه‌كێ مه‌ترسیا پێلا دوێ یا كورونایێ دروست دبیت

04/05/2020 13:40

338

ئه‌ڤرۆ نیوز:

د.سه‌باح هه‌ورامی رێڤه‌به‌رێ گشتی یێ ساخله‌میا سلیمانیێ راگه‌هاند جیهان به‌حسی ئه‌گه‌رێ دروستبوونا پێلا دوێ یا كورونایێ دهێته‌كرن، هه‌كه خالێن توخیبی و فرۆكه‌خانه‌ گرتی بن دێ دوور بین ژ ئه‌وێ پێلا دوێ.

رێڤه‌به‌رێ گشتی یێ ساخله‌میا سلیمانیێ ئه‌و چه‌نده‌ ژی راگه‌هاند:

ڤه‌كرنا خالین توخیبی و فرۆكه‌خانه‌ ئه‌گه‌رێ دروستكرنا مه‌ترسیێ نه‌ چونكو كورونا نه‌هاتیه‌ كۆنترۆلكرن ل چ وه‌لاتان رۆژانه‌ هزاران توشبوویێن نوو دهێنه‌ راگه‌هاندن.

ده‌سته‌یا وه‌به‌رهێنانێ پرۆژه‌یێن ئیسال راگه‌هاندن

04/05/2020 13:24

ئه‌ڤرۆ نیوز:

ده‌سته‌یا وه‌به‌رهێنانا حكومه‌تا هه‌رێما كوردستانێ زیده‌تری 1000 پرۆژه‌یێن وه‌به‌رهێنانێ بۆ سالا 2020 راگه‌هاند.

د كۆنگره‌یه‌كێ رۆژنامه‌ڤانی دا، محه‌مه‌د شوكری سه‌رۆكێ ده‌سته‌یا وه‌به‌رهێنانا هه‌رێما كوردستانێ، پلانا حكومه‌تا هه‌رێما كوردستانێ بۆ وه‌به‌رهێنانێ ل سالا 2020 ئێخستنه‌ ری و كۆ زیده‌تری هزار پرۆژه‌یانه‌.

سه‌رۆكێ ده‌سته‌یا وه‌به‌رهێنانا هه‌رێما كوردستانێ ئه‌و چه‌نده‌ ژی راگه‌هاند: پرۆژه‌یێن وه‌به‌رهێنانا هه‌رێما كوردستانێ كه‌رتێ پێشه‌سازی و چاندن و ژێده‌رین ئاڤێ و گه‌شتوگۆزار و دارای و به‌نك و كاره‌ب و ڤه‌گۆهاستن و گه‌هاندن و په‌روه‌رده و خاندنا بلند و ساخله‌می و كارۆبارێن جڤاكی و ئاكنجیبوون و رێك و بان و بازرگانی و ره‌وشه‌نبیری و ژێرخانا ئابووری بخوڤه‌ دگریت.

ناڤبری ئه‌و چه‌نده‌ ژی دیاركر ئه‌ڤ پلانا به‌رده‌ست یا وه‌به‌رهێنانێ كۆ وه‌به‌رهێنانا ناڤخۆ و ده‌ره‌كی بخوڤه‌دگریت، تاكۆ ئه‌و ژی لگۆری بسپوریێ پشكدار بن ل وه‌به‌رهێنانێ ل هه‌رێما كوردستانێ بۆ ئیسال.

ئامێدیێ: گورگه‌كی 32 سه‌رێن ته‌رش و كه‌والى كوشتن

04/05/2020 13:09

392

ئه‌ڤرۆ نیوز، نه‌وزاد هلۆرى:

شه‌ڤا بورى گورگه‌ك كه‌فته‌ ناڤا په‌زێ وه‌لاتیه‌كێ گوندێ بانیێ یا سه‌ر ب ده‌ڤه‌را به‌رێ گارێ ل سنوورێ قه‌زا ئامێدیێ و 32 سه‌رێن په‌زى كوشتن و برینداركرن.

سامى ره‌زیكى، خودانێ په‌زى بو ئه‌ڤرۆ نیوز گۆت: شه‌ڤا بورى ژ ئه‌گه‌رێ هاتنا گورگه‌كێ بۆ ناڤا په‌زێ من ل گوندى، 32 په‌ز مرن و برینداربوون، زیانێن زۆر گه‌هشتن من. زێده‌تر گۆت “ئه‌وى گورگى 27 سه‌رێن په‌زى كوشتینه‌ و پێنج ژی ب دژوارى برینداركرینه‌ و مه‌ ڤه‌كوشتن داكو مرار نه‌بن، هنده‌كێن په‌زێ دى گورگى تنێ شینوارێن ساده‌ ل سه‌ر له‌شێ وان دروستكرینه‌ و یێ ره‌ڤى، به‌لێ مه‌ ئه‌و دیتن و سلامه‌تن، ب ره‌نگه‌كێ گشتى 32 سه‌رێن ته‌ش و كه‌والێ من مرینه‌. ناڤبرى خواست جهێن شوله‌ژێ هاریكاریا وى بكه‌ن داكو بشێت دووباره‌ بچیته‌ سه‌ر ژیان و كارێ خوه‌ و گۆت ژى: ژین و ژیارا من ل سه‌ر خودانكرنا ته‌رش و كه‌والى یه‌ و ئه‌ڤه‌ چه‌ند ساله‌ ئه‌ز ڤى كارى دكه‌م.

هونەرمەند سەعید گاباری وەغەر کر

04/05/2020 11:59

176

ئەڤرۆ نیوز:

پشتی هەڤرکیەکا دژوار ل گەل نەخۆشیێ، هونەرمەندێ کورد سەعید گاباری ل نەخۆشخانەکا باژێرێ هەولێرێ وەغەر کر.

ل سپێدەهیا ئەڤرۆ دوشەمبی هونەرمەند سەعید گاباری ل نەخۆشخانا سەردەم یا باژێرێ هەولێرێ ژبەر نەخۆشیا گران و زێدە تێکچوونا رەوشا وی یا ساخلەمیێ وەغەر کر.

هونەرمەند سەعید گاباری ل سالا ١٩٥٦ ل باژێرێ حەسەکێ ل رۆژئاڤایێ کوردستانێ ژ دایکبوویە، د ژیێ هەشت سالیێ دا حەزا سترانبێژیێ لدەف پەیدابوویە و د ژیێ ١٠ سالیێ دا دەست ب ستران گوتنێ کریە، ئێکەم سترانا خۆ د تەمەنێ ١٣ سالیێ دا بەلاڤکریە.

ل سالا 1980 هاتیە باشوورێ کوردستانێ و ب هونەرێ خوە مل ب ملێ پێشمەرگەی خەباتکریە، پرانیا تێکستێن سترانێن وی یێن هۆزانڤانێن ناڤدارێن کورد جگەرخوینی و تیرێژی بووینە.
هونەرمەندێ ناڤبری، خێزانداربوویە و بابێ هەشت زارۆکان بوو، نێزیکی ٥٠ سالان ستران گوتینە، ئەڤرۆ د ژیێ ٦٤ سالیێ دا وەغەر کر.

وه‌زیرێ پلاندانانا عیراقێ: ب ئه‌گه‌رێ كورونایێ رێژا بێكاریێ زۆر بوویه‌

04/05/2020 11:28

ئه‌ڤرۆ نیوز:

وه‌زیرێ پلاندانانا عیراقێ راگه‌هاند: رێژه‌یا هه‌ژاریێ ل پارێزگه‌هێن باشوورێ وه‌لاتی دگه‌هته‌ 52% .

نوری دلێمی وه‌زیرێ پلان دانانا عیراقێ راگه‌هاند وه‌زاره‌تێ پلانه‌كا به‌رفره‌هـ ژبوی ده‌ركه‌تن ژ وێ قه‌یرانا ئابووری دانایه‌، رێژه‌یا هه‌ژاریێ ب شێوه‌یه‌كی ل عیراقێ گه‌هشتیه‌ 20%، به‌لێ ل پاریزگه‌هێن باشووری ئه‌و رێژه‌یه‌ زۆر بلند بوویه‌ و نمونه‌یا هه‌ژاریێ ل پاریزگه‌ها موسه‌نایێ گه‌هشتیه‌ 52%.

وه‌زیرێ پلان دانانا عیراقی ئه‌و چه‌نده‌ ژی دازانین ب ئه‌گه‌رێ قه‌یرانا دارایی و به‌لاڤبوونا ڤایرۆسێ كورونایێ كۆ بڤێ چه‌ندێ خه‌لكه‌كێ زۆر بێكار بووینه‌، هه‌ژاریی رۆژ بۆ رۆژێ ل عیراقێ بلند دبیت.

داعشێ هێرشكریه‌ سه‌ر چه‌ند بنگه‌هێن سه‌ربازی ل دیاله‌

04/05/2020 11:00

ئه‌ڤرۆ نیوز:

شانه‌یا راگه‌هاندنا ئه‌منی یا عیراقێ هیرده‌كاریێن هێرشا چه‌كدارێن داعشێ بۆ سه‌ر دیاله‌ و دور ئاشكرا دكه‌ت.

د به‌یاننامه‌یه‌كێ دا شانه‌یا راگه‌هاندنا ئه‌منیا عیراقێ راگه‌هاندیه‌ كۆ داعشی هێرشی سه‌ر بنگه‌هه‌كێ فه‌وجا مه‌غاویر ل گۆندی عه‌ین له‌یلان ل نێزیك ده‌لی عه‌باس ل پاریزگه‌ها دیاله كریه‌‌، هه‌روه‌سا گۆندێ گه‌لعیا حاویا مه‌زن كریه‌ ئارمانج ب هاونان.

هه‌ر وه‌سا شانه‌یا راگه‌هاندنا ئه‌منی ئه‌و چه‌نده‌ ژی به‌لاڤكریه‌، ل پاریزگه‌ها سه‌لاحه‌دین چه‌كدارێن داعشێ هێرش كره‌ سه‌ر لیوا 21 یا میلیشیا جه‌شدا شه‌عبی، سێ چه‌كدارین حشدێ شه‌عبی بریندار بوون دوێ هێرشێ دا.

وەکو تاخەکێ باژێری دێ مامەلە ل گەل شوقەیان هێتە کرن

03/05/2020 23:50

2851

ئه‌ڤرۆ نیۆز:

لدووڤ نڤیساره‌كا جڤاتا‌ بلند یا وه‌به‌رهێنانێ‌ ل كوردستانێ،‌ كو ب ئیمزا سه‌رۆكێ‌ حوكمه‌تا هه‌رێما كوردستانێ‌ مه‌سرور بارزانی بوویه‌ بریار و ده‌رچوویه‌، ئاماژه‌ پێ‌ هاتیه‌كرن كو ئێدی وه‌رگرتنا پارێ‌ (خه‌ده‌ماتان) ل پرۆژێن شوقان نه‌ما و حوكمه‌ت راسته‌وخۆ دێ‌ سه‌رپه‌رشتیا ره‌وشا پاقژیێ‌ و هه‌ر پێدڤیه‌كێ‌ كه‌ت دناڤا ئه‌وان پرۆژان دا.

لدووڤ نڤیسارا هژماره‌ (563) ل رێكه‌فتی 26/11/2019 ژ ده‌سته‌یا بلند یا وەبه‌رهێنانێ‌ ل كوردستانێ‌ ده‌ركه‌فتی و ب ئیمزا (مه‌سرور بارزانی) سه‌رۆكێ‌ حوكمه‌تا كوردستانێ‌ ده‌رچوویه‌ بوویه‌ بریار، تێدا هاتیه‌ كو نابیت ئه‌و پاره‌ ژ وه‌لاتیان بهێته‌ وه‌رگرتن، به‌لكو پێدڤی یه‌ وه‌زاره‌تا باژێرڤانی و گه‌شت و گوزارێ‌ وه‌ك هه‌ر تاخه‌كێ‌ باژێری سه‌رپه‌رشتیێ‌ ل سه‌ر پرۆژێن شوقان بكه‌ن وه‌ك سه‌خبێریكرنا تورێن ئاڤێ‌ و سه‌خبێریكرنا باغچان و هه‌ر پێدڤیه‌كێ ژ رێكه‌فتی 1/6/2020 كار ل سه‌ر بهێته‌ بجهئینان وه‌ك تاخه‌كێ‌ باژێری مامه‌له‌ ل گه‌ل شوقان بهێته‌ كرن.